1 Pità 5:3 - Ŋwàʼlè ə̀ Fèzhə̀ Mkâyn Mə̂ Fèm

³ Kə ghàyn ə zəʼtə̂ ndò ghɨ ghɛ ə fo nə ghàyn ə tɔ̂ʼnə̀ è ghənə. Ghàyn e pɨlə nə̂ ə̀ghɛ endom vɛ ə ghənə nə̀ səynə ghàyn.

1 Pità 5:3 ပူးပေါင်းရင်းမြစ်များ

Njɔyn 13:15

M za tyə̂yn chwìə sê ghàyn kə ghàyn ə nə̂ kə kə m nə̂yn.

Ətefɨ̂aʼ 20:28

Ghàyn e tɔ̂ʼnə̀ è ngɨŋ saynse è ghɨ ghɛ ə Zuʼse Ŋwaʼase fo sê ghàyn nə ghàyn ə chisə̂ ghənə. Ghàyn e tɔ̂ʼnə̀ è nɔ̂yn ə ghɨə pomə ə Fezhə̀ kɛ ə Va vəyn tè kwu kûmə̀ ghənə se nə̀yn nə ghənə ə nyi ə̀ ghɨə vəynghe.

1 Kɔlìŋ 11:11

Pîza, sê ghâsènì ghɛ ə pomə sê Pɛ̂pɛ, wùzhɔyn vayn kàʼa è və tyəm sə ngɨŋ, mə wùndômə̀ va, wùndômə̀ e vayn kàʼa è tyəm sə ngɨŋ, mə wùzhɔyn va.

1 Kɔlìŋ 3:5

Nâʼà pîza, Àpolòs nyi nde, Pɔ̂l e nyi ndè? Pîə ghàs nyì ke ə̀ghɨ ə fɨaʼa ə Fèzhə̀ kə fe fo se tsàmtè ə ghàyn nə ghàyn pomə zə, nâʼàpî ndè e nə̂ kə èfɨaʼ zɛ ə Pɛ̂pɛ fo nə è və nə̂ ə?

1 Kɔlìŋ 3:9

Ghàs tsɨ̀yntə̀ fɨaʼà kə sê Zhə̀fè əkɨ̂m. Ghàyn nyì ke kə afûʼ ə Fezhə̀kè fɨyn nyi ke kə ndɛ̂ zɛ ə Zhə̀fè pɛ.

2 Kolìŋ 1:24

Ghàs mɔ̀msə̀ chîəva se ŋamnê ə ghàyn nə ghàyn pomə ghɛ zɛ ə ghàyn kɔ̀ŋə̀ va, ghàs nyîə ke nə ghàyn fɛte tyəm ndò ə ghàyn epomə̂. Ghàs pɨlə fɨaʼà è ghàyn sə ghàyn ə chùŋ.

2 Kolìŋ 4:5

Ghɛ zɛ ə ghàs ndàʼà vachi kûmə̀ sèngɨŋ sasse, ghàs ndàʼà nə Njisə̀s Klâys nyi Pɛ̂pɛ, è kɨsè nə ghàs nyi əghɨ ghayn ghe fɨaʼaghe kûmə̀ Klâys.

Filìpây 3:17

Ghɔnyì ghɨmə, ghàyn e səynə̂ kə èndam zɨme. Ghàyn e ndamə kə kə ghɨ ghɛ ə ghàyn fe nə ghənə nə̂ ə̀ghɛ ghɛ ə ghàyn tè fe kə ghàs nə̀.

Filìpây 4:9

Ghàyn e nə̂ ə̀ghɛ ghɛ ə ghàyn tè laynə sê mi, fɨnə nə̂ ghɛ ə ghàyn tè zɨə kə m pîə è kɨsè ghɛ ə ghàyn tè fe kə m nə̂. Ə ghàyn nə̂ nyi, ə Zhə̀ fɛ ə fe fo pɔ̂ynè, ə Fə nyi ghâyn ghənə.

1 Tèsàlonikà 1:7

Kûmə̀ nyi, ghànə kə̀mnə̀ nyi kə chwìə sê ghɨ e poməghe əkɨ̂m ə Màsèndonyà è Àkayà.

2 Tèsàlonikà 3:9

Ə̀ tè nyì ke nâʼà eluʼ vasve se pì nə ghàyn ndaʼ ghàs efɨ̀aʼ zɛ ə ghàs fɨ̀aʼà, pîza ghàs ə nə̀ zɨnə mə kə ghàyn səyne ə pɔŋɔ fɨ̂aʼà kəpî kə ghàs.

1 Timotì 4:12

Kə ò za nə wùə ə chîynə̀ ghò kûmə̀ nə ò nyi vâyn èpɔ. Ò kyi sə̂ nyi sê ghɨ ə poməghe kə chwìə e ndom vɛ ə ò wàmnə̀ ətəyn. Ò ndamə èndam echûŋzè, kɔ̂ŋɔ̀ ə̀ghɨ, tyə̂nə̀ nə o kyi ndô kyî epomə̂zè sê Klâys fɨyn nyi è zoze

Taytùs 2:7

Nâʼàpî eghɛ èkè zɛ ə ò nə̀, ò kyi sə̂ nə̂ endom echûŋvè kə ghɨ əmɔ̀ʼɔghe kaʼa ə ghe səyne sê ghò. Ə nâʼàpî èghɛ èkè zɛ ə ò nə̀, ə ze ə tyə̂nə̀ nə ghɛ zɛ ə ò zaʼlə nyîə kyi èkɔʼnê, ə̀ nyi èghɛ mə ə̀ vachi èshî.

1 Pità 2:9

Pîza, sê ghàyn, ghàyn nyi əghɨ kə Zhə̀fè chɔʼ ndəm. Ghàyn nyi əghɨ ə kɔʼsə nə eshyə̀ghè ə ndɛ̂ Fèzhə̀, fɨ̂aʼà sê Zhə̀fè mə è nyi fɔ̀yn. Ghàyn nyi endaʼ əghɨ̀ eŋwaʼaze. Ghàyn nyi kàyntè əghɨ̀ ə Fezhə̀ ghɛ ə è chɔʼ nə ghàyn ə ndâʼà ə̀ghɛ kayntə ə Fezhə̀ fɛ ə Fe tè tɔŋɔ fɨsê ghàyn ə fètəyn àlɨm ə njìə ndzɨsə̂ ghàyn ə fètəyn èpayn ekayntə ə vəynze.