2 Kolìŋ 11:3 - Ŋwàʼlè ə̀ Fèzhə̀ Mkâyn Mə̂ Fèm

³ M pìə nyî fànə̀ nə ghɨ kàʼa pəyn lesê ghàyn, kèpî kə mbam tè lɛse Îf, ə ghàyn ə fɨnə ndə̂mə̀ va təm ghaynghe, pîəva səmɔʼ zâynzè endom vɛ ə ghàyn nə̀ ghɛghe ghâynghə̀ Klâys.

2 Kolìŋ 11:3 ပူးပေါင်းရင်းမြစ်များ

Matyò 24:24

Kûmə̀ nə ghɨə etsɨə tə fɨə pə̂ ə tsâ nə ə nyi vɛ ə chɔʼ ndə̂m è fɨ̀aʼtè sə akaŋse ə sə tyə̂nə̀ sèchwìə sekwə̂mnəse, mɔ̂mə̀ əghɛ kayntə kè se mɔ̀msè se fe nə ghənə nyiə kaʼa ə kyiŋse nâʼàpi ə̀ghɨ ghɛ Zhə̀fè se nyi mə fe ə chɔʼ se sɔzà.

Njɔyn 8:44

Ghàyn nyi əghɔ pɨ̀a vâynvè, ndə̂plè, kɔ̂ŋɔ̀ kə sə chûmtə̀ tè kwaʼtè tə vəynte. È tè zhwiə əghɨ kè ə zhə̀te, wàmnə̀ va ghɛze səmɔʼ kûmə̀ nə è kyi va səmɔʼ. Shîŋə̀ kɛ ə è wamə kaŋke, è lotə̂ wamnə̀ kə èwâmnè ə vəynze, kûmə̀ nə è nyi wùə àkaŋ, nyi pɨ̀a sê kwaŋve.

Ŋwàʼlè ə̀ Pɔ̂l sê ghɨə Lûmghè 12:8

Wùə vɛ ə fo ə̀ Fèzhə̀ se vəyn nyi nə è və fo ə̀təm sê ghɨghe, e ve nə̂ kə zamə. Nâʼàpî ndè vɛ ə fo ə̀ Fèzhə̀ se vəyn nyi nə fɨake ə ndô ə və gho ndûə sê ghɨ mɔ̀ʼɔghe, è ve fo è təm ə vəynghe əkɨ̂m. Wùə vɛ ə fo ə̀ Fèzhə̀ se vəyn nyi nə è və nyi àtu se ghɨghe, è ve nyi àtu se ghɨə təynghe achûŋ. Wùə vɛ ə fo ə̀ Fezhə̀ se vəyn nyi sə̂ kyi èkosê esəyn sê ghɨghe, ə è və nə̂ zamə è saŋnêzè.

2 Kolìŋ 1:12

Ghàs nyîə nyi èghaŋse ewìynze kə təm ghasə nə̂ kə ghàs ə ke nə ndam zasze fa mbi, è paynpayn ndom vɛ ə ghâsènì ndamə ətəyn nyi mə ə̀ tè chisê səmɔʼ è təm ə chûŋghè, è kɨsè tyaʼ kɛ ə ke ndô pə̂ afùʼ ə Fezhə̀kè, ə̀ vachi ètɔf eghaʼâ ə mbize.

2 Kolìŋ 11:20

Ghàyn ə kol təmə, ə zà nə ghɨghe ə njîə ghàyn kə ekɔ̂s, zhiə ə ghàyn ewìyn, chɔŋtə̂ ghàyn, nə̂ kəpiə ə tsɛ̂ ndò ghàyn, fɨnə sôylə̀ ghàyn kə piə ghàyn nyi sepu.

2 Kolìŋ 11:29

Ə m fe wùə è ve pɔ, ghɛ ətəynze fo ngəʼ sê mi, ze ə nə̀ mi m pɔŋə pɔ. Ə wùə pfɨ̀ əfètəyn əpi, ghɛ ətəynze fo ngəʼ sê mi nâʼà sə ŋaŋ.

2 Kolìŋ 2:17

Ghàs va kə tsɨ̀tsɨ̂ ə̀ ghəmɔ̀ʼɔ ghɛ ə ghe nji ghɛ Fezhə̀ sə afɨa ezhɔynke, pəʼlə̂ sə ekɛ. Ə̀ tom Fèzhə̀ ghàs nə ə nə̂ èfɨ̂aʼ nə zɨ̂nə̀, ghàse ndàʼà kə nâʼà səmɔʼ ə Zhə̀fè əshi kə əghɨ efɨaʼa ə Klâysghè.

2 Kolìŋ 4:2

Ghàs ə zàmaʼà ghɛ ə ndətə è ghɛ ə ghoməghe; ghàs nə̀ va ghɛ mə ghàs lesə̂ ə̀ghɨ, pî sə̂ kwiynə̂ tom ə̀ Fezhə̀. Ghàs pɨlə ndàʼà səmɔʼ ə ndayn, momsə̀ se ndamə ə Zhə̀fè əshi endom kə nâʼàpî ndè vɛ ə è fe ghàs, ə təm ə vəynghe ə saŋnə̂.

Ngàleshyà 1:6

M nyi è kaynze nə ghànə kàynè fɨl tsɨ̀m sê wùə vɛ ə è tè tɔŋɔ ghàyn tɔynə̂ ə Klâys afùʼ, sè pomə̂ se tom ə̀ ndò.

Ngàleshyà 2:4

Ghɛ ese nə nam nə zɨnə mə tè fɨ mə ə̀ ndwìse əghɨ ə pomə akaŋ yîghe fu, kə ə pə̀yn nji ə ghàs əfètəyn se fe kə ghàs va ekɔ̂s ə Klâys Njisə̀s, se nə̀yn nə ghàs ə nyi èkɔ̂s.

Ngàleshyà 3:1

Ngôə ghɨə Ngàleshyà vɨ̀nə! Ə lɔʼ ndô ghàyn nə? Piə ə tə fɛte tyə̀yn mɨsè se ghàyn kə ə tè paynte Njisə̀s Klâys ə awâmnè ə?

Ngàleshyà 4:11

M fânə̀ nə fɨ̂aʼ zɨm zɛ ə m tè nə̀yn ə ghàyn əfètəyn ə njìsè ke səndô!

Ɛfesùs 4:14

Ə ze nyi nyî, ə ghâsènì ə fɨyn va kə mmɨ̂ətə̀ sə̂ tsɨnə̀ ndinə̂ kə etûə m̀mo, nâʼàpî èkyì ezaʼlê èkè e pə̂ ze ə njìə tsɛ̂ kə ndò ghâsènì, wùə e pɨaʼtə pîə àkaŋ àkè è və pə̀ ə lesə̂ kə ghâsènì è kəynke.

Ɛfesùs 4:22

Ə tè zaʼle nə ghàyn maʼa ndam emɨ zaynze kûmə̀ nə kwâʼtè tepite taynte tè nyîə pofsə̂ ghàyn.

Ɛfesùs 6:24

Ə fùʼ ə Fezhə̀kè ə nyi se ghɨghe əkɨ̂m ghɛ ə ghe faŋ kɔ̂ŋɔ̀ kə ndò Pɛ̂pɛə ə̀ ghâsènì Njisə̀s Klâys.

Kòlosè 2:18

Kə ghàyn za nə wùə ə pîə sê ghàyn nə ghàyn kyi sə̂ njiə sèngɨŋ saynse əchi. Kə ghàyn za kepî nə wùə tsayn se ghàyn nə ghàyn kyi sə̂ ngɨmnə̂ sètsì kə è ngɨmnə. Ə ghàyn nə̀yn zamə ə njise mâʼtè vayn vɛ ə Zhə̀fè pì nə è nə̀ fo sê ghàyn. Nâʼàpî ndè vɛ ə è zaʼlə zamə, è pìə nə zhi fe ətelaynəlayn. Kyì ə wûə nə vɛ mə ghaŋsə̂ èwiyn səndô, è ghɛ ə pi ghɛ ə ghe fɨə ə vəyn ətəm, mə è kyi va ghɛ zhîze se pì.

Kòlosè 2:4

M tsâ se ghàyn nyî kə wùə ə va se lesê ə ghàyn è wâmnè efɔməze, ə ghàyn ə kwaʼtə̀ nə ghɛ zɛ ə è tsà sê ghàyn nyì achûŋ.

Kòlosè 2:8

Ghàyn e tɔ̂ʼnə̀ se fe nə kə wùə tə lesə̂ ghàyn se zaʼlə ghàyn è ghɛ ə akaŋghe. Ghɛ zɛ ə ghənə zaʼlə ghàyn ətəyn nyi ezaʼlê mə ze ndo pə̂yn sê pɨ̀a ə pɨa ə ghənə̂ghè, mə ze chûmtə̀ èlwɔ̂ŋ ə ghɛ mbighe. Zaʼlê nə zɛ nyi zɛ ə ze ndô pə̂ se ghɨ msɔ̀ŋghe, ə̀ vachi se Klâys.

1 Tèsàlonikà 3:5

Ə̀ za nyi eghɛ zɛ ə ze tè nəyn mə tiynsə̂ Timotì. M tè tiynse nə è pəyn fe nə ghàyn ghe tɔ̀ʼɔ̀ samsə̂ Klâys, è kûmə̀ nə m tè vayn kàʼa m fɨyn kol ə̀təm sə̂ ndamə, ke va nə ə̀ kyàynə̀ ghè sê ghàyn ə. M tè fànə kə nə ndə̂plè kàʼa è zə nyi mə è zə mɔ̀m ghàyn, ə nə̀ nə fɨ̂aʼ etsɨə kɛ ə ghàs tè nəyn ə ghàyn əfètəyn ə njìse səndô.

1 Timotì 1:3

M kyiŋə nə ò faŋ ə Ɛfesùs, kè kə m tè pì sê ghò kə m tè ndo ndûə endaʼa Màsèndonyàzè. Ghɨ ə mɔ̀ʼɔghe ə Ɛfesùs zaʼlə̂ èzaʼlê akaŋze, ò kyi se tyəmsə ghənə.

1 Timotì 2:14

Ə tè paʼà kyìŋse Andàm. Ə tè kyìŋse ke wùzhɔyn, è və kyimə àlâŋ ə Fezhə̀kè.

2 Timotì 3:13

Ghɨ piə è ghɨ ghɛ ə ghe tyə̀nə̀ nə ghe nyi afɨa, pîza va, ə pofə ndùə kə èshike, kyîŋsə̀ ə̀ghɨ, ghɨə mɔ̀ʼɔghe e pɔŋɔ kyîŋsə̀ kəpî ghənə.

Taytùs 1:10

M piə nyi kûmə̀ nə ghɨ tsɨəghe ə ghàyn əfètəyn zɨtə va, tsɨnə̀ wâmnə̀ kə tèwâmnè tezomte, fɨnə lesə̂ ə ghɨ. Ghɛ nə ghɨnə mə tsɨ̂ə ə fètəyn ə̀ghɨ ghɛ ə ghe pîə zûŋsə̀ nə wùə kàʼa è kyi ke èsɔzaze ezhoghɛ ə se nam ə vəynghe.

Ipilù 13:9

Kə ghàyn zâ nə ə lɛsə̂ ghàyn è kyì tə ezaʼlêtè tekɨ̂m mə te nyi sə nɨŋ sê tom èchùŋ. E tsɔ̂fə̀ nə ə nə̂ àfùʼ ə Fezhə̀kè nə təm ghaynghe ə tɛ, ə̀ va chi elwɔ̂ŋ vɛ ə ghàyn ndə̀mə̀ kûmə̀ èfɨa zhiəve kûmə̀ nə lwɔ̂ŋ nə vɨnə tsâmtə̀ va ghɨ ghɛ ə ghe ndə̀mə̀ vəynve nâʼà səkɔs.

2 Pità 3:17

Pîza se ghàyn ə soyn sɨmse, ghàyn nyîə kâynè ke èghɛ nə zɨ̂yn, ghàyn e tɔ̂ʼnə̀ kə ghàyn tə pfɨ nji etsas ə ghɨ̀ nə ghɨ̂yn ə fânə̀ va Zhə̀fè, ə ghàyn njise luʼ vaynve vɛ ə ve tyəm achûŋ.

2 Pità 3:3

Ghɛ ə shize nyi nə ghàyn kyi sə̂ ə̀ ke nə ə̀ tə pə̂ ə nyi mtuʼ mê kwùŋsə̂mè, ə ghɨ yîghe pfɨ̀ŋə̀ fɨ pəyn mə ə̀ nyi əghɛ ghɛ ə njà sewìyn sə ghənə kyiŋə chisə ghənə, ə ghənə ə nyə̂ʼsə̀ ghàyn,

1 Njɔyn 2:18

Ghɔyn ghɨm ghe kɔ̀ŋə̀, ə̀ zo nyi ə mtuʼ mə èkwùŋsə̂m. Ghàyn ə zɨ nə pàyn sə Klaysè tə pə̂, ghənə setsɨ̀ nyì zôyn mə ə pə̀yn. Zɨnə mə tyə̂nə̀ sê ghâsènì nə tuʼ me kwùŋsə̂ mə pə̀yn.

1 Njɔyn 4:1

Ghɔ nyì ghɨm ghe kɔ̂ŋə̀, kə ghàyn ə pomə se nâʼàpî ndè vɛ ə è pìə nə zhi nyîə kyi sè Zuʼ, pîza ghàyn mom ghənə se fe nə zuʼ sɛ ə ghənə kyi ndo pə̂yn tê se Zhə̀fè ə. Kûmə̀ nə fɨ̀aʼtè sə akaŋse tsɨəse nyi ndô ə mbi.

Njût 1:4

Kûmə̀ nə ghɨ yîghe mə ghe ke va Zhə̀fè ə nyaʼtê nji ə ghâsènì ə fètəyn, ə̀ nyi ə̀ghɨ mə ghə fəʼtê tomə̀ àfùʼ ə Fezhə̀kè pîə nə fùʼ ətəynke nyîə pomə̂ nə ghɨghe ə ndamə tèndam tenyələte, Ŋwàʼlè ə̀ Fèzhə̀ se nyi mə è zə tə wàmnè nâʼà sə mɨ kûmə̀ ə̀ kyì ə ghɨ nə ghɨ̂nə̀ ə tsà nə Zhə̀fè tə saʼa pofsə̂ ghənə kûmə̀ nə ghənə ə tə pɛ̀ apɨəyn emɔ̀ʼ vɛ ə ghâsènì kyi ə̀ nyi Pɛ̂pɛ Njisə̀s Klâys.

Etyə̂yn ə paynsêzè 12:15

Nyàm nə zɛ ə tè tɔŋtə nə ndlangɔ̀yn ə tsiə m̀mo ə wùzhɔyn vɛ epàm, m̀ nyi kə tsò èghaʼâ, mə m̀ tè nyì se nə̀yn nə luʼ ətəynve lwiyn kə m̀ pɨaʼa ndo è vəyn.

Etyə̂yn ə paynsêzè 12:9

Ə màʼà fɨsə̂ nyàm èghaʼâ zɛ ə tè tɔŋtə nə ndlangɔ̀yn ə chi. Ə̀ tè nyi mbam ètuʼ əshi zɛ ə tè tɔŋtə nə ndə̂plè, fɨnə tɔŋtə̂ kəpî Satàyn. Ə̀ tè nyi zə̂yn zɛ ə è tè lɛsə ghɨ mbiə əkɨ̂m. Ə màʼa tsosə̂ zə̂ynzè ə chi yî tsì sə zə̂ynsè kè sekɨ̂m.

Etyə̂yn ə paynsêzè 20:2

È zə ko nyàm èkwə̀mnə zɛ ə tè tɔŋtə nə ndlangɔ̀yn ə è tè nyi mbam è mɨ za, e tɔŋtə̂ kəpî vəyn nə satàyn ə kolə zə̂yn sə sepìŋ kam.