2 Kolìŋ 1:23 - Ŋwàʼlè ə̀ Fèzhə̀ Mkâyn Mə̂ Fèm

²³ M tɔŋɔ̂ Fèzhə̀ kə tsɛ̀ èsaʼ vɨ̂mvè, Fe ke ndô təm ghɨmə. Ə̀ tè nyi endom se zhɔyn atu kaynke kə m tè chɔʼne se tàʼa ndù ə Kolìŋ.

2 Kolìŋ 1:23 ပူးပေါင်းရင်းမြစ်များ

Ətefɨ̂aʼ 18:1

Ə pə̀ kə zɨnə mə tsɛ̂ Pɔ̂l ə ndò ə Atèn ə ndùə ə Kolìn.

Ətefɨ̂aʼ 18:8

Klispùs vɛ ə è tè nyi atu sê ndɛ àtsɨ̂ynte nə zɨnə̀ ə pomə̂ sê Zhə̀fè, paʼsə̂ kə è sas ə ndɛ vəynze kɨ̂m. Ghɨə tsɨə mɔ̀ʼɔghe endaʼa Kolìnzè ə zɨə tom ə̀təyn, ə pomə̂, ə fo m̀mo sê ghənə.

Ŋwàʼlè ə̀ Pɔ̂l sê ghɨə Lûmghè 1:9

Zhə̀fè, mə̂ nyi Fəyn fɛ m kɔʼsə è təm ghɨmghe əkɨ̂m kə m ndaʼà tom èchùŋ se ghɨə kûmə̀ Vâ Vəyn, nyîə ke nə ghɛ zɛ m pîə nyì səmɔʼ nə m nyîə kwaʼtə̀ ghàyn shîŋə̀ tekɨ̂m,

Ŋwàʼlè ə̀ Pɔ̂l sê ghɨə Lûmghè 9:1

M pîə səmɔʼ kə wùə vɛ ə È pomə sê Klâys mə m wamə chîəva ndô. Təm ghɨm ghɛ ə ghe nyi etyə̂ àtyaʼ ə Sezuʼ Eŋwaʼake tsâ kəpî ndò se mi nə m wamə va kaŋke.

1 Kɔlìŋ 4:21

Ghàyn kɔ̂ŋə̀ nə ə m nyi se pə̀yn sê ghàyn, ə m pəyn èghɛ? Ghàyn kɔ̂ŋə̀ nə m pəyn è wàyn mə, mə m pəyn è kɔ̂ŋè, mə è zuʼsə pɔ̂ynèsè ə?

1 Kɔlìŋ 5:5

Wùə vɛ ə è nə̀yn ghɛ nə zɨ̂yn, ə fo vəyn sê wùə m̀nàŋ, ə è pofse chaʼ ewìyn ə vəynke, kə̂ ə tə sɔza sèzuʼ sə vəynse əfetuʼ fɛ ə Pɛ̂pɛ Njisə̀s kɛse pə̂yn ətəyn.

2 Kolìŋ 1:1

Ə̀ ŋwàʼlè zìnə nyaʼ mi Pɔ̂l, wùətom ə̀ Klâys Njisə̀s kè kə Zhə̀fè kyiŋə, ghasè ànyì ə̀ ghâsènì Timotì, sê ghɨə ndɛ ə̀ Fèzhə̀ ə Kolìnghè è se ghɨə Fezhə̀ghè nâʼà endaʼ ə Àkayàzè ekɨ̂m.

2 Kolìŋ 1:18

Kè kə Zhə̀fè nyi mə Fe wâmnə̀ tsɛ kə səmɔʼ, wâmnè zɨme sê ghàyn tè vachi zə “Eyn” è “Ngaŋze.”

2 Kolìŋ 10:2

M chyatə̂ ghàyn nə kə ghàyn nəyn, ə m nə pəyn, ə mə pɨa ə ghàyn ətu. M ke ndô nə m kaʼa m pɨa nâʼà sə ŋaŋ sê ghɨ ghɛ ə ghe pìə za nə ghàs ndamə kə ghɨ mbiə.

2 Kolìŋ 11:10

Kè kə səmɔʼ ə̀ Klâys nyi ə mì ewìyn, nâʼà wùə èmɔ̀ʼ endaʼa Àkayàzè vayn tàm nə kə mə pfɨ̂nə̀ àngàŋtè.

2 Kolìŋ 11:11

Ghàyn kwàʼtə̀ nə m wàmnə̀ nyî kûmə̀ nə m kɔ̂ŋɔ̀ va ghàyn mə? M kɔ̂ŋɔ̀ ndò ghàyn, Zhə̀fè e ke.

2 Kolìŋ 11:31

Pɨ̀a Pɛ̂pɛ Njisə̀s, ə Fezhə̀ fɛ ə kyi sə̂ kɔʼsə̂ shîŋə̀ tekɨ̂m nyiə ke nə m wamə va.

2 Kolìŋ 12:20

M fânə̀ nə m pə̂, ə ghàyn ə va kə m kyiŋə nə ghàyn ə nyi, ə ghàyn pɔŋ fe mi, m mə va kə ghàyn kyiŋə nə mə nyi. M kaʼa ə m piə pə̂ ndò, ə m fe zɔ̂zè ə ghàyn əfètəyn, è ghə̀ʼà, è tɔŋ enyɔʼsəve, emuze, è wàmnè e pize, è kôghɔ̀ŋ, è ghaŋsə ewìynze, tâsə̀ ə̀ghɨ ə mɔ̀ʼɔghe.

2 Kolìŋ 13:10

M nyâʼà ŋwàʼlè zɨ̀yn nə è pəyn sê ghàyn sə shi tsɔ̀fə kə m pəyn, kə m tə piə pə̂ ndò mə ghàyn ə kwiynê kə m tàʼa zɔ̀ ghàyn sə ŋaŋ è tyaʼ kɛ ə Pɛ̂pɛ fo se mi; atyaʼ kɛ ə ke nyi se nə̀yn nə pomə̂ zaynze ə ndəmə̂, ə̀ vachi se pofsê epomə̂ zaynze.

2 Kolìŋ 13:2

Ə̀ tè nyi kə m pə̂yn se fe ghàyn nə ə̀ ndu shîŋə̀ tepɛ̀, mə fo fɨ̀as sê ghɨ ghɛ ə ghe tè nə̂ ghɛ piə. M nə̀ fo fɨ̀as ə̀təyn zôyn, va pî ə ghàyn ə ngwùŋ. Ə m kɛse pə̂yn, ə m fo tsôsvè sê nâʼàpî ndè vɛ ə è tè nə̀yn pofsê sə mɨ è ghə mɔ̀ʼɔghe əkɨ̂m.

2 Kolìŋ 6:6

Ghàs ə tyə̀yn nə ghàs nyi əghɨə Fezhə̀ kûmə̀ nə ghàs ndamə tèndam tezote, kyi ètɔf, wəynsə èwiyn, tɔ̂ʼnə̀, kyi Sèzuʼ se Ŋwaʼase, fɨnə kɔ̂ŋɔ̀ ə̀ghɨ mɔ̀ʼɔ nâʼà səmɔʼ.

Ngàleshyà 1:20

Ghɛ zɨ̀nə̀ ə m nyâʼà sê ghàyn nyî nyì ke nâʼà səmɔʼ. Zhə̀fè ke ndô nə m wamə chîə va!

Filìpây 1:8

Zhə̀fè nyiə ke ndô nə m pîə səmɔʼ nə m nyîə kɔŋə̀ ghàyn àchûŋ è kɔ̂ŋ zɛ ə Klâys Njisə̀s tè tyə̀yn nâʼà è ngɨŋ ə vəyn.

1 Tèsàlonikà 2:5

Ghàyn ke nə ghàs tè paʼà pə̀yn sê ghàyn wâmnə̀ efɔmsê echoze. Zhə̀fè nyi tsɛ̀ èsaʼ se ghàs nə ghàs tè paʼà nə̀yn ghɛ ghɛ ghàs tè nəyn kûmə̀ əshi ə fɨəghe, sè kyiŋə se ndə̀tè.

1 Timotì 1:20

Ɛmenìyùs è Àlɛ̀ksandà nyi əghɨ mɔ̀ʼɔ əfètə̂ ə̀ghɨ̀ nə ghɨ̂yn. M nyi mə mə fo ghənə sê Satàyn nə è fo tsôsvè sê ghənə kə ghənə zaʼle tɔfe ə fɨnə sôylə̀ va Zhə̀fè.