1 Pità 4:18 - Ŋwàʼlè ə̀ Fèzhə̀ Mkâyn Mə̂ Fèm

¹⁸ Kə nyi mə ə nyàʼ ə ŋwàʼlè ə̀ Fèzhə̀ nə: “Ə ze tɛ sê ghɨ echûŋə se sɔ fɨ, e tə nəyn ə ze ə nyi nâʼà zayn sê ghɨ ghɛ ghe ke va Zhə̀fè nə̂ pi ə?”

1 Pità 4:18 ပူးပေါင်းရင်းမြစ်များ

Tom èchùŋ kè kə Lûk tè nyaʼ 15:1

Tuʼfîfe, ghɨ ghɛ ə ghənə tè tənə tâksè yî ghɨ epi əmɔ̀ʼɔ ə tsɨ̀yntə̀ ə̀kɨ̂m sè ndùə kə ə Njisə̀s ə ngwùŋ, kyiŋə se zɨtə̂ ezaʼlê ə vəynze.

Tom èchùŋ kè kə Lûk tè nyaʼ 23:31

Ə nyiə kê nyâplə̀ e kaʼ fezɨ̂fe nyiə kə mi, ə tə nəyn nâʼà zàyn è fezomfe ə?”

Ətefɨ̂aʼ 14:22

Nâʼà pi elùʼ èkè vɛ ə ghənə tè nduə fɨə, ghənə ə nə̀ nə ghɨ poməghe tɔʼ kyî èpomə̂ ə ghənə̂zè ə fɨyn ndəm ətəm ə ghənə̂ eghɛ zɛ ə ghənə pomə. Ghənə tè zaʼlə nə, “Ghâsènì kyi se tsɛ tɔynê əfètəyn tètsòs te tsɨ̂ə kə nyi tsɔ̀fə ə se nji elùʼ efɔ̀yn ə Fezhə̀vè.”

Ətefɨ̂aʼ 27:24

Tsɨ̀ ə̀təyn ə pìə sê mi nə, ‘Pɔ̂l, kə ò fayn. Ò kyi se tyə̂m ə Kaysà əshi. Fe ə ndə̀m kèpi nə nâʼà wùə nə̀ kwu va əfètəyn ə̀ghɨ ghɨ̀yn ə ghâynghə̀ ghənə kwîə əmɔʼ nyi, kûmə̀ ətəm əchûŋ ghɛ ə fe kyi sê ghò.’

Ətefɨ̂aʼ 27:31

Pɔ̂l ə fe èghɛ ətəyn ə pìə sê tuə sesôkə̀ʼke è sokə̀ʼ sə mɔ̀ʼɔse nə, “Ə ghɨ ghɨ̀nə̀ ə ghe shînə̀ ngwùʼ zɨnə̀ va fa ə fètə̂ ngwùʼ èghaʼâ kwəynə, kə ghàyn ə kwaʼtə̀ nə ghàyn nə̀ zhiə ndò fɨave.”

Ŋwàʼlè ə̀ Pɔ̂l sê ghɨə Lûmghè 1:18

Zhə̀fè tyə̀nə̀ paynsə̂ ètɔŋ enyɔʼsə ə Vəynve, mə ve tso pə̂ awulə kûmə̀ ə̀ghɛ ə pi ghɛ ə ghɨə nə̂ è kɨsè kûmə̀ ə̀təm ə pi ghɛ ə ghənə kyi. Ghɛ əpi nə ghɨ̂yn nyîə kɨ̂ŋtə̀ ə̀ghɨ nə kə ke səmɔʼ.

Ŋwàʼlè ə̀ Pɔ̂l sê ghɨə Lûmghè 5:6

Shîŋə̀ kɛ ghâsènì tè kyi pîva tyaʼâ femɔ̀ʼ se tsàmtə sengɨŋ sə ghasènìse, Klâys tè kwu ə ghâsènì ghɨ pighe elùʼ ashìŋə̀ kɛ ə Zhə̀fè tè ndəm.

Ŋwàʼlè ə̀ Pɔ̂l sê ghɨə Lûmghè 5:8

Ə̀ vachi zamə kə Zhə̀fè nə̀, kûmə̀ nə ndom vɛ ə è chwìtə̀ ətəyn nə è nyîə kɔ̂ŋə̀ ghâsènì nyi nə Klâys ə kwu ə ghâsènì elùʼ mə ghâsènì pa nyi ə̀ghɨ pighe.

1 Kɔlìŋ 10:12

Ə ò kwàʼtə̀ nə ò fɛtê tyəm ndò ə ghò epomə̂, ò tɔ̂ʼnə̀ kə ò nə pfɨ ə pi.

1 Timotì 1:9

Ghâsènì kyi kepî sə̂ ke nə ə pâʼà fɛte lâŋ nə kɨ̂yn sê ghɨ ə chûŋə̀. Ə pɨl fɛtê se ghɨ ghɛ ə ghe kəmə lâŋkè è ghɛ ə ghe tɛ è tuve, è ghɨ ghɛ ə ghe ngɨmnə va Zhə̀fè, è ghɛ ə ghe nə̂ ghɛ piə, è ghɛ ə ghe tsə̂mə̀ va sê Zhə̀fè, è ghɛ ə ghe ndamə va ndam eŋwaʼze, è ghɨ ghɛ ə ghe zhwitə pɨ̀a ə ghənə kɨ̀sə nyì ghənə̂ghè, è ghɛ ə ghe zhwitə ghɨ mɔ̀ʼɔ,

Ipilù 4:1

Zhə̀fè ə tə tsɨ̀nə̀ nə ghâsènì tə kyîə àzɨ̀tè kɛ ə è tè wàmne kûmə̀ kəynke. Ə ghâsènì ə tɔ̂ʼnə̀ kə wùə se ghâsènì tə faŋ se kyî àzɨ̀tè kɛ ə Zhə̀fè tè tsɨ̀ne.

Njə̂m 5:6

Ghàyn ə nə̀yn nə ghɨə saʼa pi nə ghɨ ghɛ ə nyi ndɔ̀ʼɔ nəyn ghɛ epize nyi mə ə nə̀yn pi, ə vɛ zhwi ghənə mə ghənə paʼà ŋaʼsê cho ə ghənə̂ghè se pì eghɛ.

1 Pità 5:8

Ghàyn e tsɨs pfɨ̂tə̀, nyi etsɨ̂ŋnèzè, kûmə̀ nə pàyn zâynzè, mə za nyi ndə̂plè nyiə tàyntə̀ ka kə kə pìkəm, pɨa, kyiŋə wùə se zɨ̀.

2 Pità 3:7

Pîza kwutwəyn vɛ ə ve nyi zôyn, è chi kɛ ə ke nyi zôyn nyi mə ə̀ pisə̂ zâ Fèzhə̀ tɔynə̂ kəpî fɛ ə vəyn ewàmnè kə shîŋə̀kè tə kwəyn, ə è pofse ghənə è wusve. È pisə̂ zâ ghənə sê shîŋə̀ kɛ ə è tə saʼà pofsə ghɨ ghɛ ə ghe ke va vəyn.

Njût 1:15

se saʼ əghɨ ə̀kɨ̂m, è se pì nə ghənə əkɨ̂m ə pfɨ̀ saʼ kûmə̀ ə̀ghɛ ə pighe əkɨ̂m ghɛ ə ghənə nyi mə ə nə̀yn, è wâmnè tepi tekɨ̂m tɛ ə ghɨ epi ghɛ ə ghe ke va Zhə̀fè tè wàmne kûmə̀ Fèzhə̀.”