2 Kolìŋ 10:12 - Ŋwàʼlè ə̀ Fèzhə̀ Mkâyn Mə̂ Fèm

¹² Ghàs pìə va nə ghàs nyi anɔ̀yn ə ghɨ ghɛ ə ghe wàmnə̀ ghɛ ə chûŋghè kûmə̀ sèngɨŋ sə ghənə̂sè. Ghàs pìə nə, ghənə ə ndə̀m fɨ̀aʼnèkè sə̂ fɨaʼnə̀ sengɨŋ sə ghənə̂sè ətəyn. Ghənə nə̂ ə̀ghɛ ghe kyi va tɔfze.

2 Kolìŋ 10:12 ပူးပေါင်းရင်းမြစ်များ

Tom èchùŋ kè kə Lûk tè nyaʼ 18:11

Wùə ə̀ Falàsî vɛ ə ndùə tyəmə sə nɨŋ sè tsə̂mə̀, piə nə, ‘M fo àzɔ̀ŋnè kɛke ə Zhə̀fè kûmə̀ nə m va chi kə ghɨə mɔ̀ʼɔ̂ ghɛ ə ghe zâŋsə̀ fiə fɨa ghɨ̀u səndô, vachi kə ghɛghe kəmə saʼe, chûmtə̀ va zəyn ə ghɨ̀ə. M va chi pi kə wùə ə vɨ̀nə ə è tənə tâksè nyi.

Ŋwàʼlè ə̀ Pɔ̂l sê ghɨə Lûmghè 15:18

M vayn kaʼa m wamne ghɛ zhize ə̀ tsɛ̂ kə va se wàmnè kûmə̀ èfɨaʼ zɛ ə Klâys nə̀yn, m nyi kàʼa m nəyn nə ghɨ ghɛ ə̀ vachi ə̀ghɨ ə Njûsghè ə nə̂ kə Zhə̀fè kyiŋə. Ghɛ ghɛ m wâmnè, è ghɛ ə m nə̂yn nyi əghɛ ghɛ ə ghənə kyi se wàmnè, è kɨsè se nə̀yn.

2 Kolìŋ 10:11

M kɔ̂ŋɔ̀ nə kyì ə ghɨ̀ nə ghɨ̂nə̀ ə ke nə ghɛ zɛ ə ghàs tsɨsə nyâʼ ə tomə nyi ke zɛ ə ghàs pə̀yn pî ə ghàyn əfètəyn, ə ghàs nəyn.

2 Kolìŋ 10:18

Ə Pɛ̂pɛ kwàʼtè achûŋ kûmə̀ ghâsènì, ə nji ghâsènì kə ghɨ ə chûŋghè, pîza ə vachi ghâsènì sə̂ kwaʼtə̀ chùŋ kûmə̀ sèngɨŋ sə ghasènìse kə njîə ghâsènì sə ə̀ghɨ̀ ə chûŋghè.

2 Kolìŋ 3:1

E za tyə̀nə̀ nə ghàs pfɨ̀nə̀ kwəynsə̂ àngàŋtè kûmə̀ sèngɨŋ sasse mə? Mə ghàs kyi ndô se nə̀yn kə ghɨ ə mɔ̀ʼɔ ghɛ ə pɨaʼa ŋwàʼlèsè se pə fo se ghàyn se tsàyn afɨa kɛ ə ghənə nyi kəynke ə? Pî ghɛ ə fiə ŋwàʼlèsè sê ghàyn se nduə fo se tsàyn afɨa kɛ ə ghənə nyi kəynke ə?

2 Kolìŋ 5:12

Ghàs fɨnə mɔ̂msə̀ va se tsàyn se ghàyn fɨa kɛ ə ghàs nyi kəynke. Pîza ghàs pɨlə kyiŋə nə ghàyn ə kyi eghɛ sə pfɨ̂nə̀ fètwɔ̀ʼ kûmə̀ ghàs, kə ghàyn ə ke sə̂ pə̀ynsə̀ ə̀ghɨ ghɛ ə ghe pfɨnə̀ fètwɔ̀ʼ kûmə̀ əghɛ ghɛ ə fe əghɨ ghe endam, zâmaʼà zɛ ə ze nyi ə ghɨ ətəynghe ətəm.