1 Pità 5:14 - Ŋwàʼlè ə̀ Fèzhə̀ Mkâyn Mə̂ Fèm

¹⁴ Ghàyn tɔŋte ngɨŋ saynse endom vɛ ə ve tyə̂nə̀ kɔ̂ŋzè kə ghɨ ə poməghe kyi sə̂ nə̂. M tsə̂mə̀ nə pɔ̂ynè ə Fèzhə̀ faŋ sê ghàyn əkɨ̂m ghɛ ə ghàyn pomə sê Klâys.

1 Pità 5:14 ပူးပေါင်းရင်းမြစ်များ

Matyò 5:47

Mə ghàyn tɔŋtə kə soyn saynse, ə nyi mə ghàyn nə̀ èghɛ zɛ ə nâʼà tsɨ̀yntsɨ̀ynə̀ wùə kàʼa è nəyn. Pî ə̀ghɨ ghɛ ə ghe keva Zhə̀fè nə̀ kəpî za?

Njɔyn 14:27

Pɔ̂ynè nyi afɨa kɛ M zâ sê ghàyn, ə nyi zɨ̂mè nə pɔ̂ynè zɛ M fo se ghàyn. M fo va zə̂yn sê ghàyn endom vɛ ə mbi fo ətəyn. Kə ghàyn ə kyi èfɨmsê, kə ghàyn ə fânə̀.

Njɔyn 16:33

M tsayn əghɛ nə ghɨ̂yn sê ghàyn nyi kə ghàyn faŋ sê Mi, ə kyi pɔ̂ynè. Mbi tə nə̂ ə ghàyn zɨ ngəʼ, pîza ghàyn kol təmə, Mə tɛ ghaʼ mbi.”

Njɔyn 20:19

Ə̀ tè nyì ke fumə ə fetuʼ, ə Sɔndè ezhwikwɨləke, chùmtè èpàm sə Njisə̀sè ə zùŋtə̀ ə ndɛ ə fà ècho ə ndɛve kûmə̀ nə ghənə tè nyîə fânə̀ ə̀ghɨ Njûsə̀. Njisə̀s ə pfɨ̀ŋə̀ tyəmə̂ kə ə ghənə əfètəyn ə pìə nə, “Ə pɔ̂ynè ə nyi sê ghàyn.”

Njɔyn 20:26

Epàmə̂ ngàm, chùmtè èpàm sə Vəynse e sè fɨyn tsɨs kepî ə ndɛ yî ghə̀ Tɔ̀mɔ̂s, mə ə kyɨ̀ŋ fa chondɛve, Njisə̀s ə pfɨ̀ŋə̀ tyəmə̂ ə ghənə əfètəyn, ə pìə nə, “Ə Pɔ̂ynè ə nyi sê ghàyn.”

Ŋwàʼlè ə̀ Pɔ̂l sê ghɨə Lûmghè 1:7

M nyâʼà ŋwàʼlè zɨ̀yn sê ghàyn əkɨ̂m endaʼ ə Lûmzè, ə ghàyn ghɛ ə Zhə̀fè kɔ̀ŋɔ̀, nyi mə Fe ə tɔŋɔ nə ghàyn ə nyi ə̀ ghɨə Vəynghe. Ə Zhə̀fè, Pɨ̀a sê ghâsènì yî Pɛ̂pɛ Njisə̀s Klâys, fo ghàyn fùʼkè è pɔ̂ynè.

Ŋwàʼlè ə̀ Pɔ̂l sê ghɨə Lûmghè 16:16

Ghàyn maŋne ngɨŋ saynse è kɔ̂ŋ ə Klâyszè. Ndɛ sə Fezhə̀ sə Klâys sekɨ̂m tomə ètɔŋtê ə ghənə̂zè sê ghàyn.

Ŋwàʼlè ə̀ Pɔ̂l sê ghɨə Lûmghè 8:1

Zhə̀fè nə̀ va nə wùə pfɨ saʼ ezhoghɛ ə è nyì sə afɨa àmɔ̀ʼ yî ghə̀ Njisə̀s Klâys.

1 Kɔlìŋ 1:30

Pîza ə̀ nəyn Fezhə̀ nə ghàyn ə nyi sə eghɛ èmɔ̀ʼ ghâyn ghə̀ Klâys Njisə̀s, ə nə̀ nə è və nyi ètɔf eghaʼâ ə ghasènìze, ə nə̀ nə ghâsènì ə tyəm chichi ə Zhə̀fè əshi tɔynə̂ ə Klâys, ə fɨnə tɔynə̂ kəpi ə Klâys ə nə̀ nə ghâsènì ə nyi è ŋwâʼzè, ə zhɔnə àtu ə ghasènìke.

1 Kɔlìŋ 16:20

Nâʼà ə̀ghɨ ə poməghe əkɨ̂m fàyn tomə ètɔŋtê. Ghàyn tɔŋte ngɨŋ saynse se tyə̀yn ekɔ̂ŋ əghɨ̀ epoməze.

2 Kolìŋ 13:12

Ghàyn tɔŋte ngɨŋ saynse endom vɛ ə ve tyə̂nə̀ nə ghàyn nyi əghɔyn ə Fezhə̀ghè.

2 Kolìŋ 5:17

Ə wùə nyi yî Klâys, è ve nyi wùə e fe, mə ndamə vəyn ze mɨ zə tsɛ̀, ze fe ze ze pə̂yn.

Ɛfesùs 6:23

Zhə̀fè, ə Pɨ̀a yî Pɛ̂pɛ Njisə̀s Klâys nyiə fo pɔ̂ynè sê ghɔnyiə e kɔ̂ŋ ə nə̂ nə zaʼnə̂ kə ə Fəynfe ewìyn.

1 Tèsàlonikà 5:26

Ghàyn tɔŋte ghɔnyì ghanə nâʼà ə̀kɨ̂m kè nâʼà endom se tyə̀yn ekɔ̂ŋ ə ghɨə poməghe.

1 Pità 1:2

Zhə̀fè, Pɨ̀a tè nyîə ke ghàyn, ə chɔʼ ghàyn nâʼà sə mɨ sə ghɨ̀ ezo ə vəynghe tɔynə̂ efɨaʼ ə Sezuʼ se Ŋwaʼase. Fe nəyn nyi kə ghàyn ə zɨə Njisə̀s Klâys, ə ndə̂m mə Və̂ynmè shu zose ghàyn. Ə Zhə̀fè fo fùʼ ə vəynke è pɔ̂ynè se ghàyn nâʼà se tsɨ̀.

3 Njɔyn 1:14

M kwàʼtə̀ se pə fe ghô kè fa mtuʼlə̂. M pə̂, kə ghasè ghò fe shwi m̀shwi, ə kâte kɔʼ ndu ə̀ghɛ ətəynghe.