1 Pità 4:13 - Ŋwàʼlè ə̀ Fèzhə̀ Mkâyn Mə̂ Fèm

¹³ Ghàyn e pɨlə saŋnə̂ nə ghàyn pɔŋɔ fe ngəʼ kèpi kə Klâys kə è tə pî è kɛsə̂ pə̂ endom ekayntə vîve, ə ghàyn ə saŋnə̂ nâʼà sə ŋaŋ.

1 Pità 4:13 ပူးပေါင်းရင်းမြစ်များ

Matyò 16:27

Kûmə̀ nə Va wùə se nyi ke se pə̀yn ə pɨ̀a vəyn epomsê è tsì sə vəynse. Ə nyì fumə ashìŋə̀ ə è nə̀ mâʼtə̀ nâʼà pîndè tɔynə̂ efɨ̀aʼ zɛ è nyi mə è və nə̀yn.

Matyò 25:21

Pɛ̀ efɨaʼ ə̀ vəyn ə piə sê vəyn nə, ‹Ò nə̀yn àchûŋ. Ò nyi ke nâʼà wùə èfɨ̀aʼa èchùŋ, fɨyn nyi səmɔʼ. Ò vâ nyîə nyi səmɔʼ sə̂ tɔ̂ʼnə̀ èkɛ etətə̂vè, M nə̀ fo ghò èkɛ e tsɨəve nə ò tɔʼne è vəynve. Nji pə ə chyàtə̀ ə mì esaŋnê.›

Matyò 25:23

Pɛ̀ èfɨ̀aʼ ə̀ vəyn vɛ ə pìə sê vəyn nə, ‹Ò nə̀yn kè nâʼà àchûŋ. Ò nyi ke nâʼà wufɨ̀aʼa èchùŋ, fɨyn nyi səmɔʼ. Ò va nyiə nyi səmɔʼ sə̂ tɔ̂ʼnə̀ èkɛ etətə̂vè, e za nyi nə m nə̀ ndə̂mə̀ ghò ə o tɔ̂ʼnə̀ èkɛ etsɨəve. Nji pə ə chyàtə̀ ə mì esaŋnê.›

Matyò 25:31

Njisə̀s ə pìə kwəynsə̂ nə, “Vâ wùə tə pə̂ kə fɔ̀yn è tsì sekɨ̂m yî vəyn, ə è tsɨsə ə fèkyə̂ fə efɔ̀ynfè se saʼa əghɨ.

Matyò 25:34

Ə Fɔ̀yn ke pì sê ghɨ chichighe ə vəyn ekɔyn twɔve nə, ‘Ghàyn pəyn, ə ghàyn ghɨnə ə Pɨ̀a vɨm pɔse nyi! ghàyn nji pəyn ə kyi pɔsə efɔ̀yn ə Fezhə̀ vɛ ə nyi mə ə pɨaʼtê se ghàyn nâʼà kə tè pom mbi.

Matyò 5:12

Ghàyn e saŋnə̂ fɨnə tyalə, kûmə̀ nə ə ndə̀m mâʼte eghaʼâvè ekwùtwəyn sê ghàyn. Ə̀ nyì kepî za kə ə tè chɔʼɔ ghol ə sèfɨ̀aʼtè sə shise.

Ŋwàʼlè ə̀ Mâk 8:38

Ə nâʼà pîndè vɛ è ghomə kûmə̀ mi è zaʼlê zɨme əghɨ mbighe əshi ghɛ ə pomə va Zhə̀fè, ə Vâ wùə tə pɔŋ ghomə̂ kûmə̀ vəyn ezhoghɛ è kɛse pə̂yn əfètə̂ èpomsê ə Pɨ̀a vəynze yî tsì sə vəynse ŋwaʼase.”

Tom èchùŋ kè kə Lûk tè nyaʼ 17:30

Ə̀ za nyi kə ghɛ tə nə̂ ə ghe ə nyi etuʼ vɛ ə Va Wùə pə̀ ətəyn.

Ətefɨ̂aʼ 16:25

Ə nə̀ nə̂ nyi ə fètəyn ètuʼ, Pɔ̂l yî Silàs e sè tsə̂mə̀, zhəmə sènjàŋ sê Zhə̀fè, ghɨ ndɛ̂ chaʼ yîghe e zɨtə̂ kə ghənə zhəmə, tsə̂mə̀.

Ətefɨ̂aʼ 5:41

Ghɨətom ə Njisə̀sghè ə ndò elùʼ nə vɛ, saŋnə kə nyi kûmə̀ nə Zhə̀fè ə fe nə ghənə ə kwəyn se kyîə eghomə̂ kûmə̀ ezə Njisə̀szè.

Ŋwàʼlè ə̀ Pɔ̂l sê ghɨə Lûmghè 5:3

Ghâsènì fɨnə saŋnə̂ kûmə̀ ètsôs vɛ ə zɨə, ke nə kwâʼtèzè pə̀ ndò ekol ətəmze.

Ŋwàʼlè ə̀ Pɔ̂l sê ghɨə Lûmghè 8:17

Kə ghâsènì se nyi ə̀ ghɔyn ə vəynghe, ghâsènì tə kyîə ndò pɔsê tɛ ə È ndə̀m sê ghɔ vəynghe, ə kyi kepî ghasènyìə ghə̀ Klâys fɨa vɛ ə Zhə̀fè nyi mə fə ndə̀m se Vəyn, kûmə̀ nə ə ghâsènì zɨ tsôsvè ghasènyìə ghə̀ Klâys, ə ghâsènì tə kyî kepî èpomsê ə vəynze.

Ŋwàʼlè ə̀ Pɔ̂l sê ghɨə Lûmghè 8:18

M njîə va nə tsôs vɨ̀yn ə ghâsènì fe zôyn fa ashìŋə̀ nyì nâʼà eghɛ zhîze, ə ghâsènì fɨ̀aʼnè vəynve è pomsê zɛ ə tə tyə̂nə̀ paynsə̂ sê ghâsènì ashìŋə̀ kɛ ə ke nyi se tə pə̀yn.

2 Kolìŋ 1:5

Kè kə ze nyi səmɔʼ nə ghâsènì nyi mə ə chàtè ə Klâys ə se ngəʼ se tsɨəse, ə̀ nyì kepî zamə kə tɔynə̂ ə Klâys, ghâsènì ə chàtè ə Zhə̀fè etsàmtè eghâʼazè.

2 Kolìŋ 1:7

Kwaʼtè zasze se ghàyn nə ghàyn nə̀ pfɨ̂ va ə ghàyn epomə̂ tɛ kə nyi, ghàs ke ndô nə kè kə ghàyn chyàtə̀ ə ghàs ezə ngəʼze, ghàyn chyàtə̀ kəpi ndò etsàmtè zɛ ə ghàs tè fi.

2 Kolìŋ 4:10

Nâʼà ə teshîŋə̀ tèkɨ̂m, ghâsènì nyi mə ə pɨaʼà kwu ə Njisə̀szè ə ghâsènì achaʼ mwìynke, endom kə ə nyi kàʼa fe kepî èndam ə Vəynze ə ghâsènì mwìyn.

2 Kolìŋ 4:17

Tsôs etətə̂ vɨnə̀ ə ghâsènì fe zôyn fa fendiŋə̀ fə ashìŋə̀fè tə pə̂ ghâsènì è pomsê eghaʼazè mə ze tə mìə va, mə ə vayn kaʼa fɨaʼne zɨnə mə è tsôs vɛ ə ghâsènì fe.

Filìpây 3:10

M kɔ̂ŋə̀ se kê ə Klâys, kyiŋə se kyî atyaʼ kɛ ə è tè kyi kə è tè zòmə. M kyiŋə sə̂ pa zɨə kə ngəʼ eghɨ kə è tè zɨə. M kɔ̂ŋə̀ se kyiə kəpì etsôs vɛ ə è tè kyi, se zaʼâ kə ə zhwi kepî mi kə tè zhwi Vəyn.

Kòlosè 1:24

M saŋnə̂ ndò zôyn kə m zɨə ngəʼ kûmə̀ ghàyn. Kə m zɨə ngəʼ nə zɨnə mə, mə mɨ̀sè zɨə ngəʼ ə Njisə̀s zɛ ə ze tè kyi sə̂ nyi ə vəyn ewìyn vɛ, ə ve nyi əghɨ̀ ghɛ ə ghe pomə sê vəyn.

2 Timotì 2:12

Ə ghâsènì ndù ke eshike sə̂ kolə ə̀təm, ə ghâsènì ghə̀ vəyn tə nəyn ə saʼə mbi. Ə ghâsènì kwiynse nə ghâsènì ke va vəyn, ə è tə pɔŋ kwiynsê nə zhi ke va ghâsènì.

1 Pità 1:13

Nyiəmə ghàyn pɨaʼte kwâʼtè taynte, nyi elɨmtêzè, ə ghàyn ndəm kwâʼtè zaynze ekɨ̂m ə afùʼ kɛ ə tə fo sê ghàyn ezhoghɛ ə Njisə̀s Klâys kɛse pə̂yn.

1 Pità 2:21

Ə̀ nyi eluʼ vaynve sə̂ fe ngəʼ nə zɨ̂yn kûmə̀ nə Klâys ə tə fe kepî ngəʼ kûmə̀ ghàyn ə tyə̀nə̀ èghɛ nə ghàyn ə səynə̂ se chùmtè aghol ə vəynke.

1 Pità 5:1

Ə mi kèpî kə chəʼ, ə wùə vɛ ə m tsâ sê ghɨ kə Klâys tè fe ngəʼ, mə m nyi wùə mə pomsê ə Klâyszè tə pə̂ kəpî sê mi, m chyatə̂ ghàyn nə,

1 Pità 5:10

Ghàyn nə̀ fe ngəʼ kè sə fendiŋə̀ fə ashìŋə̀fè nyi, epàm ətəyn, ə Zhə̀ fɛ ə fe nə̂ chùŋ se ghâsènì əghɛ ə̀kɨ̂m, mə Fe ə tɔŋə̂ ghâsènì nə ə nyi paʼsê kepî ə vəyn ə fètəyn èghaʼ sə afɨa àmɔ̀ʼ è Klâys. Nâʼà vəyn è ngɨŋə̂ vəyn tə nə̂ kwəynsə̂ nə ghàyn ə kyi àtyaʼ, tyəm tɛ ə ghàyn e samsê, ə è nəyn ə ghàyn ə ndam kyi ekol ətəmze.

Njût 1:24

Sê Vəyn vɛ ə è kàʼa è ndəm ghàyn nə kə ghàyn pfɨ, è kɨsè se pə̀yn ghàyn è saŋnê eghaʼâzè mə ghàyn kyi va ləʼke ə və shi, ə̀ nyi eluʼ epomsəve.

Etyə̂yn ə paynsêzè 1:7

Ghàyn fe kə, è vɛ è pə̂ əfètəyn sembàʼ, nâʼàpî ndè e nyi se fe vəyn, paʼsə̂ è ghɨghe əkɨ̂m ghɛ ə ghe tè so vəyn èghɔŋ. Nâʼà ə̀ghɨ ə̀kɨ̂m ə chi tə nə̂ ə chìə kûmə̀ vəyn. E nyi ke nâʼà səmɔʼ! ə zə nyi ke zamə.

Etyə̂yn ə paynsêzè 1:9

M nyi Njɔyn ànyì vâynvè, ə vɛ ə è fe kəpî tsôsvè kə ghàyn kûmə̀ nə ghâsènì ə pomə̂ sê Njisə̀s. Ghâsènì kolə ə̀təm əfètə̂ temɔ̀m kûmə̀ nə ghâsènì ə pomə̂ sê Njisə̀s. Ə tè tsə̀fse mi mə chum ndû mi elùʼ vɛ ə tsò nyi mə è zə kyìŋ ka, e tɔŋtə̂ nə Patmòs kûmə̀ nə m tè ndàʼa tom ə̀ Fèzhə̀ tsâ se ghɨə kûmə̀ Njisə̀s.