2 Njɔyn 1:9 - Ŋwàʼlè ə̀ Fèzhə̀ Mkâyn Mə̂ Fèm

⁹ Nâʼàpî ndè vɛ ə è ndamə va kə zaʼlê ə Klâyszè tyə̀ynə̀, è va yî Zhə̀fè, pîza nâʼàpî ndè vɛ ə è chùmtè zaʼlê ə Klâyszè nyì ndô yî pɨ̀a è kɨsè vayn.

2 Njɔyn 1:9 ပူးပေါင်းရင်းမြစ်များ

Matyò 11:27

Pɨ̀a vɨ̂m və fo fɨave ekɨ̂m sê mi. Wùə vîvè fɛte keva Vayn ə tsɛ̂ kəva Zhə̀fè Pɨ̀a, wùə e fɛte ke va Pɨ̀a ə̀ tsɛ̂ kəva Vayn è ghɨ ghɛ Vayn chɔʼ se tyə̀nə paynsê ə Pɨ̀a sê ghənə.

Tom èchùŋ kè kə Lûk tè nyaʼ 10:22

Kə è wàmnè zâ ə ke pi sê chùmtè epàm sə vəynse nə, “Pɨ̀a vɨm ə fo fɨave ekɨ̂m sê mi. Wùə fɛtə kê va wùə vɛ ə Vayn nyi vəyn, ə tsɛ̂ kəva Pɨ̀a. Wùə e fɛtê ke va wùə vɛ ə Pɨ̀a nyi vəyn ə tsɛ̂ kəva Vayn, è ghɨ ghɛ ə Vayn chɔʼ se tyə̀nə paynsê ə Pɨ̀a sê ghənə.”

Njɔyn 14:6

Njisə̀s ə pìə sê vəyn nə, “Ə̀ nyi mi ndom vɛ ə ve ndûə sê Pɨ̀a vɨ̂m, səmɔʼ ndô pə̂ sê Mi, ə̀ nyi Mi vɛ M fo ndame. Wùə vayn kàʼa è ndu sê Pɨ̀a vɨ̂m, ə va nə è tɔyne ə mi.

Njɔyn 15:6

Ghɨ ghɛ ə tàʼa faŋə kə Mì ewìyn, ə nə nji tsɨsè ghənə kə ngɔ̂nə̀ fèkàʼ. Ə ngɔyn ə̀təyn ə nyi tsɛ ke mə è zə zom. Ə komtə̂ ekyì ə sengɔyn nə sɨ̂nə̀ mə ə màʼà ndzɨsə̂ ewùs, elùʼ vɛ ə se nə pɛ.

Njɔyn 5:23

È nəyn nyi kə ghɨghe əkɨ̂m ə ngɨmnə̂ Vayn kè eghɨ kə ə ngɨmnə Pɨ̀a. Nâʼàpî ndè vɛ ə è ngɨmnə va Vayn, vayn kàʼa è ngɨmne Pɨ̀a vɛ ə È tom Vâ ə̀təyn.

Njɔyn 8:31

Njisə̀s ə pìə sê ghɨ ə Njûs ghɛ ə ghe tè pomə sê vəyn nə, “Ə ghàyn chùmtè zaʼlê zɨme, ə ghàyn ə lote nyi sèchùmtè èpàm Sɨmse.

Ətefɨ̂aʼ 2:42

Ghənə ə fɨnə fo sèngɨŋ sə ghənə̂sè sə̂ zɨtə̂ ə̀ghɛ ghɛ ə ghɨətom ə Njisə̀sghè tè zaʼlə. Ghənə tè nyì sə eghɛ èmɔ̀ʼ yîghə̀ ghɨ pomə ə Klâysghè. Ghənə əkɨ̂m tè tsə̂mə̀ fɨnə zhiə kɨŋnə̂ luʼve mɔ̀ʼ.

Kòlosè 3:16

Ghàyn za nə tom ə̀ Klâys ə nyi ə ghàyn ətəm shîŋə̀ tekɨ̂m. Ghàyn nji tom nə zɛ mə, ə ghàyn fɨ̂aʼ è zə̂yn è tɔf eghaʼâ zaynze ekɨ̂m se teftê, è kɨsè se zaʼlə sengɨŋ saynse. Ghàyn zhəm njàŋsè se Zhə̀fè, mə se fɨ ə ŋwàʼlè ə̀ Fèzhə̀. Ghàyn zhəm njàŋsè se Zhə̀fè se tsitə vəyn è kɨsè Klâys, è naʼapi sènjàŋ sè kè sɛ ə se pə̂yn ə ghàyn ekwâʼtè se tsìtə Fezhə̀. Ghàyn zhəm se fəynfe se fo àzɔ̀ŋnè se fəynfe è təm ghaynghe əkɨ̂m.

Taytùs 2:10

è kɨsè nə ghənə kyi va se chɔŋ sê pɛ̀ efɨ̀aʼ ə ghənə̂ghè. Ghənə kyi sə̂ pɨlə tyə̂nə̀ sê pɛ̀ efɨ̀aʼ ə ghənə nə ghənə nyi ə ghɨfɨaʼə chûŋə̀ mə pɛ̀ efɨ̀aʼ kàʼa e samse. Nyiəmə, ə tendom tèkɨ̂m, ə ghənə nəyn ə ghɨghe fe nə zaʼlêzè kûmə̀ Fezhə̀ sɔ̀zà ə̀ ghâsènì nyîə tsɔ̂fə̀.

Ipilù 3:14

Ə ghâsènì tyəm ə ghâsènì epomə̂ se zaʼâ əkwùŋse, kèpî kə ghâsènì tè tyəm ə zhə̀te, ə ze ə tyə̂nə̀ nə ghâsènì tsɨ̀yntə̀ fɨaʼà ghasènìəghə̀ Klâys.

Ipilù 6:1

E za tyə̀nə̀ nə ghâsènì kyi se zà ezaʼlê ə shi zɛ ə tè zaʼle sê ghâsènì kûmə̀ Klâys se njiə ndù əfètəyn èzaʼlê e ghəʼnəze. Kə ghâsènì faŋ ke əghɛ ə əshi sə̂ zaʼlə̂ kə nə ghɨ kwiyne təmə ə ghɛ epiə kə ghe pə̂ è kwue ə pomə Zhə̀fè,

1 Njɔyn 1:3

Ghàs tsà ə̀ghɛ ghɨ̀nə̀ sê ghàyn, ə ghɛ ə ghàs nyi mə ə fe ə fɨnə zɨə, kə ə ghâsènì tsɨynte faŋ ke sə afɨa àmɔ̀ʼ ə ghâsènì è Pɨ̀a yî Va Vəyn Njisə̀s Klâys.

3 Njɔyn 1:9

M tè nyàʼ ŋwàʼlè sê ndɛ ə̀ Fèzhə̀ zâynzè, pîza Ndûətifìs vɛ è kyiŋə sə nyi àtu əghɨ̀ ə poməke ə tə nə zhi zɨtə̂ va ghɛ zɛ ə m pîə ətəyn.