1 Pità 4:12 - Ŋwàʼlè ə̀ Fèzhə̀ Mkâyn Mə̂ Fèm

¹² Soyn sɨmse atyaʼse, kə ghàyn ə nyi è kayn kə mɔ̂m ekwəmnəze pə̂ sê ghàyn, kəpiə ə̀ nyi eghɛ efe zhîzè ə ze pə̂ se ghàyn.

1 Pità 4:12 ပူးပေါင်းရင်းမြစ်များ

1 Kɔlìŋ 10:13

Nâʼàpi èmɔ̂m èkè zɛ ə ghàyn nyi mə fe, nyi ekyì zɛ ə ze pə̂ sê nâʼà pî wùə m̀sɔ̀ŋ èkè. Pîza Zhə̀fè nə̀ èghɛ zɛ ə fe tsɨ̂nè, mə è vayn kaʼa ə è za nə ò tsɛ tɔynê emɔ̀m mə ze kaʼa ə ze nəyn ə ò pfɨ ə pi; ə shîŋə̀ kɛ ə mɔ̂mè pə̀yn se ghò, ə è fo ghô tyaʼa nə ò kol təmghe ə ò tsɛ tɔynê ətəyn.

1 Kɔlìŋ 3:13

Ə tə tyə̀nə̀ paynsə̂ nâʼàpî èkyî efɨaʼ èkè zɛ ə nâʼàpî ndè tè fɨ̀aʼa. Ə̀ nyi epayn zɛ ə ze tə pə̂ ə ze ə nyi ə fetuʼ fɛ ə Klâys tə kɛsə pə̂, ə ze tə tyə̂ynə̀ paynsə̂ fɨ̂aʼ ə nâʼàpî ndèze. Ə tə mɔ̂mə̀ nâʼàpî èfɨaʼ ə ndɛze, ə ze tyən kyì efɨ̀aʼ zɛ ə wùə tè fɨaʼa nə ze tsɔ̂fə̀ ndò mə ze pofə ndô.

2 Timotì 3:12

Ə̀ kɔ̀ŋə̀ pîndè sə ndamə èndam ə Fezhə̀zè kaʼke amɔ̀ʼ yî Klâys Njisə̀s, ə kyi se tə tsə̂fsè ə vəyn.

1 Pità 2:11

Soyn sɨmse, ghàyn nyi mə ghàyn tsɛ̀ èndom, ghàyn va əghɨ mbiə fâghe. Ə̀ za nyi eghɛ zɛ ə m chyatə̂ ghàyn nə kə ghàyn ə nə̂ ghɛ ghɛ ə njà se wìynse saynse kyiŋə kûmə̀ nə ghɛ nə ghɨynə nò sezuʼ saynse.

1 Pità 4:4

Zôyn, ghɨ ghɛ ə ghe ke va Zhə̀fè nyi è kaynze nə ghàyn fɨyn va əmɔʼ sə ndamə kə senyam sə mbvɨyn sɛ ə vayn kàʼa chise. Zɨnə mə ə nə̀yn, ghənə ghɛ ə kɛse sè sôylə̀ ghàyn.

1 Pità 5:9

Ghàyn tyəm ə ghàyn ə tɛ ə ghàyn ekyî epomə̂zè kə ghàyn tàʼa pomə̂ eghɛ zɛ ə è pìə kûmə̀ nə ghàyn nyîə ke nə ghɔnyì ghaynghe ghɨə pomə fe kəpî èkyì ə ngəʼ nə zɨ̂yn mbi èkɨ̂m.