1 Timotì 4:1 - Ŋwàʼlè ə̀ Fèzhə̀ Mkâyn Mə̂ Fèm

¹ Zuʼse Ŋwaʼase tyə̂nə̀ paynsə̂ nə, ə̀ tə nə̂ ə nyi ə mtuʼ me kwùŋsə̂m, ə ghɨ mɔ̀ʼɔ kwiynse ə tàʼa fɨnə pomə̂ ezaʼlê zɛ ə ze nyi səmɔʼ kûmə̀ Klâys Njisə̀s, ghənə tə pɨlə zɨə se zuʼsə akaŋse, ə ghənə ə nə̂ ə̀ghɛ ghɛ ə pamə̂ tə satàyntè fo.

1 Timotì 4:1 ပူးပေါင်းရင်းမြစ်များ

Matyò 18:7

Ngəʼ èghaʼâ nyì sê mbi kûmə̀ tèmɔ̂m tɛ ə te nə̂ nə ghɨghə nə̂ pi. Mɔ̂mtè kyi se pə̀yn, pîza ngəʼ èghaʼâ nyì sê wùə vɛ ə è nə̀ nə̂ nə wùə nəyn pi.

Tom èchùŋ kè kə Lûk tè nyaʼ 17:1

Njisə̀s ə tə pi sê chùmtè epàm sə vəynse nə, “Ghɛ ghɛ ə ghe nə̂ nə ghɨghe ə nə̂ pi vâyn kàʼa faŋ se kyàyn, pîza ngəʼ nyi sê wùə vɛ ə è nə ghɨghe e njisə̀ èndom!

Njɔyn 16:13

Pîza, shîŋə̀ kɛ ə Zuʼsə səmɔʼse nə̀ pə̂, ə se chise ghàyn, ə ghàyn ə ke ə̀ghɛ əkɨ̂m ghɛ ə ghe nyi səmɔʼ. È pə̀ va sə̂ wàmnə̀ èghɛ vəyn zə ngɨŋe; è pə̀ se tsâ kə əghɛ mə ə pì ndô sê vəyn, ndàʼà ə̀ghɛ, ghe pa nyi se tə kyàyn.

Ətefɨ̂aʼ 13:2

Shɨŋ zɛ ghənə kɔʼsə Zhə̀fè fɨnə pamə ècho, Zuʼ se Ŋwaʼase ə pə̀ piə sê ghənə nə, “Ghàyn chɔʼ Pànapàs yî Sɔ̂l ə ndəm, ə ghənə ə nə̂ èfɨ̂aʼ zɛ ə m kyiŋə nə ghənə ə nə̂.”

Ətefɨ̂aʼ 17:18

Nɔ̂yn əghɨ̀ ə Epikulùskè è Sètoyìkè ə zhə̀tə̀ se saʼnê əghɛ yî ghə̀ Pɔ̂l. Yîghe e pfɨfə nə, “Wùə vɨ̀nə mɔ̀msə̀ se pì nə ghe, keva nâʼà èghɛ zhî zə?” Yîghe ə pə̀ynsə̀ nə, “È mɔ̀msə̀ sə̂ wàmnə̀ eghɛ kûmə̀ m̀zhə̀ mə ghɨatumə̀m.” Ghənə tè wàmnə̀ nyî kûmə̀ nə Pɔ̂l tè ndàʼa tom èchùŋ kûmə̀ Njisə̀s è kɨsè zômə̀ ə Vəynze.

Ətefɨ̂aʼ 20:23

M ke ke nə nâʼà pî endaʼ èkè, Zuʼse Ŋwaʼase nyi mə sə fo fɨ̀as se mi nə ndɛ ə̀ chaʼ è tsôstè lɨmtə̂ mi.

Ətefɨ̂aʼ 21:11

È və pə̀ se ghàs ə fiə fèkô fə Pɔ̂lfè ə kɛsə kolə ə̀ghol ə vəynghe è gho sə və ngɨŋ ə pìə nə, “Ə̀ zɨnə nyi eghɛ zɛ ə Zuʼse Ŋwaʼase pî, Ə tə kolə̂ wùə vɛ è kyi kô fɨ̂nə̀ kèpi fa ekyì endom, ə ghɨə Njûs ghɛ ə ghe nyi ə Njèlusalɛ̀m ə fo tsɛ̂sè vəyn sê tumve.”

Ətefɨ̂aʼ 28:25

Nyiəmə, ghənə ə zhə̀tə̀ se saʼnê əghɛ kə ghənə tè ndù. Tsɔ̀fə kə ghənə ndo, Pɔ̂l ə tsà sê ghənə nə, “Zuʼse Ŋwaʼase tè nyi ke nâʼà chichi kə se tè tsàyn ghɛghe se Fɨ̀aʼtè Èsayà nə è tsayn sê pɨ̀a ə ghâsènì ghəshiə nə,

1 Kɔlìŋ 10:20

Ngaŋngaŋ. M pîə nə, fɨa kɛ ə pəkàynsè fo kə efo, ə fo kəynke se pamə̂ tə satàyntè, ə̀ vachi se Zhə̀fè. Mə m kɔ̂ŋɔ̀ va nə ghàyn ə kyi èghɛ zhîze se nə̀yn è pamə̂ tə satàyntè.

1 Kɔlìŋ 11:19

E kayntə̂ va ndô mi, chyâsè kyi ke sə̂ nyi ə ghàyn əfètəyn, kə ə fɛte fe kê ghàyn ghɛ ə lote nyi ə̀ghɨ ə Fezhə̀ghè.

1 Kɔlìŋ 12:11

Pîza ə̀ nyì ke sèzuʼ nə sɨ̂nə̀ ə se nə̂ ghɛ nə ghɨnə̀ ə̀kɨ̂m, mə se fo tèkyì tə tefote sê nâʼàpî ndè kè kə se kɔ̂ŋə̀.

1 Kɔlìŋ 2:10

Pîza ə̀ nyì sê ghâsènì ghɛ ə Zhə̀fè nyi mə fə nə̀yn Zuʼse ə Vəynse sɛ se tyə̂yn paynse ghɛ ə ndətə ə vəynghe sê ghâsènì. Ghɛ zhîze va ə Zuʼse ə Fezhə̀sè vayn kaʼa se faŋ se kê. Zuʼsə Fezhə̀sè ke kepî ndò ghɛ ghəkɨ̂m ghɛ ə Zhə̀fè tè pɨaʼte sê ghɨ ghɛ ə ghe kɔ̂ŋə̀ vəyn.

2 Kolìŋ 11:3

M pìə nyî fànə̀ nə ghɨ kàʼa pəyn lesê ghàyn, kèpî kə mbam tè lɛse Îf, ə ghàyn ə fɨnə ndə̂mə̀ va təm ghaynghe, pîəva səmɔʼ zâynzè endom vɛ ə ghàyn nə̀ ghɛghe ghâynghə̀ Klâys.

Kòlosè 2:18

Kə ghàyn za nə wùə ə pîə sê ghàyn nə ghàyn kyi sə̂ njiə sèngɨŋ saynse əchi. Kə ghàyn za kepî nə wùə tsayn se ghàyn nə ghàyn kyi sə̂ ngɨmnə̂ sètsì kə è ngɨmnə. Ə ghàyn nə̀yn zamə ə njise mâʼtè vayn vɛ ə Zhə̀fè pì nə è nə̀ fo sê ghàyn. Nâʼàpî ndè vɛ ə è zaʼlə zamə, è pìə nə zhi fe ətelaynəlayn. Kyì ə wûə nə vɛ mə ghaŋsə̂ èwiyn səndô, è ghɛ ə pi ghɛ ə ghe fɨə ə vəyn ətəm, mə è kyi va ghɛ zhîze se pì.

2 Timotì 3:13

Ghɨ piə è ghɨ ghɛ ə ghe tyə̀nə̀ nə ghe nyi afɨa, pîza va, ə pofə ndùə kə èshike, kyîŋsə̀ ə̀ghɨ, ghɨə mɔ̀ʼɔghe e pɔŋɔ kyîŋsə̀ kəpî ghənə.

2 Timotì 4:4

Ghənə tə kə̂mnə̀ epàmə̂ səmɔʼ, ə pɨl fo etôŋne ə ghənə̂vè sə zɨtə̂ m̀ghâŋghàŋə̀ mə èmɨmè.

Njə̂m 3:15

Kyì etɔf eghaʼâ nə zɨ̂nə̀ ndò pə̂ va sê Zhə̀fè, ze ndo pə̂yn fa mbi, ze paʼà ndò pəyn sê Zuʼse Ŋwaʼase, ə̀ fo ndə̂plè è ngɨŋə̂ vəyn.

1 Pità 1:20

Zhə̀fè tè nyi mə fe ə kàynè chɔʼ vəyn ə ndə̀mə̀ tsɔ̀fə kə fe pom mbi, pîza ə tyə̀nə̀ paynsə̂ vəyn fa mtuʼ mə èkwùŋsə̂m sə ghàyn ə chùŋ.

2 Pità 2:1

Tyə̀ynsè sə akaŋse ə tə fɨ ə ghɨghe ə fètəyn kèpî kə se tə pə̂ ə sə nyi ə ghàyn ə fètəyn. Ghənə tə nyaʼtə̂ pə̂ è zaʼlêzè mə ze va səmɔʼ se pofsə teluʼ, ə ghənə tə pî pɛ̀ àpɨəyn vɛ ə tè sɔ̀zâ ghənə, ə zɨnə mə pfɨ̀ŋə̀ pəyn è pofsêzè ə ghənə ə tu.

2 Pità 3:3

Ghɛ ə shize nyi nə ghàyn kyi sə̂ ə̀ ke nə ə̀ tə pə̂ ə nyi mtuʼ mê kwùŋsə̂mè, ə ghɨ yîghe pfɨ̀ŋə̀ fɨ pəyn mə ə̀ nyi əghɛ ghɛ ə njà sewìyn sə ghənə kyiŋə chisə ghənə, ə ghənə ə nyə̂ʼsə̀ ghàyn,

1 Njɔyn 2:18

Ghɔyn ghɨm ghe kɔ̀ŋə̀, ə̀ zo nyi ə mtuʼ mə èkwùŋsə̂m. Ghàyn ə zɨ nə pàyn sə Klaysè tə pə̂, ghənə setsɨ̀ nyì zôyn mə ə pə̀yn. Zɨnə mə tyə̂nə̀ sê ghâsènì nə tuʼ me kwùŋsə̂ mə pə̀yn.

1 Njɔyn 4:6

Pîza, ghâsènì nyi əghɨ ə Fezhə̀ghè. Nâʼàpî ndè vɛ ə è ke Zhə̀fè zɨtə̂ ndò se ghâsènì, nâʼàpî ndè vɛ ə è ke va Zhə̀fè zɨtə̂ va se ghâsènì. Ə̀ vɨnə nyi endom vɛ ə ghâsènì kàʼa ke sə nɨŋ ə̀ fètə̂ Sèzuʼ sɛ ə se nyi səmɔʼ è sɛ ə̀ nyì sə akaŋse.

Njût 1:18

Ghənə tè pì sê ghàyn nə, “Mtuʼ me kwùŋsə̂m, ghɨghe tə pə̂ ə nyi chaʼa ghàyn, əghɨ mə ə chûmtə̀ ə̀ghɛ əpi ghɛ ə təm ə ghənə̂ghè kyiŋə.”

Njût 1:4

Kûmə̀ nə ghɨ yîghe mə ghe ke va Zhə̀fè ə nyaʼtê nji ə ghâsènì ə fètəyn, ə̀ nyi ə̀ghɨ mə ghə fəʼtê tomə̀ àfùʼ ə Fezhə̀kè pîə nə fùʼ ətəynke nyîə pomə̂ nə ghɨghe ə ndamə tèndam tenyələte, Ŋwàʼlè ə̀ Fèzhə̀ se nyi mə è zə tə wàmnè nâʼà sə mɨ kûmə̀ ə̀ kyì ə ghɨ nə ghɨ̂nə̀ ə tsà nə Zhə̀fè tə saʼa pofsə̂ ghənə kûmə̀ nə ghənə ə tə pɛ̀ apɨəyn emɔ̀ʼ vɛ ə ghâsènì kyi ə̀ nyi Pɛ̂pɛ Njisə̀s Klâys.

Etyə̂yn ə paynsêzè 13:14

Tɔynə̂ ə sechwìə sekayntə sɛ ə tè za nə è zə nə̂ ə nyàm èpamə ə̀shi zɛ əshi, è zə lesə̂ ə̀ghɨ ə̀kɨ̂m ghɛ ə tè ndamə əchi. Nyàm èpamə ə̀təyn ə tsà se ghənə nə ghənə fɛte fɨ̂aʼsèkè sə̂ kɔʼsə̂ nyàm èpamə ə̀shi zɛ ətəyn ə tè ndəmse è fɛ̂ eghɔ̀ŋze pîza è pa ndamə zâ.

Etyə̂yn ə paynsêzè 16:14

Zuʼ nə sɨ̂nə̀ tè nyi tepamə̂ tə satàyntè kə se nə̂ ghɛ ə kayntəghe. Zuʼse ətəynse tè kwìə ndùə nâʼà sê fɔ̂yntè tekɨ̂m ə mbi, ə zùŋtə̀ ghənə luʼ emɔ̀ʼ kə ghənə ə nyi èpɨaʼtêzè se tə nò ə fetuʼ fɛ ə Zhə̀fè, Pɛ̀ àtyaʼ akɨ̂m tə saʼa ghɨghe ətəyn.

Etyə̂yn ə paynsêzè 18:2

È zə pɨa pìə nâʼà è kyə̀ e tɛ nə, “È zə pfɨ̀! Papilɔ̀yn èghaʼâ ə pfɨ̀. È zə pə̀yn sə elùʼ vɛ ə pamə̂ tə satàyntè ndamə ətəyn, eluʼ vɛ zuʼse pise ndə̂ ətəyn è kɨsè luʼ vɛ nɨ̂ŋ mɛ ə pânə̀ mə̂ynə̀m ndə̀ ətəyn, è kɨsè luʼ vɛ ə nyam sɛ ə se zo va e pânə̀ səynse ndə̂ ətəyn.

Etyə̂yn ə paynsêzè 18:23

Wùə tə fɨnə fe va kə lâm panə ə è tàʼa fɨnə zɨ ə kyə̀ ə̀ghɨ ə maləghe, ə fetə̂ tɔ̂ŋ èghaʼâ ghaʼâ. Ghɨə pəʼlə ghɛ ə ghənə tè nyi ə Papilɔ̀yn tè nyi sekàyntè sə ghɨ̀sè ə mbi. Papilɔ̀yn ə kɛsə̂ njìə kəpi ə̀ghɛ ə fɨyntə akaŋghe ə lesə̂ mbi èkɨ̂m ətəyn.”

Etyə̂yn ə paynsêzè 19:20

Ə kyîə nyàm e kwə̀mnə zɛ̂, ə fɨnə kyîə kəpi fɨ̀aʼtè àkaŋ zɛ ə è tè tyə̀nə chwìə se və shi. Ə̀ nyi sechwìə nə sɨ̂nə̀ mə ə è tè njì se lesê əghɨ ghɛ ə tè kyi chwìə ə̀ nyàm èpamə zɛ è kɨsè ghɛ ə ghe tè ngɨmnə fɨaʼsè ə nyâm èpamə ətəynke. Ə màʼa nyàm èpamə ə̀təyn è fɨ̀aʼtè àkaŋ əfètəyn èlùʼ wusve fuə ətəyn è fɨa kyîke mə ke lɛ̂ pâŋə̀ ndò e tɔŋtə̂ nə sɔlfɔ̀.

Etyə̂yn ə paynsêzè 2:11

Ə̂ kyi pîndè tûŋneve, è və zɨtə̂ èghɛ zɛ ə Zuʼse Ŋwaʼase pîə sê ndɛ sə Fezhə̀sè. Ə̂ nò zhi nâʼàpî ndè, ə è tə tàʼa fe etsôs vɛ ə kòmte ekwuke pə̂ è vəynve.›”

Etyə̂yn ə paynsêzè 2:17

Ə̀ kyi pîndè tùŋneve, è və zɨtə̂ èghɛ zɛ ə Zuʼse Ŋwaʼase pìə sê ndɛ sə Fezhə̀sè. Ə̂ nò zhi pîndè pi, ə m fo fɨazhiə e ndətə vîve se vəyn, e tɔŋtə̂ nə manà, ə m fɨyn fo èchi fɨfə zhîze se vəyn mə ə nyàʼ zə e fe zhîze ətəyn, wùə vîvè e ke va, ə̀ tsɛ̂ kə va wùə vɛ ə m fo chi ətəyn se vəyn.›”

Etyə̂yn ə paynsêzè 2:29

Ə̂ kyi pîndè tûŋneve, è və zɨtə̂ èghɛ zɛ ə Zuʼsə Ŋwaʼase pîə sê ndɛ sə Fezhə̀sè.”

Etyə̂yn ə paynsêzè 2:7

Ə̂ kyi pîndè tûŋneve, è və zɨtə̂ èghɛ zɛ ə Zuʼsə Fezhə̀sè pìə sê ndɛ sə Fezhə̀sè. Ə̂ nò zhi pîndè, ə m fo vəyn èndomve kə è kwɨl tam ə fekàʼ fə endam fɛ ə fe ndəmə ə Zhə̀fè afùʼ mtamke.”

Etyə̂yn ə paynsêzè 20:10

Ə ke njìə ndə̂plè zɛ ə è tè kyìŋse ghənə ə màʼa tsose elùʼ wusve e pɛ̂ ətəyn è fɨake mə ke lɛ̂ pâŋə̀ ndò e tɔŋtə̂ nə sɔlfɔ̀. Ə̀ nyi eluʼ vɛ ə tè màʼa tsosê nyàm èpamə zɛ è kɨsè fɨ̀aʼtè àkaŋ zɛ. Nâʼà ghənə əkɨ̂m tə zɨə m̀lùŋtsuŋ fumə èchwì è tuʼve nâʼà kə ghè tə ghayn.

Etyə̂yn ə paynsêzè 20:8

ə è fɨ ndu ə è kyiŋse ghɨ ə te ndaʼ tə mbite tekɨ̂m. Zə tə endaʼ nə tɨ̂nə̀ nyi Ngôgn è Mangòk. Satàyn tə zûŋtə̀ əghɨ ətendaʼ nə tɨ̂yn elùʼ emɔ̀ʼ kə ghənə no. Kɔ̂yn ə ghənə̂kè tə nə̂ ə kə tsɨ̀ə nyiə kə ashishi etipìə tsô.

Etyə̂yn ə paynsêzè 3:13

Ə̂ kyi pîndè tûŋneve, è və zɨte èghɛ zɛ ə Zuʼse Ŋwaʼase pìə sê ndɛ sə Fezhə̀sè.”

Etyə̂yn ə paynsêzè 3:22

Ə̀ kyi pîndè tûŋneve, è və zɨtə̂ èghɛ zɛ ə Zuʼse Ŋwaʼase pìə sê ndɛ sə Fezhə̀sè.”

Etyə̂yn ə paynsêzè 3:6

Ə̂ kyi pîndè tûŋneve, è və zɨtə̂ èghɛ zɛ ə Zuʼse sə Fezhə̀sè pìə sê ndɛ sə Fezhə̀sè.”

Etyə̂yn ə paynsêzè 9:20

Ghɨə mɔ̀ʼɔ ghɛ ə tsôstè kwə̀mnə tɛ tè tàʼa zhwitə ghənə zâ, ghənə ə tàʼa zà se ngɨmnê efɨaʼsè vɛ ə ghənə tè fɛte è gho ə ghənə̂ghè. Ghənə tə faŋ ngɨmnə kə tè pamə̂ tə satàyntè, e fɨ̂aʼsè vɛ ə fɛte è ngôl è silvà è kas epaŋə kyîke e tɔŋtə̂ nə mblɔ̂ŋs, è chighe, è kàʼam̀ efɨa mə ve vayn kaʼa ə ve fe, vayn kàʼa ve zɨ, vayn kàʼa ə ve kwi.