2 Kolìŋ 11:7 - Ŋwàʼlè ə̀ Fèzhə̀ Mkâyn Mə̂ Fèm

⁷ E za nyi nə se tsosə ngɨŋ zɨ̂mzè əchi, endom se njìə kɔʼsə ghàyn, kə m ndaʼà tom èchùŋ ə̀ Fèzhə̀ se ghàyn mə m pfɨfə va fɨake se ghàyn nyi pi mə?

2 Kolìŋ 11:7 ပူးပေါင်းရင်းမြစ်များ

Ətefɨ̂aʼ 20:33

M paʼà tyəmə pə̂ kɔ̂ŋɔ̀ se kyiə ekɛ ə wùəvè kɨ̀sə sendzɨs.

Ətefɨ̂aʼ 20:34

Nâʼà ghàyn nyîə ke sə ghàyn ə ngɨŋ nə, pi ghè vɛ ə ghasè ghɨ anɔ̀yn ghɨmə tè kyi, nyi mə ə̀ fɨ̂aʼ kê mi è gho ghɨmə.

Ŋwàʼlè ə̀ Pɔ̂l sê ghɨə Lûmghè 1:1

Ə̀ nyaʼ mi Pɔ̂l ŋwàʼlè zɨ̀yn, ə wùə èfɨaʼa ə̀ Njisə̀s Klâys. Zhə̀fè ə chɔʼ mi nə mə nyi wùətom ə̀ Vəyn. È və tom mi ə fo mi èfɨaʼzè nə m ndaʼa tom èchùŋ.

1 Kɔlìŋ 9:12

Ə̂ nyi eluʼ əghɨ̀ əmɔ̀ʼɔghe se pfɨf efɨa nə vɨnə se ghàyn, ə va zàyn luʼ vasve se pfɨf se ghàyn se tsɨə tsɛ pì ə? Pîza ghàs paʼà faŋ se pìə faŋsə̂ kə nə ə̀ vɨnə nyi eluʼ vasve kə ghàyn ə nə̂ zamə sê ghàs, ghàs pɨlə kolə kə ə̀təm kə ghàs ə va àtàmtè se tom èchùŋ ə̀ Klâys.

1 Kɔlìŋ 9:6

Mə ə̀ nyì ke ghasè Pànapàs ə kyi sə̂ fɨaʼà kə ndò tsɔ̀fə ə kyi kɛve mə?

2 Kolìŋ 10:1

Ə̀ chyatə̂ kə nâʼà mi Pɔ̂l ghàyn zôyn tɔynə̂ ətəm ə chûŋghè è pɔ̂ynè ə̀ Klâys, ə nyi mi vɛ ə ghɨ mɔ̀ʼɔ pìə nə shîŋə̀ kɛ ə m va ə ghàyn əfètəyn mə nyàʼà èghɛ è təm ə tɛ, pîza shîŋə̀ kɛ ə m nyi ə ghàyn ə fètəyn, me wâmnə̀ è fâynzè!

2 Kolìŋ 10:16

Ə ze se nyi nyî, ə ghàs fɨ ndaʼa ndu tom èchùŋ ə te ndaʼ tə mɔ̀ʼɔte ə tyà, kə ə tə pəyn ə kyi va se pfɨ̀yn angàŋtè kûmə̀ èfɨaʼ mə ə kàynè nəyn ə ghɨə ndôghè endaʼ.

2 Kolìŋ 12:13

Ə̀ nyi eghɛ echûŋ èkè zɛ ə m tè nə̀yn sê ndɛ sə Fezhə̀ sə mɔ̀ʼɔ ə tàʼa nə̀yn sê ghànə? Ghɛ zɛ ə m tè nə̀yn sê ghàyn nyì ke nə m tè pâʼà fɨmsê ghàyn sə̂ pfɨfə èkɛ se ghàyn. Ə nyi eghɛ e pize kə m tè nəyn, ghànə lɛ̀sə̀ fo mi!

2 Kolìŋ 2:12

Ə̀ tè nyi kə m pə̂yn tâyn ə Tɨ̀luwàs se ndàʼa tom èchùŋ ə̀ Klâys, ə fe nə Pɛ̂pɛ nyi mə è və pɨaʼtê nə m ndaʼa,

1 Tèsàlonikà 2:9

Ghɔnyiə, ghàyn nyiə ke kə ghàs tè fɨ̀aʼa nâʼà sə ŋaŋ! Ghàs tè fɨ̀aʼa èchwì fɨ̂aʼà ètuʼve kə ghàs tàʼa fɨmsə̂ ghàyn endom vîve, kə ghàs ndàʼà tom nə zɨnə̀ ə Zhə̀fè fo nə ghàs ndaʼa sê ghàyn.

2 Tèsàlonikà 3:8

Ghàs tè paʼà zhi fɨa ə wûəkè ə faŋə se ndàʼ. Ghàs tè pɨlə fɨ̀aʼa nâʼà è tyaʼa, èchwì è kɨsè ètuʼve endom se kyî ekɛ kə ndɔ̀ʼɔ ghàs ə pfɨfə èkɛ se ghàyn se zhɔyn efɨa vɛ ə ghàs kyiŋə.