1 Tèsàlonikà 4:3 - Ŋwàʼlè ə̀ Fèzhə̀ Mkâyn Mə̂ Fèm

³ Zhə̀fè kyiŋə nə ghàyn ə nyi èŋwaʼze, kyiŋə nə kə wùə se ghàyn ə nə̂ ə̀ghɛ ə nyələghe èwiyn ə vəynve,

1 Tèsàlonikà 4:3 ပူးပေါင်းရင်းမြစ်များ

Matyò 12:50

Nâʼà pîndè vɛ ə è nə̀yn ghɛ zɛ ə pɨa vɨ̂mvè ekwùtwəyn kyiŋə, ə̀ nyi ànyì vɨ̂m ve ndômə̀ è ve zhɔyn è nyì vɨ̂mvè.”

Matyò 15:19

Kwâʼtè tepite fɨə ə ghò ətəm chiynə ghò nə, ò zhwi, nyîŋə̀ è zhwîə wùə è kɨ̂sè ndom ə wùə, è chûmtè ə zəynze, è chɔŋe, è kaŋa kə ò wam ə̂ wùə tu, fɨnə pîə ə̀ghɛ piə yîghe kûmə̀ wùə.

Matyò 5:32

Pîza, M tsâ sê ghàyn zôyn nə: ə wùə chùm zhwiə vəyn, mə è paʼà ko vəyn yî wùndômə̀ ndò, wùzhɔynə ə̀təyn ə ndùə malə̂ wùə endômə̀ ə̀ndo, ə zə nyi nə ndomə̀ vəyn vɛ è chùm vəyn ə nə̀yn wùzhɔynə ə̀təyn nə è nyɨŋə yî wùndômə̀ ndò. Nâʼà pîndè vɛ ə è malə wùzhɔyn mə ə chum vəyn ə ndɛ ə̀ malə̂, ə zə nyi nə wùndômə̀ vɛ è malə vəyn ə nyɨŋə̀ yî zhwiə wùə ndò.

Matyò 7:21

Ə̀ va chi nâʼà pîndè vɛ ə è tə tɔŋtə mi nə, “Pɛ̂pɛ, Pɛ̂pɛ” ə è tə njiə elùʼ efɔ̀yn ekwùtwəyn. Ə tsɛ̂ kə va ghɨ ghɛ ghɛ ə nə̂ kə pɨ̀a vɨ̂m ekwùtwəyn kyiŋə.

Ŋwàʼlè ə̀ Mâk 3:35

Ə̀ nə̂ nâʼàpî ndè ghɛ ghɛ ə Zhə̀fè kyiŋə, è nyi ànyì vɨ̂m, è nyì vɨ̂m.”

Njɔyn 4:34

Njisə̀s ə pìə sê ghənə nə, “Fɨazhiə vɨmve nyi se nə̀yn efɨaʼ ə Vɛ ə È tom Mi nə M nəyn è kɨsè se mɨsè efɨ̂aʼ zɛ ə È tom nə M pəyn nəyn.

Njɔyn 7:17

Ə̂ nyì pîndè èpɨaʼtêzè se nə̀yn eghɛ zɛ ə Zhə̀fè kyiŋə, ə è və ke nə ghɛ zɛ M zaʼlə ndo se Zhə̀fè mə sè Mìə, mə M wamnə̀ sə Mì atyaʼa?

Ətefɨ̂aʼ 15:20

Ə ghâsènì pɨl nyaʼ ŋwàʼlè ə tsayn sê ghənə nə kə ghənə zhi fɨazhiə vîve mə ve zo kwəynə̂ va kûmə̀ nə ə fo vəynve sê zhə̀mè, ə ghənə ə nyɨŋə̀ va è zəynghe kɨ̀sə ə ndômnè, ə kwɨlə va nyàm zhîzè mə ə paʼà se mîzè, pî se zhi mndəm.

Ətefɨ̂aʼ 15:29

Kə ghàyn zhi fɨazhiəve mə fo sê zhə̀mè; kə ghàyn tə zhi m̀ndəm kɨ̀sə ə̀ nyì pî se kwɨlə nyàm mə ə pɔyn zhwî ndò; kə ghàyn nə nyîŋə̀ è zənə kɨ̀sə ə̀ nyì pî ghàyn ndômnə̀, mə ə̀ kiva ghàyn. Ghàyn nə̀ nə̂ àchûŋ ezhoghɛ ghàyn zà ghɛ nə ghɨ̂yn ə ghàs pìə nyî. Ghàyn faŋ ke nâʼà àchûŋ.”

Ətefɨ̂aʼ 20:32

Mə zôyn m fo ghàyn sê tɔʼnè ə Fezhə̀zè è tom ə̀ Vəyn zə àfùʼ zɛ ə è nyì se nə̀yn nə ghàyn ndəmə, è kɨsè se fo ghàyn è pɔsê tɛ ə Zhə̀fè kyi sê ghɨə Vəyn ghəkɨ̂m.

Ətefɨ̂aʼ 26:18

Ò tə ŋaʼsə̂ ə̀shi ə ghənə̂ghè ə ò nəyn kə ghənə fɨ pəyn alɨm, ə nji pəyn epayn, ə ndo ə satàyn atyaʼ ə nji pəyn atyaʼa Fezhə̀kè, kə tɔynə̂ ə ghənə epomə̂ se Mi, ə pisə ghənə̂sè ə nyi mə ə lɛ̀sè fo, ə ghənə nyi elùʼ emɔ̀ʼ yîghə̀ ghɨ ghɛ ə Zhə̀fè nyi mə fə nə̀yn ghənə e nyi ezoze.›”

Ŋwàʼlè ə̀ Pɔ̂l sê ghɨə Lûmghè 1:29

Ghənə nyi mə ə lwiyn èkyì tə ghɛ əpi tekɨ̂m kə; ətəm epighe, è fɨə ə shize, nyaŋə əghɨ əmɔ̀ʼɔ, kyi àghə̀ʼ, zhwiə ə̀ghɨ, kɔŋə̀ ètsôs, kɔŋə̀ sə chɔŋtə̂, lɛsə ə̀ghɨ, piə èfim.

Ŋwàʼlè ə̀ Pɔ̂l sê ghɨə Lûmghè 12:2

Kə ghàyn nə ndamə kə njà saynse wìynse kyiŋə, pîza ghàyn pɨl za ə Zhə̀fè fo kwàʼtè efe sê ghàyn, kə ghàyn ə kyi tsɨnè èfe. Zɨnə nə̀ nə̂ ə ghàyn ə ke, nə̂ ə̀ghɛ ghɛ ə Zhə̀fè kyiŋə. Ghàyn nyìə ke chùŋ, ke ə̀ghɛ ghɛ ə ghe nə̂ nə Zhə̀fè ə saŋnə̂, ke ghɛ ə ghe nyi chichi.

Ŋwàʼlè ə̀ Pɔ̂l sê ghɨə Lûmghè 6:22

Pîza Zhə̀fè ə fɨse ghàyn etyə̂ àtyaʼ əghɛ pike, ghàyn e nyi èkɔ̂s ə Vəynve zôyn. Chùŋ zɛ ə ghàyn tə kyiə nyi nə Zhə̀fè ə nə̀yn ghàyn e nyi èŋwaʼze kə ghɨ Vəynghe nyi èŋwaʼze. Zɛ mə tə nə̂ ə ghàyn kyi ndam zɛ ə ze tə mîə va.

1 Kɔlìŋ 1:30

Pîza ə̀ nəyn Fezhə̀ nə ghàyn ə nyi sə eghɛ èmɔ̀ʼ ghâyn ghə̀ Klâys Njisə̀s, ə nə̀ nə è və nyi ètɔf eghaʼâ ə ghasènìze, ə nə̀ nə ghâsènì ə tyəm chichi ə Zhə̀fè əshi tɔynə̂ ə Klâys, ə fɨnə tɔynə̂ kəpi ə Klâys ə nə̀ nə ghâsènì ə nyi è ŋwâʼzè, ə zhɔnə àtu ə ghasènìke.

1 Kɔlìŋ 7:2

Pîza kûmə̀ nə nyɨ̂ŋə̀ ə ndomnèzè è nyɨ̂ŋə̀ ə zəynze nyîə nyi tsɛsè, m pìə nə nâʼàpî wùə è ndomə̀ èkè nyì sə̂ kyi zhwìə vəyn, nâʼàpî wùzhɔyn èkè e kyi sə̂ kyi ndomə̀ vəyn.

2 Kolìŋ 12:21

M fànə̀ nə m tə kɛsə̂ pə̂, ə Zhə̀ fɨmfe ghomse mi ə ghàyn əshi, ə m chi kûmə̀ ə̀ghɨ tsɨə ghɛ ə nyi mə ə nə̀yn ghɛ əpi ə tsɨə ə nyələghe sə mɨ, ə tàʼa kwiynê endam ə ghənə̂zè famə əghɛ ə nyələghe, pîza pɨlə kɔ̂ŋə̀ sə nə̂ ndûə kə ghəynghe èshike.

Ngàleshyà 5:19

Ghɛ ghɛ ə njà ewìyn kɔ̂ŋɔ̀ sə̂ nə̂ ghe panə kə ə ndayn. E tyə̂nə̀ fa ə tendom tɨnə nyiə nə, ghɨ ghe nyîŋə̀ è yîghe nâʼàpî zàyn, ndamə tendam teliŋte, ndamə kə sepu,

Ɛfesùs 5:17

Ghàyn mɔmse sə̂ ke eghɛ zɛ ə Pɛ̂pɛ kyiŋə nə ghàyn ə nə̂. Kə ghàyn nə ndamə kə engô.

Ɛfesùs 6:6

Ghàyn e zɨə sê ghənə kə ghɨ fɨaʼa Klâysə̀ kè nâʼà səmɔʼ, kè eghɨ kə Zhə̀fè kyiŋə. Kə ghàyn nə zɨə sê ghənə kè ashìŋə̀ kɛ ə ndə̂m shiə ə ghàyn ewìyn kûmə̀ nə ghàyn kyiŋə nə ə ke nə ghàyn fɨ̂aʼà àchûŋ.

Kòlosè 1:9

Ghɛ nə zɨ̂nə̀ ə tə nə̀yn, ghàs e tsə̂mə̀ sê ghàyn se zhə̀tè etuʼ vɛ ghàs tè zɨ ghɛ ətəynghe. Ghàs tsə̀mə̀ nə Zhə̀fè nəyn ə ghàyn fɛte kê eghɛ zɛ ə fe kyiŋə nə ghàyn nəyn. Ghàs tsə̀mə̀ nə Zhə̀fè fo ghàyn ètɔfze, è kɨsè tɔf eghaʼâzè kə ghàyn fɛte kê ə̀ghɛ ə Sezuʼə achûŋ.

Kòlosè 3:5

Nyiəmə, ghàyn nji tsɨsè ə̀təm ghaynghe əghɛ senjà sewìynse nâʼà ə̀kɨ̂m. Ghàyn fɨse təmghe ətə̂ ə̀ghɛ kə, əghɛ sə chûmtə̀ ə̀zəyn, è ndômnèghè, ghɛ eliŋghe, ghɛ ghɛ ə njà sewìynse kyiŋə, sə kyi ekwaʼtè epize, è shiə fɨəghe. Ə ghàyn fɨə èshighe, ə ze ə nyi kəpi ghàyn tɨmə m̀kɨ̂m sê Zhə̀fè mɔ̀ʼɔfe.

Kòlosè 4:12

Ghàyn fi tɔŋtêzè mə ze ndo sê Èpafalàs mə ə̀ nyì kepî wùə mɔʼɔ̂ ə ghàyn anɔ̀yn, ə̀ nyi wùə èfɨ̀aʼa sê Klâys. È nyiə zâŋsə̀ tsə̂mə̀ se ghàyn shîŋə̀ tekɨ̂m, tsə̂m ə vəynze sê Zhə̀fè e nyi nə ghàyn ə tyəm ə ghàyn epomə̂ kə ghɨ ghɛ ə nyi mə ə ndəmə̂, e ke nə ghənə lote nyi ə̀ ghɨ epoməghe, kè endom se ngɨmnê se Zhə̀fè ə Fəynfe ekɔ̀ŋ.

1 Tèsàlonikà 4:2

Ghàs chyatə̂ nyî kûmə̀ nə ghàyn se ke ndô ghɛ ghɛ ə ghàyn tè zaʼle sê ghàs. Ghàs tè nəyn zɨnə mə tɔynə̂ ə Pɛ̂pɛ Njisə̀s atyaʼ.

1 Tèsàlonikà 4:4

fɨnə kɔ̂ŋɔ̀ nə nâʼàpî wùndômə̀ èkè ke se ndam yî zhwîə vəyn àchûŋ, endom eŋwaʼve, èndom vɛ ə ghɨə nə kɔʼsə vəyn ətəyn,

1 Tèsàlonikà 5:18

fo àzɔ̀ŋnè nâʼàpî eghɛ èkè zɛ ə ze kyâyn, kûmə̀ nə ə̀ zɨnə nyi eghɛ zɛ ə Zhə̀fè kyiŋə nə ghàyn ə nə̂ tɔynə̂ ə Klâys Njisə̀s.

1 Tèsàlonikà 5:23

Ə Zhə̀ fɛ ə fe fo pɔ̂ynè sê ghâsènì nəyn ə ghàyn ə nyi è ŋwaʼze nâʼàpî endom èkwùə. Ə Zhə̀fè nəyn ə təm ghaynghe, è zuʼ saynse, è wiyn vaynve ə kyi va ghâmzè nâʼà endom vîve etuʼ vɛ ə Pɛ̂pɛ ə ghâsènì Njisə̀s Klâys kɛsə pə̂.

2 Tèsàlonikà 2:13

Ghɔnyìə, ghàs kyi ndô sə fo àzɔ̀ŋnè sê Zhə̀fè shîŋə̀ tekɨ̂m kûmə̀ ghàyn. Pɛ̂pɛ ə kɔ̀ŋ ghàyn, ghàyn e nyi anɔ̂yn ə ghɨ̀ kɛ ə fe tè chɔʼ ə zhə̀te se sɔzà tɔynə̂ efɨ̀aʼ zɛ ə Zuʼse Ŋwaʼase nə̂, è kɨsè tɔynə̂ ə ghàyn ekyî epomə̂zè eghɛ zɛ ə ze nyi səmɔʼ kə è nəyn ghàyn ə ghàyn ə nyi ə̀ ghɨə vəyn ghe ŋwaʼaghe.

Taytùs 2:14

È və tə fo ngɨŋ ə vəyn se sɔ̀sè ghâsènì ə sepi sekɨ̂m, se fɨnə nə̀yn nə ghâsènì zo kwəyne sə̂ nyi ə̀ghɨ vəyn ghə ngɨŋghe, mə ə fo ngɨŋ sə ghənə̂sè sə̂ nə̂ èfɨaʼ echûŋzè.

Ipilù 10:36

Ghàyn e wəynsə̂ kə ndò kə ghàyn nəyn ghɛ zɛ ə Zhə̀fè kyiŋə nə ghàyn nəyn, endom nə vɨnə mə ə ghàyn kyi fɨa kɛ ə è tè tsɨ̀ne nə è tə fo sê ghàyn.

Ipilù 12:16

Ghàyn e tɔ̂ʼnə̀, kə wùə nə̂ fɨ ə ghàyn əfètəyn mə è nə̀ ə̀ghɛ ə nyələghe, kɨ̀sə kə wùə vɛ ə è keva Zhə̀fè kə Esò vɛ ə è tè pəʼle ndumə ə vəynve sə akaŋ afɨazhiəke amɔ̀ʼ.

Ipilù 13:21

m tsə̂mə̀ nə Zhə̀fè fo nâʼàpî àfɨa echûŋ àke kɛ ə ghàyn nə̀ njîə se nə̀yn eghɛ zɛ ə è kɔ̀ŋə̀ ətəyn, m tsə̀mə̀ nə tɔynə̂ ə Njisə̀s Klâys, è nə̀ nə̂ tɔynə̂ ə ghâsènì ghɛ zɛ ə ze tsɔ̂fə̀ sê vəyn. Ə pomsêzè ə nyi sê Njisə̀s Klâys sə teshìŋə̀ tèkɨ̂m. Ə ze ə nyi ke zamə.

Ipilù 13:4

Nâʼàpî ndè kyi sə̂ ngɨmnə̂ malə̂. Kə wùə tə za ndom ə̀ vəyn kɨ̀sə zhwiə vəyn ə è ndu nyɨ̂ŋə̀ yî wùə ə ndò. Ghàyn kendô nə Zhə̀fè tə saʼa nâʼàpî ndè vɛ ə è nə̀ ghɛ ə nyələghe è ghɛ ə nyi mə malə̂ fɨə əpɨəyn.

1 Pità 1:2

Zhə̀fè, Pɨ̀a tè nyîə ke ghàyn, ə chɔʼ ghàyn nâʼà sə mɨ sə ghɨ̀ ezo ə vəynghe tɔynə̂ efɨaʼ ə Sezuʼ se Ŋwaʼase. Fe nəyn nyi kə ghàyn ə zɨə Njisə̀s Klâys, ə ndə̂m mə Və̂ynmè shu zose ghàyn. Ə Zhə̀fè fo fùʼ ə vəynke è pɔ̂ynè se ghàyn nâʼà se tsɨ̀.

1 Pità 4:2

Famə endom, ə ghàyn tə tàʼa ndamə mɨ̀sè endam zaynze fâ əchi endom vɛ ə njà sewìynse kyiŋə, ə ghàyn ə pɨlə ndamə kè kə̂ Zhə̀fè kyiŋə.

1 Njɔyn 2:17

Mbi tsɛ̂ ndò, paʼsə̂ è fɨa vɛ ə ghɨə nyɨŋə epàm ətəyn, pîza wùə vɛ ə è nə̂ kə kə̂ Zhə̀fè kyiŋə, tə nə̂ ə è və nyi yî Zhə̀fè shîŋə̀ tekɨ̂m.

Etyə̂yn ə paynsêzè 21:8

Pîza sê ghɨ ghɛ ə ghe fànə è ghɨ ghɛ ə ghe tàʼa pomə sê mi, è ghɨ ghɛ ə ghe nə̂ ghɛ ə kwənəghe, è ghɨ ghɛ ə ghe zhwiə ghɨghe, è ghɛ ə ghe nə̂ ghɛ ə nyələghe, è ghɨ ghɛ ə nə̂ ghɛ pfɨtəghe, è ghɛ ə ghe ngɨmnə fɨ̂aʼsèvè, è ghɨ ə wamə nâʼà ə̀kɨ̂m, ə tə ndə̂mə̀ ghənə elùʼ vɛ ə wusve pɛ ətəyn è fɨa kɛ ə ke lɛ̂ pâŋə̀ za e tɔŋtə̂ nə sɔlfɔ̀. Kwu nə zɨnə mə nyi zɛ ə ze tə nə̂ nə te ndu tepɛ̀.”

Etyə̂yn ə paynsêzè 22:15

Pîza ghɨ ghɛ ə ghe nyi əpɨəyn ə tɔ̂ŋ èghaʼâ nyi ghɛ ə nyi mə ə nə̀yn ghɛ ə kwəmnəghe kə; ghɛ ə nə̂ ghɛ ə pfɨyntəghe, è ghɛ ə nə̂ ghɛ ə nyələghe, è ghɛ ə ghe zhwiə ghɨghe, ghɛ ə ghe ngɨmnə fɨ̂aʼsèvè, è ghɛ ə wamə kwaŋve, nə̂ ə̀ghɛ akaŋghe.