2 Kolìŋ 2:11 - Ŋwàʼlè ə̀ Fèzhə̀ Mkâyn Mə̂ Fèm

¹¹ Ghâsènì nə̀ nyiə mə kə ə tàʼa chwì endom se pɛ̀ sèndɔŋ kûmə̀ nə ghâsènì se kâynè ke ndò m̀nàŋ mə vəm̀.

2 Kolìŋ 2:11 ပူးပေါင်းရင်းမြစ်များ

Matyò 4:10

Njisə̀s ə pə̀ynsə̀ nə, “Kɛse ə mi epàm ə Satàyn. Ŋwàʼlè ə̀ Fèzhə̀ pi nə, ‹Ngɨmne Pɛ̂pɛ Zhə̀ fɛfe ə fɨaʼà kə sê Fəynfe.›”

Tom èchùŋ kè kə Lûk tè nyaʼ 22:31

Njisə̀s ə fɨnə tɔŋtə Shimùyn ə piə nə, “Shimùyn, Shimùyn, o kɛ nə Satàyn ə ndɔyn ndom se shə̀ʼ ə ghô kə ə nə̂ shə̀ʼə̀ m̀pfɨ̂ŋ,

Njɔyn 13:2

Ə nə̀ kwɨlə̂ sè zhiə ashìŋə̀ ezhwikwɨləke, ə̀ nyi zâ mə ndə̂plè ə fo kwâʼtè epize sê Njondàs Èskalɔ̀t, ə va Shimùyn, nə è pəʼle Njisə̀s.

Ətefɨ̂aʼ 1:25

nə è nji luʼə wùətom vɛve Njondàs kə è tè za ə ndùə elùʼ vɛ ə è kyi sə̂ nyi ətəyn.”

1 Kɔlìŋ 7:5

Kə wùzhɔyn tə se fo ngɨŋə̂ vəyn se ndom ə̀ vəyn, kə wùə ndômə̀ tə kepî se fo ngɨŋə̂ vəyn se zhwîə vəyn, ə̀ tsɛ kə va mə ə̀ pomə ghənə se nə̀yn zamə sə fe ndiŋə kə ghənə ə nyi kàʼa tsəm. Pîza ə shîŋə̀ təynke mî, ghàyn e kɛsə̂ ndamə kə lâŋ ə malə̂kè kyiŋə, ə̀ va za, ə mɔ̂m ə Satàynzè nəyn, ə ghàyn pfɨ kûmə̀ nə ghàyn keva se kyî ə sengɨŋ saynse.

2 Kolìŋ 11:14

Nâʼàpî sə kàyn, ə̀ vachi èghɛ ekaynəze kûmə̀ nə nâʼàpî satàyn kaŋa tyə̂nə̀ ngɨŋə̂ vəyn kə tsì ènyaynə.

2 Kolìŋ 11:3

M pìə nyî fànə̀ nə ghɨ kàʼa pəyn lesê ghàyn, kèpî kə mbam tè lɛse Îf, ə ghàyn ə fɨnə ndə̂mə̀ va təm ghaynghe, pîəva səmɔʼ zâynzè endom vɛ ə ghàyn nə̀ ghɛghe ghâynghə̀ Klâys.

2 Kolìŋ 4:4

Ghənə pomə va pɔ̀m nə kwaʼtè tə ghənə̂tè nyi mə Zhə̀fè epi fə mbi fɨnə fe ə ndə̀m ə alɨm. Fe nyi mə fə ndə̀tè nə kə ghənə ə fe èpayn zɛ ə ze nyi ə ghənə ewìyn, mə nyi epayn zɛ ə ze ndô pə̂ ə Tom Èchùŋ zɛ ə è tsà kûmə̀ èpomsê ə Klâyszè, mə È lote nyi kə Fezhə̀.

2 Timotì 2:25

chisə ə̀ghɨ ghɛ ə ghe kəmnə ghɛ zɛ ə è pìə è pɔ̂ynè, ke nə Zhə̀fè nə̀ nə̂ ə ghənə kwiyne ə pəyn se kê səmɔʼ.

1 Pità 5:8

Ghàyn e tsɨs pfɨ̂tə̀, nyi etsɨ̂ŋnèzè, kûmə̀ nə pàyn zâynzè, mə za nyi ndə̂plè nyiə tàyntə̀ ka kə kə pìkəm, pɨa, kyiŋə wùə se zɨ̀.

Etyə̂yn ə paynsêzè 13:8

Nâʼà ə̀ghɨ ə̀ kɨ̂m ə chi tə ngɨmnə̂ zə̂ynzè, ə̀ tsɛ̂ kə va ghɨ ghɛ ə tè nyi mə ə nyàʼ zɨə ghənə̂zè tsɔ̀fə kə pom mbi əfètə̂ ŋwàʼlè ə̀ghɨ ndaməghe mə ə̀ ghənə kyi Vâ Ndzè vɛ ə tè zhwi.

Etyə̂yn ə paynsêzè 2:24

Pîza, ghàyn ghɛ ə ghàyn faŋ ə Tyàtilà ə kwiynsê nə ghàyn chùmtə̀ va zaʼlê ə vəyn ze pi nə zɛ, ə tàʼa zaʼlə əghɛ ə satàyn ghɛ ə tɔŋtə nə əghɛ ə ndətə elɔŋəghe. M tsâ se ghàyn nə m nə̀ fɨnə fo va pɨ̀aʼà ə mɔ̀ʼɔke sê ghàyn.