2 Kolìŋ 2:13 - Ŋwàʼlè ə̀ Fèzhə̀ Mkâyn Mə̂ Fèm

¹³ pîza mə tàʼa kyîə pɔ̂ynè zɨ̂mè kûmə̀ nə m tè paʼà fe ànyìə ghâsènì Taytùs fumə. Mə ke pì nə ghənə faŋ ke àchûŋ ə tsɛ̂ nduə ə Màsèndonyà.

2 Kolìŋ 2:13 ပူးပေါင်းရင်းမြစ်များ

Ŋwàʼlè ə̀ Mâk 6:46

Kə è wàmnè za, yî ghənə ə tɔŋtə̂, è və ndò ə kɔʼɔ etûə pfɨ̀yn se tsə̀m.

Ətefɨ̂aʼ 21:6

Ə pə̀ kə ghàs pì sê nâʼàpî ndè nə è faŋ ke achûŋ, ghàs ə njiə ə ngwùʼ èghaʼâ kwəynə se ndò, ghənə ə kɛsə̂ kwɨlə̂.

Ŋwàʼlè ə̀ Pɔ̂l sê ghɨə Lûmghè 15:26

Kûmə̀ nə ghɨ poməghe apàs endaʼ ə Màsèndonyà è kə Àkayàkè ə tə saynê sə ghənə ə ngɨŋ se fo emâʼte se tsàmtè ə ghɨ afɨfə ə ghɨə Fezhə̀ghè ə fètəyn ghɛ ghe nyi ə Njèlusalɛ̀m.

2 Kolìŋ 12:18

Mə tè chyatê Taytùs nə è pəyn fe ghàyn, ə tomə kəpi ànyì və mɔ̀ʼɔ yî vəyn. E za nyi nə Taytùs tè lese ndô ghàyn ə fiə àfɨa mə? Ghâsè vəyn tè nə̂ kə va ghɛghe eghɨ, kyi ke ekwâʼtè èmɔ̀ʼ ə?

2 Kolìŋ 7:13

Ghɛ nə ghɨnə ə nə̀yn ghàs e kyi èfɨəmtê. Ghàs tè nyîə saŋnə̂ nâʼà sə ŋaŋ se fe kə Taytùs saŋnə̂ kûmə̀ èndom vɛ ə ghàyn tè tɔ̀ʼnə è vəyn.

2 Kolìŋ 7:14

M tè nyîə pfɨnə̀ àngàŋtè kûmə̀ ghàyn sê vəyn, ghànə tàʼa ghomsə̂ mi. Ghàs ndamə wàmnə̀ kə səmɔʼ sê ghàyn. Naʼapi ghè vɛ ə ghàs tè pfɨyn ngàŋtèkè sê Taytùs kûmə̀ ghàyn tè fɨyn fɨ ke səmɔʼ.

2 Kolìŋ 8:16

Zɔ̀ŋnèkè ndùə sê Zhə̀fè kə fe nə̀yn Taytùs nə è və kyi èkɔ̂ŋ ətəyn se tsàmtè ə ghàyn kèpi endom vɛ ə ghàs kyi.

2 Kolìŋ 8:23

Sê Taytùs, ə̀ nyi wùə vɛ ə ghasè vəyn fɨaʼà əmɔʼ se tsàmtè ə ghàyn. Sê ghɔnyì əmɔ̀ʼɔ ghɛ ə ndûə yighə̀ vəyn, ghənə nyi ə ghɨ ghɛ ə chɔʼte ə sendɛ sə Fezhə̀sè. Ghənə nyîə pə̂ èpomsêzè sê Klâys.

2 Kolìŋ 8:6

Ə̀ za nyi eghɛ zɛ ə ghàs tè chyate Taytùs vɛ ə è tè zhə̀te fɨ̂aʼ kɨ̀nə̀ nə è ndu èshike èfɨaʼ ətəynke, nə è tsamte ghàyn ə è mɨse fɨ̂aʼ afùʼ nə zɨnə mə ə è tè zhə̀te.

Ngàleshyà 2:1

Ə̀ tè nyi epàm ə sèpìŋ njòse kyàʼ, mə fɨnə kɔʼɔ ə Njèlusalɛ̀m ghâsè Pànapàs. Mə tə njì kepî Taytùs.

Ngàleshyà 2:3

Taytùs tè nyi kepî ghasè vəyn pîza ə tàʼa kàyn nə ə kyi se se ənam ə vəynghe pî kə̂ è tè nyi wùə Nglêk.

2 Timotì 4:10

Kûmə̀ nə Ndemàs nyîə kɔ̂ŋə̀ èfɨa ə mbi ə̀ zôynvè, ə tə za mi, ə ndùə ə Tèsàlonikà. Kɨ̀lisèns ə ndù ə Ngàleshyà, Taytùs ve ndù ə Ndàlàmatyà.

Taytùs 1:4

M nyâʼà sê ghò ə Taytùs. Ò nyi ke nâʼà kə kàyntə̀ vayn vɨ̂mvè kûmə̀ nə ghasè ghò kyi ke èkyî epomə̂zè emɔ̀ʼ. Ə Zhə̀fè Pɨ̀a, è Klâys Njisə̀s sɔ̀zà ə̀ ghâsènì fo ghô fùʼkè è pɔ̂ynè.