1 Timotì 3:3 - Ŋwàʼlè ə̀ Fèzhə̀ Mkâyn Mə̂ Fèm

³ ə̀ kyi sə̂ nyi wùə, mɨə tsɛ̂sə̀ va lɨ̀m, kɔŋə̀ va ngyə̀skè, pîza kolə ə̀təm, nə̂ va ghɛ sə zəʼtə̂ ndô ghɨ, zɔ̂ tsɛ̂sə̀ va, shiə vəynghe fɨə tsɛ̂sə̀ va ekɛ.

1 Timotì 3:3 ပူးပေါင်းရင်းမြစ်များ

Matyò 21:13

È və pìə sê ghənə nə, “Ə nyaʼ ə Ŋwàʼlè ə̀ Fèzhə̀ nə, Zhə̀fè pi nə, ‘Ə tə nə̂ ə tɔŋtə̂ ndɛ zɨ̂m nə ndɛ ètsə̀mə.’ Pîza ghàyn ghe kɛse zôyn sə ‹Elùʼ ə ghɨ̀ echɔŋəve.›”

Ətefɨ̂aʼ 20:33

M paʼà tyəmə pə̂ kɔ̂ŋɔ̀ se kyiə ekɛ ə wùəvè kɨ̀sə sendzɨs.

Ŋwàʼlè ə̀ Pɔ̂l sê ghɨə Lûmghè 16:18

Kûmə̀ nə ghɨ ghɛ ə ghənə nə̂ kyì əghɛ nə ghɨ̂yn fɨaʼà chîəva sê Pɛ̂pɛ ə̀ ghâsènì Klâys, pîza ghənə nə̂ kə ə̀ghɛ ghɛ ə ghe tsɔ̂fə̀ sê ghənə. Ghənə njîə èwâmnè echùŋè, è wâmnè efɔməze se lɛsə əghɨ ghɛ ə tɔʼ keva ghɛze.

Ɛfesùs 5:18

Kə ghàyn nə mɨ mlɨ zâ m̀ ko ghàyn kûmə̀ nə lɨ̀m pə̀ kə è ndamə nyâmfèkàʼè. Ghàyn pɨl za ə Zuʼse Ŋwaʼase lwiynse təm ghaynghe.

1 Tèsàlonikà 5:14

Ghàs chyatə̂ kəpi ghàyn ə ghɔ nyiə nə, ghàyn fo fɨ̀as sê ghɨ ghɛ ə ghe kɔ̂ŋɔ̀ va sə̂ fɨ̂aʼà, ə nəyn nə ghɨə fanəghe ə kyi ə̀təm ə tɛ, ə tsamte ghɨ ghɛ ə ghənə kyiŋə tsâmtèzè. Ghàyn e kolə ə̀təm se ghɨghe əkɨ̂m.

1 Timotì 3:8

Ghɛ nə ghɨynə m pîə nyî ndùə kəpî sê ghɨ ghɛ ə ghe fɨaʼà ə sendɛ sə Fezhə̀sè. Ghənə kyi sə̂ kyi èndam echûŋzè, wâmnə̀ səmɔʼ, mɨə tsɛ̂sə̀ va lɨ̀m, shi ghe fɨə va ekɛ.

2 Timotì 3:2

Ghɨ tə nə̂ ə muə, kɔ̂ŋɔ̀ èkɛ nâʼà àpi, pfɨnə̀ àngàŋtè, ghaŋsə̂ èwiyn, sôylə̀ ə̀ghɨ fɨnə tɛ ètuke sê pɨ̀a ə ghənə̂ghè è nyì ə ghənə̂ghè. Ghənə tə nə̂ ə fo va zɔ̀ŋnèkè sê wùə kûmə̀ nâʼà èghɛ e tətə̂ zhîze kə wùə nə̀yn sê ghənə, kyi va luʼve sê Zhə̀fè ə ghənə ətəm.

Taytùs 1:11

Ò kyi se nə̀yn nə kə ghənə ə tsɨnə̀ wàmnə̀ nyi kûmə̀ nə ghənə ndùə njiə əghɨghe mpɨəyn, ghənə pofsə̂ kə m̀kɨ̂m è zaʼlê epi nə zɨ̂nə̀. Ghənə nə̂ nyî kè se kyî ekɛ mə nyi afɨa kɛ ə ke pə̂ èghomə̂zè.

Taytùs 1:7

Kè kə chəʼ nyi wùə vɛ ə è tɔ̀ʼnə̀ è ndɛ ə̀ Fezhə̀, è kyi sə̂ nyi mə è kyi va ləʼke, kyi va sə̂ kyi ècho epize, è kɨsè sə̂ zâŋsə̀ nyɔ̂ʼsə̀ ètɔŋ, è kyi va sə̂ ngəsə̂ mɨə m̀lɨ, è kyi va sə̂ nô, kyi va sə̂ kyiŋə se kyî ekɛ è paʼà fɨ̂aʼ vəynve.

Taytùs 2:3

Kèpî famə endom, zaʼle zəyn ə ndumnə nə ghənə kyi se ndam endam zɛ ə ze fo ngɨmnêzè sê Zhə̀fè, piə va ghɛ ə pighe kûmə̀ ə̀ghɨ mɔ̀ʼɔ, mɨə tsɛ̂sə̀ va lɨ̀m. Ghənə pɨl kyi sə̂ zaʼlə̂ ə̀ghɨ èghɛ zɛ ə ze nyi achûŋ,

Taytùs 3:2

Tsàyn sê ghənə nə kə ghənə ə wâmnə̀ ə̀ghɛ ə pighe kûmə̀ wùə vîvè, pîza nə ghənə ə ndamə è ndam ə pɔ̂ynèzè, nyi èsoynve sê ghɨghe, tsosə̂ sèngɨŋ sə ghənə̂sè əchi sê nâʼàpî ndè.

Ipilù 13:5

Kə ghàyn pomə nə kɔ̂ŋ ekɛze ə nyi ə ghàyn endam, ghàyn e nyi èsaŋnêzè è fɨa kɛ ə ghàyn kyi kûmə̀ nə Zhə̀fè ə tsɨ̀nə̀ nə, “M tə zâ va ghàyn nâʼà səkɔs, va se tə kyiynê ə ghàyn.”

Njə̂m 4:1

Ə̀ pə̀ ghè ènôzè è saʼnêzè ə ghàyn əfètəyn ə? Ə̀ nyi əghɛ ə pi ghɛ ə ghàyn kyiŋə ə ghàyn ətəm ə ghe nə̂ nə ghàyn ə nô sèngɨŋ saynse.

1 Pità 5:2

ghàyn e tɔ̂ʼnə̀ è ndzè sə Fezhə̀ sɛ ə se nyi ə ghàyn etyə̀. Kə ghàyn ə nə kəpiə ə ŋamnə̂ ndò ghàyn, pîza ghàyn e nə̂ mə ghàyn kɔ̀ŋə̀ ndò kûmə̀ nə ə̀ nyi zamə kə Zhə̀fè kyiŋə. Ghàyn e nə̀ èfɨaʼ zaynze ə̀ vachi kûmə̀ àfɨa kɛ ə nə̀ ndâʼà ghàyn ətəyn, ghàyn e fɨaʼà kûmə̀ nə ghàyn səmtə̂ ndò se fɨ̂aʼ sê Zhə̀fè.

2 Pità 2:3

Tɔynə̂ ə ghənə əshi ə fɨəghe, tyə̀ynsè sə akaŋ nə sɨ̂yn tə nə̂ pə̂ʼlè ə ghàyn ewìyn tɔynə̂ ə ghənə mghâŋghàŋə̀ mə èzômə̀. Zhə̀fè ə tə chɔʼnê nâʼà sə mɨə nə zhi nə̀ pofsə̂ ghənə, mə pofsê ətəynze vayn faŋ se pə̀yn.

Njût 1:11

Ngəʼ e ghaʼa nyi ə ghənə tu! Ghənə ə chùmtè ndom vɛ ə Kên tè nji kə è tè zhwi ànyìə vəyn. Kè kûmə̀ èkɔ̂ŋ ekɛze, ghənə ə fo ngɨŋ sə ghənə̂sè se tsas sɛ ə Palàm tè nəyn. Ghənə ə tə se pomə̂ sê Zhə̀fè, ə pofsə̂ sèngɨŋ sə ghənə̂sè kèpî kə Kolà tè tə ə pofsə̂ ngɨŋə̂ vəyn.

Etyə̂yn ə paynsêzè 1:9

M nyi Njɔyn ànyì vâynvè, ə vɛ ə è fe kəpî tsôsvè kə ghàyn kûmə̀ nə ghâsènì ə pomə̂ sê Njisə̀s. Ghâsènì kolə ə̀təm əfètə̂ temɔ̀m kûmə̀ nə ghâsènì ə pomə̂ sê Njisə̀s. Ə tè tsə̀fse mi mə chum ndû mi elùʼ vɛ ə tsò nyi mə è zə kyìŋ ka, e tɔŋtə̂ nə Patmòs kûmə̀ nə m tè ndàʼa tom ə̀ Fèzhə̀ tsâ se ghɨə kûmə̀ Njisə̀s.