1 Pità 5:12 - Ŋwàʼlè ə̀ Fèzhə̀ Mkâyn Mə̂ Fèm

¹² Ə̀ tsàmte Silàs mi nə m nyâʼ ŋwàʼlè zɨ̀nə sê ghàyn. Ə̀ nyì ke nâʼà ànyì vɛ ə kaʼa samse. Ŋwàʼlè ètɨmsə̂ nə zɨ̂yn nyì se fo ghàyn è təm ə tɛghe è kɨsè sê tyə̀yn nə ghɛ zɛ Zhə̀fè nyi mə fe ə nə̀yn sê ghàyn nyi chwìə səmɔʼ nə fe nyîə kɔ̂ŋə̀ ghàyn. Ghàyn tyəm ə tɛ, pomə̂ sê tom ə̀təyn.

1 Pità 5:12 ပူးပေါင်းရင်းမြစ်များ

Njɔyn 21:21

Pità ə fe zâ ə pfɨfə sê Njisə̀s nə, “Ə wùə vɨnə kwi zaynze ə Pɛ̂?”

Ətefɨ̂aʼ 11:23

Ə pə̀ kə è ndù fɨ fu, ə fe endom vɛ ə Zhə̀fè nyi mə Fe pɔsê ghɨghe, è ve saŋnə̂ nâʼà sə ŋaŋ ə təftə̂ ghənə nə ghənə ə chumtə̀ Fèzhə̀ è təm ə ghənə̂ ghəkɨ̂m.

Ətefɨ̂aʼ 15:22

Ghɨətom ə Njisə̀sghè è ghɨ chisəghe ə ndɛ ə̀ Fèzhə̀ghè, paʼsə̂ è əghɨə poməghe əkɨ̂m, ə saynə̂ se chɔʼ əghɨ yîghe ə ghənə əfètəyn se tom ə Antyòk yighə̀ Pɔ̂l è Pànapàs. Ghənə ə chɔʼɔ ə̀ ndômnè ə̀pɛ̀ ghɛ ə ghənə tè kyi kɔʼsêzè nâʼà sə ŋaŋ əghɨə poməghe əshi. Ə chɔʼɔ Njondàs mə tɔŋtə̂ vəyn nə Pasappàs è Silàs.

Ətefɨ̂aʼ 20:24

Pîza m njiə pi va ndam zɨme nâʼà sə eghɛ zhîze, kè ezhoghɛ m mɨsè nyɨŋ nə zɨ̂yn, ə mɨ̂sə̀ àfɨaʼ kɛ ə Pɛ̂pɛ Njisə̀s nyi mə è və fo se Mi, mə ə̀ nyì se ndàʼà ə tom èchùŋ kûmə̀ àfùʼ kɛ ə Zhə̀fè kyi sê ghɨghe.

Ŋwàʼlè ə̀ Pɔ̂l sê ghɨə Lûmghè 5:2

Ə̀ chwi vəyn èndomve sê ghâsènì ətə epomə̂ zɛ ə ghâsènì kyi, ze nə̂ nə ghâsènì ə ke àfùʼ ə Fezhə̀kè. Nyiəmə ghâsènì saŋnə̂ nâʼà sə ŋaŋ kûmə̀ nə ghâsènì kyi ndô kwâʼtèzè nə ə tə kyîə èpomsê ə Fezhə̀zè.

1 Kɔlìŋ 15:1

M kyiŋə zôyn ə ghɔnyì ghɨmə se pyə̀ytè ə tom èchûŋ zɛ m tè tsàyn sê ghàyn, gha zɨə ə pomə sè tyəm kə təyn.

2 Kolìŋ 1:19

Kûmə̀ nə Njisə̀s Klâys, Va Fèzhə̀ vɛ ə Silàs tè ndàʼa tom kûmə̀ vəyn ə ghàyn ə fètəyn, è Timotì è ngɨŋ zɨ̂mè, vachi vɛ ə È pìə “Eyn” fɨnə pîə “Ngaŋ.” Səmɔʼ ətəyn nyi nə è pîə tsɛ̂ kə nə, Èyn.

2 Kolìŋ 1:24

Ghàs mɔ̀msə̀ chîəva se ŋamnê ə ghàyn nə ghàyn pomə ghɛ zɛ ə ghàyn kɔ̀ŋə̀ va, ghàs nyîə ke nə ghàyn fɛte tyəm ndò ə ghàyn epomə̂. Ghàs pɨlə fɨaʼà è ghàyn sə ghàyn ə chùŋ.

Ɛfesùs 3:3

Ə̀ nyi eghɛ e ndətə zɛ ə Zhə̀fè tè pɨaʼte ndəm, ə̀ ke ke vəyn, tè tyə̀yn paynsê sê mi, kè eghɨ kə m se nyi mə mə səyne ə nyàʼà.

Ɛfesùs 6:21

M tomə Tìkikùs, ə è tsayn nâʼàpî ghè sê ghàyn kə ghàyn ke saʼghe kûmə̀ mi è ghɛ zɛ m nə̂. Ghàs kɔ̂ŋɔ̀ vəyn nâʼà àchûŋ. È nyi ke nâʼà ànyìə ghâsènì ve chùŋ, fɨ̂aʼà sê Pɛ̂pɛ ke nâʼà ètəm ə vəyn ghəkɨ̂m.

Kòlosè 1:7

Tom nə zɨnə mə sê ghàyn tè ndàʼa Èpafalàs, ə wùə àfɨaʼ ə̀ Njisə̀s Klâys. È nyi wùə vɛ ə ghasènyìə ghə̀ ghənə tè fɨ̀aʼa, ghàs e ngɨsə̂ kɔ̂ŋə̀ vəyn. È fɨ̀aʼà se Njisə̀s Klâys è təm ə vəynghe əkɨ̂m. Fɨ̂aʼ zɛ ə ghàs tè kyi se nə̀yn, ə̀ nyi zəynze ə è nə̀ zôyn kə è nyì ghâynghə̀ ghənə.

Kòlosè 4:7

Ànyìə ghâsènì Tìkikùs nə̀ tsâ se ghàyn nâʼàpî èghɛ èkè zɛ ə ze nyi mə zə kyàyn se mi. Ə̀ nyi soyn vâs vê pomə vɛ ə ghàs kɔ̀ŋə̀, ə̀ nyi vəyn vɛ ə è tsàmtə̀ mi è təm ə vəynghe əkɨ̂m, kɔʼsə Fèzhə̀ kaʼke amɔ̀ʼ ghasè vəyn.

Kòlosè 4:9

È pə̀ yî Ònesimùs ə ànyìə ghâsènì vɛ ə ə̀ nyi kepî wùə vâyn və ànɔ̀yn. È nyi kepî wùə èpomə èchùŋ, ghàs kɔ̀ŋɔ̀ vəyn nâʼà àchûŋ. Ghənə nə̀ tsâ nâʼàpî eghɛ èkè zɛ ə ze kyàynə̀ se ghàs fâyn.

1 Tèsàlonikà 1:1

Ə̀ nyâʼà mi Pɔ̂l, è Silàs è Timotì è ŋwàʼlè zɨ̀yn sê ghàyn ghɨ e poməghe ə Tèsàlonikà, mə za nyi əghɨ ə Fezhə̀ghè, mə za nyi pɨa, è ghɨə Pɛ̂pɛ Njisə̀s Klâysghè. Ə fùʼkè, è pɔ̂ynè ə nyi sê ghàyn.

2 Tèsàlonikà 1:1

Ə̀ nyâʼà mi Pɔ̂l ghasè Silàs è Timotì ŋwàʼlè zɨ̀yn sê ghàyn. Ghɨ ə pomə ghɛ ə ghe nyi ə Tèsàlonikà ə nyi sə afɨa amɔ̀ʼ è Zhə̀fè pɨ̀a ghâsènì, è Pɛ̂pɛ Njisə̀s Klâys.

Ipilù 13:22

M chyatə̂ ghàyn ə ghɔnyì ghɨmə nə ghàyn zɨte ghɛ zɛ ə m wâmnə̀ sê ghàyn se fo ghàyn è təm ə tɛghe. M pâʼà nyàʼ ghɛ se tsɨ̀ fa ŋwàʼlè zɨ̀yn ə m nyâʼ sê ghàyn.

1 Pità 1:13

Nyiəmə ghàyn pɨaʼte kwâʼtè taynte, nyi elɨmtêzè, ə ghàyn ndəm kwâʼtè zaynze ekɨ̂m ə afùʼ kɛ ə tə fo sê ghàyn ezhoghɛ ə Njisə̀s Klâys kɛse pə̂yn.

1 Pità 4:10

Zhə̀fè ə pɔse ghàyn ə fo tefo ə tekyì ə tekyì. E za tyə̀nə̀ nə nâʼàpî ndè kyi sə̂ njiə èfo ə vəyn zɛ ə Zhə̀fè fo nə̂ chùŋ sê ghɨə mɔ̀ʼɔ ghə ətəyn kə ghɨ fɨaʼa əchûŋ ə Fezhə̀ghè.

2 Pità 1:12

Kûmə̀ nyi, m nə zâŋsə̀ pɨ̂əytə̀ kə ndò ghɛ nə ghɨ̂yn sê ghàyn nâʼàpî kə ghàyn ke ghəynghe, tyəm tɛ ə səmɔʼ zɛ ə tè zaʼle ghàyn ətəyn.

2 Pità 2:15

Ghənə ə zà ndom èchùŋ ə njisə̀ sè kwiə endom ə Palàmvè, ə vâ Peyò vɛ ə è tè kɔ̀ŋɔ̀ kɛ vɛ ə è tè kyi mə è nə̀ əghɛ ə pighe,

3 Njɔyn 1:12

Ə̀ pə̀ pîndè wàmnə̀ kə achûŋ kûmə̀ Ndèmitiyùs. È nə̀ ə̀ghɛ ghɛ ə ghe nyi səmɔʼ, zɨnə mə echwîtə̀ nə è nyi wùə èchùŋ. Pî ghàs wàmnə̀ kə àchûŋ kûmə̀ vəyn. Ò nyi ə ke nə ghɛ zɛ ə ghàs pìə kûmə̀ vəyn nyi səmɔʼ.

Njût 1:3

Soyn sɨmse kɔ̀ŋsè, M tè nyîə mɔ̂msə̀ nâʼà ètyaʼke se nyàʼ sê ghàyn ghɛ kûmə̀ èsɔzà zɛ ə ghâsènì tsɨ̂ynte kyi, pîza zôyn mə fe nə m kyi se nyàʼ kûmə̀ èghɛ ə ndôzè mə ze nyi se chyatê ə ghàyn nə ghàyn no se ndə̀m ekyî epomə̂ zɛ ə Zhə̀fè nyi mə fe ə fo sê ghɨ ə vəynghe kè eshîŋə̀.