2 Kolìŋ 10:18 - Ŋwàʼlè ə̀ Fèzhə̀ Mkâyn Mə̂ Fèm

¹⁸ Ə Pɛ̂pɛ kwàʼtè achûŋ kûmə̀ ghâsènì, ə nji ghâsènì kə ghɨ ə chûŋghè, pîza ə vachi ghâsènì sə̂ kwaʼtə̀ chùŋ kûmə̀ sèngɨŋ sə ghasènìse kə njîə ghâsènì sə ə̀ghɨ̀ ə chûŋghè.

2 Kolìŋ 10:18 ပူးပေါင်းရင်းမြစ်များ

Tom èchùŋ kè kə Lûk tè nyaʼ 16:15

Njisə̀s ə se pi sê ghənə nə, “Ə nyi ghàyn ghɛ ə kwiə tyə̂nə̀ sê ghɨ nə ghàyn nyi əghɨəe chûŋə̀, pîza Zhə̀fè e ke ətəm ghaynghe. Naʼapi ghè vɛ ə kwàʼtè ə ghɨ̀zè njiə nâʼà sə afɨa nyi ke àfɨa e zomke sê Zhə̀fè.

Njɔyn 12:43

Ghənə tè nyîə kɔ̂ŋɔ̀ nə ghɨ ghə tsɨ̂tə̀ ghənə tsɛ̂ kə ə tsɨ̂tə̀ Zhə̀fè.

Ətefɨ̂aʼ 2:22

Pità ə pìə kwəynsə̂ nə, “Ghàyn ghɛ ə ghàyn nyi əghɨ ə Isìlây, ghàyn zɨte ghɛ zɛ m kyiŋə se pì. Njisə̀s tè nyi wùə ə Nazalɛ̀t mə Zhə̀fè ə tyə̀yn ə ndayn sê ghàyn nə Fə tom Vəyn. Fe nəyn nyi endom nə Njisə̀s tè nə̂ əghɛ ə kayntəghe, tyə̂nə̀ sèchwìə sə ghɛse se tyə̀nə̀ nə ə̀ nyi Vəyn vɛ ə Zhə̀fè tom. Ghàyn, è ngɨŋ saynse nyîə fɛte ke ə̀ghɛ nə ghɨ̂yn nâʼà ə̀kɨ̂m, kûmə̀ nə ghe tè kyàynə ə ghàyn əfètəyn.

Ŋwàʼlè ə̀ Pɔ̂l sê ghɨə Lûmghè 14:18

Mə ə ghɨə fɨaʼà sê Klâys famə endom nə vɨ̂yn, ghənə nə̂ nə Zhə̀fè ə saŋnə̂, ghɨə mɔ̀ʼɔghe e pîə nə ghənə ə nə̀yn ghɛ echûŋzè.

Ŋwàʼlè ə̀ Pɔ̂l sê ghɨə Lûmghè 16:10

Ghàyn tɔŋte Apelàs, ə vɛ ə tsɨnè ə̀ vəyn ze chùŋ tyə̀ nə è nyi chichi sê Klâys. Ghàyn tɔŋte kepî ə̀ghɨ esas ə ndɛ Alistopùlùsghè sê mi.

Ŋwàʼlè ə̀ Pɔ̂l sê ghɨə Lûmghè 2:29

Pîza wùə vɛ ə̀ lote nyi wùə Njûs, ə̀ nyi wùə vɛ ə è nyi wùə Njûs ə vəyn əfètə̂ ə̀təm, e za tyə̀ nə ə̀ nyi wùə vɛ ə nyi mə ə se nam ə vəynghe ə vəyn ə fètəyn. Ə̀ nyi Sezuʼ sə Fezhə̀sè ə se nə̂ fɨ̂aʼ nə zɨ̂yn, ə̀ vachi nə wùə chùmtə̀ àlaŋ kɛ ə nyi mə ə nyàʼ. Ə̀ tsîtə̀ Fèzhə̀ è wùə nə vɛ mə, ə̀ vachi wùə m̀sɔ̀ŋ.

1 Kɔlìŋ 11:19

E kayntə̂ va ndô mi, chyâsè kyi ke sə̂ nyi ə ghàyn əfètəyn, kə ə fɛte fe kê ghàyn ghɛ ə lote nyi ə̀ghɨ ə Fezhə̀ghè.

1 Kɔlìŋ 4:5

Kûmə̀ nyî, kə ghàyn ka saʼ ndɔ̀ʼɔ shîŋə̀ təynke kwəyn. Ghàyn lɨmte ə Pɛ̂pɛ pəyn. È tə pə̂ ə è tyəyn paynsê ə̀ghɛ ə ndətə ghɛ ə nyâʼtə nə̂ alɨm, ə è tsayn kwaʼtè tɛ ə ghɨ ndətə̀ ə ghənə ətəm, ə Zhə̀fè ke tsîtè ə nâʼàpî ndè ə vəyn efɨ̀aʼ.

2 Kolìŋ 10:12

Ghàs pìə va nə ghàs nyi anɔ̀yn ə ghɨ ghɛ ə ghe wàmnə̀ ghɛ ə chûŋghè kûmə̀ sèngɨŋ sə ghənə̂sè. Ghàs pìə nə, ghənə ə ndə̀m fɨ̀aʼnèkè sə̂ fɨaʼnə̀ sengɨŋ sə ghənə̂sè ətəyn. Ghənə nə̂ ə̀ghɛ ghe kyi va tɔfze.

2 Kolìŋ 13:7

Ghàs tsə̂mə̀ se Zhə̀fè nə kə ghàyn tə nəyn pofsê èghɛ zhîze. Ghàs tsə̀mə̀ chîəva tsə̂m nə zɨ̂yn kə ghɨghe ə pîə nə Zhə̀fè ə pomə̂ ghàs, pîza ghàs pɨlə kyiŋə kə nə ghàyn ə nə̂ èghɛ zɛ ə ze nyi chichi, naʼapi kə ghɨə mɔ̀ʼɔghe kwaʼtə̀ nə Zhə̀fè paʼà pomə̂ ghàs kə ghɨətomə.

2 Kolìŋ 3:1

E za tyə̀nə̀ nə ghàs pfɨ̀nə̀ kwəynsə̂ àngàŋtè kûmə̀ sèngɨŋ sasse mə? Mə ghàs kyi ndô se nə̀yn kə ghɨ ə mɔ̀ʼɔ ghɛ ə pɨaʼa ŋwàʼlèsè se pə fo se ghàyn se tsàyn afɨa kɛ ə ghənə nyi kəynke ə? Pî ghɛ ə fiə ŋwàʼlèsè sê ghàyn se nduə fo se tsàyn afɨa kɛ ə ghənə nyi kəynke ə?

2 Kolìŋ 5:12

Ghàs fɨnə mɔ̂msə̀ va se tsàyn se ghàyn fɨa kɛ ə ghàs nyi kəynke. Pîza ghàs pɨlə kyiŋə nə ghàyn ə kyi eghɛ sə pfɨ̂nə̀ fètwɔ̀ʼ kûmə̀ ghàs, kə ghàyn ə ke sə̂ pə̀ynsə̀ ə̀ghɨ ghɛ ə ghe pfɨnə̀ fètwɔ̀ʼ kûmə̀ əghɛ ghɛ ə fe əghɨ ghe endam, zâmaʼà zɛ ə ze nyi ə ghɨ ətəynghe ətəm.

2 Kolìŋ 6:4

Ghàs pɨlə tyə̂nə̀ kə nə ghàs nyi əghɨ əfɨaʼa ə Fezhə̀ghè ə tendom tɨ̀nə̀; ghàs wəynsə̂ kə ndò tsôs e ghaʼâ vɛ ə ghàs fe, è tsɨfsè zɛ ə ze pə̂ sê ghàs, è kyì tə ghɛ ə tɛ ə mɔ̀ʼɔghe.

2 Timotì 2:15

Mɔ̀mse nâʼà è tyaʼa se nə̀yn nə Zhə̀fè fe nə ò nyi wùə èfɨ̀aʼa vɛ ə è ghomə va sə̂ nə̂ èfɨ̂aʼ ə vəynze, fɨnə zaʼlə kə səmɔʼ zɛ ə è nyi ə Vəyn ə tom èchùŋ.

1 Pità 1:7

Mɔ̂m nə tɨ̂nə̀ pə̀ sê ghàyn, nə̂ nə ghɨ fe ke nə ghàyn kyi ke nâʼà kàyntè èkyî epomə̂zè. Ə pɔŋɔ mɔ̀mə̀ ngôl è wusve nâʼàpî kə ə̀ nyi afɨa kɔʼnə̂ tânə̀ va kə epomə̂, mə ke kàʼa ə ke pof. E za tyə̀nə̀ nə, ə kyi kepî sə̂ mɔ̂mə̀ èkyî epomə̂ zaynze se kê nə ə̀ nyì tê kàyntè èkyî èpomə̂ zə, kûmə̀ nə ə̀ nyi afɨa kɔʼnə̂ tsɛ̂ ngôl kə ə̀ tə nəyn ə̂ nyi etuʼ vɛ ə Njisə̀s Klâys kɛse pə̂yn, ə ghàyn kyi tsîtèzè, è pomsêzè, è kɔʼsêzè.