1 Timotì 4:3 - Ŋwàʼlè ə̀ Fèzhə̀ Mkâyn Mə̂ Fèm

³ Ghɨ nə ghɨ̂yn zaʼlə̂ ə̀ghɨ nə kə ghənə ə malə̂, fɨnə pìə nə ghənə pamə tèkyì te fɨazhiə tîte. Pîza mə Zhə̀fè fɛte efɨa ezhiə nə vɨ̂yn nə ghɨ ə pomə ghɛ ə nyi mə ə kê səmɔʼ ə zhiə mə ə fo zɔ̀ŋnèkè sê Zhə̀fè.

1 Timotì 4:3 ပူးပေါင်းရင်းမြစ်များ

Matyò 14:19

Kə chùmtè èpàm sə vəynse pə̂yn è səyne epɨanə ətəynve è mbwɔ̀vè È və pìə sê ghɨ ghɛ nə ghənə tsɨsə ndu ewə̀yn. È ve njìə èsene epɨayn ətəynve etwɔ̂yn è mbwɔ̀ vɛ è pɨ̀a ə naynə̂ kɔʼsə̂ è Kwùtwəyn ə fo àzɔ̀ŋnè sê Zhə̀fè. È və pɨaʼlə̂ vəynve ə fo nə chùmtè èpàm sə vəynse chyate sê nɔ̂yn ətəynve.

Matyò 15:11

Ə̀ va chi àfɨa kɛ ə wùə zhiə ə ke nə̂ nə è və zo va ə Zhə̀fè əshi, pîza ə̀ pɨl nyi èghɛ zɛ ə ze fɨə ə wùə echo ə ze nə̂ nə è və zo va.”

Matyò 15:36

È və njìə èsene epɨayn vɛ, èsɛ̀mbɛ, è mbwɔ̀tə̀m, ə fo àzɔ̀ŋnè sê Zhə̀fè, ə pɨaʼlə̂ fo sê chùmtè èpàm sə vəynse, ghənə pɔŋɔ chyâtə̀ ndûə se nɔ̂yn əghɨ vɛ.

Tom èchùŋ kè kə Lûk tè nyaʼ 24:30

Ə te nyi ashìŋə̀ ə zhiəke, è və njiə apayn ə kwaŋke ə pɔsə̂ ə chàtə̀ fo sê ghənə.

Njɔyn 6:23

Ngwùʼ seghaʼâ sə mɔ̀ʼɔse mə se ndo ə Tìpelùs ə pə̀ ə ngwùŋ ènjwì etipì elùʼ vɛ nɔ̂ynkè tè zhi payn ə kwaŋke mə Pɛ̂pɛ fo tsoke àzɔ̀ŋnè.

Ətefɨ̂aʼ 27:35

Kə Pɔ̂l wàmnè zâ ə njiə àpayn ə kwaŋke ə fo àzɔ̀ŋnè sê Zhə̀fè kè ə ghənə əshi ə pɨaʼtə ə zhə̀tə̀ se zhi.

Ŋwàʼlè ə̀ Pɔ̂l sê ghɨə Lûmghè 14:17

Ə̀ vachi se zhi efɨazhiəve, kɨ̀sə se mɨ mlɨ̂ ə ze kyi m̀kɔʼnè elùʼ efɔ̀yn ə Fezhə̀vè. Ghɛ ghɛ ə ghe kyi m̀kɔʼnè nyì sə̂ nyi chichi ə Zhə̀fè əshi, sə kyi pɔ̂ynè, è saŋnê zɛ ə ze ndô pə̂ sê Zuʼse Ŋwaʼase.

Ŋwàʼlè ə̀ Pɔ̂l sê ghɨə Lûmghè 14:3

Ghɨ ghɛ ə zhiə nâʼàpî ghè kiva se chìynə̀ ə ghɨ ghɛ ə pamə fɨa ə mɔ̀ʼɔve. Kə ghɨ ghɛ ə pamə fɨa vîve, saʼ ghɨ ghɛ ə ghe zhiə fɨave ekɨ̂m kûmə̀ nə ghənə əkɨ̂m nyi chichi ə Zhə̀fè ə shi.

Ŋwàʼlè ə̀ Pɔ̂l sê ghɨə Lûmghè 14:6

Ghɨ ghɛ ə ghe fe nə tuʼfe nyìə kɔʼnə̂ tsɛ̂ fîfe nə̂ nyiəmə kè sê ngɨmnê ə Pɛ̂pɛze. Ghɨ ghɛ ə ghe zhiə nâʼàpî àkè, ghənə nə̂ kəpi zamə se ngɨmnə̂ Fèzhə̀ kûmə̀ nə ghənə fo àzɔ̀ŋnè se Zhə̀fè kûmə̀ èfɨazhiə ətəynve. Ghɨ ghɛ ghe zhiə kəpî va fɨa vîve, nə̂ zamə se ngɨmnə Pɛ̂pɛ, fo àzɔ̀ŋnè sê Zhə̀fè.

1 Kɔlìŋ 6:13

Wùə kaʼa è pi kepî nə, “Ə zhiə nâʼà pî ghɛ̀, ke ndûə kə endwɔ̀, ndwɔ̂vè nyi ke sə̂ fiə èfɨa ezhiəve.” E nyi ke nâʼà səmɔʼ pîza Zhə̀fè e nyi se tə pofsê èndwɔ̂ə ətəyn pâʼsə̂ kə efɨazhiəve. Wiynə wûəvè vachi nə è və nyɨ̂ŋə̀ è zəynghe, kɨ̀sə ə ndômnè, ve pɨl nyi sə̂ nə̂ efɨaʼ ətəyn sê Pɛ̂pɛ, ə̀ nyi Pɛ̂pɛ vɛ ə è tɔ̂ʼnə̀ ewiyn ətəynve.

1 Kɔlìŋ 7:28

Pîza mə ò malə, ò paʼà nə̀yn pi, mə wùə èzhɔyn nyiəm keva wùə endômə̀, ə malə, è paʼà pa nəyn pi, pîza ghɨə malə tə kyîə tètsôs fa mbi, ə̀ nyi tètsôs nə tɨ̂nə̀ ə m mɔ̂msə̀ se puʼse nə kə ghàyn tə kyî.

1 Kɔlìŋ 8:8

Fɨa e zhiəve vayn nə̀yn nə Zhə̀fè fi ghâsènì ə fe tsɛ kə fe tè nyi mə fə fi. Ghâsènì njìsə̀ va fɨake ashìŋə̀ kɛ ghâsènì tàʼa zhi, kwəynsə̂ va fɨa kyîke ezhoghɛ ghâsènì zhi.

Kòlosè 2:16

Nyiəmə, kə ghàyn pomə nə ghɨ tsayn sê ghàyn nə ghàyn ə nə̀yn tsas kûmə̀ nə ghàyn zhi afɨa kyîke kɨ̀sə se mɨ mlɨ̂ mîmè, pi kûmə̀ nə ghàyn səʼ epɨyn zhîze, pi nə ghàyn səʼ epɨyn zɛ ə səʼə echo njɔŋ, pi èpɨyn etuʼ endaʼze.

Kòlosè 3:17

Nâʼàpî èghɛ èkè, kə ghàyn wàmnə̀ ndò kɨ̀sə ghàyn nə̀ ndò, ghàyn e nə̂ ezə ə Pɛ̂pɛ Njisə̀szè. Ghàyn fo zɔ̀ŋnèkè sê Zhə̀fè Pɨ̀a ghâsènì.

1 Timotì 2:4

Zhə̀fè kyiŋə nə ghɨ ghəkɨ̂m sɔ, fɨnə kyiŋə kəpî nə ghɨ ghəkɨ̂m kyi ghɛ zɛ ə ze nyi səmɔʼ.

1 Timotì 4:4

Nâʼàpî ghè vɛ ə Zhə̀fè fɛte nyi achûŋ. Ghɨə kyi va sə̂ kwiynsə̂ nâʼà afɨa àmɔ̀ʼ, shîŋə̀ kɛ ghənə piə fiə ndò, ə tsə̂mə̀ ə fo àzɔ̀ŋnè sê Zhə̀fè.

1 Timotì 5:14

M kyiŋə nə zhwiə kwu ghɛ ə pa nyi sèngɔ̀yn kɛse malə̂, ə piə ghɔnə, ə tɔ̂ʼnə̀ è sastə ndɛ tə ghənə̂tè kə pàyn sə ghasènìse ə kyi va ndom sə̂ wâmnə̀ ə̀ghɛ ə piə kûmə̀ ghâsènì.

Ipilù 13:4

Nâʼàpî ndè kyi sə̂ ngɨmnə̂ malə̂. Kə wùə tə za ndom ə̀ vəyn kɨ̀sə zhwiə vəyn ə è ndu nyɨ̂ŋə̀ yî wùə ə ndò. Ghàyn kendô nə Zhə̀fè tə saʼa nâʼàpî ndè vɛ ə è nə̀ ghɛ ə nyələghe è ghɛ ə nyi mə malə̂ fɨə əpɨəyn.

Ipilù 13:9

Kə ghàyn zâ nə ə lɛsə̂ ghàyn è kyì tə ezaʼlêtè tekɨ̂m mə te nyi sə nɨŋ sê tom èchùŋ. E tsɔ̂fə̀ nə ə nə̂ àfùʼ ə Fezhə̀kè nə təm ghaynghe ə tɛ, ə̀ va chi elwɔ̂ŋ vɛ ə ghàyn ndə̀mə̀ kûmə̀ èfɨa zhiəve kûmə̀ nə lwɔ̂ŋ nə vɨnə tsâmtə̀ va ghɨ ghɛ ə ghe ndə̀mə̀ vəynve nâʼà səkɔs.