1 Pità 3:9 - Ŋwàʼlè ə̀ Fèzhə̀ Mkâyn Mə̂ Fèm

⁹ Ə̂ wùə nə̀yn pi sê ghò, kə ò nəyn pə̀ynsè, ə sòylə̀ ghò, kə ò soyle pə̀ynse. Ò kyi ke sə̂ pɨlə tsə̂mə̀ nə Zhə̀fè pɔse kyì ə wùə nə vɨ̂yn kûmə̀ nə ə̀ nyi epɔsê nə zɨ̂nə̀ ə fe tè tsɨ̂nè se fo sê ghò etuʼ vɛ ə fe tè chɔʼ ghô.

1 Pità 3:9 ပူးပေါင်းရင်းမြစ်များ

Matyò 19:29

Ə nâʼàpî ndè vɛ è nyi mə è və zà ndɛse, kɨ̀sə əghɔnyì ə ndômnə̀, è ghe zənə, kɨ̀sə pɨ̀a è nyì, kɨ̀sə ghɔyn, kɨ̀sə mfûʼ kûmə̀ èzə zɨme, tə kɛsə̂ kyiə əghɨ nə ghɨ̂yn è fɨa nə vɨ̂yn shîŋə̀tè wəve ə è fɨyn kyi endam zɛ ə ze tə mîə va.

Matyò 25:34

Ə Fɔ̀yn ke pì sê ghɨ chichighe ə vəyn ekɔyn twɔve nə, ‘Ghàyn pəyn, ə ghàyn ghɨnə ə Pɨ̀a vɨm pɔse nyi! ghàyn nji pəyn ə kyi pɔsə efɔ̀yn ə Fezhə̀ vɛ ə nyi mə ə pɨaʼtê se ghàyn nâʼà kə tè pom mbi.

Matyò 5:39

Pîza, M tsâ sê ghàyn zôyn nə, “Kə wùə tə pə̂ynsè pi è pi. Ə̂ wùə sayn ghô apɔ̀ŋ ekɔyn etwɔke, o pə̀ynsə̀ tyə̂nə̀ kə mɔ̀ʼɔ̂ke ə è sayn mɨ̂sè.”

Matyò 5:44

Pîza, M tsâ sê ghàyn zôyn nə, ghàyn kɔ̂ŋɔ̀ sèpàyn saynse, tsə̂mə̀ sê ghɨ ghɛ ə chɔʼɔ ghol ghaynghe.

Ŋwàʼlè ə̀ Mâk 10:17

Njisə̀s ə nə̀ ndo sè ndùə endom, wùə vîvè ə nyɨŋə pə̂ tɨmə ə̀ndzɨs ə və shi ə pfɨfə sê vəyn nə, “Tyə̀ynsè èchùŋ, m nyiə kàʼa ə m nəyn nâʼà ghè se tə kyîə endam zɛ ə ze tə mîə va ə?”

Tom èchùŋ kè kə Lûk tè nyaʼ 10:25

Tyə̀ynsè alâŋ vîvè ə tyəmə ekwùtwəyn se mɔ̂mə̀ Njisə̀s ə pfɨfə nə, “Tyə̀ynsè, m nyiə kàʼa ə m nəyn nâʼà ghè se tə kyi endam zɛ ə e tə mîə va ə?”

Tom èchùŋ kè kə Lûk tè nyaʼ 18:18

Wùə twɔ ə̀ ghɨ Njûs viu ə se pfɨfə sê vəyn nə, “Tyə̀ynsè èchùŋ, m nyiə kàʼa ə m ghayn nâʼà ghè se nə kyi endam zɛ ə ze tə mîə va ə?”

Ŋwàʼlè ə̀ Pɔ̂l sê ghɨə Lûmghè 12:14

Ghàyn e tsə̂mə̀ nə Zhə̀fè pɔse ghɨ ghɛ ə ghe tsə̀fsə̀ ghàyn, tsə̂mə̀ nə è pɔse, ə̀ vachi nə è liŋ.

Ŋwàʼlè ə̀ Pɔ̂l sê ghɨə Lûmghè 12:17

Ə wùə nə̀yn pi sê ghò, kə ò nəyn pə̂ynsè pi sê vəyn. Pîza ghàyn kyi sə kwaʼtə̀ sə nə̂ chùŋ ə ghɨghe əshi ə̀kɨ̂m.

Ŋwàʼlè ə̀ Pɔ̂l sê ghɨə Lûmghè 8:28

Ghâsènì kendô nə nâʼà pi èghɛ èkè zɛ ə ze kyâynə̀, Zhə̀fè nə̀ zəynze sə chùŋ ə̀ghɨ̀ ghɛ ə kɔ̂ŋə̀ Fəynfe. Ə ghənə ghɛ è nyi mə È və tɔŋɔ nə ə nəyn kə È kyiŋə.

Ŋwàʼlè ə̀ Pɔ̂l sê ghɨə Lûmghè 8:30

Nyiəmə, ghɨ ghɛ Zhə̀fè tè nyi mə fe ə kàynè chitê ndəm, È və tə tɔŋɔ ghənə nə ə nyi ə̀ghɨ ə vəynghe. Ghɛ ə È nyi mə È və tɔŋɔ, È pi nə ə̀ nyi ghɛ ə ghe nyi chichi ə zhi shi. È və fo pomsê ə vəynze sê ghɛ ə ghe nyi chichi ə və shi.

Ngàleshyà 3:14

Klâys tè nə̂ nyî kə pɔsêzè zɛ ə Zhə̀fè tè tsɨ̀ne sê Aplàghâm pɔŋ ndu sê ghɨ ghɛ ə ghe tè va ə ghɨ ə Njûsghè tɔynə̂ ə Klâys Njisə̀s. È tè nəyn nyi kə tɔynə̂ ə ghâsènì ekyî epomə̂zè, ə ghâsènì kyî Zuʼ sɛ ə Zhə̀fè tè tsɨ̀ne.

Ɛfesùs 4:32

Ghàyn e tɔ̂ʼnə̀ fɨnə kosə̂ èsəyn sê ghɨ mɔ̀ʼɔ, lɛ̂sə̀ fo ə̀ghɨ mɔʼɔ kè kə Zhə̀fè tè lɛ̀se fo ghàyn tɔynə̂ ə Klâys.

1 Tèsàlonikà 5:15

Kə ghàyn nə pomə̂ nə wùə ə ghàyn ə fètəyn nə pə̂ynsè pi è pi, pîza ghàyn e zâŋsə̀ mɔ̂msə̀ sə̂ nə̂ ə̀ghɛ ə chûŋə̀ sê ngɨŋ saynse, è kɨsè se ghɨghe əkɨ̂m.

Ipilù 12:17

Piə ghàyn kendô nə ə̀ tè nyi epàm ətəyn, è ve kɛsə kyiŋə èndom se kyi epɔsê ə pɨ̀aze, pɨ̀a ə tə. Nâʼàpî kə è tè kyiŋə pɔsê ətəynze è shîmè əshi, ndom tè va se kwiynê eghɛ zɛ ə è tè nyi mə è və nə̀yn.

Ipilù 6:14

Fe tè pi nə, “M nə̀ ndɨŋə pɔsə̂ ghò ə m nəyn, ə ngwàʼ èsas ə ndɛ zɛ ze tə nə̂ zə tsɨ̂ə kə nyi.”

1 Pità 5:10

Ghàyn nə̀ fe ngəʼ kè sə fendiŋə̀ fə ashìŋə̀fè nyi, epàm ətəyn, ə Zhə̀ fɛ ə fe nə̂ chùŋ se ghâsènì əghɛ ə̀kɨ̂m, mə Fe ə tɔŋə̂ ghâsènì nə ə nyi paʼsê kepî ə vəyn ə fètəyn èghaʼ sə afɨa àmɔ̀ʼ è Klâys. Nâʼà vəyn è ngɨŋə̂ vəyn tə nə̂ kwəynsə̂ nə ghàyn ə kyi àtyaʼ, tyəm tɛ ə ghàyn e samsê, ə è nəyn ə ghàyn ə ndam kyi ekol ətəmze.