2 Njɔyn 1:2 - Ŋwàʼlè ə̀ Fèzhə̀ Mkâyn Mə̂ Fèm

² M kɔ̂ŋɔ̀ ghàyn kûmə̀ səmɔʼ zɛ ə è nyi ə ghâsènì əfètəyn, ə səmɔʼ zɛ ə è tə ndamə faŋə.

2 Njɔyn 1:2 ပူးပေါင်းရင်းမြစ်များ

Njɔyn 14:16

M nə̀ pfɨfə sê Pɨ̀a ə È fo Tsàmtè ə̀mɔ̀ʼɔ̂ se ghàyn, mə è nə̀ ndamə faŋə ghâynghə̀ ghənə.

Njɔyn 15:7

Ə ghàyn faŋ ke ə mi ewìyn, ə zaʼlê zɨmze ə pɔŋ nyi sê ghàyn, ghàyn ə pfɨfə pî ghè, ə ghàyn kyi.

1 Kɔlìŋ 9:23

M nə̂ ə̀ghɛ nə ghɨnə̀ ə̀kɨ̂m kə ghɨ setsɨ̀ setsɨ̀ zɨ tom èchùŋ kûmə̀ Klâys kè se nə̀yn nə tom èchùŋ zham nduke èshike kə̂ m pɔŋ kyî epɔsê zɛ ə ze nyi ətəyn.

2 Kolìŋ 4:5

Ghɛ zɛ ə ghàs ndàʼà vachi kûmə̀ sèngɨŋ sasse, ghàs ndàʼà nə Njisə̀s Klâys nyi Pɛ̂pɛ, è kɨsè nə ghàs nyi əghɨ ghayn ghe fɨaʼaghe kûmə̀ Klâys.

Kòlosè 3:16

Ghàyn za nə tom ə̀ Klâys ə nyi ə ghàyn ətəm shîŋə̀ tekɨ̂m. Ghàyn nji tom nə zɛ mə, ə ghàyn fɨ̂aʼ è zə̂yn è tɔf eghaʼâ zaynze ekɨ̂m se teftê, è kɨsè se zaʼlə sengɨŋ saynse. Ghàyn zhəm njàŋsè se Zhə̀fè, mə se fɨ ə ŋwàʼlè ə̀ Fèzhə̀. Ghàyn zhəm njàŋsè se Zhə̀fè se tsitə vəyn è kɨsè Klâys, è naʼapi sènjàŋ sè kè sɛ ə se pə̂yn ə ghàyn ekwâʼtè se tsìtə Fezhə̀. Ghàyn zhəm se fəynfe se fo àzɔ̀ŋnè se fəynfe è təm ghaynghe əkɨ̂m.

2 Timotì 1:5

M pa kwâʼtə̀ ndò kàyntè èkyî èpomə̂ zɛ ə ò kyi sê Klâys, ə̀ nyì ke èkyî èpomə zɛ ə Luîs, nyìə nɛ̂, yî Yunìs nɛ̂ tè kyi. M lote ke ndò səmɔʼ nə ò kyi kepî ndò kyî epomə̂ nə zɛ.

2 Pità 1:12

Kûmə̀ nyi, m nə zâŋsə̀ pɨ̂əytə̀ kə ndò ghɛ nə ghɨ̂yn sê ghàyn nâʼàpî kə ghàyn ke ghəynghe, tyəm tɛ ə səmɔʼ zɛ ə tè zaʼle ghàyn ətəyn.

1 Njɔyn 1:8

Ə ghâsènì piə nə ghâsènì kyi va fɨ̂atə̀ fə pife ə ghâsènì endam, ə ghâsènì ə lesə̂ kə sèngɨŋ sə ghasènìse, səmɔʼ e va ə ghâsènì ətəm.

1 Njɔyn 2:14

M nyâʼà əghɛ nə ghɨyn sê ghàyn ə ghɔyn ghɨmə kûmə̀ nə ghàyn nyi mə ə kê Pɨ̀a. M nyâʼà se ghàyn ə pɨ̀aghe kûmə̀ nə ghayn nyi mə ə kê Vəyn vɛ ə è tè nyi ə zhə̀te. M nyâʼà əghɛ nə ghɨyn sê ghàyn ə ngwàʼ ə wùə kûmə̀ nə ghàyn nyîə tɛ, ghɛ ə Fezhə̀zè e nyi ə ghàyn ətəm, mə ghàyn ə tɛ tsɛ wùə èpi.

1 Njɔyn 2:17

Mbi tsɛ̂ ndò, paʼsə̂ è fɨa vɛ ə ghɨə nyɨŋə epàm ətəyn, pîza wùə vɛ ə è nə̂ kə kə̂ Zhə̀fè kyiŋə, tə nə̂ ə è və nyi yî Zhə̀fè shîŋə̀ tekɨ̂m.