2 Kolìŋ 13:9 - Ŋwàʼlè ə̀ Fèzhə̀ Mkâyn Mə̂ Fèm

⁹ Ghàs nyîə saŋnə̂ ezhoghɛ ə ghàs pɔylə, ghàyn e tɛ, Ghàs tsə̂mə̀ kəpî nə ghàyn ə kyi va ləʼke ə ghàyn epomə̂.

2 Kolìŋ 13:9 ပူးပေါင်းရင်းမြစ်များ

Ŋwàʼlè ə̀ Pɔ̂l sê ghɨə Lûmghè 15:2

Ghâsènì kyi sə̂ nə̂ ə̀ghɛ endom vɛ ə ve nə̀ nə̂ nə ghɔnyì ə ghasènìghe nə pomə̂ ə ghənə̂zè ə tɛ.

1 Kɔlìŋ 1:10

M chyatə̂ ghàyn ə ghɔnyì ghɨmə e zə Pɛ̂pɛ ə ghâsènì Njisə̀s Klâys nə ghàyn ə tyəm ke echo emɔ̀ʼ əghɛ ghɛ ə ghàyn pîə kə châsè zə va ə ghàyn ə fètəyn. Ghàyn kyi sə̂ pɨl nyi ke kə wùə èmɔ̀ʼ, è kɨsè endom vɛ ə ghàyn fe ghɛghe ətəyn.

1 Kɔlìŋ 2:3

Shîŋə̀ kɛ ə m tè pəyn ə ghàyn əfètəyn, wiyn vɨmve pɔylə̂, m tsɨŋtə̂ fâynə̀ nâʼà sə ŋaŋ.

1 Kɔlìŋ 4:10

Ghàs nyi ekɔyn kûmə̀ Klâys, pîza ghàyn e nyi əghɨ tɔfə əghɛ Klâysə̀! Ghàs nyîə zɔlə̂ pîza ghàyn e tɛ! Ghɨ kɔʼsə̂ ghàyn pîza njîə va ghàs sə eghɛ!

2 Kolìŋ 11:30

Ə m nyi sə̂ pfɨ̂nə̀ àngàŋtè, ə mə pfɨnə̀ kûmə̀ ə̀ghɛ ghɛ ə ghe tyə̀nə̀ nə m nyîə pɔ.

2 Kolìŋ 13:11

Se kwùŋsè ə ghɔnyì ghɨmə, m pìə nə, ghàyn faŋ ke àchûŋ. Ghàyn mɔmse se ndam mə ləʼke va ə ghàyn endam. Ghàyn fɛte ndəm èghɛ zɛ m pî. Ghàyn e ndamə kə sə eghɛ èmɔ̀ʼ, ndamə è pɔ̂ynè. Ə Zhə̀ fɛ ə fe fo kɔ̂ŋzè è pɔ̂ynè ə nyi ghâyn ghə̀ ghənə.

2 Kolìŋ 13:4

E nyi səmɔʼ nə è tè kyi va tyaʼa ashìŋə̀ kɛ ə tè payntə̂ vəyn awâmnè pîza, sè ndamə tɔynə̂ àtyaʼ ə Fezhə̀kè. Pîza tɔynə̂ ə Zhə̀fè atyaʼ, ghàs tə chyâtə̀ ə vəyn endam ə ghàs akaʼ amɔ̀ʼ è vəyn tɔynə̂ ə ghàs efɨ̀aʼ sê ghàyn.

2 Kolìŋ 4:12

E za tyə̀nə̀ nə ghàs nò ekwu tuʼmè m̀kɨ̂m endom kə ghàyn kyi ndamze.

2 Kolìŋ 7:1

Zôyn kə Zhə̀fè tsɨ̂nè ghɛ nə ghɨ̂yn sê ghâsènì ə soyn sɨm sechûŋsè, e tsɔ̂fə̀ nə ghâsènì mɔmse se kɛse epàm əghɛ ghɛ ə ghe pə̂ è lɨŋze ə senjyà se ewìynse, fɨnə pə̀ è lɨŋze ə sezuʼ. Ghâsènì nyì sə̂ lotê nyi èŋwaʼze mə za nyi endom sə̂ ngɨmnə̂ Fèzhə̀.

Kòlosè 1:28

Ə̀ za nyi eghɛ zɛ ə ghàs ndàʼà tom ə̀ Klâys sê nâʼàpî ndè. Ghàs fo etəftê, zaʼlə̂ ghənə è tɔf eghaʼâzè ekɨ̂m zɛ ə Zhə̀fè nyi mə fə fo se ghàs. Ghàs nə̀ nyiəmə kûmə̀ nə ghàs kyiŋə nə ghənə ə nyi chichi ə Zhə̀fè əshi kə ghɨ ghɛ ə fɨəyn ə ghənə̂zè nyi mə zə kàynè tɛ ə fètə̂ èpomə̂.

Kòlosè 4:12

Ghàyn fi tɔŋtêzè mə ze ndo sê Èpafalàs mə ə̀ nyì kepî wùə mɔʼɔ̂ ə ghàyn anɔ̀yn, ə̀ nyi wùə èfɨ̀aʼa sê Klâys. È nyiə zâŋsə̀ tsə̂mə̀ se ghàyn shîŋə̀ tekɨ̂m, tsə̂m ə vəynze sê Zhə̀fè e nyi nə ghàyn ə tyəm ə ghàyn epomə̂ kə ghɨ ghɛ ə nyi mə ə ndəmə̂, e ke nə ghənə lote nyi ə̀ ghɨ epoməghe, kè endom se ngɨmnê se Zhə̀fè ə Fəynfe ekɔ̀ŋ.

1 Tèsàlonikà 3:10

Èchwì è tuʼve, ghàs tsə̀mə̀ è təm ghasghe əkɨ̂m nə fe nəyn ə ghasè vəyn fe ke nâʼà ghàyn se zaʼlə ghàyn è fɨa kɛ ə ghàyn pa laʼà se nə̀yn nə kyî epomə̂ zayn fɛte tɛ.

2 Timotì 3:17

Ghɛ nə ghɨnə nyi se nə̀yn nə wùə èfɨ̀aʼa ə̀ Fèzhə̀ ə kwəynə mɨ̂sə̀ sə̂ nə̂ nâʼà tèkyì tə tefɨ̀aʼ techûŋ tekɨ̂m.

Ipilù 12:23

Ghàyn ə pə̀yn elùʼ azhi əghɨ ghɛ ə ghe nyi kə ghɔ Fezhə̀ ghə shighe, ə ghɨ ghɛ ə nyi mə nyàʼ zə ghənə̂ghè ekwùtwəyn. Ghàyn ə pə̀yn ə Zhə̀fè ə shi Fɛ ə fe saʼa ghɨghə əkɨ̂m è kɨsè nə ghàyn ə pə̀yn se ghɨə chûŋ ghɛ ə tè kwu pîza Zhə̀fè ə nə̀ nə ghənə ə nyi chichi.

Ipilù 13:21

m tsə̂mə̀ nə Zhə̀fè fo nâʼàpî àfɨa echûŋ àke kɛ ə ghàyn nə̀ njîə se nə̀yn eghɛ zɛ ə è kɔ̀ŋə̀ ətəyn, m tsə̀mə̀ nə tɔynə̂ ə Njisə̀s Klâys, è nə̀ nə̂ tɔynə̂ ə ghâsènì ghɛ zɛ ə ze tsɔ̂fə̀ sê vəyn. Ə pomsêzè ə nyi sê Njisə̀s Klâys sə teshìŋə̀ tèkɨ̂m. Ə ze ə nyi ke zamə.

Ipilù 6:1

E za tyə̀nə̀ nə ghâsènì kyi se zà ezaʼlê ə shi zɛ ə tè zaʼle sê ghâsènì kûmə̀ Klâys se njiə ndù əfètəyn èzaʼlê e ghəʼnəze. Kə ghâsènì faŋ ke əghɛ ə əshi sə̂ zaʼlə̂ kə nə ghɨ kwiyne təmə ə ghɛ epiə kə ghe pə̂ è kwue ə pomə Zhə̀fè,

1 Pità 5:10

Ghàyn nə̀ fe ngəʼ kè sə fendiŋə̀ fə ashìŋə̀fè nyi, epàm ətəyn, ə Zhə̀ fɛ ə fe nə̂ chùŋ se ghâsènì əghɛ ə̀kɨ̂m, mə Fe ə tɔŋə̂ ghâsènì nə ə nyi paʼsê kepî ə vəyn ə fètəyn èghaʼ sə afɨa àmɔ̀ʼ è Klâys. Nâʼà vəyn è ngɨŋə̂ vəyn tə nə̂ kwəynsə̂ nə ghàyn ə kyi àtyaʼ, tyəm tɛ ə ghàyn e samsê, ə è nəyn ə ghàyn ə ndam kyi ekol ətəmze.