2 Kolìŋ 2:3 - Ŋwàʼlè ə̀ Fèzhə̀ Mkâyn Mə̂ Fèm

³ Ə̀ nyiə nyi eghɛ zɛ ə m tè nyaʼ ŋwàʼlè zɛ sê ghàyn, m tè kɔ̀ŋɔ va se pə̀yn se ghàyn nə ghàyn nəyn mi m mə saŋnə̂ va, mə ə̀ pɨl nyi ghàyn ghɛ ə ghàyn kyi se nə̀yn nə mə saŋnə̂. Kûmə̀ nə m lote ke ndò nə shîŋə̀ kɛ m saŋnə, nâʼà ghàyn əkɨ̂m e saŋnə̂ kəpî.

2 Kolìŋ 2:3 ပူးပေါင်းရင်းမြစ်များ

1 Kɔlìŋ 4:21

Ghàyn kɔ̂ŋə̀ nə ə m nyi se pə̀yn sê ghàyn, ə m pəyn èghɛ? Ghàyn kɔ̂ŋə̀ nə m pəyn è wàyn mə, mə m pəyn è kɔ̂ŋè, mə è zuʼsə pɔ̂ynèsè ə?

2 Kolìŋ 1:15

M tè nyîə fɛtê ke ə̀ghɛ ghɨ̀yn ə̀kɨ̂m, ə ke nə̀yn epɨaʼte se mòtə ghàyn, endom kə ghàyn kyi pɔsêzè shîŋə̀ tepɛ̀.

2 Kolìŋ 1:23

M tɔŋɔ̂ Fèzhə̀ kə tsɛ̀ èsaʼ vɨ̂mvè, Fe ke ndô təm ghɨmə. Ə̀ tè nyi endom se zhɔyn atu kaynke kə m tè chɔʼne se tàʼa ndù ə Kolìŋ.

2 Kolìŋ 12:11

M nə̂ kə ango pîza mə ə̀ nəyn ghàyn nə mə nə̂ zamə. Ə̀ tè nyi ghàyn se pomsə mi kûmə̀ nə m tətə̂ kwûŋsə̀ va endom vɛ ghɨ ghɨ̀yn ə lesə ngɨŋsə ghənə̂sè nə ə nyi əghɨtom ə ghaʼlə̂ pì, pî kə m va nâʼà àfɨa.

2 Kolìŋ 12:21

M fànə̀ nə m tə kɛsə̂ pə̂, ə Zhə̀ fɨmfe ghomse mi ə ghàyn əshi, ə m chi kûmə̀ ə̀ghɨ tsɨə ghɛ ə nyi mə ə nə̀yn ghɛ əpi ə tsɨə ə nyələghe sə mɨ, ə tàʼa kwiynê endam ə ghənə̂zè famə əghɛ ə nyələghe, pîza pɨlə kɔ̂ŋə̀ sə nə̂ ndûə kə ghəynghe èshike.

2 Kolìŋ 13:10

M nyâʼà ŋwàʼlè zɨ̀yn nə è pəyn sê ghàyn sə shi tsɔ̀fə kə m pəyn, kə m tə piə pə̂ ndò mə ghàyn ə kwiynê kə m tàʼa zɔ̀ ghàyn sə ŋaŋ è tyaʼ kɛ ə Pɛ̂pɛ fo se mi; atyaʼ kɛ ə ke nyi se nə̀yn nə pomə̂ zaynze ə ndəmə̂, ə̀ vachi se pofsê epomə̂ zaynze.

2 Kolìŋ 2:9

M tè nyaʼ ŋwàʼlè se ghàyn se kotê endom vɛ ə ghàyn nyi mə ghàyn ə nò nâʼà sə ŋaŋ əfètəyn èmɔ̀m, è kɨsè se kê nə ghàyn pa nyi ke ndò èpɨaʼtêzè sə̂ zɨə ə̀ghɛ ghɛ m pîə mə.

2 Kolìŋ 7:12

Mə tə nyàʼ ke nâʼà ŋwàʼlè sê ghàyn, pîza ə̀ va chi kûmə̀ wùə nə vɛ ə è nə̀yn pofse ghɛ nə zɛ, kɨ̀sə kûmə̀ wùə vɛ ə nə̂yn pofse ghɛ ətəyn sê vəyn. M tè nyàʼ se paynsê se ghàyn ə Zhə̀fè əshi kə kɔ̂ŋ zayn ndɨŋ nyi se ghàs.

2 Kolìŋ 7:16

M saŋnə̂ nâʼà sə ŋaŋ kûmə̀ nə m ke ndô nə m kaʼa ə mə zaʼnə̂ ə ghàyn ewìyn, ndom tekɨ̂m.

2 Kolìŋ 7:6

Pîza Zhə̀ fɛ ə fe fo təmə ə nə̀, pə̂ Taytùs zè ə fo ghàs è təmə.

2 Kolìŋ 7:8

Ŋwàʼlè zɛ ə m tè nyàʼ sê ghàyn kàʼa è zə nyi mə è zə fo ngəʼ sê ghàyn, pîza m komə̂ va èwiynve nə mə tə nyàʼ zə̂ynzè. M tè saŋnə va kûmə̀ nə ŋwàʼlè ə̀təyn ə tə nə̀yn ghàyn e saŋnə̂ va sə fendîŋə̀ fə ashìŋə̀fè.

2 Kolìŋ 8:22

Ghàs tomə pə̂ ànyì vâsvè yighə̀ ghənə. Ghàs ə fe sə teshîŋə̀ tetsɨəte nə è nyîə kɔ̂ŋɔ̀ se tsàmtè nə fɨaʼa Fezhə̀zè ə ndûə əshi. Zôyn kə è ke nə ghàyn nyi əghɨ nə̂ èghɛ zɛ ə ghàyn tsɨ̀ynè, kɔ̂ŋ ə vəyn sə̂ tsâmtə̀ èfɨaʼ nə zɨnə̀ ndùə kə eshike.

Ngàleshyà 5:10

M ke ndô səmɔʼ tɔynə̂ ə Pɛ̂pɛ nə, ghâsènì tsɨ̂ynte nyi sə eghɛ èmɔ̀ʼ, nə ghàyn chùmtə̀ va zaʼlê ə mɔ̀ʼɔ zhîze. Zhə̀fè nə̀ fo ètsôs sê wùə vɛ ə è fɨmsə̂ ghàyn, kɨ̀sə ə̀ nyì pîndè.

2 Tèsàlonikà 3:4

Ghàs fànə̀ va kûmə̀ nə ghàs ke ndô nə Pɛ̂pɛ nyîə nə̂ nə ghàyn ə nə̂ ə̀ghɛ ghɛ ə ghàs tsà sê ghàyn, mə è nə̀ nə̂ nə ghàyn ə pa zɨə kə ndò ghàs.

Filemùyn 1:21

M nyîə ke ke nâʼà nə, kə m nyâʼ ŋwàʼlè zɨ̀nə̀ sê ghò nyi, ò nə̀ nə̂ kə kə pîə, ə ò nəyn tsɛ.