2 Kolìŋ 2:17 - Ŋwàʼlè ə̀ Fèzhə̀ Mkâyn Mə̂ Fèm

¹⁷ Ghàs va kə tsɨ̀tsɨ̂ ə̀ ghəmɔ̀ʼɔ ghɛ ə ghe nji ghɛ Fezhə̀ sə afɨa ezhɔynke, pəʼlə̂ sə ekɛ. Ə̀ tom Fèzhə̀ ghàs nə ə nə̂ èfɨ̂aʼ nə zɨ̂nə̀, ghàse ndàʼà kə nâʼà səmɔʼ ə Zhə̀fè əshi kə əghɨ efɨaʼa ə Klâysghè.

2 Kolìŋ 2:17 ပူးပေါင်းရင်းမြစ်များ

Matyò 24:24

Kûmə̀ nə ghɨə etsɨə tə fɨə pə̂ ə tsâ nə ə nyi vɛ ə chɔʼ ndə̂m è fɨ̀aʼtè sə akaŋse ə sə tyə̂nə̀ sèchwìə sekwə̂mnəse, mɔ̂mə̀ əghɛ kayntə kè se mɔ̀msè se fe nə ghənə nyiə kaʼa ə kyiŋse nâʼàpi ə̀ghɨ ghɛ Zhə̀fè se nyi mə fe ə chɔʼ se sɔzà.

Ətefɨ̂aʼ 20:20

Ghàyn ke ndô nə m tè paʼà ndə̀m za nâʼà ghɛ zhîze emɔ̀ʼ ə ze tè nyì se tsàmtè ə ghàyn kə m tè ndàʼa, fɨnə zaʼlə̂ tom ə̀ Fèzhə̀ sê ghàyn ə ndayn, pî ə ghàyn ə sendɛ.

Ətefɨ̂aʼ 20:27

kûmə̀ nə m tè pâʼà ndə̀tè nâʼà èghɛ zhize sê ghàyn kûmə̀ èghɛ zɛ ə Zhə̀fè kyiŋə se nə̀yn.

1 Kɔlìŋ 5:8

Nyiəmə, ə ghâsènì zhi zhia ə fetuʼ fe zaʼatsɛ nə fɨnə mə. Ghâsènì piə zhiə ndò, kə ghâsènì nə zhi è payn ə kwaŋ kɛ ə ke kyi fèsə̀ʼ fe mɨfe mə nyi pi, è kɨsè təm ə pighe, pîza ə ghâsènì pɨl zhi è payn kɛ ə ke kyi va fɨ̀sə̀ʼ mə ə̀ za nyi ə təmə zoghe è ghɛ zɛ e nyi səmɔʼ.

2 Kolìŋ 1:12

Ghàs nyîə nyi èghaŋse ewìynze kə təm ghasə nə̂ kə ghàs ə ke nə ndam zasze fa mbi, è paynpayn ndom vɛ ə ghâsènì ndamə ətəyn nyi mə ə̀ tè chisê səmɔʼ è təm ə chûŋghè, è kɨsè tyaʼ kɛ ə ke ndô pə̂ afùʼ ə Fezhə̀kè, ə̀ vachi ètɔf eghaʼâ ə mbize.

2 Kolìŋ 1:18

Kè kə Zhə̀fè nyi mə Fe wâmnə̀ tsɛ kə səmɔʼ, wâmnè zɨme sê ghàyn tè vachi zə “Eyn” è “Ngaŋze.”

2 Kolìŋ 11:11

Ghàyn kwàʼtə̀ nə m wàmnə̀ nyî kûmə̀ nə m kɔ̂ŋɔ̀ va ghàyn mə? M kɔ̂ŋɔ̀ ndò ghàyn, Zhə̀fè e ke.

2 Kolìŋ 12:19

Ghàyn kwàʼtə̀ nə ghàs nyàʼà ə̀ghɛ ghɨ̀yn se tyə̀yn nə ghàs pâʼà nə̀yn pi mə? Ngâŋngaŋ! Ghàs wàmnə̀ kə ghɨ Klâysə̀ ə Zhə̀fè əshi. Ghɔnyì ghɨmghe kɔ̀ŋghè, nâʼàpî eghɛ èkè zɛ ə ghàs nə̀, ghàs nə̀ se fo ghàyn è tyaʼke.

2 Kolìŋ 4:2

Ghàs ə zàmaʼà ghɛ ə ndətə è ghɛ ə ghoməghe; ghàs nə̀ va ghɛ mə ghàs lesə̂ ə̀ghɨ, pî sə̂ kwiynə̂ tom ə̀ Fezhə̀. Ghàs pɨlə ndàʼà səmɔʼ ə ndayn, momsə̀ se ndamə ə Zhə̀fè əshi endom kə nâʼàpî ndè vɛ ə è fe ghàs, ə təm ə vəynghe ə saŋnə̂.

2 Kolìŋ 6:7

Zhə̀fè ə fo tyaʼa sê ghàs, ghàs e ndàʼà kə èghɛ zɛ ə ze nyi səmɔʼ sê ghɨghe. Fɨa eghɔ̀ŋ vɛ ə ghàs nô è vəyn fɨnə kɨ̂ŋtə̀ sèngɨŋ sasse ətəyn nyi tendom tə chichite.

Ngàleshyà 1:6

M nyi è kaynze nə ghànə kàynè fɨl tsɨ̀m sê wùə vɛ ə è tè tɔŋɔ ghàyn tɔynə̂ ə Klâys afùʼ, sè pomə̂ se tom ə̀ ndò.

1 Tèsàlonikà 2:4

Ghàs pɨlə wàmnə̀ kə kə Zhə̀fè kyiŋə kûmə̀ nə è və kyàʼsè naynê ghàs ə fe nə ghàs nyi ə ghɨ ə è kàʼa è samse nə ghàs ndaʼa tom èchùŋ, nyiəmə ghàs e ndàʼà va endom vɛ əghɨ kyiŋə, pîza se nə̀yn nə Zhə̀ fɛ fe kyaʼsə̀ naynə təm ghasghe ə saŋnə̂.

Taytùs 1:11

Ò kyi se nə̀yn nə kə ghənə ə tsɨnə̀ wàmnə̀ nyi kûmə̀ nə ghənə ndùə njiə əghɨghe mpɨəyn, ghənə pofsə̂ kə m̀kɨ̂m è zaʼlê epi nə zɨ̂nə̀. Ghənə nə̂ nyî kè se kyî ekɛ mə nyi afɨa kɛ ə ke pə̂ èghomə̂zè.

Ipilù 11:27

Ə̀ tè nəyn ekyî epomə̂zè nə Mosîs tə ndo endaʼ ə Enjìpzè, fànə̀ va nə fɔ̀yn nə̀ nyɔ̂ʼsə̀ ètɔŋ. Fɔ̀yn ə tə nyɔ̂ʼsè tɔŋve sê vəyn pîza è və tàʼa fayn ndùə kə ndò, kûmə̀ nə è tè nyîə fe Fèzhə̀ mə wùə vayn kaʼa è fe.

1 Pità 4:11

Ə wùə ndàʼà ghɛ ə Fezhə̀zè, è ve ndàʼà kə nâʼà èghɛ zɛ ə ze ndò pə̂yn sê Zhə̀fè. Ə wùə nyi wufɨ̀aʼa, è ve fɨ̂aʼà è tyaʼ kɛ ə Zhə̀fè fo sê vəyn. Ghàyn e nə̂ kə nyi kə ghɨghe ə tsîtə̀ Fèzhə̀ tɔynə̂ ə Njisə̀s Klâys vɛ ə è kyi pomsêzè è tyaʼke sə teshìŋə̀ tèkɨ̂m. Ə zə nyi ke zamə.

1 Njɔyn 4:1

Ghɔ nyì ghɨm ghe kɔ̂ŋə̀, kə ghàyn ə pomə se nâʼàpî ndè vɛ ə è pìə nə zhi nyîə kyi sè Zuʼ, pîza ghàyn mom ghənə se fe nə zuʼ sɛ ə ghənə kyi ndo pə̂yn tê se Zhə̀fè ə. Kûmə̀ nə fɨ̀aʼtè sə akaŋse tsɨəse nyi ndô ə mbi.

Njût 1:4

Kûmə̀ nə ghɨ yîghe mə ghe ke va Zhə̀fè ə nyaʼtê nji ə ghâsènì ə fètəyn, ə̀ nyi ə̀ghɨ mə ghə fəʼtê tomə̀ àfùʼ ə Fezhə̀kè pîə nə fùʼ ətəynke nyîə pomə̂ nə ghɨghe ə ndamə tèndam tenyələte, Ŋwàʼlè ə̀ Fèzhə̀ se nyi mə è zə tə wàmnè nâʼà sə mɨ kûmə̀ ə̀ kyì ə ghɨ nə ghɨ̂nə̀ ə tsà nə Zhə̀fè tə saʼa pofsə̂ ghənə kûmə̀ nə ghənə ə tə pɛ̀ apɨəyn emɔ̀ʼ vɛ ə ghâsènì kyi ə̀ nyi Pɛ̂pɛ Njisə̀s Klâys.

Etyə̂yn ə paynsêzè 12:9

Ə màʼà fɨsə̂ nyàm èghaʼâ zɛ ə tè tɔŋtə nə ndlangɔ̀yn ə chi. Ə̀ tè nyi mbam ètuʼ əshi zɛ ə tè tɔŋtə nə ndə̂plè, fɨnə tɔŋtə̂ kəpî Satàyn. Ə̀ tè nyi zə̂yn zɛ ə è tè lɛsə ghɨ mbiə əkɨ̂m. Ə màʼa tsosə̂ zə̂ynzè ə chi yî tsì sə zə̂ynsè kè sekɨ̂m.

Etyə̂yn ə paynsêzè 19:20

Ə kyîə nyàm e kwə̀mnə zɛ̂, ə fɨnə kyîə kəpi fɨ̀aʼtè àkaŋ zɛ ə è tè tyə̀nə chwìə se və shi. Ə̀ nyi sechwìə nə sɨ̂nə̀ mə ə è tè njì se lesê əghɨ ghɛ ə tè kyi chwìə ə̀ nyàm èpamə zɛ è kɨsè ghɛ ə ghe tè ngɨmnə fɨaʼsè ə nyâm èpamə ətəynke. Ə màʼa nyàm èpamə ə̀təyn è fɨ̀aʼtè àkaŋ əfètəyn èlùʼ wusve fuə ətəyn è fɨa kyîke mə ke lɛ̂ pâŋə̀ ndò e tɔŋtə̂ nə sɔlfɔ̀.

Etyə̂yn ə paynsêzè 2:20

Pîza ə̀ zɨnə nyi eghɛ zɛ ə m ghamə̀ ghò sətəyn. O zà Njesepèl wùzhɔyn vɨ̂yn ə è tsà nə zhi nyi fɨ̀aʼtè nyi, tɔynə̂ ə vəyn ezaʼlê, è lesə̂ ə̀ghɨ ghɨmghe fɨaʼa nə ghənə ə nə̂ ə̀ghɛ ə nyələghe kɛsə̂ zhiə èfɨazhiə vɛ ə nyi mə ə fo sə efo sê fɨ̂aʼsèvè.