2 Kolìŋ 10:13 - Ŋwàʼlè ə̀ Fèzhə̀ Mkâyn Mə̂ Fèm

¹³ Pîza ghàs nə pfɨnə̀ va ngàŋtèkè kûmə̀ èghɛ mə Zhə̀fè paʼà fo nə ghàs nəyn. Ghàs nə pfɨ̀nə̀ kə àngàŋtè kûmə̀ ə̀ghɛ ghɛ ə Zhə̀fè fo nə ghàs ə nə̂, fɨ̂aʼ kɛ ə ghàs nə̀ ə ghàyn ə fètəyn nyi eghɛ èmɔ̀ʼ əfètə̂ ghɛ ghɛ ə Zhə̀fè fo nə ghàs ə nə̂.

2 Kolìŋ 10:13 ပူးပေါင်းရင်းမြစ်များ

Ŋwàʼlè ə̀ Pɔ̂l sê ghɨə Lûmghè 15:20

Kɔ̂ŋ zɨme shîŋə̀ tekɨ̂m nyi nə m ndaʼa tom èchùŋ elùʼ vɛ ə nyi mə ə paʼà zɨ kûmə̀ Klâys. M tè nəyn nyiəmə kə m tàʼa ndù elùʼ vɛ ə wùə mɔ̀ʼɔ nyi mə è və kàynè zhə̂tè fɨ̂aʼzè.

Ŋwàʼlè ə̀ Pɔ̂l sê ghɨə Lûmghè 12:6

Zhə̀fè ə njì fùʼ ə vəynke se fo ə fô ə̀ nâʼà pîndè, nâʼàpî zɨ̀yn e nyi ke sənɨŋ. Ə Zhə̀fè nyi mə fə fo wùə è fo nə è və wâmnə̀ ə̀ghɛ ə Zhə̀fè ezə, è ve wâmnə̀ kə əghɛ ətəynghe kə pomə̂ zɛ ə è kyi tyə̂nə̀.

1 Pità 4:10

Zhə̀fè ə pɔse ghàyn ə fo tefo ə tekyì ə tekyì. E za tyə̀nə̀ nə nâʼàpî ndè kyi sə̂ njiə èfo ə vəyn zɛ ə Zhə̀fè fo nə̂ chùŋ sê ghɨə mɔ̀ʼɔ ghə ətəyn kə ghɨ fɨaʼa əchûŋ ə Fezhə̀ghè.

Ɛfesùs 4:7

Pîza nâʼàpî ndè ə ghâsènì əfètəyn fɨ̂aʼnə̀ kyiə èfo ə vəyn kè eghɨ kə Klâys kɔ̀ŋɔ̀ se fo.

1 Kɔlìŋ 12:11

Pîza ə̀ nyì ke sèzuʼ nə sɨ̂nə̀ ə se nə̂ ghɛ nə ghɨnə̀ ə̀kɨ̂m, mə se fo tèkyì tə tefote sê nâʼàpî ndè kè kə se kɔ̂ŋə̀.

Ŋwàʼlè ə̀ Pɔ̂l sê ghɨə Lûmghè 12:3

Kûmə̀ àfùʼ ə Fezhə̀ kɛ ə è fo sê mi, m pîə se ghàyn əkɨ̂m nə kə ghàyn nə nji sèngɨŋ saynse ekwùtwəyn endom vɛ ə ghàyn kwàʼtə̀ ətəyn, ghàyn e pɨlə njîə sèngɨŋ saynse ə chi ə ghàyn ekwâʼtè. Nâʼàpî ndè kyi se fe ngɨŋə̂ vəyn əfètə̂ èpomə eghɨ kûmə̀ èfo zɛ ə Zhə̀fè nyi mə fə fo sê vəyn.

Ŋwàʼlè ə̀ Pɔ̂l sê ghɨə Lûmghè 10:18

Pîza pfɨf zɨmze nyi nə, ze nyi ndô səmɔʼ nə ghənə tè pâʼà zɨ tomə̀ təyn ə? Ghənə tə fɛtê zɨ zə̂ynzè àchûŋ. Ə nyàʼ ə ŋwàʼlè ə̀ Fèzhə̀ nə, “Ə tə zɨ kyə̀ ghɨ̀ nə ghɛ ə ghe tè ndàʼa tom èchùŋ pôlə̀ tə mbi tekɨ̂m. Wâmnè ə ghənə̂zè ə tə ndù fɨ pôlə̀ tə mbi tekɨ̂m.”

Matyò 25:15

È və fo sê nâʼà pîndè kè ke tyaʼa vəynke nyi, sê vɛ mɔ̀ʼɔ e və fo sèkam sètâyn, ə fo sê pɛ̀ sê vîvè, ə fɨnə fo èmɔ̀ʼ sê və mɔ̀ʼɔ. È və ke ndo nduə ekwî.