2 Kolìŋ 10:4 - Ŋwàʼlè ə̀ Fèzhə̀ Mkâyn Mə̂ Fèm

⁴ Fɨa eghɔ̀ŋ vasve nyi mə ə̀ paʼà fɛtê wùə. Pîza ə̀ nyi efɨa eghɔ̀ŋ ə Fezhə̀ vɛ ə è fo nə ghâsènì fɨ̂aʼ ətəyn se pofsê ə te luʼtə atyaʼte.

2 Kolìŋ 10:4 ပူးပေါင်းရင်းမြစ်များ

Ətefɨ̂aʼ 7:22

Ə tè zaʼlê Mosîs, ètɔf eghaʼâ əghɨ Enjìpzè kè ekɨ̂m. Ə̂ pə̀ kə è ndəmə kɔʼ pə̂yn, wàmnè ə vəynze è ghɛ vəyn ghe nə ghe ghəʼnə̂ kə nyî.

Ŋwàʼlè ə̀ Pɔ̂l sê ghɨə Lûmghè 13:12

Tuʼve se nyi ke se zo, pɨəynke se panə mɨ̂sə̀ pə̂ ndò. Ə ghâsènì zàmaʼà ə̀ghɛ pi ghɛ ə ghâsènì tè nə̂, ə maʼ fɨa eghɔ̀ŋ vɛ ə nô ətəyn əfètə̂ epayn.

Ŋwàʼlè ə̀ Pɔ̂l sê ghɨə Lûmghè 6:13

Ghàyn kiva sə̂ zâ apâs kayn kyîke əfètə̂ ghɛ pighe, kyi kepî va sə̂ njiə kəynke nə̂ ə̀ghɛ əpighe ətəyn. Pîza ghàyn pɨl fo sèngɨŋ saynse sê Zhə̀fè kə ghɨ ghɛ ə nyi mə ə fɨsê ghənə ekwu, ə fo ghənə èndam efeze. Ghàyn fo nâʼà èwiyn vaynve ekɨ̂m ə Zhə̀fè ə gho, kə è tə nəyn ə ghàyn ə nə̂ ə̀ghɛ ghɛ ə ghe nyi chichi ə Zhə̀fè əshi.

1 Kɔlìŋ 2:5

M tè wàmnə̀ se nə̀yn nə kə pomə zayn zə zaʼnə̂ ə wùə m̀sɔ̀ŋ etɔf eghaʼâzè pîza nə ze ə zaʼnə̂ kə ə Zhə̀fè àtyaʼ.

1 Kɔlìŋ 9:7

Ə̀ nyi sokə̀ʼ èkè ə è njì kɛ ə vəyn se zhɔyn efɨa vɛ ə è kyi sə̂ nə̂ èfɨaʼ ə sokə̀ʼze ətəyn ə? Ə̀ nyi wùə àfùʼ èkè ə è kaʼa ə è və fɨaʼà afùʼ etwɔm etɔfəve, vayn kàʼa è ndɛ vəynvə? Ə̀ nyi ngyəyn ə senyàm èkè ə è kamə va yîynə̀m ə və senyàm se mɨ ə?

2 Kolìŋ 10:8

Pɛ̂pɛ ə fo tyaʼa sê ghàs ə ghàyn ətu, mə ghàs sè pfɨ̂nə̀ tsɛsə̀ ngàŋtèkè kûmə̀ àtyaʼ ətəynke, ə ghàs ə ghomə̂ va kûmə̀ nə È fo nə m fɛte ghàyn è kəynke, è pâʼà fo nə ghàs pofse ghàyn è kəynke.

2 Kolìŋ 13:10

M nyâʼà ŋwàʼlè zɨ̀yn nə è pəyn sê ghàyn sə shi tsɔ̀fə kə m pəyn, kə m tə piə pə̂ ndò mə ghàyn ə kwiynê kə m tàʼa zɔ̀ ghàyn sə ŋaŋ è tyaʼ kɛ ə Pɛ̂pɛ fo se mi; atyaʼ kɛ ə ke nyi se nə̀yn nə pomə̂ zaynze ə ndəmə̂, ə̀ vachi se pofsê epomə̂ zaynze.

2 Kolìŋ 3:5

Ghɛ zhîze va ə ghàs endam ə ze kaʼa ə ze nəyn nə ghàs ə kwaʼtə̀ nə ghàs kɔʼɔ kwəynə̂ ndò se nə̀yn efɨ̂aʼ zɨ̀nə̀, ə̀ nyi Fezhə̀ ə fe nə̂ nə ghàs ə kɔʼɔ kwəynə̂ se nə̀yn efɨaʼ ətəynze.

2 Kolìŋ 4:7

Pîza ghàs ghɛ ə kyi fɨa m̀kɔʼnè ə sezuʼ nə zɨ̂nə̀ nyi ke kə sètɔ̀yn sə achaʼse endom kə sə tyə̀nə̀ nə tyaʼ aghaʼa kwəynəke kyi Fèzhə̀, ə̀ va chi ghàs.

2 Kolìŋ 6:7

Zhə̀fè ə fo tyaʼa sê ghàs, ghàs e ndàʼà kə èghɛ zɛ ə ze nyi səmɔʼ sê ghɨghe. Fɨa eghɔ̀ŋ vɛ ə ghàs nô è vəyn fɨnə kɨ̂ŋtə̀ sèngɨŋ sasse ətəyn nyi tendom tə chichite.

1 Tèsàlonikà 5:8

Pîza, ghâsènì nyi əghɨ ə zo chwîghè. E za tyə̀nə̀ nə ghâsènì kyî se fɛtə̂ kyiə sengɨŋ sə ghasènìse. Kyî epomə̂ ə ghasènìze sê Zhə̀fè è kɔ̂ŋ ə ghasènìzè kyi se kɨ̀ŋtè ə ghâsènì kə akɨ̀ŋtè angàŋtèkè. Kwâʼtè elɨmtə ə ghasènìze nə ə nə̀ sɔza ghâsènì kyi se kɨ̀ŋtə ghâsènì kə afɔ eghɔ̀ŋke.

1 Timotì 1:18

Vayn vɨm Timotì, m fo ètəftê zɨ̀nə se ghò mə ze nyi kepî èghɨ èghɛ ghɛ ə fɨ̀aʼtèsè tè pi kûmə̀ ghò. Njì ghɛ ghɨ̂nə ə tsâ sê ghò nyi se nò enô echûŋzè.

2 Timotì 2:3

Njì kɛke nə andiŋ se fe ngəʼ kə sokə̀ʼ ə̀ Njisə̀s Klâys zɛ ə è nò è təm ə vəynghe əkɨ̂m.

Ipilù 11:30

Ə̀ tè nəyn ekyî epomə̂zè nə mbàyn ə̀ Njèlikò pfɨ. Ze tè kyayn kə ghɨə Isìlâyghè tè kwì kyɨŋ nga zə̂ynzè sə mtuʼ esɛ̀mbɛ.