2 Kolìŋ 13:11 - Ŋwàʼlè ə̀ Fèzhə̀ Mkâyn Mə̂ Fèm

¹¹ Se kwùŋsè ə ghɔnyì ghɨmə, m pìə nə, ghàyn faŋ ke àchûŋ. Ghàyn mɔmse se ndam mə ləʼke va ə ghàyn endam. Ghàyn fɛte ndəm èghɛ zɛ m pî. Ghàyn e ndamə kə sə eghɛ èmɔ̀ʼ, ndamə è pɔ̂ynè. Ə Zhə̀ fɛ ə fe fo kɔ̂ŋzè è pɔ̂ynè ə nyi ghâyn ghə̀ ghənə.

2 Kolìŋ 13:11 ပူးပေါင်းရင်းမြစ်များ

Matyò 1:23

“Ngɔ̀yn zhîzè, mə è paʼà tyəm nyîŋə̀ yî wùndômə̀, Nə̀ tyəmə̂ èndwɔ̂ ə è piə vâyn èndômə̀, Ə tsɨ zə vəyn nə, Ìmanuwɛ̀l.” Zə nə zɨnə nyi nə, “Zhə̀fè nyì ghâsènì.”

Matyò 5:48

Ghàyn kyi sə̂ nyi chichi kè kə pɨ̀a vâyn ve ekwùtwəyn nyi chichi.

Ŋwàʼlè ə̀ Mâk 10:49

Njisə̀s ə tyəmə̂ ə pìə nə, “Ghàyn tɔŋɔ pəyn vəyn sê mi.” Ghənə ə tɔŋɔ wùə èfòfə ə̀təyn ə pìə sê vəyn ashìŋə̀ nə kɛ nə, “Kə ò fayn. Ndwi pə. È tɔŋɔ ghò.”

Ŋwàʼlè ə̀ Mâk 9:50

Ngwaŋfe nyîə tsɔ̂fə̀, pîza mə ezhoghɛ fe sè fɨnə tɔfə va, ə ò ghayn ghe è fəynfe nə fe ə fɨnə tɔfə? Ghàyn e kyi fèngwaŋ ə ghàyn ewìyn. Nâʼàpî ndè e ndamə èndam ə pɔ̂ynèzè yî ànyìə vəyn.”

Tom èchùŋ kè kə Lûk tè nyaʼ 9:61

Wùə mɔ̀ʼɔ ə fɨnə piə nə, “M chùmtə̀ ghò ə Pɛ̂pɛ, pîza za m ndù tɔŋtê əghɨ ghɨmə.”

Njɔyn 17:23

M nyi ə ghənə mwìyn, Ò nyi ə Mì ewìyn kə ghənə tsɨynte pəyn ə lote nyi ke sə eghɛ emɔ̀ʼ endom kə mbi ke nə ə̀ tom Ghô Mi, è kɨsè nə Ò nyîə kɔ̂ŋɔ̀ ghənə kè eghɨ kə Ò kɔ̀ŋɔ̀ Mi.

Ətefɨ̂aʼ 15:29

Kə ghàyn zhi fɨazhiəve mə fo sê zhə̀mè; kə ghàyn tə zhi m̀ndəm kɨ̀sə ə̀ nyì pî se kwɨlə nyàm mə ə pɔyn zhwî ndò; kə ghàyn nə nyîŋə̀ è zənə kɨ̀sə ə̀ nyì pî ghàyn ndômnə̀, mə ə̀ kiva ghàyn. Ghàyn nə̀ nə̂ àchûŋ ezhoghɛ ghàyn zà ghɛ nə ghɨ̂yn ə ghàs pìə nyî. Ghàyn faŋ ke nâʼà àchûŋ.”

Ətefɨ̂aʼ 18:21

È və pɨlə pîə se ghənə kə è tè ndo nə, “Ə̂ nyi ekɔ̂ŋ ə Fezhə̀zè, m tə kɛsê pəyn.” È və wàmnə̀ za ə njiə ə ngwùʼ ə ndò zâ Plìsilà è Àkwilà fu.

Ətefɨ̂aʼ 23:30

Ə pə̀ kə tsâyn se mi nə ə nyîə nə̂ èpɨaʼtê se zhwiə vəyn, kè sə ashìŋə̀ m vɛ m tom pə̂yn vəyn se gho. Mə tsàyn se ghɨ ghɛ ə pî nə è və nə̀yn pofsê nə ghənə tsayn ghɛ zɛ ə pî nə è və nə̀yn ə gho shi.

Ŋwàʼlè ə̀ Pɔ̂l sê ghɨə Lûmghè 12:16

Ghàyn e nə̂ ə̀ghɛ sə eghɛ èmɔ̀ʼ. Kə ghàyn nə ghaŋsə wiyn, pîza ghàyn e fɨaʼà tsɔ̂fsə̀ ghâyn ghə̀ ghɨ ghɛ ə kɔʼɔ kwəynə va kə ghàyn. Kə ghàyn nə ndəmə nə ghàyn nyîə ke tsɛ̂sè.

Ŋwàʼlè ə̀ Pɔ̂l sê ghɨə Lûmghè 12:18

Ghàyn mɔmse nâʼà è tyaʼa sə̂ ndamə èpɔynè ghayn ghɨ ghəkɨ̂m.

Ŋwàʼlè ə̀ Pɔ̂l sê ghɨə Lûmghè 14:19

E za nyi nə ghâsènì kyi sə̂ sô mndyàyn sə nə̂ ə̀ghɛ ghɛ ə ghe pə̂ èpɔ̂ynè, è ghɛ ghɛ ə ghe tsâmtə̀ ghâsènì nə ə fo ə̀təm sê ngɨŋ sə ghasènìse.

Ŋwàʼlè ə̀ Pɔ̂l sê ghɨə Lûmghè 15:13

Ə Zhə̀fè mə za nyi eluʼ vɛ ə kwâʼtèzè ndò pə̂ ətəyn, lwiynse ghàyn è saŋnêzè ekɨ̂m, ə ghàyn ə nyi è pɔ̂ynè kûmə̀ èpomə̂ zaynze sê vəyn. Zɨnə mə tə nə̂ ə pomə̂ zaynze ə ndəmə̂ ndûə kə èshike atyaʼ ə Sezuʼ se Ŋwaʼake.

Ŋwàʼlè ə̀ Pɔ̂l sê ghɨə Lûmghè 15:33

Ə Zhə̀fè ə pɔ̂ynèfè ə nyi ghâyn ghə̀ ghənə əkɨ̂m. Ə zə nyi ke zamə.

Ŋwàʼlè ə̀ Pɔ̂l sê ghɨə Lûmghè 16:20

Zhə̀fè mə za nyi pɔ̂ynè ə̀ ghâsènì môtə̀ kə nyi ə fe kəʼse satàyn è gholə. Ə fùʼ ə Pɛ̂pɛ ə̀ ghasènìke Njisə̀s Klâys ə nyi ghâyn ghə̀ ghənə.

1 Kɔlìŋ 1:10

M chyatə̂ ghàyn ə ghɔnyì ghɨmə e zə Pɛ̂pɛ ə ghâsènì Njisə̀s Klâys nə ghàyn ə tyəm ke echo emɔ̀ʼ əghɛ ghɛ ə ghàyn pîə kə châsè zə va ə ghàyn ə fètəyn. Ghàyn kyi sə̂ pɨl nyi ke kə wùə èmɔ̀ʼ, è kɨsè endom vɛ ə ghàyn fe ghɛghe ətəyn.

2 Kolìŋ 1:4

È tsàmtə̀ ghâsènì ə ghâsènì ə tetsòs tèkɨ̂m, kə ghâsènì ə nyi kaʼa tsamte kepî ə̀ghɨ ə mɔ̀ʼɔ ghɛ ə kyi kyì tə tetsòs tekɨ̂m, kèpî endom vɛ ə Zhə̀fè tè tsàmte ghâsènì.

2 Kolìŋ 13:14

Ə fùʼ ə Pɛ̂pɛ Njisə̀s Klayskè, è kɔ̂ŋ ə Fezhə̀zè, è Zuʼse Ŋwaʼa sɛ ə se tsɨ̂yntə̀ ghâsènì luʼve emɔ̀ʼ ə nyi ghâyn ə fètəyn ə̀kɨ̂m.

2 Kolìŋ 13:9

Ghàs nyîə saŋnə̂ ezhoghɛ ə ghàs pɔylə, ghàyn e tɛ, Ghàs tsə̂mə̀ kəpî nə ghàyn ə kyi va ləʼke ə ghàyn epomə̂.

Ɛfesùs 4:12

È tè nəyn nyi se pɨaʼtə əghɨ ə poməghe nə ghənə nə ke se nə̀yn efɨ̂aʼ ə Fezhə̀zè kə wiynə Klaysvè, mə za nyi ndɛ̂ Fèzhə̀ nə ndəmə̂,

Ɛfesùs 4:3

Ghàyn momse nâʼà è tyaʼa se faŋə kə afɨa àmɔ̀ʼ kɛ Zuʼse Ŋwaʼase fɛte ghàyn sətəyn tɔynə̂ ə pɔ̂ynè zɛ ə è tsɨ̂yntə̀ ghàyn.

Ɛfesùs 6:23

Zhə̀fè, ə Pɨ̀a yî Pɛ̂pɛ Njisə̀s Klâys nyiə fo pɔ̂ynè sê ghɔnyiə e kɔ̂ŋ ə nə̂ nə zaʼnə̂ kə ə Fəynfe ewìyn.

Filìpây 1:27

Ghɛ echûŋzè nyì ke nə, ghàyn ə ndamə kə tom èchùŋ ə̀ Klâys kyiŋə kə m pəyn pî ndò se fe ghàyn, kɨ̀sə m faŋ pî se pə̀yn, m mə ke ndò nə ghàyn pa tɛ kə ndò tyəm sə afɨa àmɔ̀ʼ, tsɨ̂yntə̀ fɨ̂aʼà nâʼà è tyaʼa è kwâʼtèzè emɔ̀ʼ sə̂ ndə̂mə̂ ekyî epomə̂ zɛ ə tom èchùŋ zaʼlə.

Filìpây 3:16

Ghâsènì kyi sə̂ nə̂ kə èghɛ zɛ ə Zhə̀fè tyə̀yn nə ghâsènì ə nə̂.

Filìpây 4:2

Èyondìa è Sìntîs, m chyatə̂ nə ghàyn ə nyi sə eghɛ èmɔ̀ʼ mə ə zɔ̂ va kə ghɔnyì ghe ə Pɛ̂pɛ.

Filìpây 4:4

Ghàyn e saŋnə̂ shiŋə̀ tekɨ̂m kûmə̀ nə ghàyn nyi əghɨ ə Pɛ̂pɛghe. M pa piə kwəynsə̂ kə ndò nə ghàyn ə saŋnə̂.

Filìpây 4:9

Ghàyn e nə̂ ə̀ghɛ ghɛ ə ghàyn tè laynə sê mi, fɨnə nə̂ ghɛ ə ghàyn tè zɨə kə m pîə è kɨsè ghɛ ə ghàyn tè fe kə m nə̂. Ə ghàyn nə̂ nyi, ə Zhə̀ fɛ ə fe fo pɔ̂ynè, ə Fə nyi ghâyn ghənə.

1 Tèsàlonikà 3:10

Èchwì è tuʼve, ghàs tsə̀mə̀ è təm ghasghe əkɨ̂m nə fe nəyn ə ghasè vəyn fe ke nâʼà ghàyn se zaʼlə ghàyn è fɨa kɛ ə ghàyn pa laʼà se nə̀yn nə kyî epomə̂ zayn fɛte tɛ.

1 Tèsàlonikà 4:1

Se mɨsè ə ghɔnyiə, ghàyn tè zaʼle sê ghàs ndom vɛ ə kaʼa ndamə ətəyn se nə̀yn nə Zhə̀fè ə saŋnə̂. Səmɔʼ ə̀ vɨnə mə nyi ke nâʼà èndom vɛ ə ghàyn ndamə ətəyn. Ghàs chyatə̂ ghàyn zôyn nâʼà sə ŋaŋ, ezə ə Pɛ̂pɛ Njisə̀szè nə ghàyn fɨyn nəyn tsɛ za.

1 Tèsàlonikà 4:18

Nyiəmə ghàyn e fo ə̀təm ə tɛ sê ghɔnyì ghaynghe è ghɛ nə ghɨ̂yn.

1 Tèsàlonikà 5:13

Ghàyn e ngɨmnə̂ ghənə nâʼà àchûŋ fɨnə kɔ̂ŋɔ̀ ghənə kûmə̀ àfɨaʼ kɛ ə ghənə fɨaʼà. Ə pɔ̂ynè ə nyi ə ghàyn ə fètəyn shîŋə̀ tekɨ̂m.

1 Tèsàlonikà 5:16

Ghàyn e sɨŋə shîŋə̀ tekɨ̂m,

1 Tèsàlonikà 5:23

Ə Zhə̀ fɛ ə fe fo pɔ̂ynè sê ghâsènì nəyn ə ghàyn ə nyi è ŋwaʼze nâʼàpî endom èkwùə. Ə Zhə̀fè nəyn ə təm ghaynghe, è zuʼ saynse, è wiyn vaynve ə kyi va ghâmzè nâʼà endom vîve etuʼ vɛ ə Pɛ̂pɛ ə ghâsènì Njisə̀s Klâys kɛsə pə̂.

2 Tèsàlonikà 2:16

Ə Pɛ̂pɛ ə ghâsènì Njisə̀s Klâys nâʼà è ngɨŋ ə vəyn yî Zhə̀fè Pɨ̀a ghâsènì vɛ ə è tè kɔ̀ŋə ghâsènì ə fo ghâsènì è təmə tɛghe, è kwaʼtè elɨmtə zɛ ə ze tə mîə va tɔynə̂ ə vəyn afùʼ.

2 Tèsàlonikà 3:1

Se kwùŋsè ə ghɔnyìə ghasə, ghàs pìə nə ghàyn ə tsə̂mə̀ sê ghàs kə ghàs nə̀ nə tom èchùŋ ə̀ Pɛ̂pɛ ə zâŋsə̀ zhamə ndûə kə luʼ tekɨ̂m, kə ghɨghe ə fiə zə̂ynzè ekɔʼnezè kèpi kə ze tè nyi ə ghàyn ə fètəyn.

2 Tèsàlonikà 3:16

M tsə̂mə̀ nə Pɛ̂pɛ è ngɨŋə̂ vəyn vɛ ə è fo pɔ̂ynè, nə è fo ghàyn pɔ̂ynè, ə è və fo ndûə kə ndò ghàyn pɔ̂ynè, kɨ̀sə ə̀ kyàyn pî ghè. Ə Pɛ̂pɛ ə nyi ghâynghə̀ ghənə əkɨ̂m.

2 Timotì 2:22

Tə kɛse epàm mə̂ èwìyn etɨmə vɛ ə ngwàʼà ə̀ wùə kyi ə mɔ̀msə̀ sə̂ nyi chichi, ə kyîə èkyî epomə̂zè sê Klâys, kɔ̂ŋɔ̀ ə̀ghɨ, fɨnə ndamə è pɔ̂ynè. Ò nə̂ ə̀ghɛ nə ghɨyn nâʼà ə̀kɨ̂m ghayn ghɨ ghɛ ə ghe tsə̂mə̀ sê Pɛ̂pɛ è təm ə zoghe.

Ipilù 12:14

Ghàyn mɔmse nâʼà è tyaʼke sə̂ ndamə è pɔ̂ynè ghayn ghɨghə ə̀kɨ̂m fɨnə mɔ̀msə̀ nâʼà è tyaʼa sə̂ nyi è ŋwâʼzè kûmə̀ nə ə wùə va è ŋwâʼzè ə vəyn endam, ə è tə tàʼa fe Pɛ̂pɛ.

Ipilù 13:20

M tsə̂mə̀ nə Zhə̀ fɛ ə fe fo pɔ̂ynè sê ghɨghe, ə Fezhə̀ fɛ ə fe tè kɛse nji pəyn è Pɛ̂pɛ ə̀ ghâsènì Njisə̀s Klâys mə è nyi ngyəyn èghaʼâ ə̀ sèndzè sê kwuze tɔynə̂ mndəm mə m̀kàyn mɛ ə ndamə faŋə,

Njə̂m 1:4

Ghàyn nəyn kə wəynsê ewìyn ə təynze nəyn ə ghàyn ə tɛ ndûə kə èshike mə ghàyn pfɨ̀ə va, kə ghàyn ə nyi mə ə ndəmə̂, nyi mə kwəyn, lâʼà va fɨa kyîke.

1 Pità 3:11

Wùə nə vɨ̂nə kyi se màʼà ewâmnè epize, è kɨsè se zamàʼà ewam akaŋze sə̂ nə̂ chùŋ. È kyi se kyiŋə tendom tèkɨ̂m se kyiə pɔ̂ynè,

1 Pità 3:8

Se kwùŋsè, ghàyn e tsɨ̂yntè kyi ke èkwâʼtè èmɔ̀ʼ, kosə̂ èsəyn, kɔ̂ŋɔ̀ sèngɨŋ saynse, kyi ə̀təm əchûŋə̀ fɨyn kyi va ghaŋsê ewìynze.

1 Pità 5:10

Ghàyn nə̀ fe ngəʼ kè sə fendiŋə̀ fə ashìŋə̀fè nyi, epàm ətəyn, ə Zhə̀ fɛ ə fe nə̂ chùŋ se ghâsènì əghɛ ə̀kɨ̂m, mə Fe ə tɔŋə̂ ghâsènì nə ə nyi paʼsê kepî ə vəyn ə fètəyn èghaʼ sə afɨa àmɔ̀ʼ è Klâys. Nâʼà vəyn è ngɨŋə̂ vəyn tə nə̂ kwəynsə̂ nə ghàyn ə kyi àtyaʼ, tyəm tɛ ə ghàyn e samsê, ə è nəyn ə ghàyn ə ndam kyi ekol ətəmze.

Etyə̂yn ə paynsêzè 22:21

Ə Pɛ̂pɛ Njisə̀s tyən fùʼ ə vəynke sê ghɨə fe Zhə̀ghè. Ə zə nyi ke zamə.