1 Timotì 4:8 - Ŋwàʼlè ə̀ Fèzhə̀ Mkâyn Mə̂ Fèm

⁸ Se zaʼlê ewiyn vɛve, e tsɔ̂fə̀ ndò endom vîve, pîza se kê eghɛ ə Fezhə̀zè tsɔ̀fə̀ kə ndom tekɨ̂m kûmə̀ nə zɨnə mə tsâmtə̀ ndò wùə ezhoghɛ è pa ndamə, è kɨsè ashìŋə̀ kɛ ə è nyi mə è və kwu.

1 Timotì 4:8 ပူးပေါင်းရင်းမြစ်များ

Matyò 6:33

Pîza, ghàyn nayne chi ə̀ghɛ efɔ̂yn ə Fezhə̀e sə shi ə ghàyn nəyn ghɛ ghɛ ə Zhə̀fè kyiŋə nə ghàyn nəyn. Ə ghàyn nə̀yn nyiə mə, ə Zhə̀fè nə fo fɨa mɔ̀ʼɔve nâʼà ekɨ̂m se ghàyn.

1 Timotì 6:6

E nyi səmɔʼ nə ghɛ ə Fezhə̀zè kàʼa ə ze nəyn nə wùə nyi wùə è ghaʼâ, kè ezhoghɛ ə wùə kɔ̀ŋə̀ fɨa kɛ ə è kyi.

1 Njɔyn 2:25

Famə afɨa àmɔ̀ʼ, ə ghâsènì kyi ndam zɛ ə ze tə mîə va mə za nyi vɛ ə Zhə̀fè kɨmne ndə̂m tè tsɨ̀ne se ghâsènì.

Ŋwàʼlè ə̀ Mâk 10:30

ə è tə̂ faŋə se kyî mpɨəyn èkwùtwəyn è ghɔ nyiə, è tsâmtèsè, è ghə̀nyì, è ghɔynghe è fùʼm̀, kèpî zâ. È nə̀ kyîə èfɨa nə vɨ̂yn ke nâʼà ə mbiə zôyn, ə ghɨghe ə fɨnə nyâplə̀ è vəyn, ə tuʼe tə pəyn, ə è kyi ndam zɛ ə ze tə mîə va.

Ipilù 13:9

Kə ghàyn zâ nə ə lɛsə̂ ghàyn è kyì tə ezaʼlêtè tekɨ̂m mə te nyi sə nɨŋ sê tom èchùŋ. E tsɔ̂fə̀ nə ə nə̂ àfùʼ ə Fezhə̀kè nə təm ghaynghe ə tɛ, ə̀ va chi elwɔ̂ŋ vɛ ə ghàyn ndə̀mə̀ kûmə̀ èfɨa zhiəve kûmə̀ nə lwɔ̂ŋ nə vɨnə tsâmtə̀ va ghɨ ghɛ ə ghe ndə̀mə̀ vəynve nâʼà səkɔs.

Etyə̂yn ə paynsêzè 3:21

Ə̀ nò zhi pîndè, ə m fo vəyn è tyaʼke nə è tsɨsə ə mì etipì, ə mì ə fekyə̀ fə efɔ̀ynfè. Kè kə M se nyi mə mə nò ə zhiə sè tsɨs zôyn ə Pɨ̀a vɨ̂mvè etipì, ə Vəyn elùʼ efɔ̀yn.

Taytùs 3:8

Ghɛ zɨnə m nyi mə mə wàmnè nyì səmɔʼ. M kyiŋə nə ò tɛ faŋ ke famə ezaʼlê, kə nâʼà ə̀ghɨ ə̀kɨ̂m ghɛ ə ghe nyi mə ə pomə sè Zhə̀fè, fo ngɨŋ sə ghənə̂sè sə̂ nə̀ chùŋ. Zaʼlê nə tɨ̂nə̀ nyi achûŋ tsâmtə̀ nâʼàpî ndè.

Etyə̂yn ə paynsêzè 3:12

Ə̂ nò zhi nâʼàpî ndè pi, ə m nəyn ə è və nyi àtɔ̂ʼ ə Zhə̀ fɨmfe ə ndɛ, ə è tə tàʼa fɨnə fɨə ətəyn. M tə nyâʼà èzə Fezhə̀ fɨmfe ə ghənə ewìyn, ə m fɨyn nyaʼ èzə ə tɔ̂ŋ èghaʼâ ə Fezhə̀ fɨmfe, mə za nyi Njèlusalɛ̀m èfe, zɛ ə è tə ndô sê Zhə̀ fɨmfe ekwùtwəyn ə è tso pəyn. M tə nyâʼà kəpi èzə zɨmze feze ə ghənə ewìyn.

1 Kɔlìŋ 8:8

Fɨa e zhiəve vayn nə̀yn nə Zhə̀fè fi ghâsènì ə fe tsɛ kə fe tè nyi mə fə fi. Ghâsènì njìsə̀ va fɨake ashìŋə̀ kɛ ghâsènì tàʼa zhi, kwəynsə̂ va fɨa kyîke ezhoghɛ ghâsènì zhi.

Ŋwàʼlè ə̀ Pɔ̂l sê ghɨə Lûmghè 8:28

Ghâsènì kendô nə nâʼà pi èghɛ èkè zɛ ə ze kyâynə̀, Zhə̀fè nə̀ zəynze sə chùŋ ə̀ghɨ̀ ghɛ ə kɔ̂ŋə̀ Fəynfe. Ə ghənə ghɛ è nyi mə È və tɔŋɔ nə ə nəyn kə È kyiŋə.

1 Kɔlìŋ 3:22

kɨ̀sə ə̀ nyi Pɔ̂l kɨ̀sə ə̀ nyi Àpolòs kɨ̀sə ə̀ nyi Sefàs kɨ̀sə ə̀ nyi mbi zɨ̀yn, kɨ̀sə ə̀ nyi endam, kɨ̀sə ə̀ nyi ekwu, kɨ̀sə ə̀ nyi ashîŋə̀ kɨ̂nə zôyn, kɨ̀sə ashìŋə̀ kɛ ə ke tə wə̂ pə̂, fɨa nə vɨnə nâʼà èkɨ̂m tsɨ̂ynte kyi ke ghàyn,

Matyò 19:29

Ə nâʼàpî ndè vɛ è nyi mə è və zà ndɛse, kɨ̀sə əghɔnyì ə ndômnə̀, è ghe zənə, kɨ̀sə pɨ̀a è nyì, kɨ̀sə ghɔyn, kɨ̀sə mfûʼ kûmə̀ èzə zɨme, tə kɛsə̂ kyiə əghɨ nə ghɨ̂yn è fɨa nə vɨ̂yn shîŋə̀tè wəve ə è fɨyn kyi endam zɛ ə ze tə mîə va.

Matyò 12:32

Ə̂ pîə pîndè ghɛ epize kûmə̀ Va Wùə, Zhə̀fè kàʼa fe lɛ̀sè fo vəyn, pîza mə ə pìə pîndè ghɛ epize kûmə̀ Sezuʼ se ŋwaʼase, ə fe tə tàʼa lɛ̀sə fo vəyn zôyn, pî ashìŋə̀ kɛ ə ke nyi se pə̀yn ə shi.”

1 Timotì 4:7

Kɛse epàm ə m̀ghâŋghàŋə̀ me mɨ mɛ m̀ kyi va ghɛ zhîze se nə̀yn è Zhə̀fè. Ò pɨlə zâŋsə̀ zaʼlə̂ ngɨŋ zɛ̂zè kə o nyi kàʼa ò nəyn ghɛ zɛ ə Zhə̀fè kyiŋə.

1 Timotì 6:3

Ə̀ fɨnə zaʼlə nâʼàpî ndè ghɛ, ə̀ va chi ə̀ghɛ ghɛ m fo sê ghò, ghe va èghɨ kə ezaʼlê echûŋ zɛ ə Pɛ̂pɛ ə̀ ghâsènì Njisə̀s Klâys tè zaʼle sê ghâsènì, è kɨsè zaʼle tɛ ə te kɔʼsə Zhə̀fè,

1 Timotì 6:5

è saʼnêzè shîŋə̀ tekɨ̂m əfètə̂ ə̀ghɨ ghɛ ə kwâʼtè tə ghənə̂tè nyi mə tə lwiyn è pi, mə ghənə vayn kàʼa kɛse kê èghɛ zɛ ə ze nyi səmɔʼ, nyiəmə, ghənə e kwâʼtə̀ nə se zaʼlê kûmə̀ Fèzhə̀ nyi endom ekyiŋə nə ekɛve.

2 Timotì 3:5

Ghənə tə nə̂ ə fusə̂ ə̀ghɨ ghɛ ə ghe kɔʼsə Zhə̀fè, pîza zɨə va sê Vəyn nâʼà səkɔs. Kə ò tə paʼsê sê kyì əghɨ̀ nə ghɨ̀yn.

Tom èchùŋ kè kə Lûk tè nyaʼ 5:38

Ə kyi ke se ndə̀m mlɨ mê pɔ̂m ə tə̂ m̀shɔʼ mê fêm.