2 Kolìŋ 2:1 - Ŋwàʼlè ə̀ Fèzhə̀ Mkâyn Mə̂ Fèm

¹ Ə̀ nyiə nyi eghɛ zɛ ə m nji chɔʼnêzè se tàʼa kɛsə pə̀yn se ghàyn se nə̀yn nə ghànə fɨnə saŋnə va.

2 Kolìŋ 2:1 ပူးပေါင်းရင်းမြစ်များ

Ətefɨ̂aʼ 11:29

Chùmtè èpàm shîse ə se tè nyi fu ə ke ndə̀m nə nâʼà pîndè nyîə kyi se tiynsə̂ etsâmtè sê ghɨpomə ghɛ ə ghe tè nyi apàs endaʼ ə Njòndyâkè kè kə nâʼà pîndè tè kaʼa ə è kyi tayn.

Ətefɨ̂aʼ 15:2

Pɔ̂l yî Pànapàs ə zhə̀tə̀ èsaʼnê ze kwûəmə̀ kə nyi yî ghɨ nə ghɛ kûmə̀ èzaʼlê nə zɨ̂yn. Ə ke saynê nə Pɔ̂l yî Pànapàs è ghɨ ə pomə əmɔ̀ʼɔghe ə Antyòk kɔʼ ndu ə Njèlusalɛ̀m ə fe ghɨətomə Njisə̀sghè è ghɨə chisəghe ə ndɛ ə̀ Fèzhə̀ kûmə̀ èghɛ nə zɨ̂nə̀.

Ətefɨ̂aʼ 15:37

Pànapàs e kyiŋə se njiə ndù è Njɔ̀yn Mâk yî ghə̀ ghənə,

1 Kɔlìŋ 2:2

Kûmə̀ nə m tè nyi mə mə ndə̀m nə m nə keva ghɛ zhîze kə m tè nyi ə ghàyn əfètəyn, ə̀ tsɛ̂ kə va sə̂ wâmnə̀ kûmə̀ Njisə̀s Klâys, nâʼà èkwu ə vəynze awâmnè.

1 Kɔlìŋ 4:21

Ghàyn kɔ̂ŋə̀ nə ə m nyi se pə̀yn sê ghàyn, ə m pəyn èghɛ? Ghàyn kɔ̂ŋə̀ nə m pəyn è wàyn mə, mə m pəyn è kɔ̂ŋè, mə è zuʼsə pɔ̂ynèsè ə?

1 Kɔlìŋ 5:3

Nâʼàpî kə̂ m va ə ghàyn ə fètəyn è ngɨŋ zɨ̂mè, ghâsènì nyi ke əmɔʼ ə sezuʼ. Kə wùə vɛ ə è nyi ə ghàyn ə fètəyn famə endom, mə kàynè ka saʼ ə̀ wùə vɛ ə è nə̀ kyì eghɛ nə zɨnə Pɛ̂pɛ ə̀ ghâsènì ezə Njisə̀s Klâys.

2 Kolìŋ 1:23

M tɔŋɔ̂ Fèzhə̀ kə tsɛ̀ èsaʼ vɨ̂mvè, Fe ke ndô təm ghɨmə. Ə̀ tè nyi endom se zhɔyn atu kaynke kə m tè chɔʼne se tàʼa ndù ə Kolìŋ.

2 Kolìŋ 13:10

M nyâʼà ŋwàʼlè zɨ̀yn nə è pəyn sê ghàyn sə shi tsɔ̀fə kə m pəyn, kə m tə piə pə̂ ndò mə ghàyn ə kwiynê kə m tàʼa zɔ̀ ghàyn sə ŋaŋ è tyaʼ kɛ ə Pɛ̂pɛ fo se mi; atyaʼ kɛ ə ke nyi se nə̀yn nə pomə̂ zaynze ə ndəmə̂, ə̀ vachi se pofsê epomə̂ zaynze.

2 Kolìŋ 2:4

M tè nyàʼa ŋwàʼlè sê ghàyn mə tsôsvè nyîə lotê nyi ə mìə təm, è kɨsè shi me tsɨ̀əm̀ ə mì əshi. M tè nyàʼa chîəva se nə̀yn nə ghànə saŋnə̂ va, pîza se pɨlə nə̀yn nə ghàyn fe kê èndom vɛ m kɔ̂ŋɔ̀ ghàyn ətəyn ə̀kɨ̂m.

Taytùs 3:12

M nyiə nə̂ èpɨaʼtê se tomə pə Atemàs, ə̀ puzâ, m tom pəyn Tìkikùs. Kè kə wùə se ghənə nə̀ pə̂yn zaʼâ, ghàyn ə mɔ̀msə̀ nâʼà sə atyaʼ se pə fe mi ə Nìkopolis, kûmə̀ nə mə chɔʼnê se ndu faŋ fu ashìŋə̀ kɛ ə fofke nyi tsɛ̂sè.