2 Kolìŋ 11:6 - Ŋwàʼlè ə̀ Fèzhə̀ Mkâyn Mə̂ Fèm

⁶ Ə m va pî se kàʼa m wamne achûŋ əghɨghe əshi, pîza m nyîə kyi ètɔf. Ghàs ə kàynè tyəyn ghɛ nə zɨnə se ghàyn ndom tekɨ̂m nə ghàs nyîə kyi ètɔf.

2 Kolìŋ 11:6 ပူးပေါင်းရင်းမြစ်များ

1 Kɔlìŋ 1:17

Klâys tè paʼà tom mi nə m pəyn fo m̀mo sê ghɨ. È tè tom nə m pəyn ə mə ndâʼà tom èchùŋ, tsâ va è tɔf eghaʼâ ə ghɨ̀zè, kə kwu ə vəynze awâmnè tàʼa njìsè atyaʼ kɛ ə ze kyi.

1 Kɔlìŋ 1:21

Kûmə̀ nyiə mə, Zhə̀fè tɔynə̂ ə vəyn etɔf eghaʼâzè ə nə̀yn nə wùə vayn ndə̀ʼə kê vəyn tɔynə̂ ə vəyn etɔf eghaʼâ ə ngɨŋze. Zhə̀fè tè nyîə pɨlə saŋnə̂ tɔynə̂ əfètə̂ ‘àngo’ kɛ ə tè ndàʼa, è və sɔ̀zâ ə̀ghɨ ghɛ ə tè pomə.

1 Kɔlìŋ 12:8

Zuʼsə təynse fo se wùə vîvè tom mə è nyiə kyi ètɔf eghaʼâzè, sê wùə mɔʼɔ, se fo tom mə è nyiə kyi èkê.

1 Kɔlìŋ 2:13

E za nyi nə ghàs nə piə zaʼlə ndò, ghàs e zaʼlə̂ va ghɛ etɔf eghaʼazè mə ze ndo sê ghɨ, pîza zaʼlə̂ ètɔf eghaʼâzè mə ze ndo sê Zuʼse. Ghàs tsà paynsə̂ səmɔʼ ghɛ kûmə̀ Sèzuʼ se ghɨ ghɛ ə ghənə kyi Zuʼ sə təynse.

2 Kolìŋ 10:10

Piə ghɨ mɔʼɔ pìə nə, “Shɨ̂ŋə̀ kɛ ə è nyàʼà, ŋwàʼlè sə vəynse se kyi ezhiyn, è kɨsè m̀kɔʼnè, pîza è və nə̀ pɨlə pə̂ əghɨghe əshi è fanə̀ se wàmnè əghɨghe əfètəyn.”

2 Kolìŋ 12:12

Mə tè kol təmə, ə njìə àshîŋə̀ se tyə̀ynə sèchwìə sə wùətom ə səmɔʼse, paʼsə̂ è chwìəse, è ghɛ ə cho zoməghe, è fɨ̂aʼ te kayntəte.

2 Kolìŋ 4:2

Ghàs ə zàmaʼà ghɛ ə ndətə è ghɛ ə ghoməghe; ghàs nə̀ va ghɛ mə ghàs lesə̂ ə̀ghɨ, pî sə̂ kwiynə̂ tom ə̀ Fezhə̀. Ghàs pɨlə ndàʼà səmɔʼ ə ndayn, momsə̀ se ndamə ə Zhə̀fè əshi endom kə nâʼàpî ndè vɛ ə è fe ghàs, ə təm ə vəynghe ə saŋnə̂.

2 Kolìŋ 5:11

Nyiəmə, ghàs ngɨmnə̂ ndò Zhə̀fè. Ə̀ za nyi eghɛ zɛ ə ghàs chyatə ghɨə nə ə pəyn sê Vəyn. Zhə̀fè nyîə ke ə̀ghɛ ə̀kɨ̂m kûmə̀ ghàs, m kwaʼtə̀ nə ə ghàyn ətəm, ghàyn pɔŋ fɛtê ke ndò ghàs.

2 Kolìŋ 6:6

Ghàs ə tyə̀yn nə ghàs nyi əghɨə Fezhə̀ kûmə̀ nə ghàs ndamə tèndam tezote, kyi ètɔf, wəynsə èwiyn, tɔ̂ʼnə̀, kyi Sèzuʼ se Ŋwaʼase, fɨnə kɔ̂ŋɔ̀ ə̀ghɨ mɔ̀ʼɔ nâʼà səmɔʼ.

2 Kolìŋ 7:2

Ghàyn tyəyn kɔ̂ŋ zayn sê ghàs. Ghàs pâʼà nə̀yn tsas ghɛze sê wùə; ghàs pâʼà nə̀yn wùə ve njìse ndom; ghàs pâʼà lesê fi fɨa əwûəkè.

Ɛfesùs 3:4

Ghàyn tɔŋə ghɛ nə ghɨynə nâʼàpî ashìŋə̀ àkè ə fe kê nə m ke ndô ghɛ ə ndətə nə ghɛ ə Zhə̀fè pɨaʼtə̂ kûmə̀ Klâys.