2 Kolìŋ 2:12 - Ŋwàʼlè ə̀ Fèzhə̀ Mkâyn Mə̂ Fèm

¹² Ə̀ tè nyi kə m pə̂yn tâyn ə Tɨ̀luwàs se ndàʼa tom èchùŋ ə̀ Klâys, ə fe nə Pɛ̂pɛ nyi mə è və pɨaʼtê nə m ndaʼa,

2 Kolìŋ 2:12 ပူးပေါင်းရင်းမြစ်များ

Ətefɨ̂aʼ 14:27

Ə̀ tè nyi kə ghənə pə̂yn fɨ ə Antyòk, ə zùŋtə̀ ànɔ̂yn ə əghɨ̀ ə ndɛ ə̀ Fezhə̀kè ə tsà kɔʼɔ ə̀ghɛ əkɨ̂m ghɛ ə Zhə̀fè nə̀yn tɔynə̂ ə ghənə, ə fɨnə tsâ kəpî kə Zhə̀fè fo ndom nə ghɨ ghɛ ə̀ vachi ə̀ghɨ ə Njûsghè pɔŋ pomə̂ Njisə̀s.

Ətefɨ̂aʼ 16:11

Ghàs ə ndò ə Tɨ̀luwàs ə njiə ə ngwùʼ èghaʼâ kwəynə ə nànə̀ tyâŋà ndûə kə ə Sàmotàs. Tuʼve ə zo, ghàs ə ndùə endaʼ ə Niyapolìszè.

Ətefɨ̂aʼ 16:8

Ghənə ə pɨlə tso ndùə tɔynə ə Maisyà ə ndùə tânə̀ ə endaʼ ə Tɨ̀luwàs.

Ətefɨ̂aʼ 20:8

Ə̀ tè nyi ə̀ lûm ə̀ ndɛ zɛ ə ghàs tè zùŋte ətəyn ekwùtwəyn, lâmsè e pɛ̂ ətəyn tsɨ̂ə kə nyi.

Ŋwàʼlè ə̀ Pɔ̂l sê ghɨə Lûmghè 1:1

Ə̀ nyaʼ mi Pɔ̂l ŋwàʼlè zɨ̀yn, ə wùə èfɨaʼa ə̀ Njisə̀s Klâys. Zhə̀fè ə chɔʼ mi nə mə nyi wùətom ə̀ Vəyn. È və tom mi ə fo mi èfɨaʼzè nə m ndaʼa tom èchùŋ.

1 Kɔlìŋ 16:9

Zhəm achûŋkè nyiə nyi se mi fâyn kə m nəyn fɨ̂aʼkè, nâʼàpî kə ghɨ nô mi, tsɨ̂ə kə nyî.

1 Kɔlìŋ 9:12

Ə̂ nyi eluʼ əghɨ̀ əmɔ̀ʼɔghe se pfɨf efɨa nə vɨnə se ghàyn, ə va zàyn luʼ vasve se pfɨf se ghàyn se tsɨə tsɛ pì ə? Pîza ghàs paʼà faŋ se pìə faŋsə̂ kə nə ə̀ vɨnə nyi eluʼ vasve kə ghàyn ə nə̂ zamə sê ghàs, ghàs pɨlə kolə kə ə̀təm kə ghàs ə va àtàmtè se tom èchùŋ ə̀ Klâys.

1 Kɔlìŋ 9:14

Kèpi èghɨ, Pɛ̂pɛ ə tsɛ̀sè sə esaʼ nə ghɨ ghɛ ə ghe ndaʼà tom èchùŋ kyîə èfɨazhiə ə ghənəvè fumə ə tom èchùŋ nə zɛ mə ə ghənə ndâʼà.

1 Kɔlìŋ 9:16

M kiva sə̂ ghaŋsə ewìyn kûmə̀ kə̂ kə m ndaʼà tom èchùŋ. Nâʼà sə kàyn, ə̀ se nyi efɨaʼ mə ə ndə̀m nə m kyi sə̂ nə̂, mə m tàʼa ndaʼà ə tom èchùŋ ə̀təyn, ə tsôs ekaynə və nyi ə mì ətu!

2 Kolìŋ 10:14

Ghàs pâʼà pfɨ̀yn ngàŋtèkè kûmə̀ àfɨaʼ mə ghàs paʼà nə̀yn kəynke, ze fə kàʼa ə zə nyi zamə ezhoghɛ ə ghàs fə nyi mə ə paʼà pə̀yn se ghàyn, pîza ə nyi ghàs ghɛ ə ghàs tè tsafte pəyn se ghàyn è tom èchùŋ kûmə̀ Klâys.

2 Kolìŋ 11:4

M pîə zɨnə̀ kûmə̀ nə mə fe nə tyə̀ynsè sə akaŋse nə̀ pə̂ zaʼlə̂ ghàyn kûmə̀ Njisə̀s ə̀ ndò, ə̀ va chi vɛ ə ghàs tè zaʼle ghàyn kûmə̀ vəyn, ə ghàyn za ke ndò. Wùə nə̀ pə̂, ə ghàyn fi ke ndò zuʼse sê vəyn, ə̀ va chi Sèzuʼ se Ŋwaʼa sɛ ə ghàs tè fo sê ghàyn, ə fɨyn pomə̂ ke ndò tom zɛ ə è ndâʼà, ə̀ vachi tom è chùŋ zɛ ə ghàs tè ndàʼa sê ghàyn.

2 Kolìŋ 11:7

E za nyi nə se tsosə ngɨŋ zɨ̂mzè əchi, endom se njìə kɔʼsə ghàyn, kə m ndaʼà tom èchùŋ ə̀ Fèzhə̀ se ghàyn mə m pfɨfə va fɨake se ghàyn nyi pi mə?

2 Kolìŋ 4:3

Ə tom zɛ ə ghàs ndàʼà nyi mə ə ndə̀tè, ə nyi mə ə ndəte ke sê ghɨ ghɛ ə ghənə njisə̀ ndûə.

2 Kolìŋ 4:4

Ghənə pomə va pɔ̀m nə kwaʼtè tə ghənə̂tè nyi mə Zhə̀fè epi fə mbi fɨnə fe ə ndə̀m ə alɨm. Fe nyi mə fə ndə̀tè nə kə ghənə ə fe èpayn zɛ ə ze nyi ə ghənə ewìyn, mə nyi epayn zɛ ə ze ndô pə̂ ə Tom Èchùŋ zɛ ə è tsà kûmə̀ èpomsê ə Klâyszè, mə È lote nyi kə Fezhə̀.

2 Kolìŋ 8:18

Ghàs ə tom kepî ànyì ə̀ mɔ̀ʼɔ yî vəyn, ə nyi wùə ghɨ ghe kɔ̂ŋɔ̀ vəyn ə sendɛ sə Fezhə̀sè sekɨ̂m kûmə̀ nə è nyîə ke se fɛtə̂ ndàʼa tom èchùŋ.

2 Kolìŋ 9:13

Fɨ̂aʼ nə zɨ̂nə̀ ə ghàyn nə̂ nyî tyə̂nə̀ ə̀təm əchûŋ ghɛ ə ghàyn kyi sê ghɨ, fɨnə nə̂ nə ghɨə tsɨəghe ə fo epomsê se Zhə̀fè kûmə̀ nə ghàyn ə ndə̀m təm ghaynghe ə tom èchùŋ ə̀ Klâys zɛ ə ghàyn ndàʼà, è kɨsè nə ghàyn nyîə chyâtə̀ èfɨa, fo ghənə, fɨnə fo ə̀ghɨ əmɔ̀ʼɔghe.

Kòlosè 4:3

Ghàyn e pɔŋɔ tsə̂mə̀ sê ghàs nə, Zhə̀fè nəyn ə ghàs kyi zhəm echûŋkè se ndàʼà ə tom kûmə̀ ə̀ghɛ ə ndətə ə Klâysghè. Kûmə̀ nə m nyi ə ndɛ ə̀ chaʼ kûmə̀ tom èchùŋ nə zɨ̂nə̀.

1 Tèsàlonikà 3:2

Ghàs ə tomə ànyì vâsvè Timotì vɛ ə ghasè ghə̀ ghənə fɨaʼà sê Zhə̀fè, ndàʼà tom è chùŋ kûmə̀ Klâys. Ghàs tomə nə è pəyn tsâmtè ə è nəyn nə ghàyn pomə è tyaʼa se Klâys, è kɨsè se fo ghàyn è təm ə tɛghe nə ghàyn ə kyi ndu ke ndò kyî epomə̂zè èshike,