1 Pità 3:7 - Ŋwàʼlè ə̀ Fèzhə̀ Mkâyn Mə̂ Fèm

⁷ Ndômnèghè, ghàyn è pɔŋə ndamə è zhwi ghaynghe ke nə ghənə tɛ va kə ghàyn. E za nyi nə, ghàyn kyi sə̂ tɔ̂ʼnə̀ è ghənə kûmə̀ nə Zhə̀fè tə tsɨ̂yntə̀ fo èndam zɛ ə ze tə mîə va kè sê ghàyn ə̀kɨ̂m. Ghàyn e ndamə nyiəmə kə ghàyn ə piə ə tsə̂mə̀ ndò, ghɛze e tâsə̀ va tsə̂m zaynze.

1 Pità 3:7 ပူးပေါင်းရင်းမြစ်များ

Matyò 18:19

M pîə kwəynsə̂ sê ghàyn səmɔʼ nə, ə ghàyn ə pɛ̀ pomə nâʼàpî èghɛ èkè ə pfɨfə etsə̀m, ə pɨ̀a vɨ̂mvè ekwùtwəyn fo sê ghàyn.

1 Kɔlìŋ 7:3

Wùndômə̀ kyi sə̂ fo ngɨŋə̂ vəyn sê zhwìə vəyn kè nâʼà kə̂ lâŋ ə malə kyiŋə, wùzhɔyn e kyi sə̂ nə̂ kəpî za sê ndomə̀ vəyn.

Ɛfesùs 3:6

Ghɛ e kayntə nə zɛ ə tè mɛnə sə shi nyi nə, ghɨ ghɛ ə̀ vachi ə̀ghɨ Njûs ghɛ ə ghe pomə tom èchùŋ tə tsɨ̂yntə̀ zhiə èfɔyn ə Fezhə̀vè yî ghɨə Isìlâyghè ə fɨyn tsɨ̂yntè nyi èpɨas əfètə̂ èwiyn emɔ̀ʼ, fɨyn nyi se tə tsɨ̀yntə kyiə epɔsê zɛ ə Zhə̀fè tsɨ̂nè tɔynə̂ ə Klâys Njisə̀s.

Ɛfesùs 4:30

Kə ghàyn nə nə̂ Zuʼse Ŋwaʼa Fèzhə̀ sɛ ə tè chwìə ghàyn è səynse ə saŋnə̂ va. Ə tè chwìə ghàyn è səynse se tyə̀yn nə tuʼfe tə pə̂, ə Zhə̀fè zhɔyn mɨ̂sè àtu kaynke.

Ɛfesùs 5:33

nâʼàpî ndè ə ghàyn əfètəyn kyi sə̂ pɔŋɔ kɔ̂ŋɔ̀ zhwîə vəyn kè eghɨ kə è kɔ̂ŋɔ̀ ngɨŋ ə vəyn, nâʼàpî ndè e pɔŋɔ ngɨmnə̂ ndom ə̀ vəyn.

Ɛfesùs 6:18

Ghàyn piə nə̂ ə̀ghɛ nə ghɨynə̀, ghàyn e tsə̂mə̀ sê Zhə̀fè kè shîŋə̀ tekɨ̂m, pfɨfə nâʼàpî ghè ke eghɨ kə Zuʼsə vəynse chisə ghàyn. Ghàyn piə tsə̂mə̀ ndò ghàyn e tsə̂mə̀ sê ghɨə Fezhə̀ nâʼà ə̀kɨ̂m. Ghàyn e tɔ̂ʼnə̀, kə wùə tə lɛ̂sè ètsə̂m.

Kòlosè 3:19

Ndomə ghàyn e kɔ̂ŋə̀ ə̀ zhwi ghaynghe, kə ghàyn ə zɔ sê ghənə.

1 Tèsàlonikà 4:4

fɨnə kɔ̂ŋɔ̀ nə nâʼàpî wùndômə̀ èkè ke se ndam yî zhwîə vəyn àchûŋ, endom eŋwaʼve, èndom vɛ ə ghɨə nə kɔʼsə vəyn ətəyn,

Taytùs 3:7

Kûmə̀ àfùʼ Zhə̀fè ə tə nə̀yn nə ghâsènì ə nyi chichi, è kɨsè nə ghâsènì ke səmɔʼ nə ə tə kyîə èndam zɛ ə ze tə mîə va.

Ipilù 1:14

E za tyə̀nə̀ nə, tsìsè nyi kə sezuʼ kə se fɨaʼà sê Zhə̀fè, tsâmtə̀ ə̀ghɨ ghɛ ə Zhə̀fè nyì se sɔzà.

1 Pità 3:1

Zənə ghàyn pɔŋ tsosê sèngɨŋ saynse əchi sə̂ zɨə sê ndom ghaynghe. Ə ghàyn nə̀ nyi, ə ndam techûŋ taynte kaʼa ə te nəyn ə ndom ghayn ghɛ ə ghe tàʼa nyìəmə pomə, kwiyne təm ə ghənə̂, ə pomə sê Zhə̀fè ndɔ̀ʼɔ ghàyn fɨyn pi pî èghɛ sê ghənə,