2 Kolìŋ 1:8 - Ŋwàʼlè ə̀ Fèzhə̀ Mkâyn Mə̂ Fèm

⁸ Ghàs kyiŋə se pɨ̀əytè ə ghàyn ə soyn sasse ə tetsòs tɛ ə ghàs tè kyi apàs endaʼa Esiyàkè. Kyə̀yn kɛ ə ke tè nyì ə ghàs ə tu tè ghaʼa kə nyi fɨnə tɨ̂lə̀ endom mə ghàs ə njìsè pi kwâʼtèzè sə̂ fɨnə ndamə.

2 Kolìŋ 1:8 ပူးပေါင်းရင်းမြစ်များ

Ətefɨ̂aʼ 16:6

Pɔ̂l yî soyn sə vəynse ə tɔynə tsɛ apàs endaʼ ə Filinjyàkè è pâs endaʼ ə Ngàleshyàkè kûmə̀ nə Zuʼse Ŋwaʼase tè paʼà chisê nə ghənə tsayn tom èchùŋ apàs endaʼ ə Esiyàkè.

Ətefɨ̂aʼ 19:41

È və wàmnə̀ mɨ̂sə̀ nâʼàpî ashìŋə̀ àkè ə pìə nə nâʼà pi ndè ndo ə è və kwɨlə̂.

Ətefɨ̂aʼ 2:9

Ghâsènì nyì fâyn, yîghe nyi mə ghe fɨ pə̂yn ə tèndâʼà tə Patyàtè, è Mendyà è Elàm; yîghe ghɛ ə ghe fɨ pə̂yn ə tèndâʼà tə Mèsòpòtemyàtè, è Njòndyâ, è Kàpàndoshyà; yîghe ghɛ ə ghe fɨ pə̂yn ə Pontùs è Esiyà,

Ŋwàʼlè ə̀ Pɔ̂l sê ghɨə Lûmghè 1:13

Ghɔnyì ghɨmghe kɔ̀ŋghè, mə pɨaʼte nâʼà sə teshìŋə̀ tetsɨəte se pə mòtè ə ghàyn, kyiŋə nə ghàyn ke nə ə̀ nyi eghɛ zɛ m tè kwàʼtə se nə̀yn. Pîza zhəmke e panə va kə m pəyn fe ghàyn kûmə̀ ə̀ghɛ ghɛ ə ghe tâsə̀ mi, pi se kɔʼɔ zaʼâ fa ashìŋə̀. M kyiŋə se pə mòtè ə ghàyn kə fɨ̂aʼ ə ghàyn ə fètəyn, efɨ̂aʼ zɛ ə ze nə̀ muə twɔmve, eghɨ kə m tè fɨ̂aʼ əghɨ ghɛ ə̀ va əghɨ ə Njûsghè ə fètəyn.

1 Kɔlìŋ 15:32

Saʼ zɨme nyi nâʼà ghè kə m tè nô ə Efesùs ghasè ghɨ, ghənə nyi kə senyam sə mbvɨynse, ezhoghɛ ze fe nyì ke nâʼà səmɔʼ nə ghɨ tə zômə̀ va ə? Ə ze se nyi nyî, ə zə tyə̂nə̀ nə ghəmɔ̀ʼɔ pîə kə nâʼà səmɔʼ nə, “Ghâsènì nə zhiə kə ndò fɨnə mɨə kûmə̀ nə ə̀ tə nyi eyisəʼə ə ghâsènì kwutê ə njise.”

1 Kɔlìŋ 16:9

Zhəm achûŋkè nyiə nyi se mi fâyn kə m nəyn fɨ̂aʼkè, nâʼàpî kə ghɨ nô mi, tsɨ̂ə kə nyî.

1 Kɔlìŋ 4:8

Ghàyn nyi mə ghàyn ə kyî nâʼàpî àkè kɛ ə ghàyn kyiŋə! Ghàyn nyi mə ghànə ghaʼ kwəyn! Ghàyn kàyne nyi tèfɔ̂yn pi kə ghàs va tefɔ̂yn! M fe kàʼa m mə kɔŋə̀ nə ghàyn ə nyi tèfɔ̂yn səmɔʼ kə̂ ghâsènì ə saʼa əmɔ̀ʼɔ

2 Kolìŋ 1:9

E tè nyì sê ghàs kəpî ə pì ə ndɛ ə̀ sèsaʼ nə ghàs nə̀ kwuə. Pîza zɨnə mə tè kyayn kə ghàs tàʼa nyìŋə zaʼnê ə ghàs atyaʼ, pîza ə pɨl nyɨ̂ŋə̀ zaʼnê ə Fezhə̀ Fɛ ə Fe zômsə̀ ghɨghe.

2 Kolìŋ 6:9

Ə naynə̂ ghàs nyiə kəpiə keva, pîza fɛtê ke ke nâʼà ndò. Ghɨə naynə̂ kə ghàs kə efɨa ekwutəve pîza ghàse ndamə ndùə kə ndò. Ə nyàplè è ghàs, pîza ghàs ghɛ tàʼa kwu.