1 Tèsàlonikà 3:2 - Ŋwàʼlè ə̀ Fèzhə̀ Mkâyn Mə̂ Fèm

² Ghàs ə tomə ànyì vâsvè Timotì vɛ ə ghasè ghə̀ ghənə fɨaʼà sê Zhə̀fè, ndàʼà tom è chùŋ kûmə̀ Klâys. Ghàs tomə nə è pəyn tsâmtè ə è nəyn nə ghàyn pomə è tyaʼa se Klâys, è kɨsè se fo ghàyn è təm ə tɛghe nə ghàyn ə kyi ndu ke ndò kyî epomə̂zè èshike,

1 Tèsàlonikà 3:2 ပူးပေါင်းရင်းမြစ်များ

Ətefɨ̂aʼ 16:1

Pɔ̂l yî Silàs ə ndò ndûə endaʼ ə Ndepì è endaʼ Lisɨtɨ̀là. Wùə èpomə vîvè èmɔ̀ʼ tè nyîə nyi fu zə vəynze e nyi Timotì. Nyìə vəyn mə ə̀ tè nyì kepî wùə èpomə, tè nyi wùə Njûs, pîza pɨ̀a vəyn e nyi wùə ə̀ Nglêk.

Ətefɨ̂aʼ 16:5

Ndɛ ə̀ Fèzhə̀ ə ke tɛ nduə kə èshike epomə̂, tsɨ̂ə ndûə kəpi èshike tuʼmè m̀kɨ̂m.

Ətefɨ̂aʼ 18:5

Kə Pɔ̂l yî Timotì tè ndò pə̂yn ə Màsèndonyà, Pɔ̂l ə fo àshîŋə̀ ə vəynke akɨ̂m sə ndaʼà tom ə̀ Fèzhə̀, tsâ se ghɨə Njûsə̀ è ghɨə Nglekə̀ nə Njisə̀s nyi vɛ ə chɔʼ ndə̂m.

Ŋwàʼlè ə̀ Pɔ̂l sê ghɨə Lûmghè 16:21

Timotì, vɛ ə ghasè vəyn fɨ̂aʼà əmɔʼ tomə ètɔŋtê ə vəynze sê ghàyn. Lusiyùs, Njasɨ̀yn è Sòsìpatà, ə ghɔnyì ghɨm ghə Njûsə̀ tomə kəpi ètɔŋtê se ghàyn.

1 Kɔlìŋ 3:10

Mə tè njì fo zɛ ə Zhə̀fè tè fo sê mi ə ndə̀mə̀ àchi ə ndɛke kə̂ wùə vɛ ə è fɛte ke èpɛ, wùə mɔʼɔ̂ e sè pɛ etûə təyn. Nâʼàpî ndè e tɔ̂ʼnə̀ e ndom vɛ è pɛ ətəyn.

1 Kɔlìŋ 4:17

Ə̀ za nyi eghɛ zɛ m tom Timotì sê ghàyn. È nyi vayn ekɔ̀ŋ vɨ̂mè, m samsə̂ vəyn kûmə̀ nə è chùmtə̀ Pɛ̂pɛ è təm ə vəynghe əkɨ̂m. È nə̀ nə̂ ə ghàyn ə pyə̂ytə̀ èndam zɛ m ndamə kə̂ wùə Klâys Njisə̀s. Ə̀ zɨnə nyi eghɛ zɛ ə m zaʼlə luʼ tekɨ̂m, è kɨsè ndɛ sə Fèzhə̀ sekɨ̂m.

2 Kolìŋ 1:1

Ə̀ ŋwàʼlè zìnə nyaʼ mi Pɔ̂l, wùətom ə̀ Klâys Njisə̀s kè kə Zhə̀fè kyiŋə, ghasè ànyì ə̀ ghâsènì Timotì, sê ghɨə ndɛ ə̀ Fèzhə̀ ə Kolìnghè è se ghɨə Fezhə̀ghè nâʼà endaʼ ə Àkayàzè ekɨ̂m.

2 Kolìŋ 1:19

Kûmə̀ nə Njisə̀s Klâys, Va Fèzhə̀ vɛ ə Silàs tè ndàʼa tom kûmə̀ vəyn ə ghàyn ə fètəyn, è Timotì è ngɨŋ zɨ̂mè, vachi vɛ ə È pìə “Eyn” fɨnə pîə “Ngaŋ.” Səmɔʼ ətəyn nyi nə è pîə tsɛ̂ kə nə, Èyn.

2 Kolìŋ 2:12

Ə̀ tè nyi kə m pə̂yn tâyn ə Tɨ̀luwàs se ndàʼa tom èchùŋ ə̀ Klâys, ə fe nə Pɛ̂pɛ nyi mə è və pɨaʼtê nə m ndaʼa,

2 Kolìŋ 2:13

pîza mə tàʼa kyîə pɔ̂ynè zɨ̂mè kûmə̀ nə m tè paʼà fe ànyìə ghâsènì Taytùs fumə. Mə ke pì nə ghənə faŋ ke àchûŋ ə tsɛ̂ nduə ə Màsèndonyà.

2 Kolìŋ 8:23

Sê Taytùs, ə̀ nyi wùə vɛ ə ghasè vəyn fɨaʼà əmɔʼ se tsàmtè ə ghàyn. Sê ghɔnyì əmɔ̀ʼɔ ghɛ ə ndûə yighə̀ vəyn, ghənə nyi ə ghɨ ghɛ ə chɔʼte ə sendɛ sə Fezhə̀sè. Ghənə nyîə pə̂ èpomsêzè sê Klâys.

Filìpây 1:25

M ke kol ndò ghɛ zɨ̀yn, ə za nyi eghɛ zɛ ə ze nə̂yn nə pəyn m mə nyi è ghàyn əkɨ̂m kə m tsamte ə ghàyn ndəmə̂, saŋnə̂ ə ghàyn ekyî epomə̂zè.

Kòlosè 1:1

Ə̀ mi Pɔ̂l, ə wùə èmɔ̀ʼ ə fètə̂ ə̀ghɨ̀tom ə Njisə̀s Klâysghè, kə Zhə̀fè pɨaʼte, ə nyi mi vɛ ə m nyâʼà ŋwàʼlè zɨ̀nə̀ sê ghàyn. Ə mi è Timotì ànyì ə̀ ghâsènì ə Klâys tomə ètɔŋtê se ghàyn.

Kòlosè 1:7

Tom nə zɨnə mə sê ghàyn tè ndàʼa Èpafalàs, ə wùə àfɨaʼ ə̀ Njisə̀s Klâys. È nyi wùə vɛ ə ghasènyìə ghə̀ ghənə tè fɨ̀aʼa, ghàs e ngɨsə̂ kɔ̂ŋə̀ vəyn. È fɨ̀aʼà se Njisə̀s Klâys è təm ə vəynghe əkɨ̂m. Fɨ̂aʼ zɛ ə ghàs tè kyi se nə̀yn, ə̀ nyi zəynze ə è nə̀ zôyn kə è nyì ghâynghə̀ ghənə.

Kòlosè 4:12

Ghàyn fi tɔŋtêzè mə ze ndo sê Èpafalàs mə ə̀ nyì kepî wùə mɔʼɔ̂ ə ghàyn anɔ̀yn, ə̀ nyi wùə èfɨ̀aʼa sê Klâys. È nyiə zâŋsə̀ tsə̂mə̀ se ghàyn shîŋə̀ tekɨ̂m, tsə̂m ə vəynze sê Zhə̀fè e nyi nə ghàyn ə tyəm ə ghàyn epomə̂ kə ghɨ ghɛ ə nyi mə ə ndəmə̂, e ke nə ghənə lote nyi ə̀ ghɨ epoməghe, kè endom se ngɨmnê se Zhə̀fè ə Fəynfe ekɔ̀ŋ.

Kòlosè 4:9

È pə̀ yî Ònesimùs ə ànyìə ghâsènì vɛ ə ə̀ nyi kepî wùə vâyn və ànɔ̀yn. È nyi kepî wùə èpomə èchùŋ, ghàs kɔ̀ŋɔ̀ vəyn nâʼà àchûŋ. Ghənə nə̀ tsâ nâʼàpî eghɛ èkè zɛ ə ze kyàynə̀ se ghàs fâyn.

1 Tèsàlonikà 3:13

Ə ghàyn nə̂ nyi, ə è nəyn ə təm ghaynghe ə tɛ, kə ghàyn ə kyi va ləʼke, nyi èŋwaʼve ə Zhə̀fè ə ghâsènì fe əshi mə za nyi pɨ̀a ghâsènì ashìŋə̀ kɛ ə Pɛ̂pɛ ə̀ ghâsènì Njisə̀s pə̀ è ghɨə vəyn ghe ŋwaʼaghe əkɨ̂m.

1 Tèsàlonikà 3:5

Ə̀ za nyi eghɛ zɛ ə ze tè nəyn mə tiynsə̂ Timotì. M tè tiynse nə è pəyn fe nə ghàyn ghe tɔ̀ʼɔ̀ samsə̂ Klâys, è kûmə̀ nə m tè vayn kàʼa m fɨyn kol ə̀təm sə̂ ndamə, ke va nə ə̀ kyàynə̀ ghè sê ghàyn ə. M tè fànə kə nə ndə̂plè kàʼa è zə nyi mə è zə mɔ̀m ghàyn, ə nə̀ nə fɨ̂aʼ etsɨə kɛ ə ghàs tè nəyn ə ghàyn əfètəyn ə njìse səndô.

2 Tèsàlonikà 2:17

Fe nə̀ nə̂ ə ghàyn ə kyi ə̀təm ə tɛ è tyaʼa sə̂ nə̂ fɨnə wâmnə̀ kə ə̀ghɛ ə chûŋghè shîŋə̀ tekɨ̂m.