2 Njɔyn 1:5 - Ŋwàʼlè ə̀ Fèzhə̀ Mkâyn Mə̂ Fèm

⁵ Wùzhɔyn, m pîə sê ghò nə ghâsènì ə kɔ̂ŋə̀ sèngɨŋ sə ghasènìse. M fo chîə va lâŋ ə feke sê ghò, ə pa nyi ke kɛ ə tè kyi nâʼà ə zhə̀te.

2 Njɔyn 1:5 ပူးပေါင်းရင်းမြစ်များ

Njɔyn 15:12

Ə kɨnə nyi alâŋ kɨma nə, ghàyn kɔŋ ngɨŋ saynse kèpi kə m kɔ̂ŋɔ̀ ghàyn.

Njɔyn 15:17

Ə kɨnə nyi alâŋ kɨma nə, ghàyn kɔŋ ngɨŋ saynse.”

Ngàleshyà 5:22

Pîza Zuʼse ŋwaʼase muə ètwɔm echûŋvè kə, ekɔ̂ŋ, saŋnêzè, pɔ̂ynè, wəynsê ewìynze, tɔ̂ʼnə̀, nə̂ chùŋ, nə̂ ə̀ghɛ è təmghe əkɨ̂m,

Ɛfesùs 5:2

Ghàyn kyi sə̂ kɔ̂ŋɔ̀ ə̀ghɨ mɔʼɔ kè shîŋə̀ tekɨ̂m kè eghɨ kə Klâys tè kɔ̀ŋɔ̀ ghâsènì ə fo ngɨŋ ə vəyn sə efo, ze lɨ̂mtə̀ tsɔ̂fə̀ kə nyî sê Zhə̀fè ə ghâsènì elùʼ.

1 Tèsàlonikà 4:9

M fe nə ghàs kyi va sə̂ fɨnə nyâʼà èghɛ sê ghàyn kûmə̀ endom vɛ ə ghàyn kyi sə̂ kɔ̂ŋɔ̀ ə̀ghɨ ə pomə mɔ̀ʼɔ ghətəyn. Zhə̀fè ngɨŋ ə̀ vəyn ə zaʼlê ghàyn kə ghàyn kyi sə̂ kɔ̂ŋɔ̀ sèngɨŋ saynse.

Ipilù 13:1

Ghàyn ndu ke èshike sə̂ kɔ̂ŋɔ̀ sèngɨŋ saynse kə ghɔ nyìə.

1 Pità 4:8

Nâʼà èghɛ etɛ zɛ ə ze nyi nyi nə ghàyn e ndɨŋə kɔ̂ŋɔ̀ sèngɨŋ saynse kûmə̀ nə kɔ̂ŋzè nyîə kɨəytə̂ sèpi se tsɨ̂ə kə nyî.

2 Pità 1:7

pî kə ghàyn nə̀ Zhə̀fè e saŋnə̂, ghàyn e kyi àshîŋə̀ əghɔ nyì ghaynghe, famə ashìŋə̀ kɛ ə ghàyn kyi sè ghɔnyì ghaynghe, ghàyn e kyi kepî èkɔ̂ŋ.

1 Njɔyn 3:11

Ə̀ zɨ̀nə nyi tom zɛ ə ghàyn tè zɨ ə zhə̀te nə, ghâsènì ə kɔ̂ŋə̀ sèngɨŋ sə ghasènìse.

1 Njɔyn 3:23

Làŋ ə Fezhə̀ nə kɨnə nyi nə, ghâsènì pomə̂ ə Va vəyn ezə Njisə̀s Klâys, kɔ̀ŋɔ̀ sèngɨŋ sə ghasènìse. Ə̀ nyì kepî èkɔ̂ŋ nə zɨ̂yn ə Klâys nyi mə è və fo sê ghâsènì.

1 Njɔyn 4:20

Ə ghâsènì pìə nə ə nyiə kɔ̂ŋə̀ Fèzhə̀, pîza pâynə̀ ə̀ghɨ mɔ̀ʼɔghe, ə ghâsènì ə nyi ə̀ghɨ akaŋə. Kûmə̀ nə ghâsènì vayn kaʼa kɔŋ Zhə̀fè mə ə paʼà fe Fəynfe, mə ghâsènì kɔ̀ŋə̀ va ghɨ ghɛ ə ghâsènì fe.

2 Njɔyn 1:1

Ə̀ nyàʼà mi chəʼ ə ndɛ ə̀ Fèzhə̀, sê wùzhɔyn vɛ Zhə̀fè chɔʼ yî ghɔ vəyn ghe. M kɔ̂ŋə̀ ghàyn è təm ghɨm ghe əkɨ̂m, ə̀ kɔ̂ŋɔ̀ kə va mi ghàyn, pîza ghɨ əkɨ̂m ghɛ ə ghe ke ghɛ zɛ ə ze nyi səmɔʼ kɔ̂ŋɔ̀ kəpi ndò ghàyn.