2 Kolìŋ 11:9 - Ŋwàʼlè ə̀ Fèzhə̀ Mkâyn Mə̂ Fèm

⁹ Shiŋə̀ kɛ ə m nyi ghâsènì, ezhoghɛ ə m kyiŋə fɨake, m fo va ngəʼ se ghàyn kûmə̀ nə ghɔnyì ghɨmghe ə Màsèndònyà tè nyîə fo nâʼàpi àkè kɛ m kyiŋə. Mə ndə̂m ngɨŋ zɨ̂mzè nə m nə va àpɨ̀aʼa se ghàyn endom vîve, nyi se faŋə kə zamə.

2 Kolìŋ 11:9 ပူးပေါင်းရင်းမြစ်များ

Ətefɨ̂aʼ 18:3

kûmə̀ nə Pɔ̂l tè tàsə kəpi èfɨa è pfɨ̀ sə nyâmsè kə ghənə, e və ke faŋ fɨaʼà yî ghə̀ ghənə.

Ətefɨ̂aʼ 18:5

Kə Pɔ̂l yî Timotì tè ndò pə̂yn ə Màsèndonyà, Pɔ̂l ə fo àshîŋə̀ ə vəynke akɨ̂m sə ndaʼà tom ə̀ Fèzhə̀, tsâ se ghɨə Njûsə̀ è ghɨə Nglekə̀ nə Njisə̀s nyi vɛ ə chɔʼ ndə̂m.

Ətefɨ̂aʼ 20:33

M paʼà tyəmə pə̂ kɔ̂ŋɔ̀ se kyiə ekɛ ə wùəvè kɨ̀sə sendzɨs.

Ŋwàʼlè ə̀ Pɔ̂l sê ghɨə Lûmghè 15:26

Kûmə̀ nə ghɨ poməghe apàs endaʼ ə Màsèndonyà è kə Àkayàkè ə tə saynê sə ghənə ə ngɨŋ se fo emâʼte se tsàmtè ə ghɨ afɨfə ə ghɨə Fezhə̀ghè ə fètəyn ghɛ ghe nyi ə Njèlusalɛ̀m.

1 Kɔlìŋ 16:17

M nyîə saŋnə̂ kûmə̀ è pə̂ Sɨ̀tefanàszè è Fòtùnatùs è Achayikùs, kûmə̀ nə ghənə tè pə̀yn se njì eluʼ vaynve.

2 Kolìŋ 6:4

Ghàs pɨlə tyə̂nə̀ kə nə ghàs nyi əghɨ əfɨaʼa ə Fezhə̀ghè ə tendom tɨ̀nə̀; ghàs wəynsə̂ kə ndò tsôs e ghaʼâ vɛ ə ghàs fe, è tsɨfsè zɛ ə ze pə̂ sê ghàs, è kyì tə ghɛ ə tɛ ə mɔ̀ʼɔghe.

2 Kolìŋ 9:12

kûmə̀ nə fo nə zɨ̂nə̀ ə ghàyn fo tsâmtə̀ kə va ghɨə Fezhə̀. E nə̂ nə ghənə ə fo kəpi àzɔ̀ŋnè sê Zhə̀fè, nâʼà sə ŋaŋ.

Filìpây 2:25

Mə fe nə e tsɔ̂fə̀ kəpi nə m kɛse tiynsê ànyìə ghâsènì Èpàfàlonditùs sê ghàyn. Ghâsè vəyn fɨ̂aʼà əmɔʼ, fɨnə nô kəpî ə̀ghɨ ghɛ ə ghe tâsə̀ nə kə tom èchùŋ zham. Ə̀ nyi ndùətom vâynvè kə ghàyn tè tiynse nə è pəyn tsâmtè mi e fɨ̂aʼ nə zɨ̂yn.

1 Tèsàlonikà 2:6

Ghàs tè nə̂ va ghɛ nə ghɨghe ə tsîtə̀ ghàs, ə vachi ghàyn, pî ə̀ghɨ ə mɔ̀ʼɔghe sə̂ pɔmsə̂ ghàs.

1 Tèsàlonikà 2:9

Ghɔnyiə, ghàyn nyiə ke kə ghàs tè fɨ̀aʼa nâʼà sə ŋaŋ! Ghàs tè fɨ̀aʼa èchwì fɨ̂aʼà ètuʼve kə ghàs tàʼa fɨmsə̂ ghàyn endom vîve, kə ghàs ndàʼà tom nə zɨnə̀ ə Zhə̀fè fo nə ghàs ndaʼa sê ghàyn.

Ipilù 11:37

Ə tɨmnə̂ zhwiə ghəmɔ̀ʼɔ è chîə, ə pàsə̀ ghəmɔ̀ʼɔ sə epɨ̀as èpɨ̀a, ə zhwitə̂ ghəmɔ̀ʼɔ è efe ə eghɔ̀ŋze. Ghənə tè kwìə ka mə ə maʼ se pfɨ̀ sə ndzèsè, è pfɨ̀ sə pfɨse, fɨfke e kyi ghənə, e tsə̂fsə̀ ghənə, nyâplə̀ è ghənə.