1 Timotì 1:3 - Ŋwàʼlè ə̀ Fèzhə̀ Mkâyn Mə̂ Fèm

³ M kyiŋə nə ò faŋ ə Ɛfesùs, kè kə m tè pì sê ghò kə m tè ndo ndûə endaʼa Màsèndonyàzè. Ghɨ ə mɔ̀ʼɔghe ə Ɛfesùs zaʼlə̂ èzaʼlê akaŋze, ò kyi se tyəmsə ghənə.

1 Timotì 1:3 ပူးပေါင်းရင်းမြစ်များ

Ətefɨ̂aʼ 18:19

Ghənə ə kwiə ndûə tânə̀ endaʼ ə Ɛfesùszè, Pɔ̂l ə za Plìsilà yî Àkwilà ə ndùə ə ndɛ̂ atsɨ̀ynte ə kyîə ekâtè əghɛ yî ghə̀ ghɨ Njûsə̀.

Ətefɨ̂aʼ 18:21

È və pɨlə pîə se ghənə kə è tè ndo nə, “Ə̂ nyi ekɔ̂ŋ ə Fezhə̀zè, m tə kɛsê pəyn.” È və wàmnə̀ za ə njiə ə ngwùʼ ə ndò zâ Plìsilà è Àkwilà fu.

Ŋwàʼlè ə̀ Pɔ̂l sê ghɨə Lûmghè 15:26

Kûmə̀ nə ghɨ poməghe apàs endaʼ ə Màsèndonyà è kə Àkayàkè ə tə saynê sə ghənə ə ngɨŋ se fo emâʼte se tsàmtè ə ghɨ afɨfə ə ghɨə Fezhə̀ghè ə fètəyn ghɛ ghe nyi ə Njèlusalɛ̀m.

Ŋwàʼlè ə̀ Pɔ̂l sê ghɨə Lûmghè 16:17

M chyatə̂ nâʼà sə ŋaŋ ə ghɔnyìə ghɨmə nə ghàyn ə tɔ̂ʼnə̀ è ghɨ ghɛ ə ghe pə̀ è chyâsèzè ə ghàyn əfètəyn, nəʼsə̀ èpomə zayn. Ghənə fo èzaʼlê ə vachi zɛ ə tè zaʼle ghàyn ətəyn. Kə ghàyn ə zɨtə sê ghənə.

2 Kolìŋ 11:4

M pîə zɨnə̀ kûmə̀ nə mə fe nə tyə̀ynsè sə akaŋse nə̀ pə̂ zaʼlə̂ ghàyn kûmə̀ Njisə̀s ə̀ ndò, ə̀ va chi vɛ ə ghàs tè zaʼle ghàyn kûmə̀ vəyn, ə ghàyn za ke ndò. Wùə nə̀ pə̂, ə ghàyn fi ke ndò zuʼse sê vəyn, ə̀ va chi Sèzuʼ se Ŋwaʼa sɛ ə ghàs tè fo sê ghàyn, ə fɨyn pomə̂ ke ndò tom zɛ ə è ndâʼà, ə̀ vachi tom è chùŋ zɛ ə ghàs tè ndàʼa sê ghàyn.

Ɛfesùs 4:14

Ə ze nyi nyî, ə ghâsènì ə fɨyn va kə mmɨ̂ətə̀ sə̂ tsɨnə̀ ndinə̂ kə etûə m̀mo, nâʼàpî èkyì ezaʼlê èkè e pə̂ ze ə njìə tsɛ̂ kə ndò ghâsènì, wùə e pɨaʼtə pîə àkaŋ àkè è və pə̀ ə lesə̂ kə ghâsènì è kəynke.

Filìpây 2:24

M samsə̂ se Pɛ̂pɛ nə mi è ngɨŋ zɨ̂mè nə̀ kwuʼtə̀ pə̂ fe ndò ghàyn.

1 Timotì 4:11

Zaʼle ghɛ nə ghɨ̂nə̀ ə nə̀ nə nâʼàpî ndè fɛte kê ghəynghe.

1 Timotì 4:6

Ə ò zaʼlə ghɨə poməghe è ghɛ nə ghɨnə ə m pîə nyî, ə ò nyi ke nâʼà wùə è fɨ̀aʼa èchùŋ sê Klâys Njisə̀s, ə Zhə̀fè nə fe pɔŋ zaʼlê ghò tɔynə̂ ekyî epomə̂zè, è zaʼlê echûŋ zɛ ə ò nyi mə o ndə̀m zəynze.

1 Timotì 5:7

Tsàyn ghɛ nə ghɨ̂yn sê ghənə kə wùə sətəyn ə kyi va tsasze.

1 Timotì 6:10

Kɔ̂ŋ ekɛze nyi zhə̀te èlùʼ vɛ ə kyì tə pi tekɨ̂m ndò pə̂ ətəyn. Ghɨ yîghe ə kɔ̀ŋ tsɛsè se kyîə vəynve, zɨnə mə zɛ ə ze nə̂yn nə ghənə pfɨ ə ghənə ekyî epomə̂zè, ə pəyn e ngəʼ setsɨəse ə ghənə ətəm.

1 Timotì 6:17

Tsɛ̀se sə alàŋ nə ghɨ ghɛ ə ghe kyi ghaʼze è fɨa ə mbive, nə kə ghənə ə kyi èghaŋsê ewìynze, ə pɨl ndəm èkwaʼtè ə ghənə̂zè e fɨa nə vɨnə mə, pîza ə pɨl ndəm se Zhə̀ Fɛ ə fe fo nâʼàpî àkè sê ghâsènì.

1 Timotì 6:3

Ə̀ fɨnə zaʼlə nâʼàpî ndè ghɛ, ə̀ va chi ə̀ghɛ ghɛ m fo sê ghò, ghe va èghɨ kə ezaʼlê echûŋ zɛ ə Pɛ̂pɛ ə̀ ghâsènì Njisə̀s Klâys tè zaʼle sê ghâsènì, è kɨsè zaʼle tɛ ə te kɔʼsə Zhə̀fè,

2 Timotì 1:18

M tsə̂mə̀ nə Pɛ̂pɛ tyəyn səyn eko ə Vəynze sê vəyn fumə əfetuʼ. Nâʼà ghò nyîə ke kə è tè tsàmte mi ə Ɛfesùs.

2 Njɔyn 1:7

Ghɨə akaŋ ghə fɨ kwîə tsɛ̂ ə mbi, tsɨ̀ə kə nyi, pomə̂ va nə Njisə̀s Klâys ə tə pə̀ ə chi ewiyn ə wûəvè. Nâʼàpî ndè əfètə̂ ə̀ ghɨ nə ghɨyn nyi pàyn ə Klâys, lesə̂ əghɨ.

Etyə̂yn ə paynsêzè 2:14

Pîza, m ghâmə̀ ghò ə mghɛlə̀ mə mɔ̀ʼɔmè. Ghɨə mɔ̀ʼɔ nyi fɛ ə ghò anɔ̀yn chûmtə̀ ezaʼlê ə Palàmzè. È və tə zaʼle Palàk kə è kàʼa è nəyn ə ghɨə Isìlâyghè nəyn pi mə ghənə zhiə èfɨa mə màʼtè sê fɨ̂aʼsèvè, è kɨsè mə ə nə̂ ə̀ghɛ ə nyələghe.

Etyə̂yn ə paynsêzè 2:20

Pîza ə̀ zɨnə nyi eghɛ zɛ ə m ghamə̀ ghò sətəyn. O zà Njesepèl wùzhɔyn vɨ̂yn ə è tsà nə zhi nyi fɨ̀aʼtè nyi, tɔynə̂ ə vəyn ezaʼlê, è lesə̂ ə̀ghɨ ghɨmghe fɨaʼa nə ghənə ə nə̂ ə̀ghɛ ə nyələghe kɛsə̂ zhiə èfɨazhiə vɛ ə nyi mə ə fo sə efo sê fɨ̂aʼsèvè.