1 Timotì 2:4 - Ŋwàʼlè ə̀ Fèzhə̀ Mkâyn Mə̂ Fèm

⁴ Zhə̀fè kyiŋə nə ghɨ ghəkɨ̂m sɔ, fɨnə kyiŋə kəpî nə ghɨ ghəkɨ̂m kyi ghɛ zɛ ə ze nyi səmɔʼ.

1 Timotì 2:4 ပူးပေါင်းရင်းမြစ်များ

Matyò 28:19

Ghàyn ndu zôyn sê ndaʼà tekɨ̂m nâʼàpî ghayn ə nəyn nə ghɨghe ə nyi sèchùmtè èpàm sɨmse. Ghàyn fo môm se ghənə ezə ə pɨ̀aze, è zə vaynze è zə ə Sezuʼse Ŋwaʼase.

Ŋwàʼlè ə̀ Mâk 16:15

È və pìə sê ghənə nə, “Ghàyn ndu luʼ tekɨ̂m ə mbi ə ghàyn ndaʼa tom èchùŋ sê ghɨghe əkɨ̂m.

Tom èchùŋ kè kə Lûk tè nyaʼ 1:77

fo ètɔf nə ghɨ və sɔse, chwîtə̂ sê ghənə nə ə lɛ̀sè fo pise ə ghənə̂sè.

Tom èchùŋ kè kə Lûk tè nyaʼ 14:23

Nyi, pɛ̀ èfɨ̀aʼ ə fɨnə piə sê vəyn nə, ‘Fɨ ndù fâ endaʼ ə ndùə ə mndômnə̀ mə̂ afùʼə̀m è luʼ təmɔ̀ʼɔ tɛ ə ghɨ nyi kepî ətəyn ə nə̀ ə ghənə pə̀yn kə ndɛ zɨ̂m lwiyn.

Tom èchùŋ kè kə Lûk tè nyaʼ 24:47

ə fɨyn kyi sè zhə̀tə ə Njèlusalɛ̀m sè tsà eghɛ ə Fezhə̀zè ə vəyn ezə, nə ghɨə kwiyne təmə kə Pɛ Zhə̀fè lɛse fo sèpi sə ghənə̂sè.

Njɔyn 14:6

Njisə̀s ə pìə sê vəyn nə, “Ə̀ nyi mi ndom vɛ ə ve ndûə sê Pɨ̀a vɨ̂m, səmɔʼ ndô pə̂ sê Mi, ə̀ nyi Mi vɛ M fo ndame. Wùə vayn kàʼa è ndu sê Pɨ̀a vɨ̂m, ə va nə è tɔyne ə mi.

Njɔyn 17:17

Nə̀yn nə ghənə zo kwəynə̂ tɔynə̂ səmɔʼ Zɛ̂zè. Kyə̀ Zɛze nyi səmɔʼ.

Njɔyn 6:37

Nâʼàpî ndè vɛ ə Pɨ̀a Vɨ̂m fo sê Mi nə̀ pə̂ se Mi. M vayn kaʼa M tə chum kɛsê nâʼàpî ndè vɛ ə è pə̀yn sê Mi.

Ŋwàʼlè ə̀ Pɔ̂l sê ghɨə Lûmghè 11:14

Zho fîfe, m kaʼa m nəyn ə ghɨ ghɨm ghe ndaʼa, mə nyi əghɨ ə Njûsghè, ə ghənə kyi ghə̀ʼkè, kə yîghe ə ghənə ə fètəyn kyi sɔzaze.

1 Timotì 4:10

Kûmə̀ èpî nə zɨnə mə, ghàs nyîə fɨaʼà sə ŋaŋ se nə̀yn ə zɨnə mə kûmə̀ nə ghàs samsə̂ ndò ə Fezhə̀ fɛ ə fe ndamə səmɔʼ, nyi sɔ̀zà ə̀ghɨ̀ ə̀kɨ̂m, ə̀ paynse nyi ə̀ghɨ ghɛ ə nyi mə ə pomə̂ sê vəyn.

2 Timotì 2:25

chisə ə̀ghɨ ghɛ ə ghe kəmnə ghɛ zɛ ə è pìə è pɔ̂ynè, ke nə Zhə̀fè nə̀ nə̂ ə ghənə kwiyne ə pəyn se kê səmɔʼ.

2 Timotì 3:7

Ə zəyn mə ghe mɔ̂msə̀ shîŋə̀ tekɨ̂m se laynə̂ pîza va se tə kê ə səmɔʼ.

Taytùs 1:1

Ə̀ nyaʼ mi Pɔ̂l ŋwàʼlè zɨ̀yn. M nyi wufɨ̀aʼa ə Fèzhə̀, fɨyn nyi wùətom ə̀ Njisə̀s Klâys. Ə tè chɔʼ tom mi nə m tsamte se nə̀yn nə kyî epomə̂ əghɨ̀ ə Fezhə̀ ghɛ ə fe chɔʼte ə tɛ, se fɨnə nə̀yn nə ghənə ə ke səmɔʼ zɛ ə è nyi tsàmtè ə ghənə se nə̀yn nə ghənə ke Zhə̀fè.

Taytùs 2:11

E kyi sə̂ nyi nyî kûmə̀ nə fùʼ ə Fezhə̀ kɛ ə ke pə̂ esɔzaze nyi mə ke ə pə̀yn se ghɨghe əkɨ̂m.

Ipilù 10:26

Ə ghâsènì ke ghɛ zɛ ə ze nyi səmɔʼ pîza ə fɨnə faŋə sè nə̂ kə pi, ke ke nâʼà nə ə̀ nyì pi, ə fo zhîze ə fɨyn va ə ze kaʼa ze nji tsɨsè sèpi sə ghasènìse.

Njə̂m 3:14

Pîza ə nyi mə ə ghàyn ətəm nyi mə lwiyn ke kàyntè aghə̀ʼ, è muze, kə wùə sê ghàyn nə ndə̂tè səmɔʼ ə è və pfɨ̂nə̀ àngàŋtè pîə nə zhi nyîə kyi ètɔf eghaʼazè.

2 Pità 3:9

Pɛ̂pɛ zɔlə va se nə̀yn eghɛ zɛ ə è tsɨ̀nə̀ kə ghɨə mɔ̀ʼɔ kwâʼtə̀. È pɨlə kolə kə ndò təmghe è ghàyn, kyiŋə va nə nâʼà wùə emɔ̀ʼ njise, pîza nə nâʼàpî ndè kəmne ə vəyn ə sepi.

2 Njɔyn 1:1

Ə̀ nyàʼà mi chəʼ ə ndɛ ə̀ Fèzhə̀, sê wùzhɔyn vɛ Zhə̀fè chɔʼ yî ghɔ vəyn ghe. M kɔ̂ŋə̀ ghàyn è təm ghɨm ghe əkɨ̂m, ə̀ kɔ̂ŋɔ̀ kə va mi ghàyn, pîza ghɨ əkɨ̂m ghɛ ə ghe ke ghɛ zɛ ə ze nyi səmɔʼ kɔ̂ŋɔ̀ kəpi ndò ghàyn.

Etyə̂yn ə paynsêzè 14:6

Mə ke fe tsì ə̀mɔʼɔ̂ è wulə̀ tsɛ̂ nâʼà ekwùtwəyn, kyi tom è chùŋ zɛ ə è tə ndamə faŋə se ndàʼa sê ghɨ ghɛ ə ghe nyi ə chi; È tè nyi se ndàʼà sê ghɨ tendaʼ tekɨ̂m, è ghɨə tetàŋ ghəkɨ̂m, wàmnə̀ kə tèwâmnè tèkɨ̂m, kyi ke tèkyì tekyàʼ tekɨ̂m.