2 Kolìŋ 13:5 - Ŋwàʼlè ə̀ Fèzhə̀ Mkâyn Mə̂ Fèm

⁵ Ghàyn fɛte naynnê sèngɨŋ saynse ə fe nə, ghàyn chùmtə̀ tɛ èghɛ zɛ ə ghàyn pomə sê zəynze ə. Səmɔʼ ghàyn nyîə ke nə Njisə̀s Klâys ndamə ə ghàyn ewìyn pîza ghàyn nə̀ fɨsə̂ sèngɨŋ saynse ə ghàyn ke nə Zhə̀fè paʼà pomə̂ ghàyn.

2 Kolìŋ 13:5 ပူးပေါင်းရင်းမြစ်များ

Njɔyn 14:23

Njisə̀s ə pə̀ynsə̀ sê vəyn nə, “Ghɨ ghɛ ə kɔ̂ŋɔ̀ Mi nə̀ ndə̂mə̀ tè zaʼlê tɨmte. Pɨ̀a vɨm tə kɔ̂ŋɔ̀ ghənə, ə Pɨ̀a vɨm è Mi tə pəyn se ghənə ə ndam ghasè ghənə.

Njɔyn 15:4

Ghàyn e nyi ke sê Mi, kə mə pɔŋ nyi ke sê ghàyn. Twɔmve vayn tsɨ̀ynə muə ngɔyn ə fèkàʼ sə vəyn və ngɨŋ, ve kaʼa ve nəyn ke zɨnə mə ezhoghɛ ve faŋ ə fekàʼ. Ngɔnə̀ fèkàʼ vayn mu etwɔm sə zə̂ynzè ə ngɨŋ ə̀ tsɛ̂ kə va mə è zə zùŋ ə nyìə fèkàʼ. E nyi kepî èghɨ nə ghàyn vayn mu etwɔm ə̀ tsɛ̂ kə va mə ghàyn zùŋ ə mì ewìyn.

Njɔyn 17:23

M nyi ə ghənə mwìyn, Ò nyi ə Mì ewìyn kə ghənə tsɨynte pəyn ə lote nyi ke sə eghɛ emɔ̀ʼ endom kə mbi ke nə ə̀ tom Ghô Mi, è kɨsè nə Ò nyîə kɔ̂ŋɔ̀ ghənə kè eghɨ kə Ò kɔ̀ŋɔ̀ Mi.

Njɔyn 17:26

Mə nə̀yn kə ghənə ke èzə Zɛze, mə M nə̀ ndûə kə shi sə̂ nə̂ nyiə mə endom kə kɔ̂ŋ zɛ ə Ò kyi sê Mi ə nyi se ghənə, kə Mi è ngɨŋ Zɨ̂mzè ə pɔŋ nyi ghasè ghənə.”

Njɔyn 6:56

Ghɨ ghɛ ə zhi wiyn vɨm ə mɨə m̀ndəm mɨ̂m nyì ghâsè ghənə, M nyi ghasè ghə̀ ghənə.

Njɔyn 6:6

È tè pi zɨnə mə se mɔ̀mə Filìp, pîza kâynè ke èghɛ zɛ ə È nə̀ nə̂.

Ŋwàʼlè ə̀ Pɔ̂l sê ghɨə Lûmghè 1:28

Se kwəynsê, kûmə̀ nə ghənə ə tə se pomə Fezhə̀, Zhə̀fè ə njì tsɨsè kwaʼtè ə Vəyn se ghənə, nə ghənə ndu èshike ə ghənə ə tekwàʼtè tepite, sə nə̂ ə̀ghɛ mə ghənə fe kiva sə̂ nə̂.

Ŋwàʼlè ə̀ Pɔ̂l sê ghɨə Lûmghè 8:10

Pîza, ə Klâys nyi ə ghàyn ə fètəyn, ə ghàyn ə kyi èndam kûmə̀ nə Klâys ə nə̀yn ghàyn e nyi chichi ə Zhə̀fè əshi, pî kə wîyn mâynm̀ tə kwuə kûmə̀ ə̀ghɛ əpi ghɛ ə ghàyn nə̀yn.

1 Kɔlìŋ 11:28

Nyiəmə, nâʼàpî ndè kyi se fɛtə kyàʼsə naynê ə ngɨŋə̂ vəyn sə shi tsɔ̀fə kə è zhi payn ə kwaŋ ətəynke ə è se mɨ fu wà.

1 Kɔlìŋ 11:31

Ə ghâsènì kyàʼsè nayne ngɨŋsə ghasènìse sə shi, ə ghɛ ze ə va ə ze kaʼa ə ze nəyn nə Klâys pi nə ghâsènì ə nə̀yn pofsê.

1 Kɔlìŋ 3:16

Ghàyn keva nə ghàyn nyì ke kə ndɛ ètsə̀mə mə ə̀ kyi Fezhə̀ ə, Zuʼse ə Fezhə̀sè e ndamə ə ghàyn ewìyn ə?

1 Kɔlìŋ 6:15

Pîə e za nyi nə ghàyn keva nə wiyn vaynve nyi èpɨ̂as ewìyn ə Klaysvè mə? Ə nyiə pi nə m kaʼa ə m nji pâs awìyn ə Klayskè se nə̀yn nə ə nyi apâs ewìyn ə akwàlə̀kè ə? Ze vayn kaʼa ə zə nyi zâ!

1 Kɔlìŋ 6:19

Pîə e za nyi nə ghàyn keva nə wiyn vaynve nyi kə ndɛ̂ ə̀ Sèzuʼ se Ŋwaʼa sɛ ə Zhə̀fè fo nə sə ndamə ə ghàyn əfètəyn mə? Ə̀ kyi chiva ghàyn ngɨŋ saynse, ə kyi Fezhə̀.

1 Kɔlìŋ 6:2

Pîə e za nyi nə ghàyn keva nə ə̀ tə saʼa əghɨ Fezhə̀ mbi mə? Ə za se nyi mə ə̀ tə saʼa ghàyn mbi, ə ghàyn nə fɨmə zàyn se saʼa m saʼtə̀ me pɔ mə?

1 Kɔlìŋ 9:24

Pîə ghàyn ke ndô nə ə səynə̂ ènyɨŋ, ghɨghe e nyɨŋə, tsɨ̂ə kə nyi, pîza ə̂ nə̀ nyɨŋə zhiə kə wùə èmɔ̀ʼ, è ve kyîə èmâʼte ətəynve. E za tyə̂nə̀ nə ghàyn kyi se fɛtə nyɨŋ endom se zhi se kyî emaʼte ətəynve.

1 Kɔlìŋ 9:27

Ngaŋ, M fo ngəʼ sê wiyn vɨmve kə̂ ve ə nyi àkɔs se mi, ə̀ va zâ ə m ndaʼa tom èchùŋ sê ghɨə mɔ̀ʼɔghe, ə tə nəyn ə nyi a kwùŋse, ə Zhə̀fè pi nə m kwəynə̂ va se səynê ènyɨŋ ətəynze.

2 Kolìŋ 6:16

Ghɨə pomə nyi kə ndɛ ètsə̀mə ə̀ Fèzhə̀ mə ghənə vayn kàʼa kyi èghɛ se tsɨ̀yntə nə̀yn yîghə̀ fɨ̂aʼsèvè. Ghàyn e ke nə ghâsènì nyi ndɛ̂ ètsə̀mə ə Fèzhə̀ fɛ ə Fe ndamə, kè eghɨ kə È tè pi nə: “M nə̀ nə̂ eluʼ vɨmve ndaməve ə ghənə əfètəyn, ə m mə ndamə ə ghənə ə fètəyn; ə m mə nyi Fèzhə̀ fə ghənə̂fè, ghənə e nyi ə̀ghɨ ghɨmə.”

Ngàleshyà 2:20

kə mə fɨnə ndamə va, pîza ə̀ nyi Klâys kə è ndamə ə mì ə fètəyn. Ndam zɛ ə m ndamə zôyn nyi kûmə̀ èkyî èpomə zɛ ə m kyi sê Va Fèzhə̀ vɛ ə è tè kɔ̂ŋ mi ə fo ngɨŋ ə vəyn ə kwu kûmə̀ mi.

Ngàleshyà 4:19

Ghɔyn ghɨm ghe chûŋə̀, m fɨnə zɨə ètɨ̂m kûmə̀ ghàyn eghɨ kə nyìə vayn ashìŋə̀ kɛ vayn zafə, se zaʼâ kə ghàyn nə ndam èndam zɛ ə Klâys kyi.

Ngàleshyà 6:4

Nâʼàpî ndè fɛte nayne èndam əvəyn zə ngɨŋ. Ə e tsɔ̂fə̀, ə è və tyalə ə eghɛ zɛ ə è nyi mə è və nə̀yn sə və ngɨŋ, mə è səynə̂ va ngɨŋə̂ vəyn yî wùə vîvè.

Ɛfesùs 3:17

kə kyî epomə̂ zaynze nəyn ə Klâys ə fɛtə ndamə kə nâʼà ndò ə ghàyn ə təm. M tsə̂mə̀ nə ghàyn ndəmə əfètəyn èkɔ̀ŋ, fɨnə tɛ,

Kòlosè 1:23

Ghàyn kyi se faŋə kə ghàyn epomə̂ mə ze nə̂ʼlə̀ va, kyi se tɔ̀ʼɔ̀ tyə̂m, è kɨsè se ndə̀m ətəm ghaynghe əkɨ̂m ətə̂ tom èchùŋ zɛ ə ghàyn zɨ. Tom èchùŋ nə zɛ mə ə ghàyn nyi mə ə kàynè zɨ nyi zɛ ə è nyi mə è zə waŋ mbi èkɨ̂m, ə nyi zə̂ynzè ə è nə̀yn mi Pɔ̂l nə mə nyi wùə àfɨ̀aʼ se Zhə̀fè se ndàʼa zə̂ynzè.

Kòlosè 1:27

Pɨaʼtê ə Fezhə̀zè nyi nə è nəyn ə ghɨə vəynghe ke nə ghaʼa Klâyszè, è pomsê ə vəynze nyi kepî ndò se ghɨ ghɛ ə̀ vachi ə̀ghɨ ə Njûsghè. Ghɛ endətə zɛ ə ze nyi əfètə̂ ə̀təyn nyi nə, ghàyn ndəm ə ghàyn ətəm nə ghàyn tə kyîə ndò pomsê zɛ ə Zhə̀fè pì nə zhi tə fo ndò se ghɨə vəynghe.

Kòlosè 2:19

Kyì ə wûə nə vɛ fɨnə pomə va se Klâys mə ə̀ nyi Klâys vɛ ə È nyi atu se ghɨ ghɛ ə pomə. Kè kə wiynve kɨm nyi etyə̀ àtyaʼ atuke, ə̀ nyì kepî zamə kə ghɨghe əkɨ̂m ghɛ ə pomə Klâys nyi ə vəyn etyə̂ àtyaʼ kə ghənə ə nyi kə wùə èmɔ̀ʼ. Kè kə ghaŋmè kokyiə zûŋtè ə wùə ewìyn kə è və nyi wùə èmɔ̀ʼ, ə̀ nyì kepî zamə kə Klâys tsɨ̀yntə̀ ghɨ ghɛ ə ghe pomə sê vəyn, kə ghe ə nyi wùə èmɔ̀ʼ ə vəyn tyə̀.

Kòlosè 2:7

Pomə̂ zɛ ə ghàyn pomə ghɛ zɛ ə tyə̀ynsè sɨ̂nə̀ zaʼle ghàyn nyì səmɔʼ. Ghàyn e fo àzɔ̀ŋnè se Zhə̀fè shîŋə̀ tèkɨ̂m əghɛ ə̀kɨ̂m.

1 Timotì 2:15

Pîza Zhə̀fè tə sɔza nâʼàpî wùzhɔyn èkwə̀ tɔynə̂ apiə ə ghɔynke, ashìŋə̀ kɛ è kol təmə ə faŋa tɛ kə ndò ə vəyn ekyî epomə̂zè, fɨnə kɔ̂ŋɔ̀ ə̀ghɨ mɔʼɔghe, fɨnə ndamə èndam zɛ ə ze nyi èŋwaʼze, nə̂ va ghɛ nə ghɨ̂yn endom kə shi əghɨ̀ghe ə nyi ke ə vəyn ewìyn.

2 Timotì 3:8

Ghɨ nə ghɨyn tàsə̀ èzaʼlê zɛ ə ze nyi səmɔʼ kèpî kə Njanìs yî Njampàs tè tàsə zaʼlê ə Mosîszè. Ghənə nyiə kyi tekwâʼtè tepite, fɨnə kwəynə̂ va eghɛ zhîze əfètəyn èkyî epomə̂zè.

Taytùs 1:13

Ghɛ nə zɨnə mə nyi səmɔʼ. E za tyə̀nə̀ nə ò kyi se zɔ̀ sê ghənə nâʼà è tyaʼa kə ghənə pomə è tyaʼke sê ghɛ zɛ ə ze nyi səmɔʼ,

Taytùs 1:16

Ghənə kaŋkaŋa pîə nə ghənə ke ndo Zhə̀fè, pîza ndam ə ghənə̂zè e tyə̂nə̀ nə ghənə ə tə vəyn. Ndam tə ghənə̂tè nyîə kwə̂mnə̀, ghənə e tɛ ètuve, mə ghənə vayn kàʼa nəyn nâʼà èghɛ zhîze mə ə̀ nyi eghɛ echûŋzè.

Taytùs 2:2

Zaʼle sê ndômnè ə ndumnə ghe nə, ghənə ke se kyiə sengɨŋ sə ghənə̂sè, kwənə̂ kə ə fo èkɔʼsê se ghənə, nə̂ ə̀ghɛ ètɔf eghaʼâzè. Ghənə kyi sə̂ tɛ ə ghənə ekyî epomə̂zè, kyi sə ngə̂sê kyi èkɔ̂ŋ, è təm ə kolə.

Ipilù 12:15

Ghàyn tɔʼne, kə wùə nə kwiynse àfùʼ kɛ ə Zhə̀fè tyə̀nə̀ sê vəyn. Ghàyn e fɨnə tɔ̂ʼnə̀, kə wùə tsɛ̂ fɨ ə ghàyn əfètəyn, ə è və nyi kə awə̂yn ə njwiəke ə ke ndəmə kɔʼɔ, ke ə pə̀yn è tsôstè tsɨəte è lɨf ə kəynke.

Ipilù 4:1

Zhə̀fè ə tə tsɨ̀nə̀ nə ghâsènì tə kyîə àzɨ̀tè kɛ ə è tè wàmne kûmə̀ kəynke. Ə ghâsènì ə tɔ̂ʼnə̀ kə wùə se ghâsènì tə faŋ se kyî àzɨ̀tè kɛ ə Zhə̀fè tè tsɨ̀ne.

Ipilù 6:8

Pîza mə̂ sè ndəmə kə m̀sòlèndzɔŋ afùʼ è wə̂yn e pive, ə fûʼə ətəynke nə kwəynə va eghɛ, mə Zhə̀fè kàʼa ə fe ti ndi, ə fɨyn nyɔʼ pofsê.

Njə̂m 4:4

Ghàyn ghɨ ghɨ̀nə̀ ə nyi mə ə zà Zhə̀fè nyi! Ghàyn ke va nə ə ghàyn nyi sesoyn sê mbi, ə ghàyn ə nyi sèpàyn se Zhə̀fè ə? m pîə kwəynsə̂ nə ə ghàyn kyiŋə sə̂ nyi èsoynve sê mbi, ə ghàyn nəyn ngɨŋ saynse sə̂ nyi sèpàyn se Zhə̀fè.

1 Pità 5:9

Ghàyn tyəm ə ghàyn ə tɛ ə ghàyn ekyî epomə̂zè kə ghàyn tàʼa pomə̂ eghɛ zɛ ə è pìə kûmə̀ nə ghàyn nyîə ke nə ghɔnyì ghaynghe ghɨə pomə fe kəpî èkyì ə ngəʼ nə zɨ̂yn mbi èkɨ̂m.

Etyə̂yn ə paynsêzè 2:5

Kwàʼte ndom vɛ ə ò tè nyi ətəyn sə shi tsɔ̀fə kə ò pfɨ ə kə̀mnə̀ ə ghò ə sepi ə kɛsə̂ fɨaʼà kè kə ò tè fɨ̀aʼa səshi. Ə ò tàʼa nə̀yn nyi, ə m pəyn nji tsɨ̂sè kɛke nə àfɨa kɛ ə tomə lâm etuə ə̀təyn elùʼ vɛ ə ke nyi.