2 Kolìŋ 12:1 - Ŋwàʼlè ə̀ Fèzhə̀ Mkâyn Mə̂ Fèm

¹ M nə pfɨnə̀ kə ndò ngàŋtèkè kûmə̀ nə tyə̀ynsè sə akaŋ sɨ̂nə̀ nə̀ ndò zamə nâʼàpî kə ze tsâmtə̀ va wùə vîvè. Pîza, m nə̀ ndâʼà se ghàyn ghɛ ə ndətə ghɛ ə Pɛ̂pɛ nə̂yn, m vɛ m fe ə telaynəlayn.

2 Kolìŋ 12:1 ပူးပေါင်းရင်းမြစ်များ

Njɔyn 16:7

Pîza, m pîə sê ghàyn səmɔʼ nə, ə̀ nyi chùŋ sê ghàyn kə m ndô. Ə M taʼa ndò, Tsàmtè vayn pə̀yn sê ghàyn. Pîza mə m ndô, ə m ndu tom vəyn sê ghàyn.

Njɔyn 18:14

Kayfàs nə vɨ̂yn tè nyi wùə vɛ ə è tè təfte ghɨ Njûsə̀ nə e tsɔ̂fə̀ nə wùə èmɔ̀ʼ kwu ə ghɨghe əkɨ̂m atu.

Ətefɨ̂aʼ 18:9

Ə tè nyi ètuʼve tuʼ fîfe, Pɔ̂l ə fe ə̀ghɛ ətelaynəlayn, Pɛ̂pɛ ə pìə sê vəyn nə, “Kə ò fayn ghɨ ghɨ̀yn, ò wâmnə̀ kə ndò sê ghənə,

Ətefɨ̂aʼ 23:11

Tuʼfe komtəfe ètuʼve, Pɛ̂pɛ ə tyəmə̂ ə Pɔ̂l ə ngwùŋ ə pìə nə, “Kə ò fayn! Kə ò nyi mə o wàmnè kûmə̀ Mi ə Njèlusalɛ̀m.”

1 Kɔlìŋ 10:23

Ghənə pîə nə, “Ghâsènì kàʼa ə ghayn nâʼà pîghè” kè kə ghənə nyi mə pì. Zɨnə mə nyi səmɔʼ pîza ə̀ va nâʼàpî àkè ə ke tsɔ̂fə̀. “Ghâsènì kàʼa ghayn nâʼà pîghè” Pîza ə̀ va nâʼàpî èghɛ èkè ə ze tsâmtə̀.

1 Kɔlìŋ 14:6

Nyiəmə ə soyn sɨmse, pə̂yn zɨmze se ghàyn nə̀ tsâmtə̀ ghàyn ə ghɛ ezhoghɛ m pəyn se ghàyn wàmnə̀ tè wâmnè tə ndôtè mə ghàyn zɨə kê va? Ze nə̀ tsâmtə̀ va ghàyn ə̀ tsɛ kə va mə m pəyn èghɛ efe zhîze kə Zhə̀fè pìə, pî ètɔf zhîze mə ghâsènì fə kê va, pî tom zhîzè mə è ndò sê Zhə̀fè, pî èzaʼlê zhîze.

1 Kɔlìŋ 6:12

Wùə vîvè kaʼa è pi nə, “Ə zà nə m kaʼa ə m nəyn nâʼàpî èghɛ èkè.” E nyi ke nâʼà səmɔʼ pîza ə̀ va ə̀ghɛ ə̀kɨ̂m ə ghe kaʼa ə ghe tsamte wùə. Ə zà mi nə m kaʼa ə m nəyn nâʼàpî èghɛ èkè, pîza m vayn pomə sə nyi àkɔ̂s sê ghɛ zhîze.

2 Kolìŋ 12:11

M nə̂ kə ango pîza mə ə̀ nəyn ghàyn nə mə nə̂ zamə. Ə̀ tè nyi ghàyn se pomsə mi kûmə̀ nə m tətə̂ kwûŋsə̀ va endom vɛ ghɨ ghɨ̀yn ə lesə ngɨŋsə ghənə̂sè nə ə nyi əghɨtom ə ghaʼlə̂ pì, pî kə m va nâʼà àfɨa.

2 Kolìŋ 12:5

M nə̀ pfɨnə ngàŋtèkè kûmə̀ wùə nə vɨ̂yn, va sə̂ pfɨnə̀ kûmə̀ ngɨŋ zɨ̂mzè. M kaʼa m pfɨyn ke àngàŋtè kûmə̀ ngɨŋ zɨm ə fe nyi eghɛ se tyə̀yn nə m nyîə pɔ.

2 Kolìŋ 12:7

Pîza se nə̀yn nə kə kɔʼsə èwiyn kûmə̀ ə̀ghɛ kayntə tsɨə ghɛ ə tè tyə̀yn sê mi. Ə̀ za nyi eghɛ zɛ ə tè za zaf efofləze nə zə pəyn nji ə mì ə njà èwìyn. Zaf ətəynze tè nyi wùə èfɨaʼa ə̀ satàyn kə ə tom nə ze pəyn ə ze ə fo ngəʼ sê mi, kə ndɔ̀ʼɔ mə ghaŋsə tsɛ̂sə̀ èwiyn.

2 Kolìŋ 12:9

chyatə pî ashìŋə̀ akè, È və pìə kə sê mi nə, “Fùʼ kɨmke ə kwəyn se ghò kûmə̀ nə tyaʼke fɛtə̂ tyə̂nə̀ èwiyn ashìŋə̀ kɛ ə pɔylê ewìynze nyi.” E za tyə̀nə̀ nə m nə pfɨnə̀ àngàŋtè nâʼà sə ŋaŋ kûmə̀ ə̀ghɛ ghɛ ə m pɔlə̂ ətəyn kə tyaʼa Klayskè nji ə ke ə ndamə ə mì ewìyn.

2 Kolìŋ 8:10

M kyiŋə se pì eghɛ zɛ m kwaʼtə̀ se ghàyn kûmə̀ èghɛ nə zɨ̂yn. E tsɔ̂fə̀ nə ghàyn mɨse ghɛ zɛ ə ghàyn tè zhə̀te ə pîŋ ètsɛ zôyn. Ghàyn tè va ke ə̀ghɨ əshi se fo, ghàyn tè nyì kepî ə̀ghɨ shiə sə̂ kɔ̂ŋə̀ se fo.

Ngàleshyà 1:12

M tè pâʼà zɨ tom nə zɨ̂yn sê wùə m̀sɔŋ, pî nə wùə zaʼle zə̂ynzè se mi. Ə̀ tè tyə̀n paynsê Njisə̀s Klâys è zə̂ynzè se mi.

Ngàleshyà 2:2

M tè kɔʼ fu kûmə̀ nə Zhə̀fè tè tyə̀yn paynsê sê mi nə m kyi se kɔʼ. Ə̀ tè nyi kə m nyi fu, mə nyaʼtə̂ wâmnə̀ kə epàm ghasè ghɨ ghɛ ə ghe tè nyi tuve, ə tsâ tom è chûŋ zɛ ə m tè tsâ sê ghɨ ghɛ ə ə̀ va əghɨ ə Njûsghè. M tè nə̂ zamə kə fɨ̂aʼ zɛ ə m nə̂ zôyn è zɛ ə m tè nə̂ tàʼa njìsè səndô.

Ɛfesùs 3:3

Ə̀ nyi eghɛ e ndətə zɛ ə Zhə̀fè tè pɨaʼte ndəm, ə̀ ke ke vəyn, tè tyə̀yn paynsê sê mi, kè eghɨ kə m se nyi mə mə səyne ə nyàʼà.

1 Tèsàlonikà 4:15

Ghɛ zɛ ə ghàs zaʼlə sê ghàyn nyi eghɛ zɛ ə Pɛ̂pɛ tè zaʼle. Ghâsènì ghɛ ə tə pə̂ ə pa nyi ashìŋə̀ kɛ ə Pɛ̂pɛ Njisə̀s kɛse pə̂yn tə ndûə kotə̂ va vəyn sə shi sê ghɨ ghɛ ə tè nyi mə əkwu.

1 Njɔyn 5:20

Ghâsènì ke kepî ndò nə Va Fèzhə̀ ə tə pə̀yn ə mbi, ə zaʼlə ghâsènì kə ə ke Fèzhə̀ fɛ ə Fe nyi səmɔʼ, ə ghâsènì ə tsɨ̂yntè nyi sə afɨa àmɔ̀ʼ, kûmə̀ nə ghâsènì nyì sə afɨa àmɔ̀ʼ è Vâ Vəyn Njisə̀s Klâys. È nyi Fezhə̀ fɛ ə fe nyi səmɔʼ, fo èndam zɛ ə ze tə mîə va.