1 Pità 4:19 - Ŋwàʼlè ə̀ Fèzhə̀ Mkâyn Mə̂ Fèm

¹⁹ E za nyi nə ghɨ ghɛ ə ghe fê ngəʼ, mə ə̀ nyi ekɔ̂ŋ ə Fezhə̀zè nə ghənə fe ngəʼ, kyi se fo kə sèngɨŋ sə ghənə̂sè nâʼà sèkɨ̂m se Zhə̀ fɛ ə fe pom ghənə, ə ghənə faŋ ə nə̂ kə chùŋ.

1 Pità 4:19 ပူးပေါင်းရင်းမြစ်များ

Tom èchùŋ kè kə Lûk tè nyaʼ 23:46

Njisə̀s ə chîə nâʼà è kyə̀ etɛ ə piə nə, “Pɛ, m fo àzhwìsè kɨmke ə ò gho!” È və wamnə̀ pə̂ nyi ə tɨmə àzhwìsè ə kwûŋsə̀ a.

Ətefɨ̂aʼ 7:59

Ghənə ə faŋa sè tɨmnə̂ kə ndò Shìtifɨ̀yn, è ve tsə̂mə̀ ə pìə nə, “Pɛ̂pɛ Njisə̀s, njì zuʼ sɨmse.”

Ŋwàʼlè ə̀ Pɔ̂l sê ghɨə Lûmghè 2:7

Ghɨə mɔ̀ʼɔ ghə kol təmə ə faŋə nə̂ ndûə kə əghɛ əchûŋghè, kyiŋə epomsê, è kɔʼsêzè. Ghənə tə kyîə èndam zɛ ə ze tə mìə va. Zhə̀fè tə fo èndam zɛ ə ze tə mîə va se kyì əghɨ̀ nə ghɨ̂yn.

2 Timotì 1:12

Ə̀ za nyi eghɛ zɛ ə m zɨə ngəʼ endom nə vɨ̂yn. Pîza m pa ke kendò səmɔʼ nə, kûmə̀ nə m ke ndô wùə vɛ m samsə̂ vəyn, ke kendò səmɔʼ nə è nyi kàʼa e fɛte ndəm tom zɛ ə è tè fo sê mi se zaʼâ etuʼ ekwuŋsəve.

1 Pità 2:15

Ghɛ zɛ ə Zhə̀fè kyiŋə nyi nə ghàyn ə nə̂ ə̀ghɛ əchûŋghè endom nə vɨ̂yn kə ndam zaynze nəyn kə cho ə ngô əghɨ̀ ghɛ ə tsɨ̂nə̀ wâmnə̀ kə ndô ghɛ zɛ ə ghənə keva kɨm mɔŋ.

1 Pità 3:17

E pɨlə tsɔ̂fə̀ sə̂ fe ngəʼ kûmə̀ ə̀ghɛ chûŋə̀ kə wùə nə̂, ezhoghɛ ə̀ nyi eghɛ zɛ ə Zhə̀fè kyiŋə̀, tsɛ̂ sə̂ fe kûmə̀ ə̀ghɛ piə.

1 Pità 3:20

mə za nyi sezuʼ sə əghɨ̀ sɛ ə ghe tè zɨə va Zhə̀fè nâʼà sə mɨ kə Zhə̀fè tè lɨmtə è wəynsê ewìynze kə Nuwà tè pɛ ngwùʼ èghaʼâ. Ə̀ tè kwùʼ nyi ke ə̀shi əghɨ̀ghè nyì kə ghe tè nji ə ngwùʼ; ghənə tè nyi ə famə kə Zhə̀fè tè sɔ̀zâ tɔynə̂ mmò.