1 Pità 4:11 - Ŋwàʼlè ə̀ Fèzhə̀ Mkâyn Mə̂ Fèm

¹¹ Ə wùə ndàʼà ghɛ ə Fezhə̀zè, è ve ndàʼà kə nâʼà èghɛ zɛ ə ze ndò pə̂yn sê Zhə̀fè. Ə wùə nyi wufɨ̀aʼa, è ve fɨ̂aʼà è tyaʼ kɛ ə Zhə̀fè fo sê vəyn. Ghàyn e nə̂ kə nyi kə ghɨghe ə tsîtə̀ Fèzhə̀ tɔynə̂ ə Njisə̀s Klâys vɛ ə è kyi pomsêzè è tyaʼke sə teshìŋə̀ tèkɨ̂m. Ə zə nyi ke zamə.

1 Pità 4:11 ပူးပေါင်းရင်းမြစ်များ

Matyò 6:13

Kə ò zâ nə ghàs pfɨə nji emɔ̀m pîza kɨ̀ŋte ghàs sê satàyn.

Njɔyn 13:31

Ə̀ tè nyi kə Njondàs fɨ ndû zâ, Njisə̀s ə ke pì nə, “Shîŋə̀kè ə kwəyn kə ə fe tyaʼ ə Va Wûəkè. Ə fɨyn fe kepî èpomsê ə Fezhə̀zè tɔynə̂ ə Vayn.

Ətefɨ̂aʼ 7:38

Ə̀ nyì vəyn vɛ ə è tè nyì tsɨ̂yntè yî ghɔyn Isìlâyghè endaʼ ashəshəze. È tè nyi fu yî pɨ̀a ghâsènì ghəshiə ashìŋə̀ kɛ tsì zɛ ə Zhə̀fè tè tom tom ə pfɨ̀ynə̀ Sinày wàmnè sê ghənə. Tom nə zɨnə ə Mosîs tè fi sê tsì nyi zɛ ə ghâsènì pa chùmtə̀.

Ŋwàʼlè ə̀ Pɔ̂l sê ghɨə Lûmghè 11:36

Ə̀ fɛtə̂ Fèzhə̀ fɨave e kɨ̂m, fɨa ətəyn ve nyi kûmə̀ nə Fe kɔ̂ŋɔ̀ nə ve ə nyi, ə̀ kyi vəyn è fɨa ətəynve ekɨ̂m. Pomsêzè nyì se Zhə̀fè sə teshìŋə̀ tèkɨ̂m. Ə ze ə nyi ke zamə.

Ŋwàʼlè ə̀ Pɔ̂l sê ghɨə Lûmghè 12:3

Kûmə̀ àfùʼ ə Fezhə̀ kɛ ə è fo sê mi, m pîə se ghàyn əkɨ̂m nə kə ghàyn nə nji sèngɨŋ saynse ekwùtwəyn endom vɛ ə ghàyn kwàʼtə̀ ətəyn, ghàyn e pɨlə njîə sèngɨŋ saynse ə chi ə ghàyn ekwâʼtè. Nâʼàpî ndè kyi se fe ngɨŋə̂ vəyn əfètə̂ èpomə eghɨ kûmə̀ èfo zɛ ə Zhə̀fè nyi mə fə fo sê vəyn.

Ŋwàʼlè ə̀ Pɔ̂l sê ghɨə Lûmghè 16:27

Ə̀ nyì ke Fèzhə̀ fəynfe nɨŋ ə fe kyi tɔf tekɨ̂m. Ə ghâsènì pomse fəynfe kûmə̀ èghɛ zɛ ə Njisə̀s Klâys nə̀yn, sə te shîŋə̀ tèkɨ̂m. Ə zə nyi ke zamə.

Ŋwàʼlè ə̀ Pɔ̂l sê ghɨə Lûmghè 3:2

Chùŋ ètsɨə nyîə nyi, zə shi e nyi nə ə̀ nyi ə ghənə əgho ə Zhə̀fè tè fo tom èchùŋ.

1 Kɔlìŋ 10:31

Nyiəmə, nâʼàpî èghɛ èkè zɛ ə ghàyn nə̀, kɨ̀sə ghàyn zhiə ndò kɨ̀sə ghàyn mɨə ndò, ghàyn e nə̂ zamə kè se pomsê ezə Fezhə̀zè.

1 Kɔlìŋ 12:4

Kyì tə tefo tə Sezuʼ se Ŋwaʼate tsɨ̀ə kə nyî, pîza mə ə̀ fo kə Sèzuʼ sə Fezhə̀ semɔ̀ʼ.

1 Kɔlìŋ 3:10

Mə tè njì fo zɛ ə Zhə̀fè tè fo sê mi ə ndə̀mə̀ àchi ə ndɛke kə̂ wùə vɛ ə è fɛte ke èpɛ, wùə mɔʼɔ̂ e sè pɛ etûə təyn. Nâʼàpî ndè e tɔ̂ʼnə̀ e ndom vɛ è pɛ ətəyn.

1 Kɔlìŋ 6:20

Zhə̀fè se nyi mə Fə zhɔyn ghàyn ə ndàʼà. Ghàyn nji wiyn vaynve ə ghàyn ə kɔʼsə̂ Fèzhə̀ ətəyn nə̂ ə̀ghɛ ətəyn, ghe fo èpomsê sê Zhə̀fè.

2 Kolìŋ 2:17

Ghàs va kə tsɨ̀tsɨ̂ ə̀ ghəmɔ̀ʼɔ ghɛ ə ghe nji ghɛ Fezhə̀ sə afɨa ezhɔynke, pəʼlə̂ sə ekɛ. Ə̀ tom Fèzhə̀ ghàs nə ə nə̂ èfɨ̂aʼ nə zɨ̂nə̀, ghàse ndàʼà kə nâʼà səmɔʼ ə Zhə̀fè əshi kə əghɨ efɨaʼa ə Klâysghè.

2 Kolìŋ 9:13

Fɨ̂aʼ nə zɨ̂nə̀ ə ghàyn nə̂ nyî tyə̂nə̀ ə̀təm əchûŋ ghɛ ə ghàyn kyi sê ghɨ, fɨnə nə̂ nə ghɨə tsɨəghe ə fo epomsê se Zhə̀fè kûmə̀ nə ghàyn ə ndə̀m təm ghaynghe ə tom èchùŋ ə̀ Klâys zɛ ə ghàyn ndàʼà, è kɨsè nə ghàyn nyîə chyâtə̀ èfɨa, fo ghənə, fɨnə fo ə̀ghɨ əmɔ̀ʼɔghe.

Ɛfesùs 1:19

tsə̂mə̀ kəpi nə ghàyn fe kê àtyaʼa kayntə kɛ ə Zhə̀fè kyi, ə nyi kəyn kɛ ə ke tsàmtə̀ ghâsènì ghɨ poməghe. Ə̀ nyi kepî àtyaʼ kɛ ə è nji

Ɛfesùs 4:29

Kə ghɛ epi tə fɨ ə wùə echo. Ghàyn e pɨlə pìə kə ə̀ghɛ ghɛ ə ghe kaʼa ghe tsamte ghɨ ghɛ ə ghe kyi fɨmsê kə ə̀ nə zɨə pî ndè wâmnè zaynze, è və zhiə èghɛ.

Ɛfesùs 5:20

Ghàyn e fo àzɔ̀ŋnè sê Zhə̀fè fɛ ə nyi Pɨ̀a kûmə̀ nâʼàpî ghè kè shîŋə̀ tekɨ̂m kûmə̀ Pɛ̂pɛ ə̀ ghâsènì Njisə̀s Klâys.

Ɛfesùs 6:10

Se kwùŋsè, m pìə nə ghàyn zaʼne kə Zhə̀fè ewìyn, ə fe fo tyaʼa sê ghàyn kûmə̀ nə fe kyi ndô tyaʼa kayntəke.

Filìpây 1:11

Ə ze se nyi nyî ə Njisə̀s Klâys nəyn, ə ghàyn ə ndamə èndam ə chichize, kə ghɨ fe ə fo èpomsê sê Zhə̀fè, fɨnə tsîtə̀ fəynfe.

Filìpây 2:11

ə nâʼàpî ndè pi ə ndayn nə Njisə̀s Klâys nyi Pɛ̂pɛ, È pîə nyi, pomsê ətəynze e ndûə sê Zhə̀fè, ə̀ nyi pɨ̀a.

Kòlosè 4:6

Wâmnè zaynze kyi sə̂ pɔynə̂ fɨnə fɔmə, ə ghàyn ə ke kepî èndom echûŋ vɛ ə ghàyn kàʼa fo pə̂ynse echûŋzè ətəyn se nâʼàpî ndè.

1 Tèsàlonikà 2:4

Ghàs pɨlə wàmnə̀ kə kə Zhə̀fè kyiŋə kûmə̀ nə è və kyàʼsè naynê ghàs ə fe nə ghàs nyi ə ghɨ ə è kàʼa è samse nə ghàs ndaʼa tom èchùŋ, nyiəmə ghàs e ndàʼà va endom vɛ əghɨ kyiŋə, pîza se nə̀yn nə Zhə̀ fɛ fe kyaʼsə̀ naynə təm ghasghe ə saŋnə̂.

1 Timotì 1:17

Ghàs tsə̂mə̀ nə ə fɔ̀yn vɛ ə è saʼa se zaʼâ kə mbi tə mi, ə vɛ è kyi ndam zɛ ə ze tə mîə va, e vayn kaʼa fe vəyn, mə ə̀ nyì ke vəyn Zhə̀fè, kyi sə̂ kyi èkɔʼsê è kɨsè pomsêzè sə teshìŋə̀ tèkɨ̂m. Ə zə nyi ke zamə.

1 Timotì 6:16

Ə̀ nyì ke Vəyn vɛ ə è tə kwuə va, È ndamə epayn zɛ ə wùə vîvè vayn kàʼa è kɨŋte etipìə təyn. Wùə vîvè paʼà tyəmə̂ fe Vəyn. E saʼa mbi zɨ̀yn nâʼà è tyaʼa sə teshìŋə̀ tekɨ̂m! Ə zə nyi ke zamə.

Taytùs 2:1

Pîza sê ghò ə Taytùs, ò kyi sə̂ zaʼlə kə èghɛ zɛ ə ze nyi səmɔʼ.

Taytùs 2:15

Ò zaʼlə̂ ə̀ghɛ nə ghɨ̂yn sê ghɨ ə poməghe, fo ə̀təm sê ghənə nə ghənə ə nə̂ ghəynghe. Ò nyi ə̀ kyi àtyaʼ se zɔ̀ ə ghənə nâʼàpî ashìŋə̀ àkè ezhoghɛ ə ghənə nə̂yn pofse, mə ò kyi va se zà nə wùə sê ghənə chiyne ghô.

Ipilù 13:7

Ghàyn e kwâʼtə̀ ètu vayn vɛ ə ve tè ndàʼa ghɛ ə Fezhə̀zè sê ghàyn sə shi. Ghàyn e kwâʼtə̀ tèndam tɛ ə ghənə tè ndamə è ndom vɛ ə ghənə tè kwuə ətəyn. Ghàyn səyne kyî epomə̂ zɛ ə ghənə tè kyi.

Ipilù 5:12

Ghàyn fe nyì sə̂ nyi zôyn, zaʼlə̂ ə̀ghɨ è ghɛ Fezhə̀zè pîza wùə pa kyi kendò se zaʼlə ghàyn è ghɛ ə shighe kûmə̀ tom ə̀ Fèzhə̀. Ghàyn pa kyi ke sə̂ nyɔŋɔ èyiyn nyiə kə ghɔyn epɔ. Ghàyn paʼà nyìəm kwəyn sə̂ zhiə èfɨazhiə e twɔve.

Njə̂m 1:19

Ghàyn tɔʼ zɨte zɨnə ə ghɔnyì ghɨm ghe chûŋə̀: Ə nâʼàpî ndè ə tɔ̂ʼɔ̀ ndə̂mə̀ àtu se zɨtê, ko kyîə èwiyn ə vəynve se wàmnè, fɨnə ko kyîə èwiyn ə vəynve se nyɔ̀ʼsè etɔŋ.

Njə̂m 1:26

Ə wùə kwàʼtə̀ nə zhi chùmtə̀ Fèzhə̀ endom echûŋve, pîza, ke va se kyiə andəm ə vəynke, è və ke nə è lesə̂ kə ngɨŋ ə vəyn, kwàʼtè ə vəynze nə zhi chùmtə̀ Fèzhə̀ kwəynə va nâʼà eghɛ zhîzè.

1 Pità 2:12

Ghàyn e ndamə tèndam techûŋtè kə ghɨ ghɛ ə ghàyn ndamə ə ghənə fètəyn, ghənə e ke va Zhə̀fè nə kaŋa ghâmə̀ pî ghàyn, ə ghənə tə fe kê ə̀ghɛ ghayn ghe chûŋghè ə fetuʼ fɛ ə Zhə̀fè tə kɛsə pə̂ se saʼ, ə ghənə ə tsîtə̀ Fèzhə̀.

1 Pità 2:5

Ghàyn pɔŋ nyi kepî kə əchi ghɛ ə ghe kyi ndamze. Ghàyn za ngɨŋ saynse kə ə nji ghàyn ə pɛ ndɛ ə̀ Fèzhə̀ ətəyn, mə ghàyn fɨaʼà kə əghɨ èkɔʼsə nə eshyə̀ ə ŋwaʼaghe, fo tèfo tɛ ə zuʼsə Fezhə̀ sè chiyntə nə ghənə ə fo mə Zhə̀fè nyîə fiə təynte kûmə̀ èghɛ zɛ ə Njisə̀s Klâys nyi mə È və nə̀yn.

1 Pità 4:10

Zhə̀fè ə pɔse ghàyn ə fo tefo ə tekyì ə tekyì. E za tyə̀nə̀ nə nâʼàpî ndè kyi sə̂ njiə èfo ə vəyn zɛ ə Zhə̀fè fo nə̂ chùŋ sê ghɨə mɔ̀ʼɔ ghə ətəyn kə ghɨ fɨaʼa əchûŋ ə Fezhə̀ghè.

1 Pità 4:16

Pîza, ə wùə sê ghàyn fe ngəʼ kûmə̀ nə è chùmtə Klâys, kə è ghomə, ə è və pɨlə kɔʼsə̂ Fèzhə̀ kûmə̀ nə è pomə̂ ə ezə ə Klâyszè.

1 Pità 5:11

Ə tyaʼke ə nyi sê vəyn sə teshìŋə̀ tèkɨ̂m. Ə ze ə nyi ke zamə.

Njût 1:25

Ə pomsêzè ekɨ̂m ə nyi sê vəyn vɛ ə̀ nyì ke vəyn Zhə̀fè, ə vəyn vɛ ə è nyi sɔ̀zà ə̀ ghâsènì tɔynə̂ ə Njisə̀s Klâys Pɛ̂pɛ ə̀ ghâsènì. Zhə̀fè tè kyi epomsê, è ghaʼze, è tyaʼke. È tè saʼa è tyaʼ eghaʼâkè tsɔ̀fə kə ə se pomə mbi, è pa nyi ke zamə, nyi se faŋ sə̂ nyi ke zamə nâʼà kə ghè tə ghayn. Ə ze ə nyi ke zamə.