2 Kolìŋ 12:2 - Ŋwàʼlè ə̀ Fèzhə̀ Mkâyn Mə̂ Fèm

² M kendô wùə èpomə vîvè ə Zhə̀fè tè nji è və kɔʼɔ ekwùtwəyn nâʼà elùʼ vɛ ə ve ngaŋte kwəyn. (M laynse ke va nə, è tè kɔʼ ke nâʼà èwiyn əvəyn mə è tè kɔʼ ə telaynəlayn ə.) Ə̀ tɔ̀ʼ ke ke Fèzhə̀. Ə̀ zô nyi pìŋ njòse kyàʼ kə ghɛ nə zɨ̂nə̀ kyàyn.

2 Kolìŋ 12:2 ပူးပေါင်းရင်းမြစ်များ

Tom èchùŋ kè kə Lûk tè nyaʼ 24:51

Kə e te pa pɔsə̂ ghənə, ə njìə kɔʼsə̂ vəyn ekwùtwəyn. È və ndò zâ ghənə

Njɔyn 6:56

Ghɨ ghɛ ə zhi wiyn vɨm ə mɨə m̀ndəm mɨ̂m nyì ghâsè ghənə, M nyi ghasè ghə̀ ghənə.

Ətefɨ̂aʼ 14:6

Pɔ̂l yî Pànapàs ə zɨə èghɛ ətəynze ə tə ndûə apàs endaʼ ə Likonyàkè ə njiə endaʼa Lisɨtɨ̀là è endaʼa Ndepì, è luʼ tɛ ə te tè nyì paʼsê.

Ətefɨ̂aʼ 22:17

Mə kɛsə ndùə ə Njèlusalɛ̀m ə ndùə ə ndɛ̂ ètsə̀mə sè tsə̂mə̀, ə fe ə̀ghɛ ə telaynəlayn.

Ŋwàʼlè ə̀ Pɔ̂l sê ghɨə Lûmghè 16:10

Ghàyn tɔŋte Apelàs, ə vɛ ə tsɨnè ə̀ vəyn ze chùŋ tyə̀ nə è nyi chichi sê Klâys. Ghàyn tɔŋte kepî ə̀ghɨ esas ə ndɛ Alistopùlùsghè sê mi.

Ŋwàʼlè ə̀ Pɔ̂l sê ghɨə Lûmghè 16:3

Ghàyn tɔŋte Pliskà è ndom ə̀ vəyn Àkwilà sê mi. Ghâsè ghənə fɨ̂aʼà sê Njisə̀s Klâys əmɔʼ.

Ŋwàʼlè ə̀ Pɔ̂l sê ghɨə Lûmghè 16:7

Ghàyn tɔŋte Àndɨ̀lonikùs è Njoniyàs, ə ghɔnyì ghɨm ghə Njûs ghɛ ə ghasè ghənə tè nyi ə ndɛ chaʼ əmɔʼ. Ə nyîə fɛte ke ghənə əfètə̂ ə̀ghɨ̀tomə, mə ghənə tè pomə Klâys sê mi sə shi.

Ŋwàʼlè ə̀ Pɔ̂l sê ghɨə Lûmghè 16:9

Ghàyn tɔŋte Òpanùs, vɛ ə ghasènyìə ghə̀ ghənə fɨ̂aʼà sê Klâys. Ghàyn tɔŋte kepî soyn vɨ̂mve chùŋ Sɨ̀takìs.

Ŋwàʼlè ə̀ Pɔ̂l sê ghɨə Lûmghè 8:1

Zhə̀fè nə̀ va nə wùə pfɨ saʼ ezhoghɛ ə è nyì sə afɨa àmɔ̀ʼ yî ghə̀ Njisə̀s Klâys.

1 Kɔlìŋ 1:30

Pîza ə̀ nəyn Fezhə̀ nə ghàyn ə nyi sə eghɛ èmɔ̀ʼ ghâyn ghə̀ Klâys Njisə̀s, ə nə̀ nə è və nyi ètɔf eghaʼâ ə ghasènìze, ə nə̀ nə ghâsènì ə tyəm chichi ə Zhə̀fè əshi tɔynə̂ ə Klâys, ə fɨnə tɔynə̂ kəpi ə Klâys ə nə̀ nə ghâsènì ə nyi è ŋwâʼzè, ə zhɔnə àtu ə ghasènìke.

2 Kolìŋ 11:11

Ghàyn kwàʼtə̀ nə m wàmnə̀ nyî kûmə̀ nə m kɔ̂ŋɔ̀ va ghàyn mə? M kɔ̂ŋɔ̀ ndò ghàyn, Zhə̀fè e ke.

2 Kolìŋ 13:5

Ghàyn fɛte naynnê sèngɨŋ saynse ə fe nə, ghàyn chùmtə̀ tɛ èghɛ zɛ ə ghàyn pomə sê zəynze ə. Səmɔʼ ghàyn nyîə ke nə Njisə̀s Klâys ndamə ə ghàyn ewìyn pîza ghàyn nə̀ fɨsə̂ sèngɨŋ saynse ə ghàyn ke nə Zhə̀fè paʼà pomə̂ ghàyn.

2 Kolìŋ 5:17

Ə wùə nyi yî Klâys, è ve nyi wùə e fe, mə ndamə vəyn ze mɨ zə tsɛ̀, ze fe ze ze pə̂yn.

2 Kolìŋ 5:21

Nâʼà Klâys è ngɨŋ ə̀ Vəyn tè paʼà nə̀yn pi, pîza kûmə̀ ghâsènì, Zhə̀fè ə njìə Vəyn sə wùə èpi kə ghâsènì tɔynə̂ ə Vəyn ə nyi chichi ə Zhə̀fè əshi.

Ngàleshyà 1:22

Ə tè nyì fumə ashìŋə̀, ghɨ poməghe ə Njòndyâ e nyi mə ə paʼà nyìəm fe mi.

Ngàleshyà 5:6

E nyi nyî kûmə̀ nə ə ghâsènì se nyi ghasènìghə̀ Klâys Njisə̀s, kɨ̀sə wùə se nam ə vəynghe kə è tàʼa se zemə kwiynə̂ va ghɛ zhîze. Ghɛ etɛ zɛ ə ze nyi, nyi se tyə̀yn ekyî epomə̂zè tɔynə̂ ekɔ̀ŋ.

Ɛfesùs 4:10

Vɛ ə è tè tso ə chi za nyi kepî vɛ ə è tè kɛse kɔʼ elùʼ vɛ ə ve ngaŋtə kwəynə ekwùtwəyn sə̂ nyi etùə èfɨa èkɨ̂m.

1 Tèsàlonikà 4:17

Epàm ətəyn Zhə̀fè tə njìə ghənə ə è paʼse sê ghâsènì ghɛ ə pa ndamə, ə è nji kɔʼ è ghâsènì əfètə̂ sèmbàʼ nə kwəyne è Pɛ̂pɛ awulə.

Ipilù 4:14

Ə ghâsènì fɛte kyî èkyî èpomə̂ ə ghasènìze ə zə tɛ, kûmə̀ nə ghâsènì nyîə kyi wùə èkɔʼsə nə̂ èshyə̀ engaŋtə kwəynə èghaʼâ kə è tè kɔʼ ekwùtwəyn. Wùə èkɔʼsə nə èshyə̀ èngaŋtə kwəynə nə vɨ̂yn nyi Njisə̀s, ə Va Fèzhə̀.

Ipilù 9:24

Klâys tè paʼà nji ə Elùʼ Eŋwaʼve mə ə̀ pɛ əghɨ msɔ̀ŋghe, eluʼ mə tè nyi afusè elùʼ ə kə semɔʼke. Klâys tè ndù ke nâʼà ekwùtwəyn ə Zhə̀fè ə ngùŋ, è zo chyatə̂ fəynfe ə ghâsènì azhəm.

Etyə̂yn ə paynsêzè 1:10

Ə̀ tè nyi ə Pɛ̂pɛ ə fetuʼ, zuʼsə Fezhə̀sè ə njiə ə mì ewìyn mə zɨə kyə̀ ètɛ kə esɔŋ ə tɔŋ ə mì epàm,

Etyə̂yn ə paynsêzè 12:5

Wùzhɔyn ə̀təyn ə piə vayn endômə̀, è ve nyi se tə saʼa te ndaʼ tèkɨ̂m, se no zhiə sèpàyn sə vəynse mə è kyi va kosê esəynze. Pîza ə tsofə va ə̀təyn ə kɔʼɔ è vəyn sê Zhə̀fè, elùʼ vɛ ə kyə̂ fə vəyn fə efɔ̀ynfè nyi.

Etyə̂yn ə paynsêzè 4:2

Kè nyi, Zuʼse ə Fezhə̀sè ə njiə ə mì ewìyn, mə fe fèkyə̂ fə efɔ̀ynfè ekwùtwəyn, wùə e tsɨs ətəyn,