1 Timotì 2:3 - Ŋwàʼlè ə̀ Fèzhə̀ Mkâyn Mə̂ Fèm

³ Zɨnə mə nyîə tsɔ̂fə̀ nə̂ nə Zhə̀fè, mə za nyi sɔ̀zà ə ghâsènì, ə saŋnə̂.

1 Timotì 2:3 ပူးပေါင်းရင်းမြစ်များ

Tom èchùŋ kè kə Lûk tè nyaʼ 1:47

fɨnə saŋnə̂ sê Zhə̀fè, ə sɔ̀zà vɨ̂mvè.

Ŋwàʼlè ə̀ Pɔ̂l sê ghɨə Lûmghè 14:18

Mə ə ghɨə fɨaʼà sê Klâys famə endom nə vɨ̂yn, ghənə nə̂ nə Zhə̀fè ə saŋnə̂, ghɨə mɔ̀ʼɔghe e pîə nə ghənə ə nə̀yn ghɛ echûŋzè.

Filìpây 1:11

Ə ze se nyi nyî ə Njisə̀s Klâys nəyn, ə ghàyn ə ndamə èndam ə chichize, kə ghɨ fe ə fo èpomsê sê Zhə̀fè, fɨnə tsîtə̀ fəynfe.

Filìpây 4:18

M pîə sê ghàyn zôyn nə mə kotê nâʼà fɨave ekɨ̂m vɛ ə ghàyn tè tom, ə kyiə kwəynsə̂ pi və mɔ̀ʼɔve. Èpàfàlonditùs ə tə pə̀yn nâʼà pî è ghè vɛ ə ghàyn tè fo nə è pəyn fo sê mi. Fɨa nə vɨ̂yn nyi kə emaʼte, è foze kə fo sê Zhə̀fè, ve lɨ̂mtə̀ fɔmə kə nyî, mə Fə fi, ve tsɔ̀fə sê vəyn.

Kòlosè 1:10

Zɨnə mə tə nə̂ ə ndam zaynze ə nyi kə ndam ə ghɨ̀ ə Fezhə̀zè kyi sə̂ nyi. Ghàyn tə nə̂ ə nə̂ ə̀ghɛ ghɛ ə ghe nə nə̂ vəyn è ve saŋnə̂. Ghàyn tə nə̂ ə nə̂ kə ə̀ghɛ ə chûŋghè. Ndom vɛ ə ghàyn tə ke Zhə̀fè ətəyn tə nə̂ ə ve ə ndəmə̂ nduə kə èshike.

1 Tèsàlonikà 4:1

Se mɨsè ə ghɔnyiə, ghàyn tè zaʼle sê ghàs ndom vɛ ə kaʼa ndamə ətəyn se nə̀yn nə Zhə̀fè ə saŋnə̂. Səmɔʼ ə̀ vɨnə mə nyi ke nâʼà èndom vɛ ə ghàyn ndamə ətəyn. Ghàs chyatə̂ ghàyn zôyn nâʼà sə ŋaŋ, ezə ə Pɛ̂pɛ Njisə̀szè nə ghàyn fɨyn nəyn tsɛ za.

1 Timotì 1:1

Ə̀ nyi mi Pɔ̂l, wùətom ə̀ Klâys Njisə̀s ə m nyâʼ ŋwàʼlè zɨ̀yn, ə̀ nyi Fezhə̀ sɔ̀zà ə̀ ghâsènì è Klâys Njisə̀s vɛ ə ghâsènì kwàʼtə̀ lɨmtə, ə ghənə nə̂yn nə mə nyi wùətom;

1 Timotì 4:10

Kûmə̀ èpî nə zɨnə mə, ghàs nyîə fɨaʼà sə ŋaŋ se nə̀yn ə zɨnə mə kûmə̀ nə ghàs samsə̂ ndò ə Fezhə̀ fɛ ə fe ndamə səmɔʼ, nyi sɔ̀zà ə̀ghɨ̀ ə̀kɨ̂m, ə̀ paynse nyi ə̀ghɨ ghɛ ə nyi mə ə pomə̂ sê vəyn.

1 Timotì 5:4

Pîza, ə zhwiə kwu kyi ghɔnə, kɨ̀sə ghɔ ghɔnə, o nə̀ ə ghənə zaʼle sə̂ nə̂ ə̀ghɛ ghɛ ə ghɨ ə poməghe kyi sə̂ nə̂, sə tɔ̂ʼnə̀ è sas ə ndɛ ə ghənə̂zè. Zhə̀fè nyiə kɔ̂ŋɔ̀ ashìŋə̀ kɛ ghənə nə̂ nyî, kə ze ə nyi kəpiə ghənə kɛsə̂ ndaʼà ə̀ pɨ̀a ə ghənə̂ghè è nyì ə ghənə̂ghè.

2 Timotì 1:9

Zhə̀fè tè sɔ̀zâ ghâsènì ə tɔŋə ghâsènì nə ə nyi ə̀ghɨ Vəynghe ŋwaʼaghe, ə̀ vachi kûmə̀ èghɛ zhîze kə ghâsènì nə̀yn, pîza e nyi ke kə È nyi mə È və ndə̀m ə vəyn afùʼ. È tè fo afùʼ nə kɨ̂yn tɔynə̂ ə Klâys Njisə̀s tsɔ̀fə kə mbi zhəte.

Ipilù 13:16

Kə wùə nə lɛ̂sè sə̂ nə̂ eghɛ echuŋzè sê wùə kɨ̀sə sə̂ chyàtə̀ àfɨa kɛ ə è kyi se fo wùə ə̀ mɔʼɔ. Ghɛ nə ghɨnə nyi sê Zhə̀fè kə efo, ghe nə̂ nə fe ə saŋnə̂.

1 Pità 2:20

Pîza, ə wùə wəynsə ezhoghɛ ə pusə vəyn mə è nə̀yn pofse èghɛ, zhize ətəyn se nyi nâʼà ghè? Ə è wəynsə kə è fe ngəʼ mə è pɨl nə̂yn chùŋ, ə Zhə̀fè pɔse vəyn.

1 Pità 2:5

Ghàyn pɔŋ nyi kepî kə əchi ghɛ ə ghe kyi ndamze. Ghàyn za ngɨŋ saynse kə ə nji ghàyn ə pɛ ndɛ ə̀ Fèzhə̀ ətəyn, mə ghàyn fɨaʼà kə əghɨ èkɔʼsə nə eshyə̀ ə ŋwaʼaghe, fo tèfo tɛ ə zuʼsə Fezhə̀ sè chiyntə nə ghənə ə fo mə Zhə̀fè nyîə fiə təynte kûmə̀ èghɛ zɛ ə Njisə̀s Klâys nyi mə È və nə̀yn.