1 Timotì 4:4 - Ŋwàʼlè ə̀ Fèzhə̀ Mkâyn Mə̂ Fèm

⁴ Nâʼàpî ghè vɛ ə Zhə̀fè fɛte nyi achûŋ. Ghɨə kyi va sə̂ kwiynsə̂ nâʼà afɨa àmɔ̀ʼ, shîŋə̀ kɛ ghənə piə fiə ndò, ə tsə̂mə̀ ə fo àzɔ̀ŋnè sê Zhə̀fè.

1 Timotì 4:4 ပူးပေါင်းရင်းမြစ်များ

Ətefɨ̂aʼ 10:15

Kyə̀ ətəyn ə fɨnə pîə se vəyn nə, “Kə ò tə ndəm nə fɨake zo va mə Zhə̀fè ə nə̀yn ke zo kwəynə̂.”

Ətefɨ̂aʼ 15:29

Kə ghàyn zhi fɨazhiəve mə fo sê zhə̀mè; kə ghàyn tə zhi m̀ndəm kɨ̀sə ə̀ nyì pî se kwɨlə nyàm mə ə pɔyn zhwî ndò; kə ghàyn nə nyîŋə̀ è zənə kɨ̀sə ə̀ nyì pî ghàyn ndômnə̀, mə ə̀ kiva ghàyn. Ghàyn nə̀ nə̂ àchûŋ ezhoghɛ ghàyn zà ghɛ nə ghɨ̂yn ə ghàs pìə nyî. Ghàyn faŋ ke nâʼà àchûŋ.”

Ətefɨ̂aʼ 21:25

Sê ghɨ ghɛ ə̀ vachi ə̀ghɨ ə Njûs ghɛ ghənə se kâynè nyi ə̀ghɨ poməghe, ghàs ə tiynsê ŋwàʼlè se ghənə tsâ se ghənə nə ghàs ə chɔʼnê nə kə ghənə tə zhi èfɨa zhiə vîve mə ə fo se zhə̀mè, pi kə mndəm, pi kə nyàm zhîzè mə ə pɔyn zhwi ndò, è kɨsè nə ghənə kyi va sə̂ nyɨ̂ŋə̀ è zəynghe, kɨ̀sə ə ndômnè ə̀ va ghə ghənə̂ghè.”

Ŋwàʼlè ə̀ Pɔ̂l sê ghɨə Lûmghè 14:14

Kə m nyi ghasè Pɛ̂pɛ Njisə̀s sə afɨa àmɔ̀ʼ, e nə̂ ndò nə mə ke nə fɨazhiə vîve va ə ve zo va ə Zhə̀fè əshi, pîza mə wùə pomə nə fɨazhiə vîve nyi ndô ə ve zo kwəynə va ə Zhə̀fè əshi, kə è zhi vəynve.

Ŋwàʼlè ə̀ Pɔ̂l sê ghɨə Lûmghè 14:20

Kə fɨazhiəve nəyn ə ghàyn pofse fɨ̂aʼ ə Fezhə̀zè. Fɨa e zhiəve kɨ̂m zo ndò ə Zhə̀fè əshi, pîza e tsɔ̂fə̀ va nə wùə zhi fɨa kɛ ə ke nə nə̂ nə wùə mɔʼɔ pfɨ əfètə̂ pi.

Ŋwàʼlè ə̀ Pɔ̂l sê ghɨə Lûmghè 14:6

Ghɨ ghɛ ə ghe fe nə tuʼfe nyìə kɔʼnə̂ tsɛ̂ fîfe nə̂ nyiəmə kè sê ngɨmnê ə Pɛ̂pɛze. Ghɨ ghɛ ə ghe zhiə nâʼàpî àkè, ghənə nə̂ kəpi zamə se ngɨmnə̂ Fèzhə̀ kûmə̀ nə ghənə fo àzɔ̀ŋnè se Zhə̀fè kûmə̀ èfɨazhiə ətəynve. Ghɨ ghɛ ghe zhiə kəpî va fɨa vîve, nə̂ zamə se ngɨmnə Pɛ̂pɛ, fo àzɔ̀ŋnè sê Zhə̀fè.

1 Kɔlìŋ 10:23

Ghənə pîə nə, “Ghâsènì kàʼa ə ghayn nâʼà pîghè” kè kə ghənə nyi mə pì. Zɨnə mə nyi səmɔʼ pîza ə̀ va nâʼàpî àkè ə ke tsɔ̂fə̀. “Ghâsènì kàʼa ghayn nâʼà pîghè” Pîza ə̀ va nâʼàpî èghɛ èkè ə ze tsâmtə̀.

1 Kɔlìŋ 10:25

Ghàyn kàʼa ə ghàyn kwɨl nâʼàpî nyàm èkè zɛ ə pəʼlə apàʼ ə nyâmkè mə ə paʼà pfɨf pfɨfze se chwìtè nə təm ghaynghe nyîə saʼa ghàyn,

1 Kɔlìŋ 10:26

kûmə̀ nə ŋwàʼlè ə Fezhə̀ pi nə, “Chi kɨnə̀ è nâʼà pi àkè kɛ ə ke nyi ətəyn, ə̀ kyi Pɛ̂pɛ.”

1 Kɔlìŋ 10:30

Ə m nji fɨazhiə vɨmve ə fo àzɔ̀ŋnè sê Zhə̀fè tsɔ̀fə kə m zhi, pɔ̀m ghè ə wùə nə̀ ghamə̀ mi kûmə̀ efɨazhiəve mə mə fo zɔ̀ŋnèkè ətəyn ə?”

1 Timotì 4:3

Ghɨ nə ghɨ̂yn zaʼlə̂ ə̀ghɨ nə kə ghənə ə malə̂, fɨnə pìə nə ghənə pamə tèkyì te fɨazhiə tîte. Pîza mə Zhə̀fè fɛte efɨa ezhiə nə vɨ̂yn nə ghɨ ə pomə ghɛ ə nyi mə ə kê səmɔʼ ə zhiə mə ə fo zɔ̀ŋnèkè sê Zhə̀fè.