2 Kolìŋ 1:1 - Ŋwàʼlè ə̀ Fèzhə̀ Mkâyn Mə̂ Fèm

¹ Ə̀ ŋwàʼlè zìnə nyaʼ mi Pɔ̂l, wùətom ə̀ Klâys Njisə̀s kè kə Zhə̀fè kyiŋə, ghasè ànyì ə̀ ghâsènì Timotì, sê ghɨə ndɛ ə̀ Fèzhə̀ ə Kolìnghè è se ghɨə Fezhə̀ghè nâʼà endaʼ ə Àkayàzè ekɨ̂m.

2 Kolìŋ 1:1 ပူးပေါင်းရင်းမြစ်များ

Ətefɨ̂aʼ 16:1

Pɔ̂l yî Silàs ə ndò ndûə endaʼ ə Ndepì è endaʼ Lisɨtɨ̀là. Wùə èpomə vîvè èmɔ̀ʼ tè nyîə nyi fu zə vəynze e nyi Timotì. Nyìə vəyn mə ə̀ tè nyì kepî wùə èpomə, tè nyi wùə Njûs, pîza pɨ̀a vəyn e nyi wùə ə̀ Nglêk.

Ŋwàʼlè ə̀ Pɔ̂l sê ghɨə Lûmghè 15:26

Kûmə̀ nə ghɨ poməghe apàs endaʼ ə Màsèndonyà è kə Àkayàkè ə tə saynê sə ghənə ə ngɨŋ se fo emâʼte se tsàmtè ə ghɨ afɨfə ə ghɨə Fezhə̀ghè ə fètəyn ghɛ ghe nyi ə Njèlusalɛ̀m.

Ŋwàʼlè ə̀ Pɔ̂l sê ghɨə Lûmghè 16:21

Timotì, vɛ ə ghasè vəyn fɨ̂aʼà əmɔʼ tomə ètɔŋtê ə vəynze sê ghàyn. Lusiyùs, Njasɨ̀yn è Sòsìpatà, ə ghɔnyì ghɨm ghə Njûsə̀ tomə kəpi ètɔŋtê se ghàyn.

Ŋwàʼlè ə̀ Pɔ̂l sê ghɨə Lûmghè 16:5

Ghàyn tɔŋte kepî ə̀ghɨ pomə ghɛ ə ghe tsɨ̂yntə̀ ə ghənə ndɛ. Ghàyn tɔŋte Epaènetùs, ə soyn vɨ̂mve chùŋ vɛ, ə è tè nyi wùə shi se pomə̂ ə Klâys ə apàs endaʼ ə Esiyàkè.

1 Kɔlìŋ 10:32

Ghàyn e ndamə endom kə ve vayn pə̀yn è tsôsvè sê wùə vîvè kɨ̀sə ə̀ nyi əghɨ Njûsə̀, kɨ̀sə ə ghɨ ghɛ ə̀ va əghɨ ə Njûsghè kɨ̀sə əghɨ ə poməghe.

1 Kɔlìŋ 16:10

Ə Timotì pə̀yn sê ghàyn, ghàyn ə nə̀ èndom se lotə fiə vəyn àchuŋ kûmə̀ nə è fɨ̀aʼà se Pɛ̂pɛ kè kə m fɨaʼà.

1 Kɔlìŋ 16:15

Ghàyn nyiə ke Sɨ̀tefanàs è sas ə ndɛ vəynze, ə̀ nyi ghənə è ghɨə shiə se pomə̂ ə Àkayà, se fo ngɨŋ ə ghənə se ghɨə fɨaʼa Fezhə̀ghè. M chatə ndò ghàyn ə soyn sɨmse nə,

1 Kɔlìŋ 16:24

Ə kɔ̂ŋ zɨmze faŋ se ghàyn əkɨ̂m ə Klâys Njisə̀s.

1 Kɔlìŋ 6:11

Yîghe ə ghàyn ə fètəyn tè nyì kepî za, pîza zôyn e sè nyi mə ə shù tsɨ̂sè pi saynse ə nə̀ nə ghàyn ə nyi èŋwaʼze, ə fɨnə nə̂ nə ghàyn ə nyi chichi ə Zhə̀fè əshi tɔynə̂ ə Pɛ̂pɛ Njisə̀s Klâys, tɔynə̂ kɨ̀sə ə Sezuʼ sə Fezhə̀ fə ghasènìfe.

2 Kolìŋ 1:19

Kûmə̀ nə Njisə̀s Klâys, Va Fèzhə̀ vɛ ə Silàs tè ndàʼa tom kûmə̀ vəyn ə ghàyn ə fètəyn, è Timotì è ngɨŋ zɨ̂mè, vachi vɛ ə È pìə “Eyn” fɨnə pîə “Ngaŋ.” Səmɔʼ ətəyn nyi nə è pîə tsɛ̂ kə nə, Èyn.

2 Kolìŋ 1:23

M tɔŋɔ̂ Fèzhə̀ kə tsɛ̀ èsaʼ vɨ̂mvè, Fe ke ndô təm ghɨmə. Ə̀ tè nyi endom se zhɔyn atu kaynke kə m tè chɔʼne se tàʼa ndù ə Kolìŋ.

2 Kolìŋ 11:10

Kè kə səmɔʼ ə̀ Klâys nyi ə mì ewìyn, nâʼà wùə èmɔ̀ʼ endaʼa Àkayàzè vayn tàm nə kə mə pfɨ̂nə̀ àngàŋtè.

2 Kolìŋ 9:2

kûmə̀ nə m ke ndô nə ghàyn nyîə kɔ̂ŋə̀ se tsâmtè. M tè pfɨ̀nə̀ angàŋtè kûmə̀ ghàyn sê ghɨ Màsèndonyà pìə nə, “Ghàyn ghɨ Àkayà tè nyiə kɔ̂ŋə̀ se fo nâʼà ə pîŋ è tsɛ.” Ghənə ə tə zɨ kə ghàyn tè kɔ̀ŋə nâʼà sə ŋaŋ se fo, wiyn ə ghənəvè e sè tɨ̂mə̀ nâʼà sə ŋaŋ se pɔŋə fo.

Ngàleshyà 1:1

Ə̀ nyâʼ mi Pɔ̂l ŋwàʼlè zɨ̀yn. M nyi wùətom mə paʼà ndə̀m chi ghɨghe mi, fɨaʼà chîəva kə wùə m̀sɔ̀ŋ. Ə̀ chɔʼ Njisə̀s Klâys mi yî Zhə̀fè pɨ̀a sə wùətom, ə pɨ̀a vɛ ə è tè zòmse vəyn ekwu.

Ngàleshyà 3:26

Ghàyn əkɨ̂m nyi əghɔyn sê Zhə̀fè sə àfɨa àmɔ̀ʼ è Klâys Njisə̀s tɔynə̂ ə ghàyn ekyî epomə̂zè.

Ɛfesùs 1:1

Ə̀ nyâʼ mi Pɔ̂l ŋwàʼlè zɨ̀yn sê ghàyn ghɨə Fezhə̀ ghɛ ə ghàyn tyəm ə ghàyn ekyî epomə̂zè sê Klâys Njisə̀s, ndamə ə Ɛfesùs. M nyi wùətom ə̀ Klâys Njisə̀s mə ə̀ chɔʼ Fezhə̀.

Filìpây 1:1

Ə̀ nyi mi Pɔ̂l è Timotì əghɨ fɨaʼa Fezhə̀ sê Njisə̀s Klâys ghɛ ə nyâʼà pə̂ ŋwàʼlè zɨ̀nə se ghàyn. Ghàs nyàʼà sê ghàyn ghɛ ə ghàyn fo ngɨŋ saynse sê Zhə̀fè ə Filìpây nâʼà ə̀kɨ̂m sè nyi ghâynghə̀ Klâys Njisə̀s. Ghàs nyàʼà kəpî sê ghàyn tuve è ghɨ ghɛ ə tsâmtə̀ se chiyntê efɨaʼ ə Fezhə̀zè nə ze ndu əshi.

1 Tèsàlonikà 1:1

Ə̀ nyâʼà mi Pɔ̂l, è Silàs è Timotì è ŋwàʼlè zɨ̀yn sê ghàyn ghɨ e poməghe ə Tèsàlonikà, mə za nyi əghɨ ə Fezhə̀ghè, mə za nyi pɨa, è ghɨə Pɛ̂pɛ Njisə̀s Klâysghè. Ə fùʼkè, è pɔ̂ynè ə nyi sê ghàyn.

1 Tèsàlonikà 3:2

Ghàs ə tomə ànyì vâsvè Timotì vɛ ə ghasè ghə̀ ghənə fɨaʼà sê Zhə̀fè, ndàʼà tom è chùŋ kûmə̀ Klâys. Ghàs tomə nə è pəyn tsâmtè ə è nəyn nə ghàyn pomə è tyaʼa se Klâys, è kɨsè se fo ghàyn è təm ə tɛghe nə ghàyn ə kyi ndu ke ndò kyî epomə̂zè èshike,

2 Tèsàlonikà 1:1

Ə̀ nyâʼà mi Pɔ̂l ghasè Silàs è Timotì ŋwàʼlè zɨ̀yn sê ghàyn. Ghɨ ə pomə ghɛ ə ghe nyi ə Tèsàlonikà ə nyi sə afɨa amɔ̀ʼ è Zhə̀fè pɨ̀a ghâsènì, è Pɛ̂pɛ Njisə̀s Klâys.

1 Timotì 1:1

Ə̀ nyi mi Pɔ̂l, wùətom ə̀ Klâys Njisə̀s ə m nyâʼ ŋwàʼlè zɨ̀yn, ə̀ nyi Fezhə̀ sɔ̀zà ə̀ ghâsènì è Klâys Njisə̀s vɛ ə ghâsènì kwàʼtə̀ lɨmtə, ə ghənə nə̂yn nə mə nyi wùətom;

2 Timotì 1:1

Ə̀ nyaʼ mi Pɔ̂l, ŋwàʼlè zɨ̀yn sê ghò ə Timotì. M nyi wùətom ə̀ Klâys Njisə̀s mə ə̀ chɔʼ Fezhə̀ nə m tsayn tom èchùŋ kûmə̀ èndam zɛ ə ze tə mîə va kè kə È tè tsɨ̀ne. Ghâsènì nə kyîə èndam nə zɨ̂yn kè ezhoghɛ ə ghâsènì nyi kaʼke amɔ̀ʼ ghasènyìə ghə̀ Klâys Njisə̀s.

Taytùs 1:1

Ə̀ nyaʼ mi Pɔ̂l ŋwàʼlè zɨ̀yn. M nyi wufɨ̀aʼa ə Fèzhə̀, fɨyn nyi wùətom ə̀ Njisə̀s Klâys. Ə tè chɔʼ tom mi nə m tsamte se nə̀yn nə kyî epomə̂ əghɨ̀ ə Fezhə̀ ghɛ ə fe chɔʼte ə tɛ, se fɨnə nə̀yn nə ghənə ə ke səmɔʼ zɛ ə è nyi tsàmtè ə ghənə se nə̀yn nə ghənə ke Zhə̀fè.

Filemùyn 1:1

Ŋwàʼlè zɨ̀nə ndò sê Pɔ̂l vɛ ə è nyi ə ndɛ ə̀chaʼ kûmə̀ nə è ndàʼà tom èchùŋ kûmə̀ Klâys Njisə̀s, ə ndò pə kəpi se ànyì ə̀ ghâsènì Timotì. Mə è ndùə se soyn ə̀ ghâsènì ə̀ nyi wùə vɛ ə ghasè ghə̀ ghənə fɨaʼà əmɔʼ Filemùyn,

Ipilù 13:23

Ghàyn e ke nə ə fɨse ànyìə ghâsènì Timotì ə ndɛ̂ chaʼ. Ə è zàŋsè pə̂yn, ə ghasè vəyn pəyn əmɔʼ se fe ghàyn.