1 Tèsàlonikà 3:3 - Ŋwàʼlè ə̀ Fèzhə̀ Mkâyn Mə̂ Fèm

³ kə ndɔ̀ʼɔ tsôs tɨ̂nə̀ ə ghàyn nyi ətəyn nəyn ə ghàyn ə fɨnə pomə̂ va sê Klâys. Nâʼà ghàyn nyiə ke nə ə̀ nyi endə̂m ə Fezhə̀zè nə ghɨ nə fo ngəʼ nə zɨ̂yn sê ghâsènì.

1 Tèsàlonikà 3:3 ပူးပေါင်းရင်းမြစ်များ

Tom èchùŋ kè kə Lûk tè nyaʼ 21:12

Ghɛ nə ghɨyn tə piə kyànə̀ mə ə kyitə̂ ghàyn, fo ngəʼ sê ghàyn, njiə ndùə è ghàyn ashi ə saʼa ə sendɛ sə atsɨ̀yntese, ə ndəm ghàyn ə chaʼ Ə tə njiə ndùə è ghàyn ə̂ fɔ̂yntè əshi è ghɨə saʼa əmɔ̀ʼɔ̂ kè kûmə̀ mi.

Njɔyn 16:2

Ə tə chûmə̀ fɨsə ghàyn ə sendɛ sə atsɨ̀yntese, mə shîŋə̀kè tə pə̂ ə ghɨ ghɛ ə zhwitə ghàyn ə kwàʼtə̀ kə nə ghənə fɨaʼà sê Zhə̀fè.

Njɔyn 16:33

M tsayn əghɛ nə ghɨ̂yn sê ghàyn nyi kə ghàyn faŋ sê Mi, ə kyi pɔ̂ynè. Mbi tə nə̂ ə ghàyn zɨ ngəʼ, pîza ghàyn kol təmə, Mə tɛ ghaʼ mbi.”

Ətefɨ̂aʼ 14:22

Nâʼà pi elùʼ èkè vɛ ə ghənə tè nduə fɨə, ghənə ə nə̀ nə ghɨ poməghe tɔʼ kyî èpomə̂ ə ghənə̂zè ə fɨyn ndəm ətəm ə ghənə̂ eghɛ zɛ ə ghənə pomə. Ghənə tè zaʼlə nə, “Ghâsènì kyi se tsɛ tɔynê əfètəyn tètsòs te tsɨ̂ə kə nyi tsɔ̀fə ə se nji elùʼ efɔ̀yn ə Fezhə̀vè.”

Ətefɨ̂aʼ 2:25

Ndàfît ə tə wàmnè ghɛ ghɨ̀yn kûmə̀ Njisə̀s nə: ‘M fe Pɛ̂pɛ vɨ̂m ə mi ə shi shîŋə̀ tekɨ̂m. È nyi ə mi ekɔyntwɔve, mə fɨake vayn kàʼa ə ke nəʼse mi.

Ətefɨ̂aʼ 21:11

È və pə̀ se ghàs ə fiə fèkô fə Pɔ̂lfè ə kɛsə kolə ə̀ghol ə vəynghe è gho sə və ngɨŋ ə pìə nə, “Ə̀ zɨnə nyi eghɛ zɛ ə Zuʼse Ŋwaʼase pî, Ə tə kolə̂ wùə vɛ è kyi kô fɨ̂nə̀ kèpi fa ekyì endom, ə ghɨə Njûs ghɛ ə ghe nyi ə Njèlusalɛ̀m ə fo tsɛ̂sè vəyn sê tumve.”

Ətefɨ̂aʼ 21:13

Pɔ̂l ə pə̀ynsə̀ nə, “Kûmə̀ ghè ə ghàyn chìə, nə̂ nə mə kyi èfɨmsê ə mì ə təmə? M nyi èpɨaʼtêzè nə kə kol ke ndò mi, pîza m nyi kepî ndò èpɨaʼtêzè se kwu ə Njèlusalɛ̀m kûmə̀ èzə ə Pɛ̂pɛ Njisə̀s è.”

Ətefɨ̂aʼ 9:16

Mə nâʼà Mi è ngɨŋ zɨ̂m nə̀ tyə̂nə̀ se vəyn kyì ə ngəʼ zɛ ə è kyi se zɨ kûmə̀ Mi.”

Ŋwàʼlè ə̀ Pɔ̂l sê ghɨə Lûmghè 5:3

Ghâsènì fɨnə saŋnə̂ kûmə̀ ètsôs vɛ ə zɨə, ke nə kwâʼtèzè pə̀ ndò ekol ətəmze.

1 Kɔlìŋ 15:58

E za nyì ə soyn sɨmse chûŋsè nə, ghàyn fɛte tyəm ə nyi è pɨaʼtêzè. Ghàyn e zâŋsè nyi ke shîŋə̀ tekɨ̂m ə Pɛ̂pɛ efɨ̀aʼ kə ghàyn se ke nə ghɛ zhîze va ə ghàyn nə̀ ə Pɛ̂pɛ efɨ̀aʼ mə ze nyi sə ndô.

1 Kɔlìŋ 4:9

E kyaʼà sê mi nə Zhə̀fè ə ndə̀m luʼe kwuŋsəve sê ghàs ghɨətomə, kə ghɨ ghɛ ə nyi mə ə saʼ ghənə ə chɔʼnə̂ nə ghənə kyi se kwu ə ghɨghe əshi. Ə nyi mə ə njì ghàs sə ghɨ̀ ə laŋsəghe ə mbi èkɨ̂m, è kɨsè tsìsè è ghɨ ə msɔ̀ŋghe.

Ɛfesùs 3:13

Ə̀ za nyi eghɛ zɛ ə m pìə sê ghàyn nə kə ghàyn pɔ kûmə̀ ètsôs vɛ ə ghàyn zɨə nə m fe ndò kûmə̀ nə m ndaʼà tom èchùŋ sê ghàyn ghɨ ghɛ ə̀ vachi ə̀ghɨ ə Njûsghè. Ghàyn kyi sə̂ ke nə ghɛ ətəynze ndùə kə sə ghàyn ə chùŋ.

Filìpây 1:28

Kə ghàyn nə fayn ə̀ghɨ ghɛ ə ghe nô nə kə ghàyn nəyn fɨ̂aʼ zaynze achûŋ. Ghàyn kyi təm ə tɛghe. Ə ghàyn nə̀yn nyi, ə ghàyn tyəyn sê ghənə nə Zhə̀fè nə pofsə̂ ghənə ə Fe sɔza ghàyn. Ə̀ nyi Fezhə̀ ə Fe nə̂ nə zɨnə mə kyayn.

Kòlosè 1:23

Ghàyn kyi se faŋə kə ghàyn epomə̂ mə ze nə̂ʼlə̀ va, kyi se tɔ̀ʼɔ̀ tyə̂m, è kɨsè se ndə̀m ətəm ghaynghe əkɨ̂m ətə̂ tom èchùŋ zɛ ə ghàyn zɨ. Tom èchùŋ nə zɛ mə ə ghàyn nyi mə ə kàynè zɨ nyi zɛ ə è nyi mə è zə waŋ mbi èkɨ̂m, ə nyi zə̂ynzè ə è nə̀yn mi Pɔ̂l nə mə nyi wùə àfɨ̀aʼ se Zhə̀fè se ndàʼa zə̂ynzè.

1 Tèsàlonikà 5:9

Ghâsènì kyi sə̂ kɨ̂ŋtə̂ nyî kûmə̀ nə Zhə̀fè tè pâʼà chɔʼ ghâsènì se saʼa ghâsènì se fɨnə pɔynse, pîza nə ghâsènì kyi sɔzaze tɔynə̂ ə Pɛ̂pɛ ə̀ ghâsènì Njisə̀s Klâys,

2 Tèsàlonikà 1:4

Ə̀ za nyi eghɛ zɛ ə ghàs pìə wàmnə̀ kûmə̀ ghàyn sê ghɨ ə pomə mɔ̀ʼɔghe, ə ghɨə Fezhə̀ghè ə fètəyn, ghàs e tyalə. Ghàs nə̀ nyî kûmə̀ nə ghàs nyîə pfɨ̂nə̀ àngàŋtè endom vɛ ə ghàyn kolə təmghe ə ghàyn epomə̂, nâʼàpî kə ghɨghe tsə̂fsə̀ ghàyn, ghàyn e zɨə àpi.

2 Timotì 1:8

E za tyə̀nə̀ nə ò kyi va sə̂ ghomə̂ se tsàyn eghɛ zɛ ò ke kûmə̀ Pɛ̂pɛ, pî sə ghomə̂ kûmə̀ mi, ə wùə ndɛ ə̀chaʼ kûmə̀ Klâys. Pɨl njì vɛve nə eluʼ sə̂ zɨə ngəʼ kûmə̀ tom èchùŋ, kè kə Zhə̀fè fo ghô è tyaʼke.

1 Pità 2:21

Ə̀ nyi eluʼ vaynve sə̂ fe ngəʼ nə zɨ̂yn kûmə̀ nə Klâys ə tə fe kepî ngəʼ kûmə̀ ghàyn ə tyə̀nə̀ èghɛ nə ghàyn ə səynə̂ se chùmtè aghol ə vəynke.

Etyə̂yn ə paynsêzè 2:10

Fekə! Kə ò nə fayn ètsôs vɛ ə ò njiə ndùə ətəyn. Ndə̂plè nə̂ nə ə kyi ghàyn yîghe ə ndəm ə ndɛ̂ chaʼ, ə̀ nyì ke emɔ̂m kə ze pə̂ sê ghàyn. Ghàyn nə fe ètsôs fu sə mtuʼ mghɨm. Mə ə nyi pî se zhwi ə ghàyn, ghàyn e samsə̂ kə ndò mi, ə m tə fo èndam zɛ ə ze tə mîə va sê ghàyn, ə̀ nyi àfɔ kayn kə tefɔ̀ynkè ə ke tyə̂ynə̀ nə ghàyn ə nò ə zhiə.

Etyə̂yn ə paynsêzè 2:13

M nyiə ke eluʼ vɛ ə ò ndamə ətəyn. Ò ndamə elùʼ Satàyn e saʼa efɔ̂yn ə vəyn fu. O tə fɛte tyə̂m àchuŋ ə gho ekyî epomə̂zè sê mi ə tàʼa ə mɛnê ezə zɨmze nâʼàpî etuʼ vɛ ə tè zhwi Antipàs ətəyn vɛ ə è tè ndàʼa tom kûmə̀ mi è təm ə vəynghe əkɨ̂m. Ə tè zhwi vəyn elùʼ vɛ ə satàyn ndamə.