1 Pità 5:9 - Ŋwàʼlè ə̀ Fèzhə̀ Mkâyn Mə̂ Fèm

⁹ Ghàyn tyəm ə ghàyn ə tɛ ə ghàyn ekyî epomə̂zè kə ghàyn tàʼa pomə̂ eghɛ zɛ ə è pìə kûmə̀ nə ghàyn nyîə ke nə ghɔnyì ghaynghe ghɨə pomə fe kəpî èkyì ə ngəʼ nə zɨ̂yn mbi èkɨ̂m.

1 Pità 5:9 ပူးပေါင်းရင်းမြစ်များ

Tom èchùŋ kè kə Lûk tè nyaʼ 22:32

pîza mə tsə̀m se ghò nə kə̂ pomə zɛze nə pfɨ mɨ̂sè. O kɛse pəyn se mi o nəyn kə təmə ghɔnɛ ghə tɛ.”

Njɔyn 16:33

M tsayn əghɛ nə ghɨ̂yn sê ghàyn nyi kə ghàyn faŋ sê Mi, ə kyi pɔ̂ynè. Mbi tə nə̂ ə ghàyn zɨ ngəʼ, pîza ghàyn kol təmə, Mə tɛ ghaʼ mbi.”

Ətefɨ̂aʼ 14:22

Nâʼà pi elùʼ èkè vɛ ə ghənə tè nduə fɨə, ghənə ə nə̀ nə ghɨ poməghe tɔʼ kyî èpomə̂ ə ghənə̂zè ə fɨyn ndəm ətəm ə ghənə̂ eghɛ zɛ ə ghənə pomə. Ghənə tè zaʼlə nə, “Ghâsènì kyi se tsɛ tɔynê əfètəyn tètsòs te tsɨ̂ə kə nyi tsɔ̀fə ə se nji elùʼ efɔ̀yn ə Fezhə̀vè.”

1 Kɔlìŋ 10:13

Nâʼàpi èmɔ̂m èkè zɛ ə ghàyn nyi mə fe, nyi ekyì zɛ ə ze pə̂ sê nâʼà pî wùə m̀sɔ̀ŋ èkè. Pîza Zhə̀fè nə̀ èghɛ zɛ ə fe tsɨ̂nè, mə è vayn kaʼa ə è za nə ò tsɛ tɔynê emɔ̀m mə ze kaʼa ə ze nəyn ə ò pfɨ ə pi; ə shîŋə̀ kɛ ə mɔ̂mè pə̀yn se ghò, ə è fo ghô tyaʼa nə ò kol təmghe ə ò tsɛ tɔynê ətəyn.

Ɛfesùs 4:27

Kə wùə tə fo èndom nə ndə̂plè nji ə vəyn endam.

Ɛfesùs 6:16

Ghàyn nji kwəynsê èkyî epomə̂ zayn ə kyi kə akɨ̀ŋtè eghɔ̀ŋke sə tâmtə̀ ə̀ghɔŋ ghɛ ə ndə̂plè tɨmnə̂ ghàyn è ghənə, ghe pɛ̂ kə ewus.

Kòlosè 2:5

Pî kə m va ə ghàyn ə fètəyn ə njà èwìyn, m pa nyi ke ndô ghâsènì ə sezuʼ. Pi kə m va ghâsènì, m saŋnə̂ ndò kûmə̀ nə kyî epomə̂ zaynze sê Klâys nyiə tɛ.

1 Tèsàlonikà 3:3

kə ndɔ̀ʼɔ tsôs tɨ̂nə̀ ə ghàyn nyi ətəyn nəyn ə ghàyn ə fɨnə pomə̂ va sê Klâys. Nâʼà ghàyn nyiə ke nə ə̀ nyi endə̂m ə Fezhə̀zè nə ghɨ nə fo ngəʼ nə zɨ̂yn sê ghâsènì.

1 Timotì 6:12

Mɔ̀mse nâʼà sə ŋaŋ se nyɨŋ ènyɨŋ epoməze, ə nyɨŋə zhiə èndam zɛ ə ze tə mîə va se ngɨŋ zɛ̂zè, kûmə̀ nə ə̀ nyi ekyì endam nə zɨnə mə ə Zhə̀fè tè tɔŋə ghô nə o nyi ətəyn kə ò tè tyə̀yn paynsê èkyî epomə̂ zɛze əghɨ tsɨəghe əshi.

2 Timotì 3:12

Ə̀ kɔ̀ŋə̀ pîndè sə ndamə èndam ə Fezhə̀zè kaʼke amɔ̀ʼ yî Klâys Njisə̀s, ə kyi se tə tsə̂fsè ə vəyn.

2 Timotì 4:7

Mə fɨ̂aʼ ke nâʼà àchûŋ. Mə fɨ̂aʼ tayn shîŋə̀ kɛ ə kyiŋə, mə fɛtê ndəm kyî epomə̂zè.

Ipilù 11:33

Tɔynə̂ epomə̂, ghɨ nə ghɨnə mə ə tə nò ghɔŋte ə zhiə tèndâʼà, ghənə tè ndamə èndam ə chichize ə Zhə̀fè shi, ə kyiə èfɨa vɛ ə fe tè tsɨ̀ne. Ghənə ə kimtə̂ ə̀ cho ə senyàm sə se pìkəmse.

Ipilù 12:8

Ə è tàʼa tsə̂fsə̀ gho endom vɛ ə è tsə̂fsə̀ ghɔ vəynghe ətəyn, ə ze ə tyəynə̀ nə ò va ndɨŋndɨŋə̂ vâ vəyn, ə ze ə nyi nə ə piə ghô ə chi.

Njə̂m 4:7

Ghàyn e nə̂ ə̀ghɛ ghɛ ə Zhə̀fè kyiŋə nâʼà ə̀kɨ̂m. Ghàyn kwiynse ndə̂plè, ə è tə ndo ə ghàyn epàm.

1 Pità 1:6

Ghàyn e saŋnə̂ kûmə̀ ə̀ghɛ nə ghɨyn nâʼàpî kə ə̀ nyì zôyn sə fendîŋə̀, ghàyn zɨə ètɨ̂m kûmə̀ tèmɔ̂m kè ə tendom ə tendom.

1 Pità 2:21

Ə̀ nyi eluʼ vaynve sə̂ fe ngəʼ nə zɨ̂yn kûmə̀ nə Klâys ə tə fe kepî ngəʼ kûmə̀ ghàyn ə tyə̀nə̀ èghɛ nə ghàyn ə səynə̂ se chùmtè aghol ə vəynke.

1 Pità 3:14

Pîza ə ghàyn fe ngəʼ kûmə̀ nə ghàyn nə̀ ə̀ghɛ chichi, ə Zhə̀fè pɔse ghàyn. Ə nyàʼ ə Ŋwàʼlè ə̀ Fèzhə̀ nə, “Kə ghàyn ə fânə̀ ə̀ghɨ ghɛ ə ghe nə̂ ghɛghe se nə̀yn nə ghàyn ə fânə̀ èghɛ zɛ ə ghənə kaʼa nəyn sê ghàyn. Kə ndɨmke ə tsɛ̂ ghàyn.”

1 Pità 4:13

Ghàyn e pɨlə saŋnə̂ nə ghàyn pɔŋɔ fe ngəʼ kèpi kə Klâys kə è tə pî è kɛsə̂ pə̂ endom ekayntə vîve, ə ghàyn ə saŋnə̂ nâʼà sə ŋaŋ.

Etyə̂yn ə paynsêzè 1:9

M nyi Njɔyn ànyì vâynvè, ə vɛ ə è fe kəpî tsôsvè kə ghàyn kûmə̀ nə ghâsènì ə pomə̂ sê Njisə̀s. Ghâsènì kolə ə̀təm əfètə̂ temɔ̀m kûmə̀ nə ghâsènì ə pomə̂ sê Njisə̀s. Ə tè tsə̀fse mi mə chum ndû mi elùʼ vɛ ə tsò nyi mə è zə kyìŋ ka, e tɔŋtə̂ nə Patmòs kûmə̀ nə m tè ndàʼa tom ə̀ Fèzhə̀ tsâ se ghɨə kûmə̀ Njisə̀s.

Etyə̂yn ə paynsêzè 6:11

Zhə̀fè ə fo sèndzɨs se fɨfə̂sè sê nâʼàpî ndè ə ghənə ə fètəyn nə ghənə maʼ ə pìə nə ghənə mote kwəynsê tso ke se chə se zaʼâ kə ghɨ ətəynghe zhwite ghɨə fɨaʼa mɔ̀ʼɔghe, è ghɔnyì ə ghənə̂ghè, kè kə tè zhwi ghənə kə kɔ̂yn ətəynke kɔʼ kwəyn.

Etyə̂yn ə paynsêzè 7:14

Mə pə̀ynsə̀ sê vəyn nə, “M ke va ə Pɛ̀ apɨəyn, ə̀ ke ke ghò.” È və ke pì sê mi nə, “Ə̀ ghɨ̂nə nyi əghɨ ghɛ ə ghe tè mɔ̀mse, ə tsɛ̀ fɨə e tsə̀fsè ekwəmnə zɛ. Ghənə shù ndzɨs sə ghənə̂sè è ndə̂m mə Va Ndzèm, se fɨfə kə nyî.