1 Timotì 3:2 - Ŋwàʼlè ə̀ Fèzhə̀ Mkâyn Mə̂ Fèm

² Wùə è chisə ə ndɛ ə̀ Fèzhə̀ kyi sə̂ nyi wùə mə ə chîə ngaynə̂ va vəyn, è kyi sə̂ kyi ke wùzhɔyn emɔ̀ʼ, nə̂ va ghɛghe tsɨ̂ə tsɛ àndiŋ, nyi kàʼa è kyi ngɨŋə̂ vəyn, ngɨmnə̂ ngɨŋ ə vəyn, tɔ̂ʼnə̀ è ghɨ ə motə pə, fɨyn ke sə zaʼlə̂ nâʼà àchûŋ,

1 Timotì 3:2 ပူးပေါင်းရင်းမြစ်များ

Tom èchùŋ kè kə Lûk tè nyaʼ 1:6

Ghənə tè nyi əkɨ̂m, ndamə chichi ə Zhə̀fè əshi, nə̂ əghɛ ghɛ ə fe pi nâʼà ə̀kɨ̂m, fɨnə ndəmə̀ tesaʼ tə Pɛ̂pɛ te nâʼà tèkɨ̂m, kyi va pi nâʼà səkɔs.

Tom èchùŋ kè kə Lûk tè nyaʼ 2:36

Ə̀ tè nyi zâ, fɨ̀aʼtè èzəyn zhizè e nyi, e tɔŋtə̂ nə Anà, ə va Fànuwɛ̂l, ə wùə ètàŋ ə Ashàzè, mə è və ndəmə̂ nâʼà àchûŋ. È nyi mə è və tə malə ə ndamə kə yî ndomə̀ vəyn sə sepìŋ sèsɛ̀mbɛ.

Ŋwàʼlè ə̀ Pɔ̂l sê ghɨə Lûmghè 12:13

Nâʼàpî ndè e chyâtə̀ èfɨa vəynve, fo ə̀ghɨ pomə ghɛ ə ghe kiva. Nâʼàpî ndè e fiə ə̀ghɨ motə pə ə və ndɛ.

Filìpây 2:15

Kə wùə ə vayn kàʼa è pi nə ghàyn ə nə̀yn pofsê ghɛze, kɨ̀sə ghàyn kyi ndô ləʼke; kûmə̀ nə ghàyn nyi əghɔyn ə Fezhə̀ ə Ŋwaʼa ghɛ ghe ndamə ə mbi əfètəyn ə̀ghɨ̀ epi ghɛ ə ghe kɔ̂ŋə̀ sə̂ nə̂ ndûə kə pi shîŋə̀ tekɨ̂m. Ghàyn nyi ə ghənə əfètəyn ə mbi kə mlî mɛ m̀ panə.

1 Timotì 3:12

Nâʼàpî wùə è fɨaʼa èkè ə ndɛ̂ Fèzhə̀ kyi sə̂ kyi ke wùzhɔyn emɔ̀ʼ, fɨnə tɔ̂ʼnə̀ è ghɔ vəynghe è sas ə ndɛ vəynze nâʼà àchûŋ.

1 Timotì 3:8

Ghɛ nə ghɨynə m pîə nyî ndùə kəpî sê ghɨ ghɛ ə ghe fɨaʼà ə sendɛ sə Fezhə̀sè. Ghənə kyi sə̂ kyi èndam echûŋzè, wâmnə̀ səmɔʼ, mɨə tsɛ̂sə̀ va lɨ̀m, shi ghe fɨə va ekɛ.

1 Timotì 4:3

Ghɨ nə ghɨ̂yn zaʼlə̂ ə̀ghɨ nə kə ghənə ə malə̂, fɨnə pìə nə ghənə pamə tèkyì te fɨazhiə tîte. Pîza mə Zhə̀fè fɛte efɨa ezhiə nə vɨ̂yn nə ghɨ ə pomə ghɛ ə nyi mə ə kê səmɔʼ ə zhiə mə ə fo zɔ̀ŋnèkè sê Zhə̀fè.

1 Timotì 5:10

ghɨghe ke nə è kyi ndô ndam echûŋzè, mə è və tɔ̀ʼnè kɔʼ pəyn è ghɔ vəynghe, fɨnə fiə ə̀ghɨ ə motə pə kè nâʼà àchûŋ. Ə̀ kyi sə̂ nyi wùə mə è nyiə tsâmtə̀ ə̀ghɨ ə poməghe ə mndômnə̀ mndômnə̀ se tyə̀yn engɨmnê, fɨnə tsâmtə̀ əghɨ ghɛ ə ghe kyi tsôstè. Ə̀ kyi sə̂ nyi wùə mə è və fo ngɨŋə̂ vəyn sə̂ nə̂ chùŋ.

1 Timotì 5:22

Kə ò tə nəyn nə wùə ə nyi àtu mə ò ndəm əgho ə vəyn atu mə ò paʼà njì shîŋə̀kè se mɔ̀mə fe vəyn. Ə o nə̀yn nyiə mə, ə zə nyi kəpiə ò nə̀ ndò ghɛ əpi ghɛ ə è nə̀. Kə ò nə pfɨ ə pi.

1 Timotì 5:9

Ə zhwìə kwu kwəynə va pìŋsè m̀ghɨm mtufə, kə ò nji vəyn nə è tsɨynte nɔ̂yn ə zhwiə kwuke. Ə̀ kyi sə̂ nyi wùzhɔyn mə è tè fɨə kwîə va ə pɨəyn yighə̀ ndômnè əmɔ̀ʼɔghe

2 Timotì 2:24

Ò ke nə wuə èfɨ̀aʼa ə̀ Fèzhə̀ kyi va sə̂ zɔ̂. È kyi sə̂ pɔynə̂ nâʼàpî se ndè fɨnə fɛtə zaʼlə ə̀ghɨ kè nâʼà àchûŋ, kyi èwəynsê,

Taytùs 2:2

Zaʼle sê ndômnè ə ndumnə ghe nə, ghənə ke se kyiə sengɨŋ sə ghənə̂sè, kwənə̂ kə ə fo èkɔʼsê se ghənə, nə̂ ə̀ghɛ ètɔf eghaʼâzè. Ghənə kyi sə̂ tɛ ə ghənə ekyî epomə̂zè, kyi sə ngə̂sê kyi èkɔ̂ŋ, è təm ə kolə.

Ipilù 13:2

Kə ghàyn tə lɛ̂sè sə̂ fiə ndzɨsə̂ ə̀ghɨ ə motə pə ə ghàyn ə sendɛ. Ghɨə mɔ̀ʼɔghe ə fi ndzɨse ghɨghe, ke va nə ghənə fiə sètsì.

Ipilù 3:14

Ə ghâsènì tyəm ə ghâsènì epomə̂ se zaʼâ əkwùŋse, kèpî kə ghâsènì tè tyəm ə zhə̀te, ə ze ə tyə̂nə̀ nə ghâsènì tsɨ̀yntə̀ fɨaʼà ghasènìəghə̀ Klâys.

1 Pità 4:7

Ghɛghe əkɨ̂m fa mbi zo paʼsə̀ pə̀ se mì, zamə ghàyn e fɛtə̂ kyîə sèngɨŋ saynse, nyi èpfɨ̂tə̀zè kə ghàyn kàʼa tsə̂mə̀.

1 Pità 4:9

Ghàyn e fɛtə fiə ə̀ ghɔnyì ghaynghe ə ghàyn ə sendɛ, fiə kə nâʼà è təmze emɔ̀ʼ, shwinə̂ va.

1 Pità 5:8

Ghàyn e tsɨs pfɨ̂tə̀, nyi etsɨ̂ŋnèzè, kûmə̀ nə pàyn zâynzè, mə za nyi ndə̂plè nyiə tàyntə̀ ka kə kə pìkəm, pɨa, kyiŋə wùə se zɨ̀.