2 Kolìŋ 10:1 - Ŋwàʼlè ə̀ Fèzhə̀ Mkâyn Mə̂ Fèm

¹ Ə̀ chyatə̂ kə nâʼà mi Pɔ̂l ghàyn zôyn tɔynə̂ ətəm ə chûŋghè è pɔ̂ynè ə̀ Klâys, ə nyi mi vɛ ə ghɨ mɔ̀ʼɔ pìə nə shîŋə̀ kɛ ə m va ə ghàyn əfètəyn mə nyàʼà èghɛ è təm ə tɛ, pîza shîŋə̀ kɛ ə m nyi ə ghàyn ə fètəyn, me wâmnə̀ è fâynzè!

2 Kolìŋ 10:1 ပူးပေါင်းရင်းမြစ်များ

Matyò 11:29

Ghàyn pomə se chùmtè ə setàm sɨmse, ə ghàyn zaʼle sê Mi kûmə̀ nə m nyiə ngɨmnə̂, kyi ə̀təm epɔynə. Ghàyn pəyn ə ghàyn kyi zɨ̀tèkè.

Matyò 21:5

“Pì sê ghɨ tə̀ʼ ə̀ Zayɔ̀nə̀ nə, Ghàyn fe, fɔ̀yn vâyn vɨ̀nə è pə̀ sê ghàyn è ngɨmnêzè, tsɨs etûə njàkâs, e kwuŋ ə njàkâs endomə̀vè.”

Ətefɨ̂aʼ 8:32

Ndiŋ ə ŋwàʼlè nə kɛ ə è tè tɔŋɔ tè wàmnə̀ endom vɨnə, nyiə nə: “È tè nyi kə ndzè zɛ ə tè njì se se, è kɨ̀sə kə va ndzè ə è kyi mɔŋ ezhoghɛ ə kɔmə nyuŋsə vəynse, è zə tàʼa pìə eghɛ.

Ŋwàʼlè ə̀ Pɔ̂l sê ghɨə Lûmghè 10:20

Fɨ̀aʼtè Ìsayà ə tə pomə kepî wàmnə̀ kə Zhə̀fè tè pi. È tè pì ə fètə̂ ghɨ̀ nə, “Ghɨ ghɛ ə tè kyiŋə̀ va mi, ə fe mi. Mə tyə̀yn ngɨŋ zɨm sê ghɨ, mə paʼà tyəmə̂ pfɨfə mi.”

Ŋwàʼlè ə̀ Pɔ̂l sê ghɨə Lûmghè 12:1

Nyiəmə ə ghɔnyì ghɨmə, m chyatə̂ ghàyn, kûmə̀ èkosê esəyn ə Fezhə̀ eghaʼâzè sê ghâsènì, ghàyn fo ngɨŋ saynse kə efo zɛ ə ze kyi ndamze sê Zhə̀fè. Ə fo nə zɨnə mə ə nyi è ŋwaʼze kə fɨ̂aʼ zaynze ə nyi chichi ə və shi. Ə̀ zɨnə nyi engɨmnê ə səmɔʼ zɛ ə ghàyn kyi sə̂ ngɨmnə̂.

Ŋwàʼlè ə̀ Pɔ̂l sê ghɨə Lûmghè 15:15

Pîza fa ŋwàʼlè, mə nyàʼ ghɛ ghɛ mə m ndəʼə̀ fânə̀ va. Ə̀ nyi kûmə̀ àfùʼ kɛ ə Zhə̀fè fo sê mi ə m nyâʼà ghɛ nə ghɨ̂yn.

1 Kɔlìŋ 2:3

Shîŋə̀ kɛ ə m tè pəyn ə ghàyn əfètəyn, wiyn vɨmve pɔylə̂, m tsɨŋtə̂ fâynə̀ nâʼà sə ŋaŋ.

1 Kɔlìŋ 4:10

Ghàs nyi ekɔyn kûmə̀ Klâys, pîza ghàyn e nyi əghɨ tɔfə əghɛ Klâysə̀! Ghàs nyîə zɔlə̂ pîza ghàyn e tɛ! Ghɨ kɔʼsə̂ ghàyn pîza njîə va ghàs sə eghɛ!

1 Kɔlìŋ 4:21

Ghàyn kɔ̂ŋə̀ nə ə m nyi se pə̀yn sê ghàyn, ə m pəyn èghɛ? Ghàyn kɔ̂ŋə̀ nə m pəyn è wàyn mə, mə m pəyn è kɔ̂ŋè, mə è zuʼsə pɔ̂ynèsè ə?

2 Kolìŋ 10:10

Piə ghɨ mɔʼɔ pìə nə, “Shɨ̂ŋə̀ kɛ ə è nyàʼà, ŋwàʼlè sə vəynse se kyi ezhiyn, è kɨsè m̀kɔʼnè, pîza è və nə̀ pɨlə pə̂ əghɨghe əshi è fanə̀ se wàmnè əghɨghe əfètəyn.”

2 Kolìŋ 10:2

M chyatə̂ ghàyn nə kə ghàyn nəyn, ə m nə pəyn, ə mə pɨa ə ghàyn ətu. M ke ndô nə m kaʼa m pɨa nâʼà sə ŋaŋ sê ghɨ ghɛ ə ghe pìə za nə ghàs ndamə kə ghɨ mbiə.

2 Kolìŋ 10:7

Ghàyn nji shîŋə̀kè ə ghàyn fɛte naynê ə̀ghɛ. Ə wùə pìə nə e nyi wùə ə̀ Klâys, ə è tɔʼ kwàʼtè èghɛ zɛ ə è pìə kûmə̀ nə̀ ghàs pɔŋ nyi kepî ə̀ghɨ Klâysə̀ kə vəyn.

2 Kolìŋ 11:21

M ghomə̂ se pì nə ghàs tè pâʼà nə̀yn ghɛ nə ghɨnə sê ghàyn! Nâʼàpî èghɛ èkè zɛ ə ghɨə kyi təmə se pfɨ̀yn angàŋtè kûmə̀ zəyn, m kyi kepî ndò təmə se pfɨ̀yn angàŋtè kûmə̀ zəynze, (kə ghàyn lɛse nə m wâmnə̀ kə kə ango)

2 Kolìŋ 11:30

Ə m nyi sə̂ pfɨ̂nə̀ àngàŋtè, ə mə pfɨnə̀ kûmə̀ ə̀ghɛ ghɛ ə ghe tyə̀nə̀ nə m nyîə pɔ.

2 Kolìŋ 12:5

M nə̀ pfɨnə ngàŋtèkè kûmə̀ wùə nə vɨ̂yn, va sə̂ pfɨnə̀ kûmə̀ ngɨŋ zɨ̂mzè. M kaʼa m pfɨyn ke àngàŋtè kûmə̀ ngɨŋ zɨm ə fe nyi eghɛ se tyə̀yn nə m nyîə pɔ.

2 Kolìŋ 3:12

Kûmə̀ nə ghàs kyi ndô kwaʼtè nə zɨnə mə, ə̀ za nyi eghɛ zɛ ə ghàs ngɛse kyi ə̀təm.

2 Kolìŋ 5:20

Ə̀ za nyi endom vɛ, ə ghàs njìə luʼ ə Klaysvè, kəpiə Zhə̀fè tɔŋə ghàyn nə ghàyn kɛse pəyn sê vəyn tɔynə̂ ə ghàs. Ghàs chyatə̂ ghàyn ə Klâys ezə nə ghàyn kɛse pəyn sê Zhə̀fè.

2 Kolìŋ 6:1

Ghàs fɨ̂aʼà ghasè ghə̀ Zhə̀fè əmɔʼ chyatə ghàyn ghɛ ə kyi fùʼ ə Fezhə̀kè nə kə ghàyn zàmaʼà nə ke njise sə ndô.

2 Kolìŋ 7:4

M fɛte ke ndò ghàyn, pfɨnə̀ àngàŋtè nâʼà sə ŋaŋ kûmə̀ ghàyn, ə ghàs ə tetsòs tèkɨ̂m, m pa kyi kendò təmə ghaʼâghè, nyi mə mə lwiyn èsaŋnêzè.

Ngàleshyà 4:13

Ghàyn ke nə m tè pə̀yn tsâyn tom è chùŋ sê ghàyn sə shi mə ə̀ nəyn ezaf kə m zafə.

Ngàleshyà 5:2

Ghàyn zɨte! Ə pìə mi sê ghàyn nə, ə ghàyn zà nə ə se nam ghaynghe, ə zə tyə̂nə̀ nə Klâys laynse va àfɨa kyîke sê ghàyn nâʼà səkɔs.

Ɛfesùs 3:1

Ə̀ nyi ke kûmə̀ ètsɨ̂yntè ə ghâsènì nə zɨ̂nə̀ ə m tsə̂mə̀ sê Zhə̀fè kûmə̀ ghàyn. M nyi wùə ə ndɛ̂ chaʼ kûmə̀ èfɨ̀aʼ zɛ ə Klâys Njisə̀s fo sê mi nə mə ndàʼà tom èchùŋ sê ghàyn ghɨ etumə.

Ɛfesùs 4:1

M sè chyatə̂ ghàyn kûmə̀ èfɨ̀aʼ nə zɨ̂nə̀ ə Pɛ̂pɛ nə̂yn sê ghâsènì nə, ghàyn nə ndamə tèndam, te kwəynə̂ endom vɛ ə Zhə̀fè tè kyiŋə nə ghàyn ə ndamə ətəyn etuʼ vɛ fe tè tɔŋɔ fɨse ghàyn. Ghàyn ke nə m nyi nyî, nyi wùə ə ndɛ̂ chaʼ kûmə̀ efɨ̀aʼ zɛ m nə̂ sê Pɛ̂pɛ.

Filìpây 4:5

Ghàyn chwite ə ghàyn endam nə ghàyn kyi va fɨmsêzè ghâyn ghə̀ ghɨ ghəkɨ̂m. Pɛ̂pɛ ə tɨmsê se pə̀yn.

Kòlosè 1:23

Ghàyn kyi se faŋə kə ghàyn epomə̂ mə ze nə̂ʼlə̀ va, kyi se tɔ̀ʼɔ̀ tyə̂m, è kɨsè se ndə̀m ətəm ghaynghe əkɨ̂m ətə̂ tom èchùŋ zɛ ə ghàyn zɨ. Tom èchùŋ nə zɛ mə ə ghàyn nyi mə ə kàynè zɨ nyi zɛ ə è nyi mə è zə waŋ mbi èkɨ̂m, ə nyi zə̂ynzè ə è nə̀yn mi Pɔ̂l nə mə nyi wùə àfɨ̀aʼ se Zhə̀fè se ndàʼa zə̂ynzè.

2 Tèsàlonikà 3:17

Ə̀ nyì ke nâʼà mi Pɔ̂l ə m nyâʼà sê ghàyn è gho kɨmke. Ə̀ vɨnə nyi endom vɛ ə m nyâʼà ŋwàʼlè sɨm sekɨ̂m kə nâʼàpî ndè ə ke nə ŋwàʼlè ə̀təyn ndo pə̂yn sê mi.

Filemùyn 1:19

Ə̀ nyâʼà kə nâʼà mi è gho kɨmke sê ghò nyiə nə, “Mi Pɔ̂l nə̀ ndaʼà nâʼàpî àndàŋ àkè kɛ ə Ònesimùs kyi se ndàʼ.” Kə ò nə lɛsè nə kè nâʼà èndam zɛze nyi kə andàŋ ə ò kyi se fo sê mi kûmə̀ nə mə tə tsàmtè ghò nə o nyi chùmtè ə̀ Klâys.

Filemùyn 1:9

pîza m nə̀ chyatə kə ghò kûmə̀ nə ò nyiə kɔŋə̀ mi, è ghɨə pomə mɔ̀ʼɔghe. Ə mi Pɔ̂l, m wâmnə̀ se ghò kə wùə ndumə ə ndɛ ə̀chaʼ kûmə̀ nə m fɨaʼà se Njisə̀s Klâys.

1 Pità 2:11

Soyn sɨmse, ghàyn nyi mə ghàyn tsɛ̀ èndom, ghàyn va əghɨ mbiə fâghe. Ə̀ za nyi eghɛ zɛ ə m chyatə̂ ghàyn nə kə ghàyn ə nə̂ ghɛ ghɛ ə njà se wìynse saynse kyiŋə kûmə̀ nə ghɛ nə ghɨynə nò sezuʼ saynse.

Etyə̂yn ə paynsêzè 1:9

M nyi Njɔyn ànyì vâynvè, ə vɛ ə è fe kəpî tsôsvè kə ghàyn kûmə̀ nə ghâsènì ə pomə̂ sê Njisə̀s. Ghâsènì kolə ə̀təm əfètə̂ temɔ̀m kûmə̀ nə ghâsènì ə pomə̂ sê Njisə̀s. Ə tè tsə̀fse mi mə chum ndû mi elùʼ vɛ ə tsò nyi mə è zə kyìŋ ka, e tɔŋtə̂ nə Patmòs kûmə̀ nə m tè ndàʼa tom ə̀ Fèzhə̀ tsâ se ghɨə kûmə̀ Njisə̀s.