2 Kolìŋ 1:20 - Ŋwàʼlè ə̀ Fèzhə̀ Mkâyn Mə̂ Fèm

²⁰ Ə̀ nyi vəyn vɛ ə è nyi “Èyn” sê tsɨnè tə Fezhə̀ tekɨ̂m. Ə̀ za nyi eghɛ zɛ tɔynə̂ ə Njisə̀s Klâys, ghâsènì pìə nə “Zə nyi ke zamə”, kə pomsê ətəynve ə ndûə se Zhə̀fè.

2 Kolìŋ 1:20 ပူးပေါင်းရင်းမြစ်များ

Matyò 6:13

Kə ò zâ nə ghàs pfɨə nji emɔ̀m pîza kɨ̀ŋte ghàs sê satàyn.

Tom èchùŋ kè kə Lûk tè nyaʼ 2:14

“Pomsêzè sê Zhə̀fè elùʼ engaŋtəve ekwùtwəyn, pɔ̂ynè e nyi ə chi sê ghɨ ghɛ ə È kɔ̀ŋɔ̀!”

Njɔyn 1:17

Zhə̀fè tè fo alâŋ tɔynə̂ ə Mosîs, pîza fùʼkè è səmɔʼ ə pə̀ tɔynə̂ ə Njisə̀s Klâys.

Njɔyn 14:6

Njisə̀s ə pìə sê vəyn nə, “Ə̀ nyi mi ndom vɛ ə ve ndûə sê Pɨ̀a vɨ̂m, səmɔʼ ndô pə̂ sê Mi, ə̀ nyi Mi vɛ M fo ndame. Wùə vayn kàʼa è ndu sê Pɨ̀a vɨ̂m, ə va nə è tɔyne ə mi.

Njɔyn 3:5

Njisə̀s ə pə̀ynsə̀ nə, “M tsâ sê ghò səmɔʼ nə wùə vayn kàʼa è nji elùʼ efɔ̂yn ə Fezhə̀vè, ə̀ tsɛ̂ kə va mə ə pîə vəyn mmò è kɨsè Zuʼse.

Ŋwàʼlè ə̀ Pɔ̂l sê ghɨə Lûmghè 11:36

Ə̀ fɛtə̂ Fèzhə̀ fɨave e kɨ̂m, fɨa ətəyn ve nyi kûmə̀ nə Fe kɔ̂ŋɔ̀ nə ve ə nyi, ə̀ kyi vəyn è fɨa ətəynve ekɨ̂m. Pomsêzè nyì se Zhə̀fè sə teshìŋə̀ tèkɨ̂m. Ə ze ə nyi ke zamə.

Ŋwàʼlè ə̀ Pɔ̂l sê ghɨə Lûmghè 6:23

Ghàyn ke ndô nə ndâʼ zɛ əghɛ ə pighe pə̂yn è zəynze nyi ekwu. Pîza maʼte vɛ ə Zhə̀fè fo sê ghɨghe səndô nyi endam zɛ ə ze tə mîə va. Ghâsènì ə kyî zəynze kə ghâsènì nyi ghasènìghə̀ Njisə̀s Klâys Pɛ̂pɛ ə̀ ghâsènì.

1 Kɔlìŋ 14:16

Shîŋə̀ kɛ ə ò fo zɔ̀ŋnèkè sê Zhə̀fè mə ò fo kə ə sezuʼ, ə ghɨ ghɛ ə ghe nyi fumə atsɨ̀ynte mə ghe zɨə kêva kwi zayn se pì nə, “Ə zə nyi ke zamə” sê zɔ̀ŋnè kɛ ə ò fo etsə̀m ə? Ghənə kiva ndom se kê eghɛ zɛ ə ò pìə.

2 Kolìŋ 4:15

Ghàs pomə̂ se fe etsòs nə vɨ̂yn sə ghàyn ə chùŋ kə Zhə̀fè nə tyən àfùʼ ə vəynke sê ghɨ se tsɨ̀ se tsɨ̀, ə ghɨ tsɨə fo zɔ̀ŋnèkè endom se fo epomsê eghaʼazè Zhə̀fè.

2 Kolìŋ 4:6

Zhə̀ fɛ ə Fe tè pi nə, “Payn tə panə əfètə̂ àlɨm.” Ə̀ nyì kepî Fezhə̀ Fə təynfe ə Fe nə̂ nə payn ə Vəynze ə panə ə ghâsènì ətəm, kə ze pəyn ghâsènì è tɔf ə epomsê ə Fezhə̀zè mə ze panə ə Klâys ekyàʼ.

Ngàleshyà 3:22

Pîza Ŋwàʼlè ə Fèzhə̀ pìə nə nâʼà èkwaʼtè ə ghɨ̀zè əkɨ̂m fa ə mbi nyi ke se nə̂ pi. E kyayn nyiə kə Zhə̀fè fo fɨa kɛ ə fe tè tsɨ̂nè sê ghɨ pomə, tɔynə̂ ekyî epomə̂ zɛ ə ghənə tè kyi.

Ɛfesùs 1:6

E za tyə̀nə̀ nə ghâsènì kyi sə̂ tsîtə̀ Fèzhə̀ kûmə̀ ètɔʼnè ekayntə zɛ ə è tyə̀yn sê ghâsènì tɔynə̂ ə vâyn èkɔ̀ŋ ə̀ vəyn. Ə̀ tè kɔ̀ŋ ke vəyn se nə̀yn nyî.

Ɛfesùs 2:7

È tè nəyn nyi kə ə tə nə ə nyi pî etuʼ èkè, əghɨə fe nə tɔ̂ʼnè ekayntə ə vəynze kyi va liŋze, ə nyi zɛ ə è kɔ̀ŋɔ̀ ghâsènì ətəyn ə tyə̂nə̀ tɔynə̂ ə Klâys Njisə̀s.

Kòlosè 1:27

Pɨaʼtê ə Fezhə̀zè nyi nə è nəyn ə ghɨə vəynghe ke nə ghaʼa Klâyszè, è pomsê ə vəynze nyi kepî ndò se ghɨ ghɛ ə̀ vachi ə̀ghɨ ə Njûsghè. Ghɛ endətə zɛ ə ze nyi əfètə̂ ə̀təyn nyi nə, ghàyn ndəm ə ghàyn ətəm nə ghàyn tə kyîə ndò pomsê zɛ ə Zhə̀fè pì nə zhi tə fo ndò se ghɨə vəynghe.

2 Tèsàlonikà 1:10

Etuʼ vɛ ə è tə pə̂, ə è fi pomsêzè sê ghɨə vəynghe è kɔʼsêzè sê ghɨə poməghe əkɨ̂m. Nâʼà ghàyn tə nə̂ ə pɔŋ nyi əfètəyn ə̀ ghɨ̀ nə ghɨ̂yn kûmə̀ nə ghàyn ə pomə ghɛ ghɛ ə ghàs tè tsâ sê ghàyn.

Ipilù 11:13

Ghɨ nə ghɨnə nâʼà ə̀kɨ̂m tè nyîə kyi èkyî epomə̂zè sê Zhə̀fè se nduə zaʼâ kə ghənə kwu. Ghənə tè paʼà kyi fɨa kɛ ə Zhə̀fè tè tsɨ̀ne pîza, ə̀ tè nyì sə aghaf tsɔ̀fə kə ghɛ zɛ ə Zhə̀fè tè tsɨ̀ne nə ze tə kyaynə̀ kyayn, ghənə tè nyiə ke èghɛ zɛ ə ze nə̀ kyaynə̀ ə pomə̂ zəynze. Ghənə ə tə wàmnè kè nâʼà è cho ghənə̂ghè ə pìə nə ghənə nyi fa chi kə ghɨ etumə è kə ghɨ ghɛ ə chûm ə ghənə endaʼ.

Ipilù 13:8

Njisə̀s Klâys kwiynə̂ tsɛ̂ va, è nyì ke èghɨ kə è va nyi zhɔynghɛ, è ndàyn, nyi sə̂ nyi ke zamə nâʼà kə ghè tə ghayn.

Ipilù 7:6

Mèlkisendèk tè vachi wùə èsas ə ndɛ Levìzè pîza ə fiə àfɨa àmɔ̀ʼ ə fètə̂ èfɨa èghɨm sê Aplàghâm ə fɨnə pɔsə̂ Aplàghâm, ə nyi vəyn vɛ ə è tè fi tsɨ̂nè tə Fezhə̀tè.

1 Pità 1:12

Zhə̀fè ə tə tyə̀yn paynsê sê fɨ̀aʼtè nə sɨ̂nə̀ nə ghənə ndâʼà tom nə zɨ̀yn fɨaʼà va sê ngɨŋ sə ghənə̂sè, nə ghənə pɨl fɨ̂aʼ sê ghàyn. Ghɛ ghɛ ə fɨ̀aʼtèsè tè wàmnə̀ nyi kepî ə̀ghɛ ghɛ ə ghɨ ghɛ ə ghe ndâʼà tom èchùŋ zôyn tɔynə̂ ə Sezuʼ se Ŋwaʼa sɛ ə se ndô pə̂ ekwùtwəyn, ə nyi ə̀ghɛ nâʼàpî sètsì e kɔ̂ŋɔ̀ sə̂ ke.

1 Njɔyn 5:11

Ghɛ zɛ ə Zhə̀fè pìə nyi nə, fe ə fo ndam zɛ ə ze tə mîə va sê ghâsènì, ndam nə zɨ̂nə̀ e nyi ə vəyn ə Vayn.

Etyə̂yn ə paynsêzè 3:14

“Nyàʼ ŋwàʼlè sê tsì ə̀ ndɛ ə̀ Fèzhə̀ ə Làndisyà nə: ‘Ə̀ zɨ̀nə nyi tom mə è ndò sê vɛ ə tɔŋtə nə, Àmə̀yn. È fɨ̀aʼà è təm ə vəynghe əkɨ̂m, fɨnə pìə səmɔʼ kûmə̀ Fèzhə̀. Zhə̀fè tè fɛte nâʼàpî ghè ə mbi tɔynə̂ ə vəyn.

Etyə̂yn ə paynsêzè 7:12

pìə nə, “Ə zə nyi ke zamə, ə tsîtèzè, è pɔmsê, è tɔf eghaʼâzè, è zɔ̀ŋnèkè ə foke, è kɔʼsêzè, tyaʼke, è tyaʼ ewìynke, nyi sê Zhə̀fè ghasènìfe nâʼà kə ghè tə ghayn, ə ze ə nyi ke zamə.”